Messa corsa per i tempi novi

INTROITUS « CONFUNDANTUR »

Ps .69. Confundantur et revereantur,
qui quærunt animam meam.
Ps .41. Dum confringuntur ossa mea,
exprobraverunt mihi, qui tribulant me inimici mei.

Gloria Patri, et Filio, et Spiritui Sancto.
Sicut erat in principio, et nunc, et semper :
et in sæcula sæculorum. Amen.

KYRIE ELEISON

Kyrie eleïson, Kyrie eleïson, Kyrie eleïson.
Christe eleïson, Christe eleïson, Christe eleïson.
Kyrie eleïson, Kyrie eleïson, Kyrie eleïson.

GLORIA IN EXCELSIS DEO

Gloria in excelsis Deo.
Et in terra pax hominibus bonæ voluntatis.
Laudamus te. Benedicimus te. Adoramus te. Glorificamus te.
Gratias agimus tibi propter magnam gloriam tuam.
Domine Deus, Rex cœlestis, Deus Pater omnipotens.
Domine Fili unigenite, Jesu Christe.
Domine Deus, Agnus Dei, Filius Patris.
Qui tollis peccata mundi, miserere nobis.
Qui tollis peccata mundi, suscipe deprecationem nostram.
Qui sedes ad dexteram Patris, miserere nobis.
Quoniam tu solus sanctus, Tu solus Dominus,
Tu solus Altissimus, Jesu Christe.
Cum Sancto Spiritu, in gloria Dei Patris.
Amen.

GRADUALE « REPLETUM EST »

Ps .125.
Repletum est gaudio os nostrum,
et lingua nostra exsultatione.
Dicent inter gentes : Magnificavit
Dominus facere cum eis.

ALLELUIA « EJA INVICTA MARTYR »

Alleluia, alleluia.
Eja, invicta Martyr, dulcis Patrona et concivis fidelis,
sancta Devota, exsurge in adjutorium mihi.
Alleluia.

CREDO IN UNUM DEUM

Credo in unum Deum,
Patrem omnipotentem factorem cœli et terræ, visibilium omnium et invisibilium;
et in unum Dominum Jesum Christum Filium Dei unigenitum, et ex Patre natum ante omnia sæcula,
Deum de Deo, lumen de lumine, Deum verum de Deo vero;
genitum, non factum, consubstantialem Patri, per quem omnia facta sunt;
qui propter nos homines et propter nostram salutem descendit de cœlis,
et incarnatus est de Spiritu Sancto ex Maria Virgine; et homo factus est;
Crucifixus etiam pro nobis sub Pontio Pilato, passus et sepultus est;
et resurrexit tertia die secundum Scripturas ;
et ascendit in cœlum, sedet ad dexteram Patris,
et iterum venturus est cum gloria judicare vivos et mortuos, cujus regni non erit finis.
Et in Spiritum sanctum Dominum et vivificantem; qui ex Patre filioque procedit,
qui cum Patre et Filio simul adoratur et conglorificatur; qui locutus est per Prophetas.
Et unam, sanctam, catholicam, et apostolicam. Ecclesiam,
confiteor unum baptisma in remissionem peccatorum
et expecto resurrectionem mortuorum,
et vitam venturi sæculi.
Amen.

OFFERTORIUM « DOMINE SPES MEA »

Domine spes mea a juventute mea,
in te confirmata sum ex utero :
de ventre matris meæ tu es protector meus.

SANCTUS

Sanctus, Sanctus, Sanctus Dominus Deus Sabaoth.
Pleni sunt cœli et terra gloria tua, Hosanna in excelsis.
Benedictus qui venit in nomine Domini,
Hosanna in excelsis.

AGNUS DEI

Agnus Dei, qui tollis peccata mundi, miserere nobis.
Agnus Dei, qui tollis peccata mundi, miserere nobis.
Agnus Dei, qui tollis peccata mundi, dona nobis pacem.

COMMUNIO « EGO DILECTO MEO »

Cant.6.2.
Ego dilecto meo, et dilectus meus mihi,
qui pascitur inter lilia.

ITE MISSA EST

Ite Missa Est. Deo Gratias.