 A mio lettera |
| A mio lettera Dopu tant’anni ti vogliu scrive Da cuntà ti lu mio viaghju Dà ti nutizie da l’altre rive È l’ora quandu vulteraghju Hè statu longu u caminu Ma sempre listessa pena Pare stampatu u destinu Mi n’arricordu di a to lena A mio lettera hè d’inchjostru Dui filari d’amore nostru Pè dì ti ch’o ti tengu caru À chjar’ di luna à celu chjaru Ti vogliu scrive dopu tant’anni Da cunfessà mi una volta Sò crosci intinti li mio panni Po a vita a m’anu tolta Ùn sò più s’ella gira l’ora S’ellu hè l’invernu o lu veranu Ma face sempre u fretu fora In fon’di core dà mi una manu Chì ai in capu Chì ai in capu Chì trapana U tempu vita è u tempu morte A via liscia chì misura E strade fatte di a sorte ? Chì ai in capu Chì s’imbroglia Da u ricordu à u stalvatu Da ogni stonda di silenziu A quellu to fiatu strappatu ? Ch’ella tenga a nostra storia a prumessa impenserita a scumessa à fior di lita sin’à e sponde di memoria Chì ai in capu Chì rivene Sempre à i punti principiati Duv’ellu corre indernu l’acu Appressu à l’ore di u passatu ? Chì ai in capu Chì si spinghje Di l’eccu vechju alistraziatu È di quell’acqua chì ne finghje À e funtane di l’estate ? Ogni penseru chì t’affana È ti tene in alta cundanna Ogni sintimu chì t’affana È ti tene in alta cundanna Ad aspettà Un crepacore lampatu cusì Versu mè, senza nunda à dì Chì mi brusgia l’estru sanu Cù lumi spenti è sperà vanu Ad aspettà … Chì a to chjama venga à mè Da assicurà Chì l’avvene serà cun tè Ad aspettà u to vultà S’ellu venerà … Sò sicuru chì lu benestà Hè cun tè o mio campà L’ore meie ùn sò ch’e lotte Da truvà lu chjaru in isse notte Ad aspettà … Chì a to chjama venga à mè Da assicurà Chì l’avvene serà cun tè Ad aspettà u to vultà S’ellu venerà … Ci hè quì vicinu Ci hè quì vicinu un chjassu foscu Un chjosu frescu, una culletta Una surgente benedetta Chì canta à l’arice di u boscu Ci hè quì vicinu un paisolu Cù e so loghje è le so strette E cacciafora è scalunette Sott’à un celu muntagnolu Ci hè quì vicinu A chì u sente Un mondu sanu Un cuntinente Un ortu umanu E u giardinu Di a so ghjente Ci hè quì vicinu a cità bella Cù le so case accatastate Sopra le so centu tighjate E so piazzette, a citadella Ci hè quì vicinu una zitella Capellibionda, ochjiturchina Cù lu so visu di statina È u prufumu di a so pelle Ci tocca à fà Da lu bughju à lu chjarore Un c’hè ch’ùn passu à francà Ma da la guerra à l’amore Ci ferma tante cose à fà In quelli campi di mine Ci tocca oghje à suminà Tante granelle di rime Per fà sbuccià l’umanità Cu mille voce addunite Ci tocca oghje à cantà Quelle sperenze infinite Chì c’invitanu à sunnià Per sminticà le vindette Tutti l’odii è a crudeltà Pè fà tace tonni è saètte Ci tucherà à azzigà Cu canti d’etern’unione Pruveremu à fà ribumbà Più chè u bottu di u canone A chjama di a fraternità Vogliu mandà stu messagiu À tè chì lu sai purtà Per schjarisce tal’ùn ragiu I peasi à lucignulà Ma sempre cu la sperenza Chì tuttu, ùn ghjornu cambierà Per dà torna a la cuscenza I novi sogni à inventà Dì mi la torna A mi cuntanu e to labre Di notte pagna à lume spenti Cumu’una vela torna è s’apre Pè navigà cù li mio venti In manu toia eiu ci vecu Hè d’amore ch’eo u leghju In una lacrima m’annecu U sentu batte à trimuleghju Dì mi la torna a vogliu sente Oghje hè sulia in la mio mente U to silenziu hà fattu danni Hè a mio pena chì a dice L’avia scritta chì sò anni Sta sera ùn possu più fà nice Fà mi sapè s’ella s’hè impressa S’o l’emu posta in lu mio locu A storia nostra ne cunfessa Dà una voce à lu mio focu Dì mi la torna a vogliu sente Oghje hè sulia in la mio mente È perdunà Sò cum’è sperenze d’amore À infiarà mi tante vene Vechji ricordi di dulore À stringhje torna e catene È po in core u rimore Dice u male di e mio pene Truvà a fede u curagiu Circà è crede à un appaciu È perdunà Truvà a fede u curagiu Circà è vede l’altru ragiu È perdunà Sò cum’è sperenze d’avvene À dichjarà la in un ame Senza lentà ciò chì ci tene Ma move quant’è u levame È a mio mente si n’invene Di l’addisperi è di e brame Truvà a fede u curagiu Circà è crede à un appaciu È perdunà Truvà a fede u curagiu Circà è vede l’altru ragiu È perdunà La mio vela A diceraghju da duve vengu Ciò ch’ella hè stata la mio via L’amore toie ch’eo mi tengu In lu mio core a sulia Di a mio storia mi n’invengu A vogliu bella una cria Hè una sciolta la mio vela Cun tè mi ne vogliu andà Hè una sciolta la mio vela Ci n’hè onde à navigà… A diceraghju induve tengu I passi per lu to circondu Qualchi fulena ch’eo ci spengu Per cunsulà lu u mio mondu Per appacià lu ci sumengu Ricordi quantu ne nascondu Hè una sciolta la mio vela Cun tè mi ne vogliu andà Hè una sciolta la mio vela Ci n’hè onde à navigà… Manc’un addiu Un aghju manc’appena durmitu Sentu qualcosa d’indefinitu Eppo issa chjama m’hà feritu L’oimè in casa s’hè fattu nidu Lu mio core hè marturitu Chì di lenzolu sì ingutuppatu In una stonda sì partutu O tù figliolu, u mio solu meritu È ti ne sì andatu… È ti ne sì andatu… Mancu un addiu, ghjustu pienti è caternu Ch’aghju lasciatu partendu à l’eternu È tù o Bà, amore à sempiternu Mi mandi basgi da distrughje l’infernu Pettu di Babbu, senu di Mamma Cari di voi, erate la mio fiamma La mio anima è la mio brama Si cunsumanu ind’una lacrima Ma mi ne sò andatu… Ma mi ne sò andatu… Cum’e isse stele fiurite A long’à isse strade indulite Piengu accantu à isse sculpite Ricordi di giovane vite Ma dimmi perchè tù ? È l’altri dinù ? È ti ne sì andatu … Si dice Si dice chì lu mondu và, À u rimore addurmentatu Mà senza vede lu strazià, Da li guai castigatu Si dice di campà l’ideale Prufumatu da lu parè, Ma u core solu ùn vale, Chì volenu pensà per mè. À mè quessa ùn mi cunvene Hè una strada ch’ùn mi và Chì vogliu inventà l’avvene Apertu cù l’identità Si dice chì ci vole à crede In quellu libbru, in quella croce, Ma trà scimità è fede, Si cunfondenu e voce. Si dice di la nostra Terra Ch’ùn sà più sparte lu so pane Ch’ella ùn hè più ciò ch’ella era Ma senza ella ùn ci hè dumane Sò di a terra ch’è tù sai U ti vogliu cantà ancu eiu U versu di a mio canzona Dì ti torna ciò ch’hè meu Quandu ind’è mè u celu tona Quandu s’appacia ogni feu Hè omu quellu chì perdona Sò di a terra ch’è tù sai Quella ch’ùn si tace mai Sò di a terra ch’è tù sai Quella ch’hè meia oramai U ti vogliu cuntà di core Ciò chì mi corre in la vena È quella fede ch’ùn si more Quandu u core batte pena Quand’elle ci fremenu l’ore Si sparte focu è po cena Ti torna à dì Pè cunsula l’amore morte Vengu à pichjà à le to porte Pè dì ciò ch’o vogliu sparte A strada chì ci vole pè parte È po u prussimu veranu Ch’eo t’arregu da luntanu A mio voce ti torna à dì U nostru mondu hè pè guarì A mio voce ti torna à dì A notte ùn hè ancu à finì Pè ritruvà l’amore care È a sete di l’acque chjare Eiu rispondu à le to chjame Appaciu tutte e nostre brame È po in un pezzu di celu chjaru Ci n’anderemu à core paru A mio voce ti torna à dì U nostru mondu hè pè guarì A mio voce ti torna à dì A notte ùn hè ancu à finì Tra di noi Trà di noi, Si dà amore è spartera Cù e mani tese, Cunsolu risu è piacè Trà di noi, Si squassa sempre a paura Parolle offese, Rese mute pè andà bè Trà di noi … Trà di noi, Tanti pezzi di vita Per mè, stonde muse, S’imbuleghjanu in mè Trà di noi, Abbrecere è mani in spalla Sò cum’è prumesse, Di dà un soffiu novu accantu à sè Trà di noi … Timpeste è tempu dulcina Da sparte i sogni Pè le sponde d’una leia Trà di noi … Ti torna à dì Sò un figliolu innamuratu Di tè, a mio terra Ti mandu un aiutu, un abbracciata Tutti i to pienti, i to dulori Sò cum’è muti Tanti lamenti chì so stati vani Ti porghju a manu è a mio canzona Chì sentu i to guai à mez’à a calmana A mio libertà si chjama Corsica Vogliu varcà i sunniacci Di a mio terra Tante cunfine chì sò ferite Mi balla in core la filetta A l’inspensata Cum’è un sonniu di speranza S’ellu hè peccatu di teneti cara Tandu a sorte ùn hè troppu amara A mio libertà si canta Corsica |