 Memoria |
| Cum’ellu he’tristu Curn’ellu hè tristu issu veranu Ben’chi a natura sia in culore Cum’ellu hè tristu issu veranu U core tremma di dulore U fiore ch’avia innacquatu E assudatu cun tantu amore Ghjustu sbucciatu si n’hè impassitu Senza pudè mirà u sole Calpighjatu hanu l’orticellu Sgraticatu tutte e mio speranze Falzu destinu crudellu Cumandatu da l’incuscenze Cum’ellu hè tristu issu veranu Chi toglie a vita à un fiore Un po avè alcun’rispettu E’ piantà a vita chi corre Un ci vole avene core in pettu Cum’ellu hè tristu issu veranu Vogliu mughjà u mio dulore Cum’ellu hè tristu issu veranu Ghjera u mio sangue, u mo amore. U pastore ln cima di qualchi cresta Di a muntagna di Pianellu Quandu u celu s’intesta Ch’ellu si tace l’acellu Tandu move a timpesta E’ trema u pasturellu In isse rasgine petringhje Di pascalu salivosu Percurella si trafinghje Circhendusi un ascosu Ma a miseria l’accinghje Per toglieli u riposu Da l’abissi più suprani Scoppia tamantu rimore Scatizzendu tanti piani E’ rnacinendu terore Cù a so forza d’arcani S’arreghje indè u pastore Fubbenu centu cinquanta Tocche da a calamita E’ fermonu tutte in pianta A’ mezz’à l’arba fiurita Di una strace tamanta Ci hè di perdene a vita Hà truvatu à Merlachjola Di spinu nantu l’un fiore Percurella muntagnola Di soccita di valore Accapata à la figliola Ultimu segnu d’amore Pecurelle muntagnole Fruttu di sangue è sudore lmpetrate per iss’aghjole Dunde pianteraghju un fiore Per fà capi à chi vole Chi a razza un tene à more U lucucciu Era un lucucciu rimbu à mare Cum’è l’ùn si ne vede più A vigna stava in un grembiale A fiurunaghja ella dinù E discitere matinale E feciamu à tù per tù Quandu zuccaru Quandu sale U nostru amor di giuventù Ci hà fattu e piume di e so ale Di quessi ùn ci ne nasce più A pediscalza d’una volta Cum’è l’ùn si ne vede più Si ne curria capelli sciolta A’ ciuttassi in l’onda o ghjesù ! ln l’acqua chjara ln l’erba folta U nostra amor di giuventù Ci hà fattu più d’una racolta Di quessi ùn ci ne ingranda più Era un lucucciu rimbu à mare Cum’è l’ùn si ne vede più E vigne so di caspe amare E fiche amare dinù E discitere matinale A’ corpu in ghjo à corpu in sù Un so più zuccaru nè sale U nostru amor di giuventù L’emu interratu rimbu à mare Di quessi ùn ci ne campa più ! Manera S’ellu ci fussi manera Di riguarrà un vagliinu D’acqua fresca è palatinu Per annacquà una terra Chi sgrinia sott’à lu sole Carca di rabbia è di fole S’ellu ci fussi manera Di scalcinà un rampale Accimatu da u male Per sguaglià a cattivera Chi campa sott’à mil’arie Ricca di danni è miserie Manera à manera S’alza una spera Di voce sincera S’ellu ci fussi manera D’accurtà issi passi ingordi Di silenzi è di ricordi Per attempà a visera Chi voga sempre à pasponi Ricca di prumissioni S’ellu ci fussi manera D’alluntanà a ragione Di rimbeccu è di passione Per viutanne a cherchera Di tutte l’idee fatte Chi crescenu ciatte ciatte Ditti Ditti parolle magiche d’amore Cumè in le più belle canzone È falle rimà incù passione Ditti camperaghju sempre à mente Isse stonde tennerezza chi per mè Sô a ricchezza Ditti vuleria esse issu rasgiu Chi riscalla i to inguerni E i to surisi eterni Ditti trà tù è eiu ghjè una storia Cumè un veru sognu N’avia tantu bisognu Ditti, ditti, simpiicimente Ditti, di tuttu core Ditti, ti tengu caru I palatini In core à centu palatini Gira un sopra a piu memoia Nantu à u libru tù t’inchini A u spechju lisciu di a storia Ingutuppatu di crude maglie Fumendu sudore è vittoria T’anu fattu centu battaglie Chi stanu à cavallu à la gloria In sella à destrieri bianchi Infiucchittati per la guerra Cù tutti li ferri à li fianchi Ma soffia un ventu rozzu in terra Luntanu hè la Cumpustella Luntanu so le sponde care Sguardu lasciatu longu mare E’ à u fronte quella stella Ma ùn ci vole adisperane A fede ghjè una sumenta Annacquata è mai spenta E’ ride sempre u lindumane U razu Biancu Un passu lestu è sicuru Atteppa più chè l’altagna Induve u sole oscuru Si more in a nebbia pagna Muntagnolu di l’alte creste Chjamatu à scopre li monti Quelli chi u cotru veste E spizzanu l’orizonti U to sguardu mai stancu Gode u silenziu francu In cim’à lu razu biancu Da quassù l’ochju misura Rispiru di i vioti immensi E i venti di l’altura Allusinganu i sensi N’i prati di i nuli persi Ballanu e neve infitte Azzecate da i versi Di e to paghjelle zitte U to visu mai stancu Gode u soffiu francu In cim’ à lu razu biancu Ma issi lochi mai resi Puru à un passu onestu Sdrughjenu i sogni appesi E ùn danu nunda in prestu A neve face lenzolu E la teni à manu strinta Campa campa o muntagnolu A to passione cunvinta U to core mai stancu Gode u calore francu In cim ‘à u razu biancu U mio mondu U mio mondu hè qui Trà mezu à celu è muntagna Sempre più grande hè la brama Di campà è more qui U mio mondu hè qui Ortu di mille culori Annacquatu da tanti fiori Spechju di Paradisu lnduve scopru u to visu U mio mondu hè qui U cumediente Incù lu so falzu nasu Li so ochji imbarnasgiati E lu pantalone largu Face ride assai ghjente Incù sminguli è pienti Cusì hè lu cumediente Face ride ogni zitellu Cù u so picculu cappellu E per elli hè una stella A so vita hè una fola Fatta di voglia d’amore Chì trinnega lu so core Cù i so scarpi tamenti Di tantu in tantu si lampa E quandu a ghjente si campa L’omu hè tantu felice Chì nant’à a so faccia liscia Una lacrima sculiscia Per st’omu di gran’valore Ogni risata hè un fiore Ch’ellu cerca sempre a coglie Annant’à e labbre stinzate Da e rise è scaccanate Di tutti maravigliati Chì difficiule mistieru Di girà u mondu interu Per fà scappà l’addisperu O ma chi dolce tributu D’esse sempre u benvenutu E l’amicu di lu chjucu S’ellu ci hè in i nuloni Un certu grande patrone Ch’ellu appia cumpassione Stendu à sente lu mio cantu Quandu iss’omu serà stancu Ch’ellu ùn lu lasci da cantu Ciciglia Ciucciulella u to visu Anghjulu di Paradisu Si a rosula sbucciata Più bella chè una fata Ciciglia Cumè un veru veranu Chi ci vene da luntanu Maraviglia si u fiore Natu in u lettu d’amore Ciciglia Ti vogliu fà un disegnu Induv’ellu ci sarà verdura Muntagne incù a neve Animali à la pascura E’ po dinù un casone Tuttu pienu di canzone Ciciglia I surisi chè tù dai So tanti rasgi di sole Dipoi chè tù si nata Ci sparghji u so calore Ciciglia E stonde di zitellina Cerca à godele in pace Un ti fà tanti penseri Fà ciô chi ti pare è piace Ciciglia Vogliu esse guardianu Di li to passi o cara Ti purghjeraghju la manu Sè tù ti senti amara Per pudetti cunsulà Mi metteraghju à cantà Ciciglia Veranu neru Hè sbucciata una viola Cenderosa In manu à un cestu di fenicciu Hè nata una scagliola Di matticciu E’ lucicheghja vergugnosa Di a terra Hè spuntata l’erbiglia Abbrustulita In core à una terrinella Hè cresciuta una farniglia Di muvrella E’ vucendeghja famita In a serra Hè siccatu un fiumicellu Canterinu A’ l’arechja di un sciappale Hè stanciatu u ventulellu Di pughjale E’ traghje un soffiu di sterminu In a terra Hè piantata una croce spavita A’ u pede di una tana Ma quandu l’aria coce Nascerà puru una grana spillerita D’issa terra Un solcu Un solcu di più nant’à u fronte spechju Chi ghjè a so memoria Tracciatu da a vita Purtatu da a storia Un solcu di più chi si crepacciuleghja Sottu à li sulleoni di millaie di strazii E’ di tante passioni Un solcu di più tiratu da li penseri Incù l’aratu d’arnore è piova chi L’annacqua canta è po corre Un solcu di più è po u spinu Ghjimbu da l’anni accatastati Cumè fogli di libri chjosi è scurdati Un solcu di più un altru è po un altru Un puderanu impedi iss’arnore tamantu Ch’aghju per tè babbu Ninetta Vulia basgià Ninetta Ella mi disse inno Da sottu à la scaletta Basgialla nun si po Cum’ellu hè bellu di fà l’amore A’ ch’ùn lu face ùn hà core Li tuccai li pedi Ella mi disse ùh ! Guardate o sgio duttore A malatia hè più in sù Cum’ellu hè bellu di fà l’amore A’ ch’ùn lu face ùn hà core Li tuccai i petti Ella mi disse oh ! Guardate o sgio duttore A malatia hè più in ghjo Cum’ellu hè bellu di fà l’amore A’ ch’ùn lu face ùn hà core Li tuccai e dinochje Ella mi disse ùh ! Guardate o sgio duttore A malatia hè più in sù Cum’ellu hè bellu di fà l’amore A’ ch’ùn lu face ùn hà core Li tuccai lu corpu Ella mi disse oh ! Guardate o sgio duttore A malatia hè più in ghjo Cum’ellu hè bellu di fà l’amore A’ ch’ùn lu face ùn hà core Li tuccai lu culu Ella mi disse àh! Guardate o sgio duttore A malatia hè più in là Cum’ellu hè bellu di fà l’amore A’ ch’ùn lu face ùn hà core Li tuccai la cosa Ella mi disse ih! Guardate o sgio duttore A malatia hè custi Cum’ellu hè bellu di fà l’amore A’ ch’ùn lu face ùn hà core A canzona di l’acqua Ochju nascente à staccia rena Imperli a terra è caghji u celu Apri la to piova à falera In a filetta ch’incatena A to trafruca cum’è pelu E face nasce a cantilena Riu infuriatu di li monti Vultoli scogli pè le borghe Mai serà chè tù t’ingorghe Da paratti dinù li ponti ? Ma serà chè tù t’ accorghe Di u nimicu chè t’affronti Fiume tragonfiu di misteri Rivocchi un sopra à piu di brame E facenu un eccu à e to chjame Centu pentoni di penseri Ma ci cacci a sete è la fame E calmi li nostri addisperi |