Chjerchju di vita |
Dischettu 1 E mio mani eppo tù Mese di maghju Babbilonia A vitalba E mio ragiò d’esse Vita nova I fiumi di spiranza Ti tengu cara U babbu orfagnu Accettà Chjerchju di vita Sò e mio mani eppo tù À nant’à a to pelle correnu e mio mani Senza teme i lacci d’amari lindumani Chi d’albe assuliate ne sò tante viciglie E canzone ch’e scrivu arrembu à e to iglie E canzone ch’e scrivu arrembu à e to iglie Simu liati tale un fiume è e so sponde Imbulighjati cum’è sò e sciume è l’onde E visitemu inseme celi nancu palesi Per coglieci e note di i canti appesi Per coglieci e note di i canti appesi Sò e mio mani eppo tù ln una dolce schiavitù À avvià à ogni insù Sò e mio mani eppo tù Cunnoscu e to brame è tù sai e meie Chi l’avemu in cumunu tante è tante e leie Di quelle ch’ùn ne ponu strappà i tradimenti Di quelli fochi accesi per ùn esse mai spenti Di quelli fochi accesi per ùn esse mai spenti Sò e mio mani eppo tù In una dolce schiavitù À avvià à ogni insù Sò e mio mani eppo tù Aiò o Sa Ci hà ingannatu a statina Imprigiunatu di silenziu Per purtacci à l’ora assassina D’un impussibule licenziu Chi puru ci tocca a fà Addiu o Sà… Ci hà addunitu in giru à tè Cù e so carezze furdane Fendu nice d’un sapè U dulurosu lindumane Chi puru ci tocca à campà Addiu o Sà… Vinaranu d’altre stagione A spiralla, oghje, ci vole Cù e so sincere canzone E e so fureste di sole Ch’inseme andaremu à cantà Addiu o Sà… Dischettu 2 Machja Corsa L’isula sola A manghjera Duve sò Di mele è di sale Mi ne vocu |