 L’odissea |
| Aghju Aghju in mè una timpesta calata, L’amarezza ora si n’hè andata. Aghju una strada aperta, è ancu di più Aghju in mè una nova ghjuventu ! Aghju in core un surisu, una manu tesa, Un pardonu, pè scurdà mi di l’offesa. Aghju una ferita chjosa, è ancu di più … Aghju in core cum’un altra ghjuventu! Aghju in capu un’arietta chi canta, E a voglia di sparte la hè tamanta. Aghju un’allegria a dà, è ancu di più, Aghju in capu un eterna ghjuventu ! l’Auguri Ti sianu parechji l’estati è i verani I canti natalecci à focu di sperenza L’auturni culori à spassu pè la manu E lu to babbu à fiancu pè datti la sapienza Ti sianu dulcezze i frutti di e foie E carezze di sere è risette di mane I balli di stagione à ciottu di u sole È a curiosità chi s’apre per dumane Ti sianu furtezze l’abbracci di i toi A terra eppo a petra d’un castellu cumunu Da sott’à lu celente eppuru s’ellu piove A certezza d’amore cum’è grande furtuna Vocero pè Caninu {The last of the Mohicans) Eo vurria chi la me voce Fussi tamant’è lu tonu Chi passessi per la foce Di San Petru è Vizzavona Per chi soni in ogni locu La gran prova di Gallonu. Tutti à lu Lucu di Nazza Tutti s’eranu aduniti Cun quella barbara razza Li suldati è li banditi, Cù a timpesta d’arimani Tutti inseme so partiti. ln fondu di lu rionu Si sintia rughjà lu ventu Chi purtava da isonu A malora è lu spaventu Si vidia chi per aria c’era accidia e tracimentu. Sonu subitu partiti Tutti i lupi cù l’agnelli È marchjavanu aduniti À lu son di i cialambeddi Quandu ghjunsenu in la sarra Ti taglionu i garganelli. Ouand’o intesi li brioni M’affaccai à lu purteddu Dumandai: «chi nova ci hè (ni)? Anu tombu u to fratellu L’anu presu ind’a sarra N’anu fattu lu macellu. » Nun ti valse lu curaggiu Non ti valse la schjuppetta Nun ti valse la pugnale Nun.ti valse la tarzetta Nun ti valse ingermatura Nè orazione benedetta A guardà le to ferite Mi s’accresce lu dulore Perchè più nun mi rispondi? Forse ti manca lu core? 0 Cani, lu mo fratellu Ai cambiatu di culore ! Vogliu polvere è cartucci Per armà la mio schjuppetta Vogliu cinghje la carchera Vogliu cinghje la tarzetta O Cani, lu mo fratellu Vogliu fà la to vindetta. Da u sangue à l’omi Hè cum’è ditu mossu ver di u celu mutatu U nostru campanile pare fieru suldatu Ma s’e cercu una goïa, risponde lu silenziu Avaranu li mei toccu lu so licenziu Pare campu di guerra quella vechja piazzetta È ne possu discorre n’aghju vistu saetta Croce stese è nucente perse in l’infinitu Sembia mortu u paese l’ochji à guaru è culpitu è d’un sangue traditu ind’una tarra ingorda S’inflaronu parolle chi nimu s’arricorda È lu valdu cummossu ci rinvia una voce U ghjargalu sguilla ind’un passu veloce Porta lagni è turmenti quant’è generazione Partute à le battaglia fendu nasce canzone Noi ne fuimu tanti à suvità le mosse ln punta à l’ufficiali bianchi cum’è le osse À l’ascosu ogni tanti di li zirli di carra Quella di u Sacrifiziu abandunatu ln tarra È d’un sangue traditu anu betu a fiumara Mi ne scappa una rima, o cul’ella hè amara U ribombu d’un cantu à cutravvi lu core Pare tuccà lu celu intintu di timore Chi le guerre ùn so compie tantu è più l’inghjustizia Cù le so strade vile prufumate à scimizia S’è lu seculu manda altru portabandera Noi n’u l’aldilà cantaremu la spera Cù l’ombre passe è leste d’una storia mucata Spechji d’una fuletta mancu più tramandata È d’un sangue traditu nasceranu li fiati D’omi quessa hè sicura è mai piu suldati. Giusti O Andri, A mi dissenu una volta Cume nasci a to rivolta A to rivolta O Andri, Pè quella bandera rossa S’infiarô la to mossa La to mossa Ma certe volte à l’attrachjata Trà l’Arghjavena è I’Aitaccia Mi pare di sente a to scarpata O Andri, O cusi dolce e so mani È i so basgi inzuccherati lnzuccherati O Andri, A ti lasciasti quella mane Pè salvà i camaradi l camaradi Ma certe volte à l’attrachjata Trà l’Arghjavena è l’Aitaccia Mi pare di sente a to scarpata O Andri, Issu sonniu d’umanità Ch’è tù feci tempi fà Tempi fà O Andri Pè dà pettu à a falsità Hè sempre vivu u to luttà U to luttà Ma certe volte à l’attrachjata Trà l’Arghjavena è I’Aitaccia Mi pare di sente a to scarpata Pè i mio lochi santamariacci I versi di l’amori À u fà di a notti niedda Quandu affac’à Ciprianu Cù a to Diana stedda T’addurmenti pianu pianu Da a Foci à a Stazzoni So sicuri i to passi Cù i mufri è i mufroni Vai puru pà i chjassi So i me versi d’amori Pitturati à l’arlichina So paroli brusgiacori So da tè o Lisandri So mazzuli di fiori Colti à la notti latina Una canzona è un cori So da tè a me fatulina Ouandu l’estru abbraccia a musa Ch’ella nasci a puisia A me penna ùn stà cunfusa Mossa da quidda pazzia Trà u Talavu è l’Omanu Si movini i sunadori È i sonnii ch’elli ci danu So par tè la me tisora L’odissea Eranu compii i sulleoni E s’annuzziava la partenza I pampasgloli è li grisgioni U core colmu di sperenza Li fecenu quella prumessa D’una vita for’di primura Paria d’esse una messa Tantu la fede n’era pura L’odissea di la mio ghjente Era un ingannu di e sirene E strade di u cuntinente Eranu fatte di catene Luntane à le verde campagne Long’à le vie inquadramate L’adore di le so muntagne Venia carcu à sunniate Ad agni ghjomu un straziu novu Una ferita è un’assenza Fù diventatu u passu soiu U campà n’a malbundanza L’odissea di la mio ghjente Era un ingannu di e sirene E strade di u cuntinente Eranu fatte di catene Sia di fiaschi o di vittorie A cuntaranu sta passata Luntanu ad oghje so le glorie Li ferma in core la vultata L’odissea di la mio ghjente Era un ingannu di e sirene E strade di u cuntinente Eranu fatte di catene L’odissea di la mio ghjente Hè una fola da ritene E strade di u cuntinente Correnu sempre in le mio vene. Lamento di u fulettu O ma chi spaventu chi furia, Chi l’aghju vistu lu fulettu, Era indè lu bughju cecu lndè lu pianu di Cauria Chi mi vulia stu furdanu, Mutu ch’ellu hé cum’è la serpa, Uscitu da u mondu suttanu, Ellu cun tutta la so sterpa O l’aghju vistu lu fulettu Inde u carughju inde a stretta, Accesa hé la mio sigaretta Da lu so focu maladettu O ma chi furia o chi spaventu Da u mio pecatu mi ne pentu Si cume ùn l’aghju, ùn l’aghju in pettu A brusgiatura di u fulettu Fantasimi so di un amore Chi la mio fata preferita Ouand’ellu mi stringhje lu core Ùn sbucda piu la margherita Eramu bughji sittembrini Fà mi piacè stemu ci bassi Eppè tiremu ci trè passi in a piazetta qui vicinu Matalena la me cara Matalena Mamma si scorda di tè Ouandu a matrigna ti mena Chjama puru nimu ci hè Più nimu in casa materna Si primureghja di tè Di li toi Matalena Sola ti n’accuparè Lu maceddu mundiali la famiglia l’hà spiccata Ùn ci hè più sangui chi vali Lu frusteru l’hà spiccata Ai fattu lu matrimoniu Cù lu cuginu carnali Ma furzata era l’unioni Lu risenti ancu avali Riscuntremu ci appena Mischiemi li nostri zitelli Cantarani Matalena Lu bimbau è li paghjelli Sai mamma si ni mori Lu sa spiritu ci scappa Batti sempri lu so cori Ma di pena eddu si strappa Saremi li so urfaneddi ln a so lingua piinghjaremi L’ochji trosci persi in i steddi Pà la manu ci tinaremi Sintaremi a vechja lea Ouidda di li nostri antinati È la ta sorti è la mea Di li stessi semi nati Corsi cù li cursicani Ritruvemi ci in farniglia È pà li milai d’anni Accindimi a vechja zilia Lamentu di i palavisani Addiu à tè furesta ca ra Boscu di li Palavisani addiu,l’omu ti pripara U to sfatteghju di a so mani Dici chi par dà l’acqua ln piaghja Chi a ta pineta, devi raghja Addiu à tè arba barona Ch’imbalsamava lu cuntornu Anu svultatu i cantona È casticatu u ta sughjomu … Dici chi pà dà l’acqua in piaghja Chi tu barona, devi raghja Addîu à té o bianca nocca Rusulaghju di l’inguemata Addiu, addiu avali ti tacca Anch’a té d’essa starminata. Dici chi pà dà l’acqua in piaghja Chi tù o nocca, devi raghja Addiu pina maestosi E larici d’alta statura Addiu fiori muscatosi Chi adumavati a pianura … Dîci chi pà dà l’acqua in piaghja Chi tù natura devi raghja Addîu belli spassighjati ln issa furesta tant’umbrosa Addîu cari innamurati E d’Agnaronu è di Cardosa … Dici chi pà dà l’acqua in piaghja Chi tu amori, devi raghja Addiu corbu è pinzalonu E cantunîcci arghjentati Ch’aveti intesu u brionu Di quissi loghi tant’amati Dici chi pà dà l’acqua in piaghja Chi tu muntagna, devi raghja. |