 Scrittori di a storia |
| A VIOLETTA O la violetta,là fà,ella fà Là fà sul campu che la rimirava La so cara Cecilia ch’ella risembrava Cosa rimiri,il mio caru Peppi Io ti rimiru perchè tù sei bella Bella sè voi venire incù mè à la guerra No,no in guerra cun tè nun vogliu andare Nun vogliu andare cun tè a la guerra Perchè si manghja male,si dorme in terra No,no in terra,in terra nun dormerai Tu dormerai sul lettu di fiori Cù u to caru Peppi chi t’innamori O trumbitteri sunate,sunate Sunate forte,la bella marchjata Chi c’he la violetta chi parte à l’armata MAROSULI DI FOCU Issu vecchju arrimbatu à lu so muraglione I so occhji turchini, bagnati di tristezza U core strintu in pettu, à mez’à ‘ss’amarezza D’addisperu ne stringhje u s’anticu bastone. In corsu d’estatina, ghjunse un mare di fume Cùn isse fiare di sangue, marosuli di focu Stu trombu di spaventu, assalta ogni locu Anneghendu in un lampu, una terra di lume Isse pianure d’alive, issi valli di castagni Piantati quand’ùn si sà, da li mio antenati Un si l’anu francata, u focu l’hà stirpati A mio terra si more, n’hè sentu i so lagni A mio terra si more, n’hè sentu i so lagni Mai più ùn vederaghju à l’autunu chi nasce A ronda di e fronde chi ballanu per paghju I prufumi di machja, ch’imbalsamanu maghju Sò tante dolce stonde, chi sparghjenu a pace Si sguassanu i chjassi, chi bagnanu memoria Un n’aghju più nisunu per intratene stu locu E ascoltà sta chjama, ci vole cusi pocu In la to manu stringhji, u filu di a storia I mio lochi sò morti, ùn ferma che carbone Quandu starete à sente, oghje sta riturnella Chi purterà dumande, cun ‘ssa voce ribella A l’intimu di l’esse, stu fiore di ragione ? A l’intimu di l’esse, stu fiore di ragione ? A l’intimu di l’esse, stu fiore di ragione ? REVOLUZIONE A tè, l’irradicata parolla Nata à ‘ssu ventu chi scuzzula Si granata in ogni mente Senza chi nisun’ùn ti senti Cun tè, hè l’abbracciu fiuritu D’un avvene più culuritu Chi si sparghje à u luntanu Cum’è prufume di veranu Cum’è prufume di veranu Revoluzione chjama voce ribelle Revoluzione e nove voce surelle Revoluzione chjama voce ribelle Di tè quellu sguardu turchinu Bagnatu di soffiu marinu Chi sunieghja à l’avvene D’una vita senza catene Per tè, annacquata hè a chjama Da li pienti d’una mamma Per ‘ssu babbu chi ghjè cascatu Per stu figlioli incarceratu Per stu figlioli incarceratu Revoluzione chjama voce ribelle Revoluzione e nove voce surelle Revoluzione chjama voce ribelle Di tè rinascerà a talla D’una cuscenza chi si salla Per ch’ella smarischi a guerra A i cunfini di a terra Cun tè quella culomba bianca Chi camina à lu to fiancu Porta un ramu di pace Per’ss’umanità chi si face Per’ss’umanità chi si face Revoluzione chjama voce ribelle Revoluzione e nove voce surelle Revoluzione chjama voce ribelle In noi sempre correrà Un fiume scemu chi sciapperà E sponde operate Di bugie impetrate In noi sempre correrà Un fiume scemu chi lamperà L’idee fatte di puvertà Per fà risorge a verità Per fà risore in fine a verità Revoluzione chjama voce ribelle Revoluzione e nove voce surelle Revoluzione chjama voce ribelle Revoluzione chjama voce ribelle Revoluzione e nove voce surelle Revoluzione chjama voce ribelle SCRITTORI DI A STORIA I so versi sò zitelli Chi correnu, acelli in li chjassi. In un sognu armunia Magineghjanu a magia, di so passi. E so voce sò staffile Chi chjoccanu allegrie, in li venti. A la notte bughjicosa Facenu trimà l’ascosa, à lumi spenti. In a salla chi si tace Corre un soffiu di pace, e canzone. A noi tutti sò offerte Dà quelli chi volenu sparte l’emuzione. Elli sò tanti guerrieri Di a lingua è sò fieri di e rime. Quand’ella sciappitteghja O ch’ella spampiluleghja, à l’infine. A l’omu chi s’ammulisce A u populu chi si dice senza avvene. Ricordanu a sperenza D’una terra fratellanza, à vene. Cantanu a nazione In core imaginazione, mai in vanu. Sò scrittori di a storia Ma senza sete di gloria, di l’umanu. A puesia ùn hà sensu Chi gira cum’è u ventu, sempr’in tondu. In una sola canzona Sò e mille rivuluzione, di u mondu. U SVEGLIU Quandu la neve s’affacherà Nant’à le pieve di lu to benistà E chi miserie è puertà Sin’avà stragnere ti chjamerà Fors’allora saperai Ciò ch’elli sò li guai Fors’allora saperai Ciò ch’elli sò li guai Guarda un paisanu vive è strazzià Per stantà lu so pane Per pudè campà Solchi di sudori fatti tuttu l’annu Trà gioie è pò dulore Per un pugnu di granu Fors’allora saperai Ciò ch’elli sò li guai Fors’allora saperai Ciò ch’elli sò li guai Paesi spenti secondu à e staggione Sò più chè lamenti si more lu fucone Quandu a to mente si sveglierà Cumunamente puderemu cantà Sò ciò ch’elli sò li guai Apru lu mio core oramai Sò ciò ch’elli sò li guai Apru lu mio core oramai Apru lu mio core oramai Apru lu mio core oramai Apru lu mio core oramai |