 Vox populi |
| A Falata Di Ficaghjola Canzona ch’hè nata di notte Cù u ventu chì sbatti e porte Focu spentu è rotta paghjola Gattu piattu daret’à spazzola I zitelli cantanu à a scola A falata di Ficaghjola. Tabacu è chjodi a canzona Chì canta è l’altru chì sona Per e strade u sumere camina È roncà tutta la matina Bastone è manicu di piola A falata di Ficaghjola. Ciucciu è Carlucciu u ghjornu Colpi di bichjeri di Patrimoniu Muratore senza cazzola Piscatore hà persu a ragnola Ballate ind’è quella viola A falata di Ficaghjola. Grossu Minutu à Lupinu À collu à zucca di vinu Galli è galline ind’à sporta Paghjelle à voce rivolta Canta pignatta è cazzarola A falata di Ficaghjola In Cardu, Casevechje è Ville Funtane ne cantanu mille Bastia ind’i carrughji stretti Spazza u sole nant’à i tetti Cardellina è cinciriola A falata di Ficaghjola Canta cardellina è cinciriola A falata di Ficaghjola. Accantu À Mè L’addisperatu I Peri Chì Fà Rimore di legne tronche E luce rossa di fornu D’i mandili stretti in fronte Un aspettate ritornu Ogni petra nei profondi Pianu pianu s’hè staccata Per fà piazza à un antru lume Nant’à teghja addisperata Eiu chi mi so scaldatu Qualchi volta à la so fiara Mi pare tantu peccatu Ch’a rivecu ancu più chjara Chi fà ‘Chi ci si po fà ‘ Anch’e nostre merie antiche Una à una si ne vannu Per d’altre case più ricche E di noi assai luntanu Ci spicchemu di lantichi I cacemu di paese Nant’à rada un c’hè più ficchi Si campa st’usu francese Eiu chi mi so campatu Cù un pezzu di pane intintu Mi pare tantu peccatu Chi mi senti u core strintu Chi fà ‘ Chi ci si po fà ‘ Eri tutta la cunfine Era suminata à granu Oghje so le cardelline Chi cantanu lu veranu A u sole à nant’à l’aghja U tribbiu pare firmatu Chi d’ùn esse à pezzu à paglia Ti senti cum’è spugliatu Eiu chi mi so svegliatu Sta mane com’un acellu S’aghju troppu sunniatu Perdunate à un zittellu Chi fà ‘ Chi ci si po fà ‘ Ajacciu Bellu A Madonna Di Ficaghjola… Mamma Ritornu Infine grazie à Diu, rivecu u campanile Ch’un ghjornu aghju lasciatu una mane d’aprile Zitellu sò pertutu, ritornu capu biancu, Vengu à circà riposu, perchè oghje sò stancu. Campane silenziu o rumpite stu sonniu Chì l’esiliatu passa, cerchendu un testimoniu Vogliu ascultà dinù u cantu di l’acellu È pò rifà i passi, è pò rifà i passi, Di l’anzianu zitellu. Quì in lu campusantu, sott’à a filetta serena, Ci dormenu i mei, dopu tamanta pena, Passendu capu bassu, mi dicu pianu pianu Sò morti guasi soli quandu era luntanu. Campane silenziu o rumpite stu sonniu Chì l’esiliatu passa, cerchendu un testimoniu Vogliu ascultà dinù u cantu di l’acellu È pò rifà i passi, è pò rifà i passi, Di l’anzianu zitellu. U Mio Mulinu Accant’à u mio giardinu, Parlu di tant’anni fà, Mi ricordu u mio mulinu Chì facia chè cantà, U guadellu chì passava, Si piantav’à chjachjarà, Chjachjarendu à l’aiutava, L’aiutav’à macinà. U mio mulinu, u mio mulinu, Sappia cusì bè cantà, È sta canzona, chì mi risona, Ùn mi ni possu più scurdà, Veg’una fata, tutta villata, Per mè si mittia à ballà, Nant’u caminu, d’u mio mulinu, Chì nun cessava di cantà. Ma u focu hà stirpatu, E fureste di quassù, U guadellu s’hè siccatu, A rota ùn gira più, U purton’hè tuttu apertu, Ùn si sente più cantà, È u mulinu disertu, Oghje mi face pietà. U mio mulinu, u mio mulinu, Cosa sè diventatu tù, In i castagni, sente i to lagni, U ventu face: « u,u,u… » È ogni corsu, senza rimorsu, Franca u mar’è si ne và, Tristu destinu, u mio mulinu, Un ghjornu in terra cascherà. O Sole Mio Vita |