 Da u di à l’essa |
| U to pinsa Aprindu l’ochji da luntanu Ni vecu una isula chi hè persa È chi un guarisci ugni dannu Ma chi ricevi tanti scherza So tutti amichi o parenti Parini tutti arradicati Inveci chi un ci hè nienti 0 cari seti appattiddati Al dilà di a fo tarra Al dilà in u me mari Tù sparguddighji U to pinsà o Parighji Chjudindu l’ochji un paghju di ori Ni sonniu una isula chi hè soia È chi capisci u so dulori Pà campà in a gioia Com’ è una brasgia da suffià Va chi dà li a so forza So dui labbra da spiccà Ma nimu faci i sforza U frati è a Sora Ma quali si n’inveni di l’amori difesi Ch’un poni mancy tema di u tempu l’offesi Sti dui petri ritti In pian’di Rizzanesi In tuttu lu paesi era a piu ben’ vulsuta Era dolci è bedda garbata è astuta Ma edda avia sceltu di essa sora pintuta Abbanduno li soii, è a vita mundana È li piaceri lebbii di una esistenza vana Par serva u Signori è a via suprana Un bel’ ghornu scuntro stu frati Franciscanu È li nascisti tandu unu sintimu stranu Fattu di gioia pura è di un prufondu affannu In ghjesgia di u cuventu erani in cunfissioni Scupri nantu a u so visu com’e una cunfusioni Annuncendu u principiu di un ardenti passioni Stu sicretu tamantu troppu li tribbulaia Scappetini una mani in l’alba chi spuntaia Par righjunghja a piana induva u fiumu falaia U Signori ghjilosu è cecu di furori Lampo una ghjastema ghjimpiuta di tarrori È stantaro l’amanti rei di u so amori Parlà di tè Vi riveccu accolti dopu à a cacciamossa À lu frescu di a chjalza spiddendu u cinghjali Ghjuvan’Battista è Petru incu tutti quidd’altri A cantina hè sarrata ma induva seti avali ? E riveccu l’istati i ghjochi in a cuddetta Li corsi à taglià soffiu in a fiera Tassiccia I sudati di sostu versu a Pedilonga E la fresca virdura di l’arbosa Tanchiccia Pensu à a petra varghja induva vo’durmiti Sentu pienghja suventi, di Cicciari u chjapponu A Licciola hè sparita lachendu mi u urfagnu Si so persi i me passi in i frondi di I’Anghjonu Tuttu parla, tuttu parla dino di tè Tuttu mi porta, tuttu mi porta versu tè E sunnieghju ancu avà, pinsendu à tè o Bisinà O li seri di aostu stesi à nantu à u stradonu Circhendu di sapè di li steddi li sicreti A Casa di u Pinu era u nosciu locu U purtonu hè sfundatu avali induva seti ? I partiti di carti o di bocci in piazza Litichendu è ridendu par qualchi puntu persu Tandu si l’amicizia sapiati intratena E ancu a parintia era di un antru versu Ùn si po piu vultà ni in daretu a soccu Ma cercu di mantena sempri u vosciu stintu Par pudè di un ghjornu socu statu mè stessu E mora à la f ini arrittu è micca tintu Vighjana Nera da capu à pedi edda era sempri noscia Ritta nanta à u so zoddu spazzaia u silenziu Ùn la vidia nimu chi u paesi era biotu Allisciaia li teghji par disciodda l’angoscia I so sonnii irrenti vidiani I’Urtolu A muntagna di Cagna è lu mari piu in dà Era tantu bramatu stu maestru impitratu Par stà si ni priibita com’è mudderi in dolu L’aghju scuparta bedda à piu di novant’anni Era Vultata un ghjornu in u rughjonu amatu Par sfassà l’ anni persi è l’ ingorda cità Ùn pudia piu stà ci in issi lochi Iuntani Cun pacenzia passo, ori, ghjorni è po’ mesi Pronta par u Viaghju versu a Tarra santa Ritruvà u licetu è u compulu anticu E l’adori di a machja oramai difesi E avà l’ha ritrovu u so altru u so doppiu Dopu avè lu lacatu par francà la turchina Nè li fiddoli ingrati nè lu tempu mischinu Ùn poni piu spiccà issu divinu coppiu Di issa stantara carca di santa cunniscenza Edda n’ avia fattu u so solu signori Ramintendu i cridenzi è I’usi d’altri tempi I vistighi spariti di un’ antica Cuscenza Vighjana! U to nomu ùn si dici Ùn si sà, un si scrivi Vighjana Se’ l’essenza è lu centru Di I’umanu cambià … Cavalieri di Focu In u fondu di u caffè si ni stà Alejandro Maestru di l’arcani è di li so misteri Dendu vita à li carti di l’anticu tarroccu, Cu li so ochji di oru trapanendu i miserii Si ni ando crudu è nudu da lu Chile luntanu Lachendu i so maiori è a so zitiddina Avvinghjendu u paesi in cerca di sè stessu Bramendu un ideali fora di a vita mischina Ùn t’ aghju mai scontru ma mi se’ cusi caru Com’è un parenti strettu o puri un vicinu Se’ largu a ghjinirosu è un aspetti nienti Com’è lu fiumu immensu chl porghji acqua à u mulinu U mondu hè a to casa l’eternu u to paesi Di l’arti è lu teatru tu se’ lu passaghjeri Quantu spirienzi strani è maghjichi mumenti È tanti notti bianchi intornu à un bichjeri Galoppi in lu ventu nantu à rinaghji bianchi Cavalieri di focu suminendu l’amori Imbalsamendu i piaghi di l’animi firiti Tali u fiori chi sbuccia scuprendu lu so cori In u fondu di u caffè firmarà Alejandro Guardianu di l’arcani è di li so misteri Invintendu un avvena à li nosci spiranzi Scunghjurendu la sorti incu li so prigheri Sentu un silenziu Tuttu ugnunu si taci Mancu un oimè Sentu un silenziu Chi hè vicinu à mè Nantu à una petra bianca Oghji un ribomba piu Sentu un silenziu À mezu à i barraccu Ùn sentu mancu una brama Pà una lingua chi quasgi fu Com’ è una anima persa Chi si ni codda insu Comu fa comu fa par tè Comu fa comu fa par tè Ùn sentu mancu una brama Pà una lingua chi quasgi fu Com’ è una anima persa Chi si ni codda insu À mezu à mari è tarra Un beddu bastardu Iddu hè un frateddu Cucinu di u sardu Comu fa comu fa par tè Comu fa comu fa par tè Tuttu ugnunu si taci Mancu un oimè Sentu un silenziu Chi hè vicinu à mè Nantu à una petra bianca Oghji un ribomba piu Sentu un silenziu À mezu à i barraccu Comu fa comu fa par tè Comu fa comu fa par tè Bunifazincu se’ persu Bunifazzinu s’hè persu L’arti di u bia è di u Manghja N ‘aghju presu ripasti, e fattu cullazioni Praticatu ustarii in parechji uccasioni Ricirchendu in bocca un anciu di imuzioni Vini n’aghju tastatu a nantu a tavulini In bichjeri di vetru o di cristalli fini In nobili palazzi o puri scuri cantini Ma sta cucina antica e nova Indocu l’aghju ritrova L’arti di u bia e di u manghjà Quiddu di pude accuncià I spezii incu l’ingridienzi A tradizioni i spirienzi Tanti m’ani parlatu di pranzi ricircati Da l’intellettu di cucinari stiddati Sirvuti a nantu a tuvaddi ricamati D’altri m’ani vantatu l’adori di un arrustitu Di una crema a finezza u muscu di u susfrittu Tandu si mi paria di ave manghjatu e bitu Ripiddu Ma ùn ci he che Vuddelmu chi servi puisia Cuntrastendu i sapori chi u mondu l’invia Di un dolciu e tre ghjacci faci sinfunia ln caffe di l’artistu eiu mi socu cansatu E lu so sape fa tandu aghju scupartu Tocca di talentu da firma incantatu E sta cicina antica e nova Cun tocu l’aghju ritrova L ‘arti di u bia à di u manghjà Ouiddu di pudè accuncia I spezii incu l’ingridienzi A tradizioni i spirienzi Ghjuveddu T’aghju un ascusu par tè Piattu in drintu à mè Sdraca ti in a me filetta Hè sapara sicreta Taghju un locu in mè Ch’ eiu so’ solu à sapè Chjina ti ci una inghjiculedda Ta u me fiori di spusedda Di u to ventu so’ innamuratu Issu currenti passatu Annasu in l’aria divina L’udori chi si strascina Di prufumu una vampata A me menti hè subaccata Di Dea una faccia Voddu lampà centu laccia Mirgu sempri i to ochji Quandu quasgi ta mi scrochji Fighjoli u me cori stesu So’ quasgi à palesu Ùn sarani sguarda niscentri Ch’e ti lampu quandu ghjentri E u frisgiani l’anghjuleddu Issu visu ghjuveddu Amori ti voddu pietà Ma mi devu piattà À mezu à varggugna è pappadda U me fiatu si tadda E ti vecu sempri sola Fora o à a scola Amori hè una bedda brama Amori cusi si chjama À nantu à issu bancu giaddu 0 quand’è tu cumenci u baddu Batti forti u me cori Pà a to splindori À pasponi so’ à u to veda À u chjinà mi mettu à creda À pasponi vo’ à u to scontru A tè voddu essa contru U pueta Laca li puri di Laca li puri fa Ma chi poni sapè Di quali tu se Di cio ch’è tu sai Un se’ micca di quiddi Buffoni è vanochji Pratindendu È ridendu Di i to ril’rli schirzosi Sô d ‘altri celi lindi Chi avviani i to sonnii Purtendu si È Cariendu si I to pinseri ascosi Un se’ di nisciun’ locu Nè di alcunu tempu Se’ l’ irrenti. Di li pienti Asciuvi l’ amarezza Neru è culori di focu U to stranu vistitu U to parlà u to cantà A miseria accarezza Par rnè tu se’ lu branu Dopu à lu crudu invernu Poni ghjuca È ghjudica Disprizza lu to versu Di l’arti se’ guardianu È Tistimoniu eternu Poni biffa è scaccanà Un hè chè tempu persu Urienti Se’ un veli di vapori vistendu t l’alba pietosa Una mani chi saluta una risa maliziosa Se’ a cuttidiana gioia, u piaceri di ogni cosa Se’ a donna dritta è fiera caminendu in a furesta •Qualchi uratoriu persu vighjendu nantu à la cresta Se’ u cantu siculari chi chjama è mai s’arresta Se’ incensiu dilicatu sdrughjendu si in lu turchinu U passu di qualchi irrenti, l’ombra di u piligrinu Se’ prisenza di u sacru, altari sempri vicinu Se’ misteru pirmanenti in l’ochju di u frusteri Miraculu ripittutu, magia di u to puteri Se’ u rispampiddu di l’essa, spechju di animi sinceri Se’ a corti di u tempu sottu à u focu di meziornu Petra inuliata è nera da tanti lumi à l’intornu Se’ silenziu rituali à lu frescu di un vultonu Se’ cio ch’è no’ semu stati, tempu di un’antra biddezza Se’ la cuscenza schjarita disciolta di ogni cavezza Se’ a vita lucichenti, disfatta di l’incirtezza Cunnoscu Quandu a pulvera attizza Si attraghji incu attrazza L’omini pronti a viaghja I donni pronti a priga So tanti umani a marchja Senza cunnoscia a virita Qunadu issi stundi qui Un so ancu a capi So dati in i libra di scola Ch’idda impara a me fiddola Si tratta dino di millai I stessi ch’e tu imparai Cunnoscu li veri li strani cunsiglia Quiddi sinceri quiddi in bisbigliu Cunnoscu una storia una storia antica Chi un voli piu essa cuntata Si vedi una ghjuvanetta Incu a so mamma aspetta U babbu he pa una nazioni Di u so eroi ni so in brama Ma un poni lampa una chjama Bastara issa cunfusioni Chi un ce che una nazioni Tarmini tracciati a riga E putenti carcu a invadia Sempri negani l’umanu Purghjimu ci una mani Mura Soli chi annacqua issi stundi pianu pianu Dà mi una risposta à issu tempu luntanu Tù chi sparnpiddi in sicretu In u to lumu Issi petri scarpiddinati cù u to sguardu Un hè più biffatu o allora hè buciardu Tu chi rigala in sicretu Lu to lumu Paesi In i to casi murati Quali ci voli anda Pa sta ci Ma so quasgi sfraiati Ci voli vulinta Iddi sbarsarani sempri u so scialbu Musciarani a so petra Sempre bedda Certi ni so ferti ma lu tempu vinci Petra maiori a mezu a i vinici Musciarani a so piaga Sempre aparta |