 Radiche suprane |
| Soli O lu focu corri è chi trema Frondi di seta purpura è trpida Bracci tesi neri è longhi Com’è diti carbunari Soli, soli chi s’affaca culà insù Trà rossu è neru Lumu bramatu In a notti sanguinosa Branchi schiariti da drentu Forza di a prighera muta Chi faci sbuccià a vita E ci laca Stanchi è fiacchi… Soli nuttambulu… Miraculu! I fanali Negri negri acculmati Si ne stanu i scappali Zirla una brama altiera Chi n’avvinghje i signali Quassù so in le Grutelle Arciverdi li fanali L’ombra d’oru Ancu l’ombra hè rossa È spampilluleghja d’oru, Lebbia Surisu chi badda Stelli di suchju. mani zitiddini Arca sicreta di i tempi andati Quandu omu sapiu veda è traveda E chi nimu ùn si stunia Di scopra un celi di mezzanotti Turcchinu è tondu 0 un melu di focu Baddendu è ghjirendu Pà da soffiu È vita Pà fà frutti Dolci è inzuccarati U celu E lu celu si ferma Per tutte le scuscenze Da. sopr’à l’armunie chi ne capiscu poche Per tutt’avvene chi ùn puderaghju gode Sottu celu Ferma lu celu à mirà A la neve accaldata da lu soffiu di tè U luciore addumbratu Pè tutte e matte suffrenze ghjittate nette A lu celu Ferma pocu à incelà L ‘ombra è la neve cume zeppu sciroppu Amaru è tepidu Sudatu so, L’onde di e mascare sciappate date per pocu A lu celu Ferma lu celu à dà A l’amante affulatu per l’amore burlatu Autanasiatu Tantu lu tempu di passione infalsita, drugata Pè lu celu U clonu Brama di duppiicà E nasce l’altr’eiu Quellu di e mo carne Tessu da stessa tela Pasta di stessu impastu E li crescenu l’ale Custi è culà Sicond’altru serà Di i listessi tratti Mo più fidu ritrattu Clonu, u sicondu l’omu Si manghjerà l’altru Un gustu prununciatu Cumu impalaticatu Pè u primu ch’hè natu Educazione sensuriale lngurdizia fatale Perde si di piacè ln e stonde tutale Di l’umanu valè ln primura di sensu Li ne vene un altru Quellu più delicatu Di a tutta cappienza Strana è bella sapienza Quella di e carne umane Caru rituale Di belle forme tonde Dolce in generale Paspà à l’immurtale Crosciu è trimulosu ln tana murale L’umana cundizione Infine l’hè fatale Hà vintu l’animale O sangue Si tù sborru acquagnolu D’onde sparnucciate. Pregne. Cibu celeste à fior di rambella. Manna. Surpu è riflussu Acceppi a vita. O suchju si tù! Si tù o sangue! Sè tu Sè tu A siconda U spechju U doppiu neru chi si piatta Qiddu di sottu tarra Corpu à spiritu E tu Arburu vivu Arburu mamma In li to radichi a ti pidda Pa tè Criatiura Sola in mondu di i vivi Corpu à sali Pa tè A forza di u castagnu U lumu di l’alivi, A divizia di l’arbitru U meli di a fica L’ arburu ti dà A so biddezza A so putenza Sè tu siconda, investa, nettula, Chi volta com’è un soli… U carognu So e narbature vive, a stillata purpurita Ci pare ch’ellu curessi u sangue caldu di vita Ai u fiatu di talentu, si u rigeneramentu Si intricciata cosmica trapaneghji a cridanza Da l’assuluta entità to diviziosa essenza Si lumera perpetua tridimensiunale lea E to radiche scavanu da a terra u prufondu U to burdinale cura a facciata di u mondu Sfrisgi cù tanta brama i celi da a to rama Di l’alba Di l’alba Senttu punghje l’aresu Hè u lume nucente appesu A le cime u ghjornu tesu Di l’alba Sentu ghjunghje l’amori Ch’anu campatu altri Adori à le rime appuppati, mori Digià Vecu more sti tempii E i più deliziosi frattempi Hè l’ora di i mio ochji empii Di l’alba Fin.itu lu parcorsu Trabiotu di rimori Cume scialbu à i cori Hè tesoru scorsu U tracciapiste Prima di voi tracciu e piste Tastu a sorte, vi dicu, a so, L ‘amore esiste forse infine ma l’amore hè odiu Odiu d’esse cummossu, po di a dipindenza di l’assente L ‘ossu di a vita a murtale essenza, D’esse in mossa cù lu tempu intulerente Eiu lu f acciu lu caminu Prima di voi lucacci d’annoiu induvinu E peghju e viste Scopru e goffità miste di dopu di noi E ne facciu liste Prima di voi tracciu e piste Tastu a morte bivende avvilinate di a sorte E tante lacrime chi so lacrime nostre U stranu populu di l’umanu Di i boffi dimonii lu zanu Mi vende in sciroppu infame l sunniacci à chjave in manu Prima di voi sguassu e piste Cusi bellu lu ghjocu di u maestru Di u quandu Diu esiste U tracciapiste E vi si pare micca chi femu lu caminu Chi vi ci porta lestru à u rangu caninu O chi bellu caminu A mani in borsa Ti tastu, dea schjavitù Ti tastu è a cunnoscu a forza Narodna Instrumentale U fiore sunnio E u fiore sunnio Alitu sommu Da muschi è muschi Allicculatu Palpitu è partu Tù o frassu Tù l arrampicatu Eccuti in trasandaria A corri corri pè stu mondu A trapanalla a soda curteccia À arruchjalla l’ardente marolla Boccarisa estatica Ne schizzi o lumbricu avvampatu Sta mane Sta mane un diu hè falatu À fà e so parte à u mondu terranu, S’hè scusatu è hà pientu, Hà fattu casu pè una volta à a ghjente L’hà guardata è intesa, Trascambiata, sfarente. Un diu hà postu u so pede Pè vede, sangue di l’universu si perde Un diu di stu cunfrontu à u statu di l’omu, Hà capitu digià di u mortu di u mondu U scheletru hè rosu cundannatu à sciappà A u nentru, nentru di sè, à prufondu. Da u pesu di tantu tempu persu, Inanzu, à dà solu parolle Un diu s’hè rinicatu cum’hè un omu inchjusu Ind’è l’universu chì more Stamane un diu s’hè tombu È nimu, nimu, n’hè stunatu Stamane un diu s’hè tombu È nimu, nimu, n’hè stunatu Stamane un diu s’hè tombu È nimu, nimu, n’hè stunatu |