 |
| Isul’anima Una terra in mè Stabat Mater Requiem O ciucciarella Vidi aquam Canzona per Davia Traccia un acula marina A so corsa vagabonda È d’un ala ghjucarina Mille frisgi nantu à l’onda Ma u pueta pò capisce U sensu d’issa traccia pura Induvina ind’isse strisce Una scrittura Dice l’antica mimoria Tante volte seculare Ci dorme una longa storia In fondu à u mare U racontu d’isse stonde Scrittu da e bianche sciume Si leghje in l’acque prufonde Cum’è pagine di lume Quandu chì a vela assassina In la piaghja di Curbara Suminava la ruina Nantu à issa tarra Funu donne omi è zitelli Paisani cusì bravi In li barbari vascelli Culpiti è schjavi Un antra pagina si scrive In l’ardente tarra africana Hè nata nant’à isse rive Marta chì ne fù sultana Tantu era bella è savia È d’andatura graziosa Chì ne fù chjamata Dhâwiya A luminosa Certe notte da Barcale Quandu u sciroccu hè ind’è l’aria Collanu note orientale Un cantu per Davia Mare terraniu Isul’anima Una terra in mè A mo terra ùn vole more A mo terra camperà (4 volte) Portu una tarra in mè Isula misteriosa Cum’una fede ascosa Chì ci vole à sapè Pricà Corsica si chjama Issu fiore di l’alma Una grazia in lu piacè D’amà A mo terra ùn vole more A mo terra camperà Portu una tarra in mè A so lingua nativa Parolla dolce è viva Mi chere di pudè Parlà È sentu un antru lagnu Alivu è castagnu Lamentu d’ùn vulè Brusgià A mo terra ùn vole more A mo terra camperà Portu una tarra in mè Issa tarra chì mi porta Sgrida à voce rivolta I canti da vulè Salvà Sò voce d’accolta Versi d’una volta Sò salmi di pace pè Cantà U castagnu di favalellu U Castagnu di Favalellu Ne cunnosce tante storie Quì sott’à lu nostru celu N’ùn ci si conta più l’ore N’ùn ci si conta più l’ore Sott’à l’anticu castagnu U Corsu sarà cumpagnu Sott’à l’anticu castagnu U Corsu sarà cumpagnu Sarà natu stu Pullone Da secula à seculoni Oramai lu Cavone N’ùn ci si conta più l’anni Trà le guerre è a pace Stu Castagnu hà suffertu Ne porta sempre le piaghe N’ùn ci si conta lu pientu N’ùn ci si conta lu pientu Sott’à l’anticu castagnu U Corsu sarà cumpagnu Sott’à l’anticu castagnu U Corsu sarà cumpagnu Da a tramula à a Castagna U ghjambone era riccu È currendu a nostra strada N’ùn ci si conta ogni ricciu U lu tengu in rispettu U Castagnu di Favalellu È ormai in u mio pettu Crescerà sempre più bellu Crescerà sempre più bellu Sott’à l’anticu castagnu U Corsu sarà cumpagnu Ave Maria O Vergine divina Di Corsica regina D’una tarra chì spera Sintite a prighera Sò parolle di fede D’un populu chì crede È chì da sempre sà In pace vole campà Ave Maria, Gratia plena, Ave Maria Madonna di virtù O matre di Gesù Corsica in allegria Vi saluta O Maria Un populu vi canta A so prighera santa Tenite in vostru sennu Issa tarra per l’eternu Ave Maria, Gratia plena, Ave Maria Dite ammè à’ssa chjama Voi chì spannate l’alma È schjarite in lu visu L’affettu d’un surrisu Voi grazia squisita Di dulcezza infinita O Vergine divina Diu vi salvi Regina Ave Maria, Gratia plena, Ave Maria Dio vi salvi Regina Quand’un amicu si ne và Quand’un amicu si ne và In core ingonfia e vele nere A nave d’eternu vucà Nantu à u mare Miserere Senza scalu per accustà More un pocu quellu chì stà Quand’un amicu si ne và Quand’un amicu si ne và In core sò spente e spere Di l’alba ch’ùn sà spirià Cà l’amarezza di e sere È afflizzione di l’abbughjà U tempu hè un tribbiu à trascinà Quand’un amicu si ne và Quand’un amicu si ne và In core si cansa a piena Di prighere per cunsulà Ma e parolle sò fulena Chì nisun’ ventu pò spulà In sottu voce per l’aldilà Quand’un amicu si ne và Quassù per l’amichi fidati Tù chì eri u nostru fratellu Noi saremu ochji pisati Accendi puru un luminellu À mezu à e stelle per cantà Mai un amicu ùn si ne và Mai un amicu ùn si ne và Lullaby |