 Da petra e da ventu |
| PARDONA MI Pardonna mi signori Ghjeu socu u piccatori Di tanti sbaglia fatti D’avè l’ochja calati calati I ghjoca di a me ghjenti Un sò tutti nucenti Ni cunoscu timmori Pardonna mi ô signori Si pò fà gran’ valori Senza sparghjini rimmori Quiddu ch’he passiunatu Un duvinti arrabiatu Chjamu in una prighera A più bedda lummera Fà chi a rimma amori Mai un sia più tarrori I ghjoca di a me ghjenti Un sò tutti nucenti Ni cunoscu timmori Pardonna mi ò signori I ME LOCA I me loca sò aparti a’i monta I me passa sò appesi A u violu chi sempri và A me tarra mi n’hè tettu di u mondu Culà insù, a’ rombu d’attipà Culà insù, induva stancia u pinsà Culà insù, nasci u ventu Culà insù, pasci u tempu Sempri… I to loca sò stinzati a’a piaghja I to brami sò falati A u mari chi sempri và A to anima hè liata a’u viaghju Culà inghjò, ti c’imbarchi a sunnià Culà inghjò, induva stancia u pinsà Culà inghjò, mughja l’onda Culà inghjò, ci hè culombu Parti… I nosci ochji sò sgriddati a’u mondu U me cantu s’hè inturchjatu A’a storia chi sempri và E a ghjenti stà attenti a’a ghjenti Al di là, di u solu pinsà Al di là, di u solu campà Al di là, ci hè a vita Al di là, ci hè l’avvena Vivu… U me cantu s’imbriaca A’spiranza I me brami accusentenu A’a storia chi sempri và INDUVA SO Induva sò quiddi ghjurnati Indù i staghjoni intriciatti Cuddiani i fiora Pà a ziteddina nata Induva so quiddi mumenta Qualè chi l’hà accantati Sarà u tempu fermu o u nosciu stintu ingratu Induva sò i fistighjati In’i nosci paisola Chi di mani e di nuttata Cantaiani à stessa ora Spuntaia à luci piena, U raghju di u soli Dicendu, tu voli vena, L’anoiu sarà solu. Spuntaia à luci piena, U raghju di u soli dicendu, tu voli vena, L’anoiu sarà solu. Dicendu, tu voli vena, L’anoiu sarà solu. Induva hè a fratiddanza, Chi no avemu cantatu Sigondu a circustanza, Da troppu a mancanza Cunsularà u ricordu Chi si senti inghjuriatu O circarà l’accordu Di a miludia scartata Cunsularà u ricordu Chi si senti inghjuriatu O circarà l’accordu Di a miludia scartata O circarà l’accordu Di a miludia scartata Induva sò, i schieti brammi No’ aviamu aquistatu In chi foscu di catranu Sò l’ochji e u passatu Oghji quandi u tempu Mi presta una pinsata So tali un ziteddu Chi ferma abandunatu Oghji quandi u tempu Mi presta una pinsata So tali un ziteddu Chi ferma abandunatu So tali un ziteddu A l’avvena passatu ACCANTU A TE Una luci ni trema Di i lacrimi appicati U tempu chi summina I candela abandunati U mandile hà accunciatu I ricorda i più anziani Di a storia chi t’hà minatu N’hà u sangu nantu à i mani L’ommi chi t’ani trova Ani di tè signuredda A piu intima prova D’essa li ni franca e fida A bilezza chi tu trascini Di spusala n’hani primura Da i costi fin’à i to cimi U to velu di virdura Ma u me più caru piacè Saria d’essa accantu à tè Pà una vita infinita Quandu veni l’attrachju M’arripongu una cria Sutt’u celi stiddattu Par tenati cumpagnia Avà chi a luna hè pisata Possu lascià lintà i brammi A me vita ùn ti sara sviata Oghji menu chi dumani Ma u più caru piacè Saria d’essa accantu è tè Pà una vita infinita Cù dui rimmi e un’armunia Ti voddu vesta di maravidda Più d’una vita infinita. I NIVULA DI DECEMBRI Abbughjani u celi Di biancu nivulosu Piattatu hè u soli Pò stà à u riposu Accumpagnani tandu U dulci fritulonu Di i seri chjinati In ghjira’llù fuconu E a mamma appronta Qualcosa da mandà A u fiddolu luntanu Che mossu à travaddà Aspetta à u balconu U piu beddu rigalu Quiddu di u ritornu Par affistà natali I ziteddi adduniti Circanu à spiicà L’ochja tesi à i cimi A si danu à bramà Chi nantu à u paesi Falessi una nivata Pà pudè ghjucà insembi Tutt’a santa ghjurnata Ribombani in ghjesa I canti pa l’onori Di u ciucciu brammatu U natu ridentori Prontu hè u cippu Di quidda notti santa S’apronta in ugni casa Una festa tamanta DI A ME TARRA Pà qui erani i nosci loca Pà qui ci stani prima dulori So avà usciati da i foca Malgratu s’he cullucatu un fiori E qui, no, avemu presu un amicu E piovi in un ramentu chi m’azzica Ma he chiara, l’acqua chi curri He chiara ssa pinzatta ch’eu dicu He qui chi u nosciu versu s’avventa E trova ugni laziu d’accunsentu E quandi u cunsigliu ci scumparti He qui chi u dubitu un a parti Si qui so attrati i prima venta Fa sforzu e fa soia ssa cumpienta Cusi s’avinuchjarà u turmentu Avizzu a sfittà u francu mumentu He qui chi u pinseru curiosu S’he mossu pà un strappidda piu l’onori Parchi u ghjustu anda priziosu Un fessi allianza a u disunori Si qui veni a campà un distinu Daraghiu l’affrontu a u so mischinu Parchi, qui, in u sangu di a me tarra Suspira u me intimu e s’infarra Si qui u me intimu s’agriccia Si qui ch’ugni cosa ni facci triccia Par qui mesu u sangu di a me tarra Suspira u me intimu e si sfarra COM’HE CH’UN HA INTESU Comm’hè ch’un hà intesu? U soli cantichjaia Cosi d’un altru mondu Offerti comm’è sporti Ghjeu mi sò arrettu A’a verga di l’ori Ci’hè statu una scummissa Unu sguardu, unu surrisu Paroli à basgiacori E a mani chi sparghji U velu’lli carezzi Nant’à pianuri sveghji Attenti comm’hè mari A u pisà ‘llu ghjornu Ci ‘hè statu una prummissa Unu sguardu, unu surrisu Primmuri à strappafiatu U piaceri chi lampa I strida di i stundi Nant’à cordi d’incantu Brammosi di l’eternu For’di fusu’llu tempu E pò ci’hè stata l’ora Di rompe l’incantesimu U soli si hè incrinatu Nant’à vetra bagnati Ghjeu so statu solu Comm’hè ch’un m’hà intesu ? I STUNDI D’AVRETU Vo furtezzi prisenti pisati da u tempu Chi trascinani l’eta d’un carissimu mondu Innacquati suttu a u oiu anticu ventu Frischi di mimorii ni so da cim’a in fondu Aggrotta di i mei d’un sognu vagabondu E dura he a cannedda di quiddi ommu chi Lampa i parolli nantu a un versu frantu Com’e si narbosu duvintaia u mari Ani a summidda di petri e di stentu Una vera summidda arnisata d’incantu Ugni pezzu di te si voli graziosu Tarabuceta bedda ti lenta a so voci Da u locu di Talza a Purghjala ûmposu Un cusi beddu spaziu a a menti traduci Avretu a me piana in u me cori luci PA TE CHILE Aghju vistu u to celi Ammantatu di suffrenza Sgraniddà à cor afflitu A prighera imputenza E ‘sse foli crepacori A to ghjenti hè paura Abbughjatu hè l’avvena Sarrati in u silenziu E u mari chi và A imbarcà tanti viti E u mari chi và E si porti in esiliu Pà tè « chile »… Aghju intesu u to cantu Lampà l’indiferenza Incurdà tanti cora E schiarì i cuscenzi Rinvivi nant’a i spondi A to ghjenti ritrova A guitarra s’hè infiarata A spianà u marosu E u mari vultà S’he impetrat’à primura Hè u mari culà Quand’hè domma a paura Pà tè « chile »… « chile » spirà A « chile » vultà « chile » cantà A « chile » sbarcà Pà carrughja e stradeddi S’incamina a fedi U to celi hè spannatu E si sbramma u vidi E u ventu chi tira Hà truncatu i maghja Di u bateddu ingordu Chi carcaia l’esiliu E u ventu chi và Canta pà l’alamedda Un populu chi và Asciuva i so feriti Pà tè « chile »… « chile » di u vultà Una tarra da riva A to storia s’hà da sbuccinà « chile »… L’Imbasciata U me cori hè fasciatu, D’imbasciata cussi bedda Partu oghji a stringhja mani Chi ci hà ricatu a morti Hà da essa quiddu ghjornu Stunatu ‘lla noscia accolta E u ventu s’hà da arreghja Da subra ‘rena Chi ci faci da locu Da tantu tempu Da tanti stundi Un voli essa più quì Chi ci veni à calmina E u mari si pirdarà In i sò abbissa neri U marosu si n’hà da andà A casticà altri spondi Pà ave stiratu indarru A piaghja di i feriti E di vidi abbandunata Quidda vindetta A vindetta bramata Pà tanti secula Pà tanti morti Tanta ghjenti lampata Senza avè gosu vita Sarà pattu à bastanza A strinta di i nosci mani Campusanta inchjudati Pà subr’à tanti ricorda Chi ci dicenu chi sò innumici A sò stidda è a luna Aghju u cori fasciatu D’una imbasciata bedda A scumissa s’hè scemma Di vulè fà i paci Aghju u cori fasciatu D’una spiranza ardita SILENZIU D’aspettati nantu à loca vioti di vita E francà petra eterna, in cammini spuddati Chi allonga un mumentu, in stunda infinita Se tu chi arrechi riposu à i sogni scappati E di dolu u mondu si vesti, qualchi ora E pianta in accordu tutti i ghjochi schirzosi Dendu i disgraziati una siti di mora Si tu chi arrechi riposu à i capa strosi Ma si sgrana u tempu di l’anni siccati E si fighjola partenzi à l’errenti spassati Lasciendu una piazza à fiddoli brammati Se tu arrechi riposu à l’animi andati L’occhja sarani chjusi à u chjassu à piddà Sarani muti i stundi, ‘llu ‘nuccenti viaghju E risposti ‘llu mondu so di fatalità Se tu arrechi pinseri a l’ommu malatu |