 2015 |
| Raghjuna Senta cantà i me cari Più forti ch’ è u mari Senta frisciulà u ventu Chi siccarà u pientu Senta cantà bellu ghjornu A boci di mezziornu Veda baddà issu ghjornu D’ugni locu fà u tornu Veda rida, rida ghjenti Eppo sparta cuntintezza Veda rida cumpienti. Fiuriti di billezza Senta cantà a natura Goda bè i so misuri Senta cantà i murmura Cù i tanfosi sicuri Senta cantà u campà Da qui é da mari indà Veda ghjucà u campà E i fruntieri baddà Veda l’idei piü scemi Appacià micca fà tema E u silenziu lli brami Raghjunà i cosi infami Veda baddà i pinsera Fendu nascia altri maneri Pà campà ma senza chera E nimu sighi stranieri Veda campà milli cosi Da sbucciati maestosi Eppo dino tutti issi cosi Innamurati é sposi Senta cantà i me cari Senta frisciulà u ventu Senta cantà belli ghjornu Veda baddà ssu ghjornu Veda rida, rida ghjenti Veda rida cumpiebti Senta cantà a natura Senta cantà i murmura Senta cantà u campà Veda ghjucà u campà Veda l’idei più scemi Raghjunà i cosi infami Veda baddà i pinsera Pà campà ma senza chera Veda campà milli cosi Veda campà milli cosi L’ultimi Vicu intornu à mè u biotu é l’assenza Di l’àndati d’un ternpu chi pari sminticatu, Quandu l’ornu spartia quiss’ardenti cuscenza È l’intimu rispettu in cori cullucatu. Sentu svani a lingua senza nissun’rimorsu Pirdindu à l’oramai i so versi suprani, Di cio chi fü qui tandu u nosciu stintu corsu Avali mi dumandu chù ni sarà durnani. È si no fussimu avà L’ultimi à sapè pinsà, Purtà eppo tramandà Una manera di campà ? Circu à ùn più pudè l’orma di una virtù Aldilà di u vanu é a poca primura, Ma cio ch’eu cunniscia ùn ritrovu quasgi piu Chi s’hè persa a fedi di l’arcana cultura. Pensu u cori strintu avvintu d’illusioni À quissi stundi froddi ch’in u me essa stani Eppo à l’ispinsata fora d’ugni raghjoni D’un trattu mi dumandu chi ni sarà dumani È si no fussimu qui L’ultimi à pudè capi, Trasmetta é custudi Un mondu prontu à spari ? Ma ùn ci possu creda Chi a noscia favedda, È l’anima ribedda Ùn so pronlu à ceda !!! Di sangu è d’oru Sè ghjemma à livanti Di virtù lucenti, Arcana surghjenti. Di statuli giganti Monachi cumbattanti, È povara ghjenti. Sè li soli aranciu Eternu guardianu, Di sapè supranu. Incù u cori danciu È mai scurdanciu Di l’essa umanu. Sè Laltu tempiu sacratu Da prigà, U chjassu sminticatu Da andà, À truvà a fedi Quandu l’uttu cedi, À l’uscurità. Sè suffiu di vita D’ incensiu é meli, Nantu à bianchi veli. Richezza infinita Chi l’omu suvita Da tuccà li celi Sè fonti ascosa Pegnu naturali, È spirituali. Forza maistosa Ch’assensa ugni cosa È spanna u mali. Sè Un chjoccu di tintenna Da chjamà, Quissa voci sulenna Da spirà, Cuscenzi capaci D’avvià a paci, È a libartà. Chi quissu paradisu Aldilà, Da l’omi hè divisu Adavà, Frustu é sottumessu Da u diu prugressu, Chi voli stirpà. « Sè fanga é risu Sè stanga é risa, Di sangu é d’oru » Sè Pèrula d’urienti Da curà, Cima unniputenti Da rispittà, Indù oghji s’imponi Un altra nazioni, À fà ti piigà. Si mori quissu gigliu D’Himalaya, Custretti à l’èsiliu O à luttà, L’omi di issu locu Patini u focu, Di a fàlzità. Ma parchi stemu zitti Senza anscià, Chi pà i so diritti Brusgia culà, Issu sacru tisoru Di sangu é d’oru, Pà l’èternità. Nimu Ma qual’sarè à vulè cunandà À di indè mè cio ch’aghju à pinsà, A manera d’essa a lingua da parlà Senza sapè voli cundannà. Dimmi parchi circhi à ranficà I loca di u me duvintà, Stirpendu a tarra da pudè prufittà È turnbà qui ugni unestità. Basta avà ùn po più durà U pugnu in celi duvemu alzà, Da dichjarà ch’ùn emu à trimà. Nimu ci po spaisà Ch’ùn semu pronti à rinuncià Nimu si po dichjarà Maestru di u nosciu campà Ma qual’sarè sempri à rinnigà Ugni parè di a me sucità, lmpona i leghji da tessa a falzità È fà valè qui l’indignità. Dimmi parchi t’impegni à ghjudicà Senza capi a me diversità, Mi marchji in coddu da fa mi sprafundà È fà spari a me identità. Basta avà ùn po più durà U pugnu in celi duvemu alzà, Da dichjarà ch’ùn emu à trimà. Nimu ci po spaisà Ch’ùn semu pronti à rinuncià Nimu si po dichjarà Maestru di u nosciu campà Nimu ci po fa piigà Chi semu avvezzi à sempri Luttà, Nimu si po apruprià A patria di a libartà ! Ch’emu fattu Dimmi duva so i speri Tessi tandu di libartà, Pà una tarra da salvà. Tanti discursa sinceri Da parà qui a falsità, È rinviviscia l’unità. lnduva so quiddi sonnia Di spartera é benistà, Isso’mini pronti à avvià I soia senza vargugna. Dimmi duva so i brami Di una lingua sbandita, Ma tandu qui custudita. I risposti é i chjami Da mantena la in vita, È fà chi fussi capita. Induva so quiddi versi Lacati di l’antinati, In menti arradicati Da ùn essa mai persi. Di ciô chi fù qui lempi fà D’ugni parola é attu, Di issi richezzi ancu à sbuccià Mi dumandu ch’emu fattu ? Dimmi duva so l’accolti Trà l’avvena é l’anzianu, Andendu pà a mani. Tutti insembu rivolti Di pettu à l’odiu vanu, È u puteri furdanu. Induva so quiddi unioni Suttu una stessa bandera, À pisà incù manera U fiatu di a nazioni. Dimmi duva so i spemi D’attizzà u focu spintu, D’un populu sempri tintu. Quissi mossi lebbii o stremi Ma sempri à cori cunvintu À pro di l’anticu stintu. Induva hè quiddu sforzu Incù passioni é virtù, Da fà chi qui a ghjuvintù Pudissi crescia é campà corsu Di cio chi fù qui tempi fà D’ugni parola é attu, Di issi richezzi ancu à sbuccià Mi dumandu ch’emu fattu ? È chi ci ferma à fà? Chi ferma à fà da ritruvà Un isula chi fù surghjenti, Di paci trà la so ghjenti Cull’ura é umanità ? Era mea Era a me tarra Quissi vaddi é issi piani, Indù l’animali vani À pascia in libartà. Era a me tarra È cusi sempri hè stata, Nimu mai l’hà cuntistata Ma tuttu hè cambiatu avà. Oghji indè mè so strangeru Spuddatu senza parmessu, Da vo chi par intaressu Brameti qui un imperu, Ma cumbattaraghju fieru. Pà cio chi mi fù cuncessu. Era a me tarra Pascura senza uguali, Ma culpita da li mali Di chi si voli apruprià. Era a me tarra Ci aghju ugni ricordu Ma pà u soldu ingordu, Di qui mi volini stirpà. Oghji mi vuleti fora Cum’ê tanti ammansatu, Pronti à scurdà li passatu Da fà a voscia dimora, Ma ùn lasciaraghju mora I loca indü so natu. Pà tè Pà tè tisoru abbandunatu Stà notti ùn voddu perda rima So tantu tantu rivultatu So prontu à sbiutà a me pinna In trenu, mezu a i to tsinni Tanta tristezza chi lu sprimi Mi colpa a fammi perda sinnu Hè peghju ch’è una ghjastima Tisoru caru più ch’è l’arghjentu Ch’è l’oru d’ugni cuntinenti Sè tù l’oru chi dà à menti A virità chi s’addurmenta Vurria implurà sacramentu Pà ritruvà i to parenti E veda u to visu nucenti Più chjaru ch’è l’acqua currenti Ma tù tisoru, tù chi spemi Chi sà di no, no chi pinsemu ? Di rifà altru mondu insembu No chi pà nienti ci lagnemu Si no, smuniti ni suffrimu A tè, ùn ti ferma più nimu Comu risenta la to pena Pà nô, vita, hè guasgi serena Cuntrati di mondu nuvellu Seti di splendori mudellu Fussi cussi pà i ziteddi Chi campani tantu strappreddu Tisoru di mondu strappatu Natu incu spiranzi liati Avarè tù, forza beata Pà nubuli l’almi incabbiati Tisoru caru più ch’è l’arghjentu Chè l’oru d’ugni cuntinenti Sè tù l’oru chi dà à menti A virità chi s’addurmenta Ùn vidaremu più Ùn gudaremu più Issi costi assuliati Da i casi, da i mura Sarani intrappulati Ùn gudaremu più lssi belli spiaghji amati Cù i sarrendi scuri Sarani appustati Vidaremu da luntanu Issi cari loca sfatti Pà un ricordu vanu Tinaremu un ritrattu Dissi chi eramu fieri D’aveli ancu prutetti Pà duvintà stranieri 0 ghjenti di strufetti Ùn vidaremu più Issi costi assuliati Ormenu ùn dimu più No semu disgraziati Chi mali veni d’altro Sin’à fani pinsata Chi mali veni d’altro È d’ essa assicurati Pocu à pocu i furesti Di piaghja é di muntagna Duva faciamu festi Sintaremu i lagna Tù credi d’avè vintu U soldu pà cucagna Di u nosciu locu spintu Vindarè i so lagna Vidareti un ghjornu Cio chi no ni saremu Pruveti di fà tornu Nanzi d’essa più scemi U soldu un hà parola Ancu menu cuscenza Peghju ch’è l’acqua scola È l’omu perdi sensu Ùn vidaremu più Issi costi assuliati Ormenu ùn dimu più No semu disgraziati Chi mali veni d’altro Sin’ à fani pinsata Chi mali veni d’altro È d’ essa assicurati Ci vularà tullarenza Pà tutti ed hè capita Ma quandi a trasparenza Hè acqua inturbidita Tandu a tularenza Pè ghjuvà da puttana No saremu d’assenza Pà porghjali a mani C’hè tantu amori Và, pà i cità, chi mi parini diserti Dino pà i loca, chi u sguardu trova incerti Vocu pà ‘ssi stradi, tali sintimu inertu Ma comu sarà ‘ssi cosi chi parini ferti E ch’è dicini tantu, tali cuscenza certa Ripiddu: C’hè tantu amori a cunsulà Tantu ch’è fiora à suminà C’hè tanta vita à fà campà Pà notti é ghjornu sunnià C’hè tantu amori à dichjarà Pà dino crescia é suminà C’hè tantu amori à cunsulà Chi ci farà più ch’è campà Campà tutti felicità Campà, campà, felicità Vocu pà i loca, duva l’omu hà persu vita E di pà ssi loca, pà cuscenza chi smintica Persu duva focu, laca sintimi rimiti Ma creda chi po sbuccià, da pinsati traditi A vodda di u campà, chi dessi pà a vita Vocu pà i stradi com’hè l’anghjuli in i stelli Scuntrà indè l’umanu, l’amori chi succella Curgu pà ‘ssi Ioca à circà veru ghjuveddu Infattà i maestri, à mezu à i ziteddi Cantendu l’alegria, tali di bramu l’acceddi. U lamentu di u cabulatu 0 ghjenti di u pasciali A vi dicu prest’avali Cio chi pensa u me mintali Eu so sempri Don-Natali Quinci versu lu Maroni Loc’à zinzala e scurpiona I pesci tamanti parini mostri Indù seti loca nosci ? Mi so lacatu à mamma Mi so lacatu à babbu Ie culà, beddu culà Ùn mi ni possu scurdà 0 li me cari fiddoli T’avareti sempri dolu Fogliu purtatu da u ventu Di tanti cosi mi pentu In sti loca di sciagura Qual’he ch’hà di me primura Tracciati era u me distinu Saldatu a quiddu cuscinu Mi so lacatu à mamma Mi so lacatu à babbu Ie culà, beddu culà Ùn mi ni possu scurdà Apprizzatu hè u me arti Di travaddu n’aghju parti I furesti amazuniani Teng’à menti l’usi anziani Sè ùn so inghjuriatu Hè vera tengu capu altu Circu veru rimpiazzatu Di cio ch’è aghju lacatu … Mi so lacatu à mamma Mi so lacatu à babbu Ie culà, beddu culà Ùn mi ni possu scurdà Frebbi ghjunghjan’à u sumbrettu Morti chi ferm’in suspettu l’ultiinu mumentu aspettu Calvariu tatuatu in pettu … In u campu di San Larenzu Sola una rumba darà sensu A me vita strappazzata Senza cruci, in tarra zappata … Mi so lacatu à mamma Mi so lacatu à babbu Ie culà, beddu culà Ùn mi ni possu scurdà I nuttati A to mancanza ha trovu aggrottu È puri un si voli spiccà Tali un focu và à u trottu Brusgiendu l’aria di u campà In i to ghjorna sminticati Vurria pudemi aguattà Passaci i mesa é l’annati Pà ugni cosa ramintà Ripiddu: Hà ranficatu i me nuttati E sbalurditu u sunnià Ni so sbucculati i me ghjurnati Ma comu pudeli carnbià Quandi u sintimentu strighji Si voli pocu addurmintà E tali un focu chi si spighji È chi fasciatu po brusgià Brusgia a vita più ch’è l’ingernu A pena và ùn cumpatisci Ùn hè micca anima materna È troppu tardi si capisci Tempu accanta ugni passaghju U toiu é u meu, s’ani da truvà A tocca tornu rumpi viaghju Aspetta un numaru, à stampà E tali ghjorna é nuttati A passa é veni hè u campà Da tempu bughju, à suliata E pudemu ch’è ramintà Tandu Tandu di quissi tempi In a noscia casa i festa Ugni cosa cantaia attempu Si calmaia ugni timpesta Tandu lucia u soli Ancu si u tempu umbrosu Vinia à truvacci à tola Pà duvintà luminosu Tandu à i primi ori Chi a ghjurnata punia No trè faciamu cori Era alta l’armunia Tandu à epica chjara Era u to anniversariu Pà no nienti era più caru Chi a to dolcezza rara Ma senza tè, caru fiddolu Pà no sè persu, persu u soli Senza tè, fiddolu solu Mai po compia, compia u dolu Di dui isuli sureddi Eri fruttu di l’amori Da ‘ssa notti senza steddi Nasci u peghju dulori Quali so l’animi mischini Chi ani siccatto u to fiatu Fattu nascia una ruina In a to vita beata Oghji in quissu mumentu U nosciu cori hè in cruci Ci rodi gattivu turmentu E ci ferma poca luci Sarà viva a to prisenza Tali una anima divina Farà di tamanta assenza Un curaghju chi camina Ma senza tè, caru fiddolu Pà no sè persu, persu u soli Senza tè, fiddolu solu Mai po compia, compia u dolu Cuscenza So tutti ghjunti stà mani in u paesu So falati da u niolu é u sartinesu Oghji, a strada hè troppa stretta Pà vena in issu ghjornu di dolu. Si so aduniti davanti a ghjesgia À l’aggrottu, i donni affannati Aspittani u sirmoni d’un preti, Pà purtati fin’à u campu santu, So sempri pronti cù monda falsità. A to cascia ùn hè fatta d’oru Ma di vera sincerità. Parchi si stringhji u me cori, Quandu eu vicu issi vituparati Cù i so ochja lacrimosi di sangu. Allora, pensa e da u to stintu nasciarà, un antru avvena. Allora prega o credi, vultarani, i suspira di vita. Stà mani, mi socu svighjatu Cù un sintimentu stranu in fundu à mè Aghju fattu un gattivu sonniu, lnduva cera u rnondu sanu. Erani qui, pà u to intarramentu, Pà sminticà i so propii turmenta. Cridendu d’essa pardunati Ùn n’hè ch’un sonniu chi mi pari essa a realità! ln ssu mondu, scemu é vargugnosu Avà bisognu hè di rifletta Incù ciô chi ci addunisci. Ani persu in l’abissu di l’infernu U veru sensu di l’esistenza, U veru nomu di a spiranza. Allora, pensa é da u to stintu nasciarà, un antru avvena. Allora prega o credi, vultarani, i suspira di vita. Allora prega o credi, cussi rinasciarà, a cuscenza, A cuscenza umana !!! For’di strada U passu à strascinonu Cù dui valisgi in manu, Ti vicu marchjà in vanu, À filu di u stradonu, in circa di un pardonu O d’un passatu luntanu. L ochja in tarra é mutu T’avvii sempri discretu, Senza fighjulà daretu Ne mancu pricà aiutu, Chi d’un andà risulutu Cunduci più d’un sicretu. À l’ orlu di i vitturi In u silenziu pisivu, D’ugni attinzioni privu Piatti i to mucaturi, Fendu di issi migraturi Una raghjo d’ essa vivu. È quandu solu ti vicu Ammantatu d’addisperu Mi cummovi u pinseru Di u to grevu casticu, E riflittendu mi dicu Ma chi hè u to misteru ? Qual’sarà statu u distinu Chi ti purto oghji à fà, Un cussi longu camminu For’di strada a strazià, Tù l’irenti pilligrinu Senza un nomu da chjamà ? Cantà un innu Emu vistu i fruntieri Vulinteri cascà È appressu l’impera Pocu à pocu sbulà Emu vistu albi chjari Più beddi duvintà Crettu chi scelta para Fussi fraternità Emu vistu i manmmi Affucassi di pena È dittatori infami In posta pà l’avvena Quandi u fiatu immondu Trinca é voli cummandà Nô pà fà bellu mondu Nô vulemu cantà Ripiddu: Cantà ! cantà un innu Solu pà vadagnà A saviezza é u sinnu Mai pà supranà Cantà ! cantà un innu Senza guerra à vistà Cù a boci sublima Di l’universalità Cù a boci sublima Chi festa l’umanità Di fronti à i viulenzi Sicura, si pà fà Un mondu di sapienza E d’amori à campà Pà campà bella stodia È puri ricusà U fiaccu di a mimoria Chi circa utorità Quandu ideali pari Parola di pazzia Chi asurdu rispara L’idea d’arasia Ringrazià pà l’amori A grana utopia Darà incù fervori Pà tutti armunia Darà cù i culori Un locu chi vurria Ripiddu: Cantà ! cantà un innu … |