 M’Assumigliu |
| AIÒ O CÈ Di prima trinca cantareccia Tirata da palu in frasca À l’antica l’omu s’intreccia È oimè à chi ci casca. Ma quandu l’urganettu hè cintu Esse di l’emme si ne impippa Riccu di vita hè lu so stintu Focu d’eviva è po trippa. Aiò o Cè portaci in fiera Trippa torna eppo’ galera Faccilu sente lu to piacè Portaci in fiera aiò o Cè. Anni finiti ottanta quattru Un batter d’ochju di malizia Sempre d’amore sempre sgualtru Cun dece dite d’ingurdizia, I penseri sò sottu chjave Mentre inceppa a baldanza. Allegri chi voca la nave Ghjè l’altu mare chi s’avanza ! Aiò o Cè portaci in fiera Trippa torna eppo’ galera Faccilu sente lu to piacè Portaci in fiera aiò o Cè. E’ à lu tirà di le rete L’omu à l’anni primaticci Averà sempre da scumpete Ùn serà mai in l’impicci. Chi si un ghjornu m’impastoghju In duie note cuntrastate Ch’ellu sunessi u palpatoghju L’ore di l’ultime stinzate. Aiò o Cè portaci in fiera Trippa torna eppo’ galera Faccilu sente lu to piacè Portaci in fiera aiò o Cè. BAGHJÒ Un ghjornu si è l’altru nò Baghjò si ne và in Bastia Un ghjornu si è l’altru nò L’aspetta u lettu di a so Mia. Un ghjornu si è l’altru nò Si ne và à l’osteria È lascia tanti pagherò Quantu ne vene rattafia. Baghjò Baghjò O le rise le rise Baghjò Baghjò O le rise Baghjò Baghjò Baghjò Rise è fantesie Baghjò Baghjò A vita hè un bombò. Un ghjornu ch’era pè stradò Si abbughjò d’un colpu a via A morte ladra u falgunò Tempu d’un ame è cusi sia. In celu San Petru u pregò Di sceglie cos’ellu vulia Frà u paradisu di i piazzò È l’infernu cù la so Mia. Aiò Baghjò Fatti sent’una cria O si o nò Chi voli fà Baghjò. Assai sò Cusi ellu dicia Qui ùn ci stò Parolla di Baghjò Iè mi ne vò Mi ne vò in Bastia Quaghjò ci sò Pulpette è pulpacciò. DIMMI PERCHÈ Dimmi perchè tù nun rispondi A’ lu mio cantu dulurosu Dimmi perchè tù mi cunfondi Quandu per tè sò malorosu Dimmi perchè li nostri amori Cum’è lu ventu si ne vanu Dimmi perchè cum’è li fiori L’aghju tenuti pocu in manu. Dimmi perchè tante prumesse Anu pigliatu lu mio core Dimmi perchè le mio carezze Per tè ùn anu più calore Dimmi perchè la mio sperenza Cum’è le stelle s’anu da spenghje Dimmi perchè cum’è un orfagnu L’anima mea nun pò chè pienghje. Dimmi perchè tutt’hè finitu E pruminate è le canzone L’estate ind’è lu to giardinu È l’invernu à lu to fucone. Dimmi perchè li serinati Ùn aprenu più lu mio core Dimmi perchè li mio vint’anni Senza tè bramanu di more. Dimmi perchè ? Dimmi perchè ? Dimmi perchè ?… FULLETTU Pisatu da e strette Di sognu vanghigliacciu Vuculendu per sette Eu sò ziteliacciu I carrughji sò mei È ùn sò disgraziatu Ci frustu li mio pedi À cavallu ferratu. Mi chjamanu Fullettu Cun viziu, cun rispettu E loghje, li purtoni Sò li mio Sant’Antoni. Orfagnu di paese Figliolu di a cità E mio camisge tese Guardanu à San Ghjuvà In tondu à li ghjorni Per forza è per amore Arrutu li cuntorni Sò un imbasciadore. Mi chjamanu Fullettu Cun viziu, cun rispettu E loghje, li purtoni Sò li mio Sant’Antoni. U sole à prufittu A pella sempre mora Battu cun l’appitittu Di l’anima pastora A mio santa parrochja Si ghjimba una stonda Quandu fiera arrochja A chjoma vacabonda. Mi chjamanu Fullettu Cun viziu, cun rispettu E loghje, li purtoni Sò li mio Sant’Antoni. Si per casu m’assanna Qualchi ventu scuntrinu Chi à la so cundanna Diventu casandrinu Sott’à lu fanalettu A scusa d’un agrottu À l’appossu d’un tettu Ammaestru lu portu. M’ASSUMIGLIU Indentr’à l’orbi secreti d’u nostru vechju librone E più belle riturnelle sò di calambra nustrale Ad ogni pagina scritta ad ogni pagina bianca Ad ogni fiura sbucciata ad ogni canzona nata M’assumigliu m’assumigliu. À l’acqua di a surgente chi imbianca a spiscina È porghje a rinfriscata sin’à e nuvale piane À u lampà di a vista ver di u mare luntanu Da a petra a più alta di e cime isulane M’assumigliu m’assumigliu. À tutte ste strade nove chi allarganu u passu À tutte ste terre mosse da u sperà in l’umanu À quest’ancure lampate in e marine d’argentu Quandu soffia è minaccia u ventu di e straziere M’assumigliu m’assumigliu. À lu criaturu fiore natu in cor di sulleoni Chi prumena a so crina un primu ghjornu di scola À ‘sa lingua ch’ellu scopre à e labre di babbone À ‘sa lingua chi ghjè nostra è chi face chè no simu M’assumigliu m’assumigliu. À cos’ellu si rispira eppò cos’ellu si mughja À sta voglia ch’o vi cantu è cos’è vo mi rendite À tutte ste stonde vere chi inventanu a vita È simplicemente a vita di i nostri lochi a vita M’assumigliu m’assumigliu. MORE A VINT’ANNI Vint’anni ùn anu chè vint’anni È si ne vanu à more Cum’è nimu ùn la sà Vint’anni ùn anu chè vint’anni Ma li so corte l’ore À vulelle spiccà Mai vuleriamu sente Ch’un figliolu nucente S’hè persu à ma più Persu ghjuntu à l’albore chetu Per avè solu betu Un bichjeru di più A vogliu piantà In fondu di i cori i più bughji A rabbia di cantà ch’ell’ùn si strughji A nostra giuventù. Giuventù chi bolle À l’idea di corre per istrada Senza cuntacci ch’ad ogni girata A morte ci hè dinù. Zitellu ùn fà cum’è ‘su sole Chi appena pisatu s’empie d’oscurità Zitellu guarda li to vint’anni Sò u fiore chi sbuccia è si vole ingrendà Guarda intornu à tè Quantu chi ne sò morti à l’età toia Da mandalla in pezzi quella gioia Chi face chè tù si Guarda intornu à té I to vint’anni falli sempre ride Di grazia ùn ti ne cuntà bugie A vita ùn la tradi. More more more À vint’anni Eu dicu ‘nò ! ROMEA A notte sottu à i lampiò Chi accendenu i so ciuffi aspetta sola i sguaiuffi È i sò qualchi baiuccò. Anu u focu in a bocca È e manere cusi ardite Sò a valanga chi rivocca Nantu à ella o quante dite. Vende l’amore vende l’amore Vende l’amore È à virtù Paga d’onore paga d’onore Paga d’onore In soprappiù A’ ella a vita dice ‘nò À l’acqua và cù u spurtellu Dà u so corpu in alivellu À l’incuntratu pè i stradò Ell’hà u core zavellatu Cum’è bandera à sbattiventu Hè fior’offertu ma stracquatu À u rispiru di u squentu. Vende l’amore vende l’amore Vende l’amore È à virtù Paga d’onore paga d’onore Paga d’onore In soprappiù Ell’hà quantunque un tesoru Chi vale l’oru di u mondu Ochjiarrittu è faccitondu Hà e gambette à canistrò Beate stonde di a mane Quandu a merla già discorre Vene à pone in e so mane L’ommagiu di lu so amore. Vende l’amore vende l’amore Vende l’amore È à virtù Paga d’onore paga d’onore Paga d’onore In soprappiù Dice l’amore dice l’amore Dice l’amore Ma si tù Pagu d’onore pagu d’onore Pagu d’onore Sempre di più. SANTA MARIA Santa Maria Di Surbellu Invernu grida À u purtellu In u to senu Vengu arripone U calge plenu D’e mo canzone. Sopr’à Bastia à mè m’aspetta una casuccia Cusi belluccia guarda u mar Alabastrina u ventulellu l’abbiuccia A so santuccia si tù o Mà Abbuttulatu à lu so fustu genitore Trica u fiore brama d’amà O tù chi sai u sempre meu torcicore Fà corre l’ore bramu d’andà. Santa Maria Di Surbellu Invernu grida À u purtellu In u to senu Vengu arripone U calge plenu D’e mo canzone. Un’ ci hè più chetu chè u toiu l’arancetu Ne aghju betu u so dulcior Sentenu u freddu le mo strofe cunsuete Ell’anu sete di un amor A porta ingringa aprendu piaghe ch’ùn sà chjode U tempu rode a libertà Cos’hè chi zinga ma cos’hè chi mi cummove D’anni sò nove ch’aghju à cuntà. SÒ IND’È MÈ (Eccumi ghjuntu a lochi veri È vi salutu Colmu hè lu core è mi stò mutu Chì parla l’eri…) Frisgi D’acelle sante Gioie succante Sò ind’è mè Mosse È discitere Rase lumere Sò ind’è mè E muntagne di Tenda Sò da sempre turchine È lu ghjornu in cumpienda Ne indora e spine Ind’è l’ortu cunnoscu L’addurmentati meli Ma spachju n’hè lu boscu Di tintenne è d’imbeli. Muschi Di muchj’albellu Vent’acitellu Sò ind’è mè cenni di stradiole Andà ci vole Sò ind’è mè. Inelpatu è strintu À la cavalcatura U paese s’hè cintu D’una nova vistura Case tinte di sole À mez’à tanti fiori O Mà seranu fole L’eri tempi pastori. Stonde Di sopravolu Ritula è colu Sò ind’è mè Fronde È frullulime Valzu di rime Sò ind’è mè TESORU Cum’un’offrenda À bracce sparte Vogliu scumparte Di cuntentezza A mo certezza Chi tappariolu Hè u figliolu D’u nostr’amore. Ellu a si campa Trà notte è ghjornu In lu so scornu Addurmintatu Ingrufulatu In e so fasce Prontu pè nasce U nostr’amore. Tesoru meu Fiore cirneu Si cum’un sognu In corpu à mamma Per tè a vita L’emu cusgita À filu d’oru U mo tesoru. Poi ci hè l’altru U chjuculellu U to fratellu Chi gira è voca È chi alloca U so secretu Per tene chetu U nostr’amore. Ragiu di sole Ùn sbaglia mai Postu chè tai Cun tè l’avvene Sappia mantene Longu a to strada L’incaminata D’u nostr’amore. Criaturellu Un viuluncellu Accarizzatu Sott’à l’archetu Impruviseghja Tutt’una veghja In do minore Per fatt’onore. |