 Fà mondu |
| Frà tutti i lumi Hè ciochi stazzona l’anima Una vita à long’andà Una vera leia chi pò tramandà Una tarra un biotu da culmà Ghjuventù chi move libera In una lingua duie è trè Centu strade da cunstrui u sapè Centu mondi da fa un parè O gran Maè di cio chè tu persi un ghjornu Una l’Università Frà tutti i lumi u nosciu hè di ritornu In a bramà di studià in libertà Creceremu cù stu seculu A l’inforse piu chè mai Ma hè sempre fola l’avvene anc’assai Abbracendu uniti l’oramai Viulini canti è cetara I quandeni aparti avà E u libru da scriva chi pò tramandà Una storia versu l’ancu à fà A me isula à mè Un locu fattu d’incirtezzi Lampa gioia è pinseri In un ambiu chi ci pari Un mondu chi hè fatatu Una storia chi hè straziata Com’è un’antica pichera Chi pienghji o chi spera Un dumani chi sarà Cio ch’è no vumemu fà Chi di stintu starà Feli casu attenti à… A me isula a mè Un focu di tarra à mezu à u mare Postu com’è un altari In un cilestu chi porta In un locu infinitu Chi pà nimu hè pruibitu Com’è quiddu vechju sonniu Chi pà tutti hè un bisognu Una pagina da scriva Una brama da riviva Incù forza si farà Chi u curaghju l’aghju pà… A me isula à mè Un cori chi pà u sempre batti Una macghja chi scumbatti Un intimu dulori Incù radichi anziani Chi a so stizza sempri l’ani Di continuà à creda È no a vumemu veda Una fradiddanza sparta In un celi beddu apartu Carcu a paci è benistà Iè un ghjornu annacquarà… A me isula à mè A forza di l’omu Hè quandu l’estru attraghji è si cala Chi u me fogliu S’hà da anniri Quandu ghjurnati è quantu sirati Sempri à circà a invintà È tandu u mondu ci pari magia Com’è una fola chi si scrivia Un lumu accesu pà pruvà à ascittà i menti Nasci un ventu chi avà ci canta una storia Sarà d’avvena a luci o di memoria ? Acodda, cantà Hè a forza di l’omu pà luttà Transmetta, cantà Hè a forza di l’omu pà ingrandà Cumpona, cantà Hè a forza di l’omu pà marchjà A nantu à notti s’arrimba l’inchjostru Hè un fiatu novu chi ci hà da sorghja Hè bedda à chjama di quiddu chi brama Incù u so donu imaginà Hè tanduu mondu ci pari magia Scopra l’incantu d’una miludia Cum’è una fiara pò scaldà tanti cunscenzi Candela accesa chi avà dà torna à pinsà Sarà calmata a luci o arrabbiatà ? Vintesimu In u noscciu mari senza anda Com’è una traccia longa Ch’ùn si sfassa in u tempu Custruci l’aghji ch’e campu M’arrimbu à u vintesimu Seculu mudernisimu Rumpitura d’un’ebbica Chi u mondu si runzica Ventesimu… Ci sò stati i marighjati Famiddi arruvinati Sò dui guerri assassini Incù nemichi vicini Cent’anni taddati in dui Un tempu chi si parsegui I vechji ùn poni capiscia Ci semu lacati ardiscia Ci hè statu u prugressu Ci emu lacatu u prufessu Pà priga un diu in oru Chi dà solda com’è tisoru Milli gioii è danni Sò passati cent’anni S’è u tempu ci avvilena Femu lu nosciu l’avvena… Solu Pà tessa un antru filu tanti mani si sò alzati In stu mondu da murà senza stancà I radichi isulani pianu pianu si sò scitati Pà buscà u so sbuccià è campa Com’e un soli chi rigala u so lumu inghjalocu Ma ci brusgia tal’un focu Solu parè chi anu senti hè sbarcatu da luntanu È avà l’inghjuttemu a so essa sanu U caru ghjuvanottu voli dà solu u so passu In stu locu da curà di cio chi fù Cu l’ondi americani pianu pianu in u so chjossu Accittà ma iddu ùn pòsti virtù Com’e un soli chi rigala u so lumu inghjalocu Ma ci brusgia tal’un focu Solu parè chi anu senti hè sbarcatu da luntanu È avà l’inghjuttemu a so essa sanu Sola a cultura chi ci scala di frasca è di parè Ci voli à sprima u so vulè Strada chi cheri tanti vii da smacghjà ci hè u bisognu Pà truvà è custrucia u so caru sonniu Quali sà ? L’oscurità pronta à Schjari Un biotu da svani, Pò capi, chi l’aldilà hà da cantà Par tè da mari in dà Voddu essa un cavalieru Sempri valurosu è fieru Versu i chjassi di u sonnià Caminà è avanzà Ma dumani quali sà ? Mondu chi gira, tempu chi và Assenzi da culmà, Pò creda, in l’aldilà prontu à sunà Cun tè, qui o culà Candela accesa, prighera intesa Spiranzi di u vultà, Ma chi fà ? A l’aldilà di rigalà À tè, l’eternità Voddu essa un cavalieru Sempri valurosu è fieru Versu i chjassi di u sonnià Caminà è avanzà Ma dumani quali sà ? Voddu scriva è cumpona Per tè inssa ultima canzona Un accordù pà spirà Una rima pà campà Ma dumani quali sà ?… L’eternu sapè Quali ampara u fogliu chi sarà Pà un lindumani bramatu Quali l’apri u libru chi farà a so furtuna Comu cresci in no u focu di à vulintà di sapè Ma qual’t’hà u versu di sempri acquistà Quali campa l’ori pà nutri è sviluppà a so cultura Quali chjudi l’ochja è dà un’arti à a so vita Quali insegna avà u focu di à vulintà di sapè Comu avè sensu di tumbà l’ignurà Hè tisoru chi mai ùn brusgia Ci tocc’à arrubbà U sapè ghjuveddu da ammasgiulà Un tisoru chi sempri si stendi Da l’omu è u campà Maravidda chi ci voli à accasgiulà Un vulcanu sbarsa in tarra avà pà un veru eternu sapè Centu storii è ditti chi sarani da goda insemu Femu nascia in no u focu di a vulintà di sapè Chi qual’t’hà u versu di nascia imparatu Comu tessa un filu d’un sapè chi pà ugnunu sarà Comu senta a furia di l’omu è di u mal’campà Comu tena in cori u stintu di a vulintà di sapè Chi sarà u chjassu pà sempri acquistà Campà…Amparà… Velu in cori Pare pulitu o tiso Sempre drittu è bravu Ampari a lizzio Ma l’omu cusi porghji ancu amaru Mani tesi, ùn ci n’hè,in i to ochja o caru Velu spostu in cori à tè Hè com’è pinsà solu à sè Lampa un sguardu intornu mè È a culpa di quali hè Credi sudà è stantà Soffiu datu di viziu Un fiatu ùn pò lintà Tali un omu chi u stintu u s’hà da lacà Palmu nettu, ùn ci n’hè, pà stu mondu chi va Velu spostu in cori à tè Hè com’è pinsà solu à sè Lampa un sguardu intornu mè È a culpa di quali hè Sfascia, velu da caccià Velu spostu in cori à tè Hè com’è pinsà solu à sè Fema avà di fà ti valè Cù u soldu pocecu sè O tisò, sappia chi, un aiutu degnu hè. Paganacciu Hè in un galopu sfinatu Chi a to chjoma hà svintulatu Minureddu è osatu Beddu astutu è sinnatu Com’è una stedda ch’hè caduta Chi ci veni è chi ci aiuta Una fatapà purtà Una mani sempri dà Quandu u to soffiu hà basgiatu Un pezzu d’aria arrubbatu Tandu fughji u vacumu A virdura hè di lumu Qundu asciuvi u me lagnu Tù lu me caru cumpagnu Vecu una vera armunia Una bedda amicizia Hè in un galoppu sfinatu Chi u to fiatu hà aiutatu Contr’a a noscia ruvina Un’amata Paolina Com’è un cavaddu cadutu Ma oghji hè ricunnisciutu E viaghja à bridda sciolta Com’è in tempu d’una volta Galoppaventu in puppa U me caru paganacciu In stu locu à tè À più pudè Galoppa ventu in puppa Pà sti monti è sti pianuri Nimu ùn pò parà A cursa avà U veru Tali un sonniu, un omu chi và Una criatura antica, chi voli cuntà Tali un sonniu, un omu chi và Una criatura antica, chi voli cuntà Vi voddu insignà propiu incù mudistia A vera sinfunia chi ci piaci à sunà Vi voddu cuntà ma faciuli ùn hè Pà sprimà u so parè ùn basta à vulè fà Pà cavà issa mora di suvu Ch’è vo ci mittiti addossu Foli strani di un cori crudu Avà d’asculta li ùn possu Vi voddu di u veru No semu cumuni pari à u ùondu Incù centu furtuni forti è muribondi No semu diversi com’è nimu pinsemu Certi volti impiighemu paroli pà vo persi No semu i fratedda di sti populi sbarcati Oghji bè buliati suttu à a stessa stedda No semu cumuni pari à u mondu Incù centu furtuni forti è muribondi. Tiadoru Un’arma da invintà Un loco in brama d’unori è di spirà Riamu da fà Pà un’isula chi và Cusi principiò a storia Di un omu degnu prontu à vulè a gloria Firmà in a mimoria Chi volsi a vittoria Un passu trimendu Feci svintulà Chi t’avemu…un rè, un rè ! Dui anni di cunquistà Giafferi, Orticoni è po Costapà guidà Arsenali da fà Pà un’armata avà Ci deti curaghju è forza Quandu a dignità fù una vera risorsa Tandu si riforza U nimicu ammorza Genuva rincula Tandu si cantà Chi t’avemu…unrè,unrè ! Tiadoru debbi essa manescu Pà scriva una storia in un versu ch’hè tidescu Un libru cuntescu Sittantacentescu Tiadoru nosciu Ci deti fervori Chi no ebbini…un rè, un rè ! Chi no ebbini…un rè, un rè ! Mari stranu Foscu quand’è tù u voli Batti forti À nantu à scodda immersi Chjaru com’è u cilestu Batti pianu Tali una dulci carezza Mari, tu sè u maestru stranu Di u viaghju landanu È ci porta… luntanu Apri a via di quidd’omu Chi parti À buscà si un’antra vita Calmi è pari ugni malu Chi ci curi è ci pruteghji Mari, tù sè a cunfina strana D’una storia landana È terrania Mari, tù sè a fruntiera strana Chi ci spicca è ci leia Trà i tarri, i culturi, Mari stranu |