 vit’amori |
| EIU PENSU A TÈ … U mari in timpesta Ùn mi faci paura Aghju un sintimu in mè U marôsulu in cresta Ùn mi pô dà sciaura Aghju a forza di tè Ripiddu Eiu pensu à tè Eiu pensu à tè Supraneghju lu mondu In un grand’ bocatondu Quandu è e ‘pensu à tè Apru la finestra Zinga la cultura Ma fretu ùn ci n’hé Ni trema la bestia Tronca la natura Ma aghju caldu di tè Si la vita cuntesta Ch’edda torna oscura Ùn mi misciu par què ln ogni stonda funesta Malgradu la scugnura Aghju a fedi di tè Un ghjornu sarà festa Di issa gioia hè sicura Ni saraghju lu rè U mo cori in sesta Farà, sola primura, A regina di tè NOTTI D’ISTASTI Toccu mezanotti , Un vintuleddu caldu Si porta i giuvanotti Tutti insemi à lu baddu, È po sona l’amori È s’intreccia la funa Chi ci leia li cori Di biata furtuna In issa notti d’istati, si senti una ghitara , Sarà un sirinatu chi porghji una fiara , Sarà unu innamuratu Mùsica di basgi , Un cantu chi trema , Un sonniu chi piaci Azzeca l’avvena . Par oghji è durnani , lnsemi in vinochji, Si stringhjinu i mani È si chjùdinu l’ochji . Bedda notti d’istati, sona una gl!itara , È ogni giuvanetta spera ch’edda hè a fiara Di u so innamuratu Sunnièghjanu à i camparu In un muscu di fritteddi È po s’invintaranu A risa d’un ziteddu . È bàddanu i steddi Chi pàrinu soli Sta sera l’aceddi Sô tutti rusignoli Dolcia notti d’istati, canta una boci chjara È una giuvanetta sà ch’ edda hè tanta cara À u so innamuratu MILIA Una ciuffetta bionda È una faccia tonda, Cù a so buccuchja ronda Chi ridi ogni stonda. I so ochji malizia Ùn so ch’è ingurdizia D’un mondu chi si pianta, À fighjulà la s’incanta, s’incanta … Li tendi i so bracci, Li spendi i so basgi, À bapu , à mamma, à paru È à u so frateddu caru. A sera da u so lettu, Dici : o Bà, aspettu, Càntami una canzona, Porta u mo cori in sonniu, in sonniu … Fà chi a to armunia, U mo nomu Milia, U faci bulà in celi, Cù i canti di l’aceddi. Bapu si metti à cantà, A ghitara à sunà, Milia voli sunnià … È si lascia addurmintà, addurmintà. ARRÎZZATI O FIDDO Lascia à l’altri luntanu, Ùn ci ponu capi Chi lu nostru lu branu , U ci faremu fiuri . O quant’ è eddi ni sanu Ma lascemu li qui , Mai ùn saparanu Cio chi n’avemu à di . Arrizzati o zitè ! Arrizzati o fiddo ! Aio veni cun mè Tè a mo mani , aio ! Stà à senta o fiddo ! Eiu cantu par tè Mai più i maio Ùn faranu mali à tè ! A to tristezza amara A faraghju sbuttà , I to pienti arrispara , Chi t’anu da annigà . U to bapu ti parla , Ti voli arriscaldà ; Cun la nostra ghitara , Ùn faremu ch’è cantà … Quinci s’apri la strada lnduva ti voddu purtà , Qui ci nasci la biada È cresci lu spirà ; Si la lo piaga hè calda , O fiddo, ùn ti vultà , Par piacè, fa l’uchjata È cerca à pardunà ! … TÙ LUNTANU Chi ti vulia di Abbadendu versu tè Ùn ai sapiutu capi Ma pensa sempri à tè … Tù chi stai luntanu .. . Cù i so làcrimi accesi Diluviu d’amarezza Cù i so mani tesi Chiria una carezza … Se’ partutu’ Iuntanu La to vita hè marosu Viaghji senza piantà Un sguardu lacrimosu U t’ ai lasciatu à l’indà … La to vila hè marosu Ùn sai comu vultà Un cori amurosu Spera sempri culà U tremu di i so lapri Chi so firmati muti D’u cori chi s ‘apri I guai i s’hà tinuti … Par ùn chjamà ti in vanu Una prummissa fatta In tempu d’ aligria À l’amori liata Cusi si ni muria … Se’ fughjitu luntanu Ma quandu cala u ghjomu Si cheta è si stà bassa Aspittendu à l’intomu Di senta lu to passu .. . È se’ sempri luntanu .. . U VECHJU CACCIADORI Quantu a cunnosci a so muntagna Ma puri codda pianu pianu U so fucili par cumpagnu ln istacca un pezzu di pani Trascina u pesu di i so anni Cù a forza di la so passioni D’a dipulezza d’ i so ghjambi Ùn voli ascultà la ragioni … Li si stringhji lu cori, À u vechju cacciadori … À l’ attrachjata si n ‘hè isciutu Dicembri cala u so manteddu A so ghjacchetta di viddutu Ùn po tena un trimuleddu Nuttati saranu millai lmbucinatu in u so piloni Chi anu fattu d’a so vichjaia Stampa di milli imuzioni … Li si stringhji lu cori, À u vechju cacciadori … Oghji sà bè chi d’a so vita, ln mimoria u longu ritrattu, Di la so giuventù sparita Ùn li ferma ch’è pocu fiatu Capu arrimbatu à lu camminu U fumi u faci piinghjulà Ùn ci hè mancu più un vicinu Chi venghi à lascià si cuntà … U vechju cacciadori, Mi si stringhji lu cori … A MO GHITARA Tù a mo ghitara, D’i mo passi primi se’ stata a cumpagna Quandu principiava a mo vita cuccagna Di cio chi i mo bracci anu strintu caru Se’ la più fida senza un’ unghja d’amaru À l’intrecciu di i mo scontri ci eri tù Ribumbàvanu i mo notti giuventù Sirinati ùn ni faltava una volta Dàvamu tutti è dui à boci rivolta Sona par mè Una volta dipiù Cantu par tè Quantu ni voli tù Dui èpo trè Centu mila canzoni Quantu ci n ‘hè Da i nostri passioni Tù a mo ghitara, L’amicizia ti ringrazia d’invintà Stondi magnifichi di fraternità Chi anu fattu pianu pianu l’insemi Lienda soda chi l’avvena ùn lu temi A sai bè chi ni sei innamurata A nostra lingua hè surgenti incantata À l’amori ancu lu più clandistinu Li rigala u so versu cantarinu Tû a mo ghitara, Tanti sirati davanti à lu camminu Solu u focu ci sintia à vicinu Ad ogni carezza chjappavi à trimà Era sussuru di spirà, di bramà Si calchi volta u mo pettu mi sintia Li mo pienti i turnavi miludia Tristezza o gioia, m’ai fattu cantà È cun tè sempri mi voddu rimintà AGHJU SUNNIATU À TÈ Aghju sunniatu à tè ln a mo càmmara cutrata U soli s ‘hè pisatu in mè È la mo notti arriscaldata U soli s’hè pisatu in mè Aghju sunniatu à tè … Com’è a ceca barabàttula In u spichju di i to ochji Era fieru quant ‘ è l’ àcula È più mucatu à i mo vinochji Tindla l’ali à lu celi Par cantà la mo vittoria ln un muscu di fiori è meli Imbriacava a mo mimoria Aghju sunniatu à tè In a mo càmmara cutrata U soli era tuttu à mè È la mo notti arriscaldata U soli era tuttu à mè Aghju sunniatu à tè A mo gioia era vultata Tutt’al menu a cridia Eri tanta innamurata Chi in pettu u cori scimia Ti tinia cusi strinta In li mo bracci sarrati Par mè ùn era micca finta È li to basgi arrapiati Aghju sunniatu à tè ln a mo càmmara cutrata U soli era tuttu à mè S la mo not ri arriscaldata U soli era tuttu à mè Aghju sunniatu à tè A ti vu lia fa sapè Chi ti tinla cusi cara T’aghju cercu induva se’ In la mo notti amara So scunsulati i mo mani D’avè ti lasciatu andà È par un corciu lindumani M’approntu torna à campà Aghju sunniatu à tè ln a mo càmmara cutrata Hè capu/atu u soli à mè È la mo notti abbughjata Hè capulatu u soli à mè Aghju sunniatu à tè Aghju sunniatu à tè Aghju sunniatu à tè .. . IND’È MÈ lnd’è mè o tamantu tisoru U mo fiumi , biddezza in libertà Vali più ch’ è s ‘eddu era oru Eiu mi campu à andà ci à piscà Tuttu intornu ci s’appuppa la vita In tanti ghjàrgali cantarini A machja muscata è culurita A si sciala à u frescu d’i vadini L’aghju vista, ci s ‘arreghji la luna À ciuttà si à l’onda d’u ponti Accarezza i pesci una à una È pianu si pesa par li monti Ind’è mè l’ Alcùdina hè vardiana Quandu soffia u Ventu Supranu À i casuchji in a vanga suttana Para a furia di issu ventu tarcanu Ghjè edda chi poni a sumenti Ochji lindi cusi bè avvirsati Chi màndanu in li ripali argenti Li so acqui chjari è rinfriscati L’aghju vista, ci s ‘arreghji la luna À ciuttà si à l’onda d’u ponti Accarezza i pesci una à una E pianu si pesa par li monti lnd ‘è mè, u paesi hè à vicinu Abbisogna tantu a so ricche È, quantu è à l’ Altari u vinu, Ghjè u so sangut, a so salvezza Fiumi à l’acqua ghjucarina Risi è canti in li so spondi à sulana Anu annannatu a zitiddina Di lutta a mimoria paisana L’aghju vista, ci s’arreghji la luna À ciuttà si à l’onda d’u ponti Accarezza i pesci una à uua È pianu si pesa par li monti A MOGLIA DI PASQUÀ O la moglia di Pasquà Mai ch ‘è la sia Mai cb ‘è la sia O la moglia di Pasquà Ùn si po assirinà A mani toccu ôndici ori À lu muscu di u caffè Si pesa da lu so lettu È si lampa in canappè Quandu ghjunghji lu fattori Si leghji pianu u giurnali Faria ancu da manghjà Ma ghjè chi li veni mali À dui ori in sidioni Casca u so appuntamentu Cù una grandi emissioni Chi infiara i sintimenti Avà li tocca à lavà si Chi avanza la ghjurnata lnnanzi notti ci vularà À fa si una chjachjarala Arrifiata una stonda Stanca di tiliffunà Sfurchittendu i so capeddi Sunnieghja in u soffâ A sera tardi à nov’ori Pensa ùn possu più tena Sta tamanta straziata À a saluta ùn pô cunvena Dumani torna Vignali Tuttu ricuminciarà Ma un ghjomu si Diu voli Si pudarà arriposà Truvendu si par gran’ furtuna Piazza in l’amministrazioni Scapparà da la so casa Tamanta rivuluzioni AIUTU Eiu so’ innamuratu Di a so boci calori Eiu so’ appassiunatu Di u so sguardu culori O quantu a pregu à mè Sapissiti l’imuzioni Donna cumpagna ùn ci n’hè Ind’è tuttu lu rughjoni Comu fà comu fà Mi s’affoga a timighezza Qual ‘hè chi mi po dà Curagiu da a mo salvezza U corciu eiu u disgraziatu À chi li pudessi parlà Ch ‘eddu sia ringraziatu Di vulè mi aiutà … Ch ‘edda mi voddi abbadà … Ch’edda mi posi accantu Mancu più parlà ùn possu Ch’edda sussurghi un cantu Mi ghjunghji lu tremu addossu Di u so muscu di fiori Eiu n’aspettu a vampata À u so anciu licori Mi facciu una imbriacata Da ch ‘edda affacca luntanu Ni scimisci u mo pettu Po i so passi si ni vanu Ùn ferma più ch’ è rigretu Ma sempri aspettu à dumani Sarà forsi u ghjomu santu Mi piddarà a mo mani Chi a spergu tantu è tantu DAMMI GHJÀ .. . Chi timpacciu sta matina Da a muntagna à la marina Mi so’ chjappu una cruscina Mi ci voli una midicina Quant’hè dura 1′ istatina O tamanta sudatina ln caldamoni è sulioni Servi mi un buchjironi Longa hè stata a ghjurnata Dopu tamanta straziata Par senta mi di più vivu Vengu à l’apperitivu Poca freta sta sirata È po bedda abbughjata À dà ci una arriscaldata Metti ci una turnata Dammi ghjà ghjustu un cicchettu Cb ‘eiu mi senti arrisanà Dammi ghjà torna un culpettu Ch ‘eiu mi metti à cantà Dammi ghjà una vodcà È acquavita à vulintà Aio tutti à baddà ! Lallallà lalallalleru Lallalleru lallallà Lallallà lalallalleru Lallalleru lallallà ……… . MA QUAL’HE CHI A SA Luccichenti una làcrima À l’orlu di i to ochji Ci ai scrittu una pàgina D’u to amori chi dirrochja Da lampà una chjama ln la to vita infama A so’, ti voli lascià A so’, ti voli lascià Ma qual’hè chi a sà, ma qual’hè chi a sà Ma qual ‘hè chi a sà, ma qual’hè chi a sà Ma qual ‘hè chi a sà, ma qual’hè chi a sà Induv ‘è eddu và Induv’ è eddu và À u stallà di l’ addisperu Quandu cerchi a to luci Chi lu to avvena hè neru ln issu mondu chi ti nuci À l’ora chi tù ti rendi Una mani si tendi Chi ti voli salvà Chi ti voli salvà Ma qual’hè chi a sà, ma qual’hè chi a sà Ma qual ‘hè chi a sà, ma qual’hè chi a sà Ma qual ‘hè chi a sà, ma qual’hè chi a sà Induv ‘è eddu và Induv’ è eddu và Unu scontru un surisu Un’ imuzioni chi nasci A sorti n ‘hà dicisu I to guai i ti lasci Oghji hè tempu d’amà Di cori à ricamà E tù voli cantà È tù voli cantà Ma qual’hè chi a sà, ma qual’hè chi a sà Cusi và la vita, cuçi và la vita Ma qual’hè chi a sà, ma qual’hé chi a sà Induv’ è eddu và Induv’ è eddu và |