 Vita |
| U to locu Tu si addurmintatu ind’u maghjone fiuritu Sunniendu cignali grossi cum’è elefanti A cavallu à i nuli, ne giri l’universu E to rise è scaccanate e faci incù e fate U to locu hè silenziu U to locu hè veranu U to locu… In cima di lu mondu, ti si inalpelatu Pè pudè sente megliu i canti di l’antenati E scopre e maraviglie di li to lochi piattati Da fanne un ritrattu eternu è sempre Incù tè purtallu U to locu hè silenziu U to locu hè veranu U to locu… Una altra cità Vint’anni è batte i carrughji tristu è arrabiatu zitellu Ouantu petricelle lampate ch’un’avianu sempre idée Tuttu què avà per mè conta pocu Davanti à un sole chi si chjina a mio zerga pianu s’inchina 0 simplicimente u tempu per mè di diventà paziente Tuttu què oghje per mè conta pocu Mertellatu aghju di pugni spessu i muri di l’albore A notte caccia l’illuzioni è mi lascia solu a rabbia Per ùn’sunnià avà di poche cose per campà D’un’altra cità, d’un’altra cità, d’un’altra cità D’Asia l’andati sventrati da radiche castagnine Da strade ricciate culurite zitelli Rè di lochi novi Tuttu què avà per mè conta assai Un stupadore di focu accende l’ultimu fanale Un’hè ch’un simplice misteru di magia mi so ingrandatu Sogni ne vuleria assai per ch’ella torn’à campà La mio altra cità Festighjà ùn’ vogliu 2000 cun isse ridicule paure Vogliu un surisu di a luna cum’è quellu di a mio mamma Una cità universale cù a musica Regina lnd’ù a mio altra cità In core à mè Pare ch’i di i ghjorni a corsa scema ln core di l’amanti tuttu sguassa Cum’è u mare alliscendu a rena Si rode tuttu u tempu chi passa ln core à mè luntanu hè l’alegrezza U sintimu piu forte hè l’amarezza A luna ad ogni stelle face l’invitu A notte pare tissuta d,argentu E l’ochji persi in lu celu infinitu Tutta a to magia mi ramentu ln core à mè si cunsuma l’amore Brusgia l’anima meia senza calore Ardente passione prestu sbiadite Dolce viaghju ch’emu fattu inseme Ore linde i felice oghje svanite Dillami tù ch’elle anu da rivene In core à me più nisunu risponde Vidaremule più e nostre stonde ? Vita Piglià una Stradella Temp’à l’arizzata U core à camancella Di risa prufumata Liberu di favella Vià à l’ispensata Piantà una stundella E ragiunà cù l’inforse A sapè si a stella Prima di nasce morse 0 si l’avvene spella I salti di l’ore scorse Ventà una barcella A sera à ciottu sole U core in avulella Carcu à si Diu vole E fiuri l’lsulella Ch’hà inventatu e fole Sognacciu Pensà a tante cose vane Tuttu cio chi serrà dumane Quandu a notte in lu mio core Lampa un lenzolu e si more Mi vene a voglia di mughjà Per un lasciami assufucà Pensà à miseria di u mondu E ch’ellu un gira più tondu Omu un distingue più l’albore Mancu più parlà d’amore A rivolta ghjè in mè è ùn so Mi ricumanderaghju à Diu A Satanassu per cambià Di vere chi Tanti zitelli Strazianu in giru à l’universu E dinu à tanti macelli Ci perdu anch’eu lu mio versu A rivolta ghjè in mè è ùn so Mi ricumanderaghju à Diu A Satanassu per cambià Ci vuleria poche cose Per rinvivisce l’allegria Assulià e loche ombrose Per sguassà tutta a pazzia Mi vene a voglia di mughjà Per un lasciami assufuccà Mi vene a voglia di mughjà Per un lasciami assufuccà Pienti di una Mamma Quand’elli a m’anu detta Avà ghjunghje a vittura Sà falata à u stradone Riceve a to sepultura 0 bernà lu mio figliolu Chi per mè fù cusi dura 0 chi guerra dulurosa 0 chi guerra maladetta Quandu venerà issu ghjornu Ch’ella serà sottumessa Ch’ella campi ogni famiglia Senza piglià più vindetta Prima di cullà ne in casa Vogliu pregane à l’altare Di tutti i nostri morti Diu ci lasci sperane Ch’un bellu ghjornu in Paradisu Ci emu tutti da truvane Senza cuntà Senza cuntà ch’à strappà fiori Nasce basterdu à corri corri Cù mazzuli di crepacori Veranu anch’ellu si n’offende Si veste in dolu di isse facende I fiori ùn anu vita à spende Senza cuntà chi da li fiori Vanu à sbuccià tant’altri fiori Senza cuntà dulori è pene Tante ferite di catene E fà rigalu di u s’avvene Populu fieru ùn s’hè ma’ resu Si move interu à fiatu incesu I fiori ùn volenu difesu Senza cuntà chi da li fiori Vanu à sbuccià tant’altri fiori Senza cuntà tamenta foia Di sin’à fà piantà el Boia E, po truvallu in casa soia Culumbu allora si stà zittu Si ne và fora à core afflittu I fiori ùn anu più dirittu Senza cuntà chi da li fiori Vanu à sbuccià tant’altri fiori Senza cuntà ch’hè sola è una A tempu celu sole e luna Sta terra nostra ch’omu affuna Storia ch’invita à tant’onore A fà veranu in ogni core I fiori ùn ponu mai more Senza cuntà chi da li fiori Vanu à sbuccià tant’altri fiori Amore Mutu Quanti passi noi dui Inseme n’emu tiratu Pè i chjassi piu crudi ln l’andati piu sebiati Da veste i sogni nudi E spuglia, mari lnfrebbati Nè furori nè sciagure Suminati à Tempurale Nè calori nè cutrure Discitate da l’acquale Nè luciori nè bughjure Ci annu fattu nidicale Tante pensate cumune Anu avvicinatu l’ore Cù fiumare di furtune Benedette di sudore L’annate à tredeci lune L’emu campate ogni albore Qualchi terramotu accesu Hà vulsutu ancu fà cede U viaghju di l’intesu Stusgitu à rosule altee Quant’è ch’ellu fussi tesu L’amore schiettu à l’idee A nostra passione muta On hà fattu girivolti Hè inzeppita à l’insentuta Sempre à penseri disciolti Cüsi face terra astuta Pè tene i soi accolti Ogni stonda à stu mondu U trattu chi pianu si move Carezza l’alba sittembrina E frisgia l’ale nove nove D’una farfalla mattutina Addiu vita rampicante Si dice quella, abbambanata Parsiche è mele tutte quante Li facenu a risa è l’uchjata U sole infiara ogni sarra E copre d’oru u pughjale Fiori ci scorrenu à fiumare Da imbriacà mille farfalle Dumane in celu di cuccagna Faraghju splende e mio ale Supranendu valle è muntagne Eccu una vita di farfalla … Ma da l’avà vengu di nasce Lasciate mi torna una cria Mi fermanu i ghjorni a pasce Dumane l’alba sarà meia Cusi bugiardu hè dumane Chi prumette frutti à divizia S’ellu s’aspetta à e calmane U trattu cambia incù malizia E a mio musa sculurita lnsischita da u sprufondu Avà po l’avarà capità Di gode ogni stonda à stu mondu Donna di sole Di isse terre à notte calda Mi ne tengu una vernice E quandi u core a dice A chi vale di piattalla Dui passi sottumessi Da la sorte vituperia Afavvi mancà u fiatu Eu vogliu cantà per quessi Chi feghjanu parlà l’aria Prima di pisà ù capu Di issu sguardu à pelle mora Mi ne portu una prumessa E per campalla listessa Ci aghju appiccicatu l’ora Un surisu lacrimosu Più chjaru ch’è un albore A fà trimà e cuscenze Vogliu si apre issu chjosu Chi sfturisce ogni valore Dopu rottu e sperenze Donna di sole donna E tù cù a to vita à collu Micca pè chere u sollu Ma un aiutu fraternu Da pudè francà l’inguernu E tù cù u t’avvene in fasce Micca pè calatti à pasce Ma pè sente duie chjame [bis} Da pudè sparte a fame {bis} Margherita Canzona di Richard Cocciante Io non posso stare fermo con le mani nelle mani, tante cose devo fare prima che venga domani, e se lei già sta dormendo, io non posso riposare, farò in modo che al risveglio non mi possa più scordare. Perché questa lunga notte non sia nera più del nero fatti grande dolce luna, e riempi il cielo intero, e perché quel suo sorriso possa ritornare ancora splendi sole domattina, come non hai fatto ancora. E per poi farle cantare le canzoni che ha imparato io le costruirò un silenzio che nessuno ha mai sentito, sveglierò tutti gli amanti, parlerò per ore ed ore, “abbracciamoci più forte”, perché lei vuole l’amore… Poi corriamo per le strade e mettiamoci a ballare, perché lei vuole la gioia, perché lei odia il rancore, poi coi secchi di vernice coloriamo tutti i muri, case, vicoli e palazzi, perché lei ama i colori, raccogliamo tutti i fiori che può darci primavera, costruiamole una culla, per amarci quando è sera, poi saliamo su nel cielo e prendiamole una stella, perché Margherita è buona, perché Margherita è bella. Perché Margherita è dolce, perché Margherita è vera, perché Margherita ama e lo fa una notte intera, perché Margherita è un sogno, perché Margherita è il sale, perché Margherita è il vento e non sa che può far male. Perché Margherita è tutto, ed è lei la mia pazzia, Margherita è Margherita, Margherita adesso è mia |