 Chjamu |
| CHJAMU Ùn possu più risponde à isse voce luntane Ùn possu più risponde, chjamu, chjamu, chjamu. Ùn possu più risponde à isse strane oscure voce Ùn possu più risponde, chjamu, chjamu, chjamu. Ùn possu più risponde, chjamu, chjamu, chjamu. Ùn possu più risponde à u ribombu supranu Ùn possu più risponde, chjamu, chjamu, chjamu. Ùn possu più risponde, chjamu la luce. Luce fiaccula chjara rossa di carbone incesa Fiamma di un populu Chì incende quandu ellu hè offesu Fiamma di un populu Chì incende quandu ellu hè offesu. Ùn possu più risponde à ogni son’ di ciccona Ùn possu più risponde chì m’alliscia o cunsola Mi cundanna o perdona. Risponderaghju solu à tè fratellu di lotta Chì mi porghji la manu senza aspettà risposta Risponderaghju solu à tè fratellu di lotta Chì mi porghji la manu senza aspettà risposta Chì mi porghji la manu senza aspettà risposta. Ùn possu più risponde à isse voce luntane Ùn possu più risponde, chjamu, chjamu, chjamu. Ùn possu più risponde, chjamu u populu à tè. MASURCA SUNNIATA À ROMBU DI CANTÀ Da u libru chì ci hè statu Pruibitu da u pratu Insepalitu da u chjassu Chì ùn sà più nisun passu Quandu ottobre si ne và. Da e piaghje à e marine Sucicate e culline Scunsumati da i ponti E strade è i campusanti I paesi è e cità. Da ste fronte sulchighjate Di penseri è vighjate D’oghje è d’eri da sti cori Chì anu battutu di doli Bramendu a libertà. Riturnellu : À rombu di cantà Simu sicuri chì hà da vene À rombu di cantà Simu sicuri venerà. L’alba di a nostra verità. FIUME Tragonfiu di tempurali U fiume oghje si hà paratu E torte cun li matrali È corre scatinatu Quandu ellu era prigiuneru Corciu à chì l’hà ghjestimatu. Ali sparte sopra à l’onda Un chjerchju di lume in giru L’accumpagna una culomba Porta una svetta d’alivu Quandu ellu sbuccherà in mare Turnerà calmu lu riu. S’alzerà una alba nova È lu fiume spurgulatu Cun la libertà ritrova Cunterà lu so viaghju À mille culombe bianche À l’alivu multiplicatu. DISCETATI O ZITELLETTA Discetati o zitelletta È stalli à sente l’amichi Quellu chì canta ind’a stretta Ùn hà più sensi felici L’hè falata una saetta È in core ci hà le veneci. Mandatu avia la staffetta Ver’di la cara lumera In paese sia detta Chì la mio fede hè sincera Stalla à sente quì l’arietta Chì si lagna è sempre spera. Aprile quell’albe chjose Chì sò quì cum’è in galera Perchè le teni naseose Le to bellezze la sera À mè li versi giocosi Mi vanu più chè la preghera. Stammi à sente o zitelletta Ti vogliu dì duie cose Chì sta notte benedetta Ne dumane ne ripose Allora cala a stanghetta È prestu chè tù mi spose. I RUSIGNOLI Nant’à un arburu in la machja ma chì ci serà ? Ci sò dui rusignoli ch’ùn facenu chè cantà. Unu dice pianu pianu ma chì dicerà ? Dice oghje hè lu veranu ci vulemu marità. L’altru dice pianu pianu ma chì dicerà ? Dice ci feremu un nidu quì nimu ùn lu truverà. È in quellu nidu di piume chì ci nascerà ? Nasceranu l’acellucci l’ampareremu à cantà. Nant’à un arburu in la machja ma chì ci serà ? Ci sò dece rusignoli Ci sò centu rusignoli Centu mille rusignoli ch’ùn facenu chè cantà Rusignoli machjaghjoli cantanu la libertà. I ZITELLUCCI A campagna avà si hè cuperta Di u mantellu neru di a notte U ventu fisca u serinatu À e stelle le so innamurate. A luna ùn si hè ancu affaccata Si ghjoca in lu monte culà È lu pinu incalfendu a so cappa Conta chì si anu da marità. A noce hè ghjelosa di l’acelli Stende e bracce è prova à gulà A surgente l’annacqua i so pedi Di u so cantu a face vultà. A campagna, e stelle è u ventu A luna è u monte dinù Ammoglianu tutte le notte I sogni chè tù faci tù. Ripigliu : Dormi, dormi U mio piulellu Dormi, dormi U mio tesoru. TESORU DORMI Dimmu per voi i zitellucci Longhi tirati vicinu à le mamme U corpu gonfiu di sete è di fame Dimmu da oghje salvemu li tutti. Dimmu per voi i zitellucci Sclusi di vita in la lingua nustrale In casa è fora è in l’andacci à le scole Dimmu da oghje salvemu li tutti. Dimmu per voi i zitellucci Una canzona puru bella ùn basta E mani manse mettimu le in pasta I versi umani cantemu li tutti. U ricusemu issu mondu vanu S’ell’ùn si sparte u so pan’di granu U ricusemu issu mondu vanu S’ellu dissuchja i fiori di veranu. Cusì faremu u mondu sanu Chì sapia sparte u so pan’di granu Cusì faremu u mondu sanu Bellu di tutti i fiori di veranu. BALLEMU 10.1.80 Languida hè l’alba sta mane Muta è imbalbadicata Pare ch’ella ùn possi più Supranì u bughju pagnu Tunata da u furore Di a nuttata passata. Rossu serà u fanale Cum’è rossu fù u sangue Di i zitelli chì casconu Ammazzati da a manu Di u boia chì in Parigi Cummandò a fucilata. Sentu cresce in lu mio core Surgente cusì abbundente Una staffilata vechja Raperta da u presente Ind’issa guerra dichjarata Or femune resistenza. È di fronte siamu avale À lu pudere di u capitale. UN POPULU UNITU Ci vole à cantà chì avemu da triunfà Pisemu avà bandere di l’unità È tù dinù, marchjendu accantu à mè Senti li canti è vedi le bandere Sbuccià in lu celu chì u sole à da infiarà Per annunzià a vita chì sarà. Ci vole à cantà, populu vincerà Quì è quallà cresce a vuluntà Di cunquistà a nostra felicità In un clamore mille voci di lotta Si alzanu à intunà cantu di libertà. Per annunzià a vita chì sarà. A patria và fendu a so unità Senza stancià si mubilizerà Pronta à andà in paesi è cità Ver’di l’avvene impone la ghjustizia Strappà la catena, stampà la verità Issi battaglioni nunda li parerà. Ci vole à cantà chì avemu da triunfà Pisemu avà bandere di l’unità È tù dinù, marchjendu accantu à mè Senti li canti è vedi le bandere Sbuccià in lu celu chì u sole à da infiarà Per annunzià a vita chì sarà. Allora u populu si alza in la luce À voce rivolta ci chjama à a lotta. U populu unitu da nunda hè intimuritu. |