 Finici |
| Finici Quantu volti c’hè parsu d’avè compiu d’asista Dichjarendu scumparsu l’ardori di risista, Piinghjendu a svintura d’un populu afflittu Di veda a so cultura mora senza un zittu Quantu volti a pena ammantò a baldanza Da fà chì quì l’avvena fussi senza spiranza, Smattendu quissa fiamma di passioni sincera È fendu d’ugni brama un intima chimera. Ma da a cinnara è u focu Sguassendu i vinici, Volta sempri pocu à pocu L’alba d’un dumani filici, Da risanà u nosciu locu Cum’è rinasci un finici. Quanti volti a sorti ci pridicò ruvina Sarrendu ci i porti d’una gioia vicina, Mandendu à caternu ugni vechja divizia In u bughju eternu di a falza ghjustizia Quantu volti u celi par nò duvintò scuru Da sottu à u veli d’un tempu troppu duru Strughjendu ugni prumessa di paci è binistà D’un isula sottumessa in circa di libartà Ma da a cinnara è u focu Sguassendu i vinici, Volta sempri pocu à pocu L’alba d’un dumani filici, Da risanà u nosciu locu Cum’è rinasci un finici. Supranendu i to vinici È tutti li to disfatti Rinasci com’un finici È inventi d’altri patti… Più chè mai Francà i muri, varcà i mari Ùn teme sarri nè culturi à pittughjà Tenda li mani, l’ochji oceani Ùn teme sanni nè cundanni per salvà Ciò chì facci u nosciu andà Ciò chì ci facci sunnià U nosciu essa è la noscia umanità Ciò chì ci facci ingrandà L’estru di i nosci campà Issa libartà Ripigliu Più chè mai emu da luttà Più chè mai emu da spirà Chì lu nosciu mondu ùn sighi da nigà Più chè mai emu da varì Più chè mai emu da capì Chì lu nosciu tempiu hè sempri à custudì Più chè mai semu trè Unu in lu stessu vulè Umani è funtani di vechju sapè Più chè mai emu da sunnià Più chè mai suminà Chì Ghjustizia sighi infini rialtà Libari è fieri Puri è sinceri Vulemu essa issi sumenti di cambià Veri è pietosi è curaghjosi Vulemu mani è cori pronti ad’insità Ciò chì ch’adduniscerà Ciò chì ci facci inventà Stradi novi di spartera è benistà Ciò chì u soldu ùn pò sapè Ciò chì facci chè tù sè Radica è sumenti d’estru è di piacè Ciò chì ci facci campà L’estru di li tempi à fà Issa libartà Dulci rivuluzioni Hè per noi è Hè per noi è Hè per noi è per l’umanità Ch’eo m’arrizzu è Stuzzicheghju e Fiare umane di ghjustizia è dignità Ci vularianu ingabbià Spiccà è pò alluntanà Ma à nò ci ferma tantu à sparta Tanti surrisi è tanti basgi à dà È tutte iss’albe ch’ùn sò nate Cun tè i vurria sfruttà Goda i so culori Aprendu à milli fiori Chè tù ùn smintichessi più Hè per noi è Hè per noi è Hè per noi è per l’umanità Ch’eo m’arrizzu è Stuzzicheghju e Fiare umane di ghjustizia è dignità Dì quandu ai dà vultà Voilà combien de jours, voilà combien de nuits, Voilà combien de temps que tu es reparti, Tu m’as dit cette fois, c’est le dernier voyage, Pour nos coeurs déchirés, c’est le dernier naufrage, Au printemps, tu verras, je serai de retour, Le printemps, c’est joli pour se parler d’amour, Nous irons voir ensemble les jardins refleuris, Et déambulerons dans les rues de Paris, Dis, quand reviendras-tu, Dis, au moins le sais-tu, Que tout le temps qui passe, Ne se rattrape guère, Que tout le temps perdu, Ne se rattrape plus… U veranu hè fughjitu facci un pezzu diggià È cascanu e foglie è brusgia un focu avà À vede lu mè locu in fine di vaghjime È lu sognu mi stringhje Mi ciambottu, m’anegu è come un ripigliu Vò, mi voltu è pò giru, ritornu è mi ritirgu Rivegu lu to visu è mi parlu di què Aghju lu mal d’amore, aghju lu mal di tè Dì quandu ai da vultà Dì ma qual’hè chì sà Chì u tempu chì passa Ùn si richjappa mai È lu tempu chì fù Ùn si richjappa più J’ai beau t’aimer encore, j’ai beau t’aimer toujours, J’ai beau n’aimer que toi, j’ai beau t’aimer d’amour, Si tu ne comprends pas qu’il te faut revenir, Je ferai de nous deux mes plus beaux souvenirs, Ripiglieraghju a strada, mi stupisce lu mondu Anderaghju à scaldà mi à un sole prufondu Ùn sò micca di quelli morti di pienghjulà Ùn n’aghju micca u core à lu sacrificà Dis, quand reviendras-tu, Dis, au moins le sais-tu, Que tout le temps qui passe, Ne se rattrape guère, Que tout le temps perdu, Ne se rattrape plus Principeddu Sè tù voli sapè ciò chì t’aspetta quì U ti mandu issu cantu è issi grani à fiurì Sè tù voli amparà ciò chì ferm’à sculpì Saraghju quì per dà ti una manu, un capì Ùn ti frastorni ti di issi voci strani Tutti issi cuntorni sò per tè Ùn teme li ghjorni di toni è timpesti Ch’eu ùn canteraghju chè per tè Sè tù voli truvà d’altre strade in altrò Chì nisunu ti dissi ciò chì ti face prò Puderai pruvà ciò chì face ingrandà Fin’ chè tù nùn smintichi e chjave di u vultà Ascolta i voci in i to silenzii Sò cumè fanali per tè È apri i to ochji nantu à l’evidenzi Per ùn ghjudicà chè à tè… Sè tù credi in l’amori più chè in u benistà Ùn ti lascià prumetta mondi è mari à sfruttà Ùn ci n’hè più signori nè vinnochji à piigà Chì solu lu to cori sia quì per guidà Sighi cuscienti d’ogni mumentu Chì tù ùn esisti ma sè Sguassa i to pienti di i ghjorni di ventu Apri li issi veli per tè Sè tù porti in lu cori gioia è felicità I duverai sceglie ogni ghjornu chì và Sè tù voli cuncorre à issu mondu in andà Lascià le puru corre e glorie è vanità Teni u to paru sempri più caru Chì solu l’amori pò fà bè È stà ti luntanu di ciò chì ghjè caru Dà li un valori da per tè Di novu In li carrughji d’avali mi si pari avè mill’anni U ricordu molla Quidd’ eterna fola Di u parchì Mi si pari iè mill’anni Par u più pienti è malanni Pochi appallamanu Tutt’affannu Tutti quì Di novu …ma chì ci hè ? In li carrughji mazzeri In li carrughji penseri Senza garbu nè silenziu Senza viaghji o partenzi nè parchì Mi si pari chi mill’anni À mumenti ùn bastarani O ma quantu tempu torna Da guarì tuttu u frastornu È capì Di novu…ma chì ci hè ? U carrughju hè senza tè Sò millai accantu à mè è sò mill’è unu i guai da francà Sò mill’anni senza tè A me vita po’ chi hè Qual’hè chì mi pò fà dì : dinò Ho ho manchi tù… Solu tù ` Dimmi tù Cara mea O cara mea dammi ghjà un abbracciu E femu ci un passu sotta i balcò A me carina ùn ti mettu un lacciu Ed’hè solu un basgiu senza cummuniò A me carina prumessa ùn ti facciu Ed’hè solu un basgiu micca una priggiò Oghji hè festa in sant’Andrea I ghjuvannotti s’anu da ritruvà Ed’eiu aspettu una zitella Ch’aviu scontru in piaghja dui anni fà Aghju privistu di cantalli una paghjella E di cuntalli a fola di ziu Sà Di spassighjà inseme è di ballà cun’ ella Goda u so visu sin’à l’alburighjà Purtalla infine à scopre u rossu di u celi Sparte cun’ ella l’albore è lu sunnià… O cara mea dammi ghjà un abbracciu E femu ci un passu sotta i balcò A me carina ùn ti mettu un lacciu Ed’hè solu un basgiu senza cummuniò A me carina prumessa ùn ti facciu Ed’hè solu un basgiu micca una priggiò Oghji hè Santa Maria Ogni paese s’appronta à festighjà In casa di zia Lucia Trovi fritelli è frappi à vulintà N’ogni quartieri s’adduniscenu e famiglie È n’ogni core luce un amà Nantu a piazza ‘ghjà si sente u parapiglia Di a to ghjente chì vole ballà Vechji è zitelli in giru à la stessa ziglia In lu stessu cantà Fata secreta Hè un locucciu di muntagna Indù ci stà l’eternità Hè una terra di cuccagna Ind’iddu ferma una fiara, un sperà Hè quì ch’aghju scontru issa fata Chì m’aspittava à l’anuttà È chì m’hà insignatu issa petra Sottu à u velu di ciò chì hè è chì serà S’hè pianu pianu messa in ballu Girendu in tondu per cantà È si sò incesi centu lumi Disignendu mi una strada à suvità Pò in issu chjerchju ci sò intruti I pueti di tempi fà I sgualtri, i grossi è li minuti Chì si messinu unu à unu à impruvisà M’anu parlatu di issa terra Chì l’omu vole dissuchjà Chì hè più forte ch’omu crede Chì t’ingranda sè tù a voli rispettà Ascolta le isse voci Chì ti volenu salvà È fà ch’elle sianu luci Segni per scambià Per i toi, per i mei Per quellu chì venerà Canta li ch’ellu ùn s’ingranda Chè pienu d’umilità Senza nè comprà nè venda Quì ci poi campà… È quandu si spense u lume In Loretu à l’albizzà A fata turnessi in fume È u sognu mi fessi arrizzà Pien’ di lume è di forza per cambià Stella Stella hè una zitella D’indè mè Stella hè mamma è surella D’ohimè Stella ùn n’hà più ne celu Nè piacè Stella hè issu luminellu À fiancu à tè Stella da sott’un mantellu Di parè Stella tene i so macelli Piatti in sè Ride cù i so zitelli Per fà bè Ma da sottu à lu velu Cosa c’hè ? Ripigliu Ella in i so sogni C’hè tantu amore à dà Ella in u so cori C’hè un surrisu ch’ùn vole stancià Stella quand’ella si sveglia Pienghje in sè Spera chì dumane infine Andarà bè Sola à mezu à li guai È dispiacè Forse chì a scuntrerai Senza sapè Stella hè la to vicina Accantu à tè Ella surell’o cucina Ùn poi sapè Quand’ella s’avvicina Guarda bè Issu rimore in cucina A sai ciò c’hè Ripigliu Ella quand’ella spera Hè di pace è cambià Ella pura è sincera Un sà quandu lu sole hà da spuntà Stella s’hè incesa in lu celu A sai perchè Stella fughjitu hà issu mondu D’ohimè S’ella luce sta sera Ghjè per tè Perchè tu possi mughjà Mai più què ! Texte parlé Longtemps j’ai prié les étoiles Pour qu’elles te protègent Stella, Mais maintenant que tu es l’une d’entre-elles Brille, brille très fort Et que ta lumière éveille ce monde endormi Pour qu’il puisse enfin hurler d’une seule voix : Plus jamais ça ! A pesta Tutti i ghjorni in u Facebook O in l’altri reti suciali Intravatu com’a sgiucca Omu aspetta u carnavali Chjusi indè li nosci casi Soli ancu à mezu à millai Senza mai pisà li nasi Eccu li li nosci guai Ripigliu A pesta ùn n’hè solu in l’anscià A pesta hè in i nosci campà A pesta ùn la vogliu aiutà A pesta l’emu da sdradicà A pesta l’anu insitata quì A pesta in a parolla, in u dì A pesta corre in casa, in caffè A pesta ùn la vogliu per mè In i tarrazzi di caffè È in i lochi par scambià Ognunu campà par sè Presu in a so scimità Ancu u ziteddu chì Voli amparà o ghjuccà Trova u babbu senza dì A mamma intraccia di filmà… Ripigliu A pesta ùn n’hè solu in l’anscià A pesta hè in i nosci campà A pesta ùn la vogliu aiutà A pesta l’emu da sdradicà A pesta l’anu insitata quì A pesta in a parolla, in u dì A pesta corre in casa, in caffè A pesta ùn la vogliu per mè Chè no sighimu custretti Da a pesta o u coronà À mutà li nosci detti Scambià lu nosciu campà Mamma natura ci metti U nasu ind’a realità Par ritruvà ci più stretti L’emu da duvè rispittà Ripigliu 2 A pesta ùn n’hè solu in l’anscià A pesta hè in i nosci campà A pesta ùn la vogliu aiutà A pesta l’emu da sdradicà A pesta l’anu insitata quì A pesta in a parolla, in u dì A pesta corre na sucietà Arresta! Semu pronti à luttà! Sperà Mi saria piaciuta Mi saria piaciuta sta mani un’altra una volta Di purtà ti un rigalu cintu à dui frisgetta Senta ti diciulà à lu francà di a porta Com’è s’è tù ùn sintissi da l’usciu l’arietta L’avvicinà d’un passu, un fiatu à l’accorta I braccia strampalati purtendu i pacchetta Mi saria piaciuta sta mani un’altra una volta Di veda u to surrisu cù sta falsa suspresa Scuprindu u to rigalu cù a famidda accolta U rimprovaru fintu d’avè fattu issa spesa Ochja culmi di pienta, ma amori da fà sorta Affizzioni da lascià cori senza difesa Mi saria piaciuta… è ùn sò comu dì ti… Camparani li rosi è ùn sarani colti U giardinu ci pensa ùn mi pò cuntradì Calenduli, caroful’ è pampasgiola folti Purghjarani o mà i so curoni arditi In celi versu tè ch’e ti basgessi forti Un castellu Ti ramenti issa strada Com’un sarpacciu vechju Ti s’era cusì strana T’arrigava spavechju Ùn ci n’era canzone Per accurtà la appena Ùn ci n’era caggione Per toglie ti issa pena Ti cuntaii issa fola Com’un sognu di rena Chè tù ùn fussi più sola È viaghjà sirena Ch’o era lu signore D’issu castellu altieru Ch’un affare d’onore Alluntanaia fieru Un castellu in tattò In cima d’una teppa Un chjassu à bughjicò Fattu di petra secca Un castellu maiò Per la mio principessa È sogni par milliò Chì un babbu sà tessa N’avvii li cuccini É parenti fidati Per issi mondi è issi mari Soli è abbandunati Di Fiumorbu signori È di Rocca sculpiti Mazzeri è culpatori Par isse terre sbanditi Ci aspittavànu tutti In la torra à sulia Cù salami è prisutti Per fà festa in famiglia È tandu lu viaghju Ti paria ligeru È issu mese di maghju S’era accurtatu in veru Un castellu in tattò In cima d’una teppa Un chjassu à bughjicò Fattu di petra secca Un castellu maiò Per la mio principessa È sogni par milliò Chì un babbu sà tessa Oghje quandu ci passu Mi si stringhje lu core Chì sò fughjiti l’anni È sò passate l’ore Ma sempre teneraghju In fondu di mio core E per li tempi à vene Sin’à l’ora di more : Un visu di zitella Chì beie a mio parolla È iss’ochju chì s’accende Inde la mio figliola Un surrisu nucente Di gioia zitellina È lu mio amore ardente Ch’ùn serà mai pulvina Ti vulia dì… O bà mi ni vengu bè di u nosciu castellu Mà tù, m’ai rigalatu ancu di più M’ai custruittu un imperu d’amore Ch’hà impiutu u me cori per l’eternità U tempu passarà I castelli s’affunderanu I ricordi sguassarani Ma lu nostru amori firmarà intatu Per sta vita è tutti l’altri à vene |