 A ghjanna di l’incanti |
| Notte maga Dicenu chi in certe loche ùn ci vole à passà di notte Quandu li mondi di l’Arcanu, ne spalanchèghjanu le porte Quandu le Streghe è li Mazzeri ne ghjùnghjenu à fà racolte. Quandu in l’Abbissi di l’Eternu, ne sprufonda la Malasorte Venuti à stoli da caternu, Mangoni è Arpie d’ogni sorte Per adurà è festighjà, mane è sera, a Luna Nera Dicenu chi in certe loche, un ci vole à passà di notte … In lu boscu di Malanotte, in certe sere omu sente L’ùghjuli di le Malacelle, da insischisce core è mente Li brioni è mughjulimi è li viulini à currente. Pare ch’in giru à quellu focu, sott’à le lecce, querci è ghjande Ci bàllanu Maghi è Strigoni, indiavulate Sarabande Ghjunti da l’Arcanità per ingannà è visticà. Dicenu chi in certe loche, ùn ci vole à passà di notte Per visticà l’ànime nere è po purtalle à Caronte Da fà nutrisce tante fere, aldilà di lu foscu ponte Francatu hè lu fiurne, tandu e sperenze elle sô compie. Allusincheghja lu Furlettu è isparpersi in quelli lochi Li pelegrini è l’errenti, ci brùsgenu di mille fochi L’infernu cum’è Verità, per l’oghje è per l’Eternità. Dicenu chi in certe loche, ùn ci vole à passà di notte … Lamentu di u mazzeru Eo so mauzzeru Umbrosu pelegrinu A notte ceca Chi dulente caminu ! Fendu in sognu caccighjate Vecu ghjente cundannate Cù un’antica magunia Nù una bèstia à l’agunia. So di Falcina Lu servu malamatu In lu paese Da tutti ghjastimatu Solu a voce di li fiumi, Lu stillente è li so lumi, Li machjoni è li castagni Fèrmanu li mio cumpagni. Ogni trent’unu Di lugliu hè la Mandraca Pocu sterminiu, A chi more, à chi fraca ! In core di la battaglia Simu tutti à taglia taglia Cù lu sacru talavellu Fin’à l’alba o chi macellu ! Scumunicatu Sô pè li mio turmenti Per mè nè croce, Nè santi sacramenti, Mi perdonghi lu Signore Per sècula seculoru, Ghjurgu à Diu u core tristu Ch’ùn aghju inchjudatu à Cristu ! À chi mi sente Li precu longa strada Ch’ellu ùn iscontri A Mumma murtulaghja D’avanzu à lu sfurtunatu Ch’una sera aghju ammazzatu, Dumandu ch’ellu mi scusi Ma so guardianu di l’usi ! Vintimorti U chjassu si stracqu’à pianu Cum’è pè lacallu corre Cum’è pè ritene l’ore Di quellu fattu landanu Chi Misteru fù patrone Di l’omi di u reghjone Partuti in filarata Pè faccenda cumuna À l’usu di l’operata Ci vulia à tagliall’à luna Quella sima castagnina Quassù in punt’à a cullina Soca quellu burdinale Qualchi misteru tenia Chi a visera di u male In u so fustu curria Cù a voce chi s’appoghja Tempu cullat’à l’armone U trave fece pastoghja Quant’è chjave di prigione È fù prima a Pisatoghja À fà scappà a ragione Più inghjo n’ù e spianate A rabbia ùn pudia tene Da e ghjasteme lampate L’azzuffu usci di e vene E Tribbie eranu nate Ma u peghju s’era à vene Soca quellu burdinale Qualchi misteru tenia Chi a visera di u male In u so fustu curria À l’astrettu di lu chjassu Ghjunsin’à tamba di netta Vint’omi à liatu passu Sott’à forza maladetta Mandata da Satanassu A Morte cherse vindetta So trè nomi so trè nomi Scritt’à l’orlu di lu chjassu Pè battizà un scunquassu Ch’hà vist’è intesu l’omi Tombà l’usu di l’operata N’una strada insanguinata Soca quellu burdinale Vinti Morti vulia Chi a visera di u male in u so fustu curria S’anu pigliatu a mo canzona S’ anu pigliatu a riturnella, ch’avia fattu per Maria, Eppuru tandu mi paria, d’esse u solu à sapella. Soca quandu l’aghju cantata, a s’hà colta a tramuntana, È fin’à la costa luntana, l’hà d’igni locu suminata È dapoi senza sapella, i giuvanotti à chjar’di luna, Per a bionda o per a bruna, càntanu la mio riturnella. S’anu arrubbatu a mio canzona, quella ch’aghju fattu per Rosa, Metà in rima, metà in prosa, è più ci pensu è più mi stona, Ùn ci era tanta puesia, u versu era sgalabbatu L’aghju cantata in serinatu è tandu à Rosa li piacia. Ognitantu quandu a sentu, a canzona fatta per Rosa, Bench’ella fusse simile cosa in fond’à mè, ne so cuntentu. S ‘anu cantatu e mio canzone, fatte pè Paula, pè Stella, Margherita o Isabella, seguente l ‘estru o la stagione, Ci pensu è mi dicu aspessu, chi s’ell’avissinu ghjuvatu À qualchi coppiu innamuratu, ùn serà statu tempu persu. Ma la mio canzona d’amore, hè quella chi hè stata fatta Solu per tè, ch’o tengu piatta, in un scornu di lu mio core, Dapoi ch’è no ci cunniscimu, s’ell’ùn hè à a mio ghitarra Quella fatta per tè o cara, ùn l’aghju mai cantata à nimu. Lingua hè! Nata in le muntagne, in sti lochi altagni Nata in li paesi, à l’elpali appesi Mez’à li pastori, rè di la Natura Ella hè cum’è un fiore, hè favella pura A to lingua hè, un tesoru hè Chi ci vole à parlà, pigliacci piacè È tènela contu, hè da tramandà A li to figlioli, per lu so campà ! Lingua di i pueti è di i mondi arcani Lingua di le fole, di quelli chi sanu Tutte le passate di la nostra storia Tutti li gran’fatti, quelli di a memoria Lingua di la nanna, lingua di u zitellu Chi la mamma dice : « Si lu mo ghjuvellu » Hè lu serinatu per la donna amata Lingua di l’amore, lingua di lu core U tilaghju di e fate In Truvigni à mezanotte Quandu dorme A Custera S’àprenu l’arcane porte È le fate di u circondu À la gràcile cimbrera Sorgenu da lu sprufondu. Serà sognu o realità ? Ssa Fata amala chi ferà ? Bàllanu à lucen’di luna Tale fiare turchinelle Cun vestiti di furtuna Poi sàzie di canzone Pàrtenu sse damicelle In San Biasgiu in prucessione Serà sognu o realità ? Ssa Fata amata chi ferà ? Tesse, Nant’à u Tilaghju di e Fate, Â ditate dillicate, Filu à filu le mio brame. Nant’a un tronu cristallinu Sona la Fata Maestra D’un tilaghju d’oru finu Quand’ella sfrisgia di manu I dolci fili à la lestra S’innamora u cor’umanu. Riturnellu O bellezza sibbillina U mio core ai incantatu È fattu la mio ruvina. M’abbandoni à lu malesse Mi lasci malavviatu: Solu t’impreme lu tesse … Riturnellu Rolihlahla Era’lu to sacerdoce, in core à l’A N C, Eri lu fidu cristianu à li detti di Gandhi Contr’à l’indegnu Apartheid, senza mai tù faltà A to lotta era ghjusta, Gloria à tè, Rolihlahla ! Ti vulemu fà onore, tù, Nelson,Mandela Ai datu à la to ghjente, la so ghjusta dignità ! Sharpeville la mataccina, ùn la pudii abbunà Cun lu verbu, cun ardore, ai vulsutu impettà Per la pace di li populi, per I’ Africana Unità Contr’à la duminazione, l’ai della in Rivonia. Ti vulemu fà onore, tù, Nelson,Mandela Ai datu à la to ghjente, la so ghjusta dignità ! Da le tènebre prigione, si diventatu la Stemma Contr’à tulle l’inghjustizie è contr’à tulle le ghjastemme Per li Bianchi, per li Neri, per la vera parità Era per tè, un duvere, ci ai pussutu liberà. Ti vulemu fà onore, tù, Nelson,Mandela Ai datu à la to ghjente, la so ghjusta dignità ! Tù, Nobelle di la Pace; in quellu novanta trè Fermerai per lu sempre, Madiba, lu nostru Rè Contr’à la segregazione è contr’à la puvertà Tù lu Guida, tù lu Sàviu, tù lu Grande Madibà Ti vulemu fà onore, tù, Nelson,Mandela Ai datu à la to ghjente, la so ghjusta dignità ! L’amore hè dolce U mare hè bellu è ci hè lu ventu Stèndenu l’ale i bastimenti Pàrtenu per viaghji luntani Nun volenu aspettà dumane Veni o cara, s’hè alzatu lu sole Veni cun mè, ùn mi lascià più solu Tempu serenu, fanu li nidi U celu hè pienu di li so gridi Di l’acelli u cantu beatu U nostru amore hà pruclamatu Veni o cara, s’hè alzatu lu sole Veni cun mè, ùn mi lascià più solu L’amore hè dolce à noi chjama Dolce hè la voce di la to mamma Chi favurisce u nostru l’amore È vole unisce i nostri cori Veni o cara, s’hè alzatu lu sole Veni cun mè, ùn mi lascià più solu L’amore hè dolce è manu à manu À bassa voce, fèmulu pianu Di stà uniti per la vita Veni chi la gioia c’invita Veni o cara, s’hè alzatu lu sole Veni cun mè, ùn mi lascià più solu A vita aperta Riturnellu 1 : A vita meia Corre carre n’un fiume Inventa è crea Celu, Terra è Lume M’incanta l’idea Chi Vita m’hè offerta Campu à vita aperta Un’isulella À liberu circondu Sola tù a mo stella L’amore fondu Ci dà bella la via È ‘ssu cantu puesia Ci imbellisce u mondu Riturnellu 1 Un paisolu Tesu à u celente Dice à chi vole sente Qui piglio u volu U prirnu drittu umanu Scrittu da una manu À nazione nascente Riturnellu 2 : A vita mea Canta à mezu mare Conta l’odissea D’ùn si sà quantu terre. A mo lingua cirnea M’apre ogni scuperta Campu à vita aperta So à centumila I rigali senza ore À empiene u core È si u tempu fila Ghjè qui in pace cù l’Esse Cosge cum’ellu tesse Da fà splende l’amore Riturnellu 2 Vive la vita Da ùn fà ghjorni conti Cuttighjà l’orizonti Tuttu ci invita À falla culurita Chi a natura l’accerta Campemu à vita aperta Spartimenti Quand’ella venerà l’ora, ch’è tù ti n’anderai Ti toccheranu li ghjuvelli, cullane, anelli, i rami è l’ori. Ti toccheranu li viulini, cètere, rivèbbule è sonadori. Ti porterai u focu accesu, u vinu biancu è li licori, Piglia dinù orte è giardini, àrburi è frutti, tutti li fiori. Quand’ella venerà l’ora, ch’è tù ti n’anderai Porta dinù a neve è l’acqua, i venti, i toni è li fulgori Aghjusterai l’albe rinate, i celi bianchi è li bagliori Mi teneraghju u pane schiettu, u focu spintu, u tempu è l’ore. Mi lascerai e stanze viote, e porte chjose, qualchi rimore. Quand’ella venerà l’ora … Mi toccheranu trè suveniri, dui rimorsi, un crepacore, È metterai in borsa cù lu mandile A certitùdine d’ùn vultà più ! Un’idea Aghju vistu, erimane, un fullettu, hè fughjitu cum’è un frulu in la stretta Aghju corsu, u vulia intuppà, i fulletti ùn si làscianu piglià! Aghju vistu eri sera un mazzeru, era goffu, era malu, un addisperu Avia tombu un cignale, a m’hà detta, quale serà chi liccherà la vindetta? Un’idea, un’idea, un’idea, forse chi mi so fattu un’idea Sti dui ghjorni, hè successa cusi, s’ellu ùn hè vera, A vi contu, ùn vole di ! Aghju scontru sta mane una strega, a vi dicu, hè vera, ùn la negu A so fàccia era tutta riviglie, hè fughjita è nisunu la piglie ! Aghju scontru sta sera una fata, una pelle di mele inzuccherata Vicin’à la vadina à l’inghjo, m’ungu è mi sfungu à quant’ellu si po ! Un’idea, un’idea, un’idea, forse chi mi so fàttu un’idea Sti dui ghjorni, hè successa cusi, s’ellu ùn hè vera, A vi contu, ùn vole di ! Aval’avà aghju scontru una Dea, un bel’fiore, una rosula altea M’hà sfiuratu, un odor’di cannella, un tesoru, un dellziu, una Stella ! Un’idea, un’idea, un’idea forse chi mi so fattu un’idea Sti dui ghjomi, hè successa cusi, s’ellu ùn hè vera, A vi contu, ùn vole di! |