| A CHJAMA (D. Barazza – D. Barazza) Si terra abbaghjulata di lumi Infilarate cime bianche Ci rughjanu l’indomiti fiumi In l’abissi di e calanche A mio isula di l’incertezze Scianguagliata da tutti li venti Un ti toccanu chè briglie è cavezze Da narcate à ricusi sprezzanti A mio lingua di scartu nigata Da sse vechje code vulpine Murtulaghji d’un epica andata In fondu à e so tanne parigine Ùn sentite i Chjami Aghjalesi Chi mai ùn si pienteranu di mughjà A libertà Libertà ùn sentite i Chjami Aghjalesi Chi mai ùn si pienteranu di mughjà Libertà Libertà NARCISU (P. Croce – F. Pesce) È u mondu s’affundava Sott’à e so parechje some A Gorgona à sciolta chjoma Attaluzzava chi scappava E u celu silenziosu Ùn ne dava più risposta Costi lu tantu chi costa Girava l’ira gulosa Ma Narcisu si spechjava Ma Narcisu si spechjava L’alma di l’immensità Chi s’era fatta sperenza Chjudi l’ochji è steti senza Manc’un lume da sperà Negrufume la campia Un ne dava più un fruttu U castellu era distruttu Di l’umana cumpagnia È d’ogni vita piacente À chjuchjulà pè i prati D’ogni parte è d’ogni latu Si strughjia la sumente Ma Narcisu si spechjava Ma Narcisu si spechjava Nùn s’avia più da sente Nùn s’avia più da vede Cum’è quellu chi si pente Quand’à lu tardi s’avvede Ma Narcisu si spechjava Ma Narcisu si spechjava U CORE CUNTENTU (P. Croce – F. Pesce) I suspiri ch’aghju in capu Un passanu più sta porta Li mi tengu si per casu Qualchissia li si porta Ma, quand’u vostru purtellu S’apre chi si face sente Cum’è una musichella Nant’à l’ale di u ventu Hè tandu ch’o mi ramentu Ch’aghju lu core cuntentu Hè tondu ch’o mi ramentu Ch’aghju lu core cuntentu Si falendu per u chjassu Vecu la vostra persona Trà u sole è l’ombr’à spassu Chi si porta a mo canzona Hè tandu ch’o mi ramentu Ch’aghju lu core cuntentu Hè tondu ch’o mi ramentu Ch’aghju lu core cuntentu Si porta la mo canzona Incù lu mo cor’à tempu Cum’un ballu cum’un sonu Chi di rime n’aghju centu S’è li vostr’ochji à li mei S’accoglienu una stonda E mi danu inde l’idee Più chè li mari è li mondi Hè tandu ch’o mi ramentu Ch’aghju lu core cuntentu Hè tondu ch’o mi ramentu Ch’aghju lu core cuntentu Ma, s’ùn averaghju più Di la vostra cumpagnia Mancu un sguardu di più Si stancia la puesia Hè tandu la vi ramentu Chi n’aghju lu core spentu Hè tandu la vi ramentu Chi n’aghju lu core spentu L ‘ARCHITETTI (P. Poggi – P. Poggi) Simu di l’arte L’architettura La so natura Vulemu sparte E avè primura D’ogni cultura Cumu u marosu Chi porta pianu La so sciuma Purteremu la piuma Di l’arte estrosu Cantemu a vita Incù amore Incù dulore Circhemu a via Quandu à l’albore Pesanu l’ore Fiurimu u mondu Da cima in fondu Di sogni strani Da fà nasce i verani L’arte hè prufondu Pè di a realità Seremu sempre qui E pè fà sunnià Seremu sempre qui A u latu di u campà Seremu sempre qui Seremu sempre qui Seremu sempre qui Simu li schiavi Di l’emuzione È di a passione Apostuli bravi D diavulone Di a ragione Simu u fanale Universale Di a cuscenza A fede è a pazienza Di l’arte immurtale Pè le gioie è le pene Seremu sempre qui Pè ciò chi omu teme Seremu sempre qui E pè luttà inseme Seremu sempre qui Seremu sempre qui Seremu sempre qui MONSIGNORE (P. Croce – F. Pesce) Monsignore u duca avia riguaratu I cavalli eppò l’arme è l’omi in cumpagnia Nant’à a piazza d’arme avia cumandatu D’un rompe la battaglia prim’à caccialli via L’ingenii pè la guerra eranu bell’accolti Infilarati tutti pront’à lampà macagna Partinu belli fieri, ma di sperà sepolti Indè l’avvene bughju, diland’à la muntagna U capigenerale luccicava vittoria E s’ellu pinserava, mancu fecia vede L’idea di disfatta, daret’à la so gloria Chi digià s’affiancava quandu s’incavalchete Piuvia à lacrimà quand’elli sò vultati Incù l’ochji spapersi d’avè vistu l’infernu Ne mancava parechji in li ranghi tarlati Ch’ùn pobbenu cuntà, à le veghje d’invernu Passonu le stagioni, e sciagure eppò l’anni E nascite vulsute è quelle pè scurdà U duca si ne morse inde listessi panni Ma in li caselli sempre, s’avia da trimà Passonu le stagioni, e sciagure eppò l’anni E nascite vulsute è quelle pè scurdà U duca si ne morse inde listessi panni Ma in li caselli sempre, s’avia da trimà S’avia da trimà A LUCENDILUNA (O. Ancey – O. Ancey) Si ghjoca nu u pozzu Surridente a luna Di l’acqua u signozzu Da i so ragi affuna S’accende per furtuna In celu una cullana E stelle ad una ad una Cantanu a ninninanna Cantanu a ninninanna Dendu à a chjarantana U so dolce accunsentu Sumena a Diana Tanti basgi d’argentu Tanti basgi d’argentu Sunnieghja u ventu Ch’in le fronde sussura E si tace u pientu Di una criatura L’ansciu di a natura Di grazie tuttu pienu Dispensa incu primura l’amore in ogni senu l’amore in ogni senu È l’albore serenu Chi spirieghja ardente Tale un arcubalenu Abbraccia l’oriente Mare terra è celente Tuttu si culurisce A luna suffidente Nu u pozzu smarisce Nu u pozzu smarisce A LEVA (D. Barazza – D. Barazza) Si peserà l’albore da noi altribramatu Ssu legittimu sognu da sguassà a buhjura E vede in fine luce pè unica primura I ragi di u sole indè u suminatu Campanu ogni ghjornu è più belle passione Donne è omi impegnati à sfidà lindumani Insulcati da chjuchi in li ciosi arcani Maglioli arradicati da tesse e stagione Gireranu oghje li venti In Cursichella terra divizia In Cursichella terra nuvale Ghjuvatevi à laziu di tanti è tanti arnesi Tenendu puru a mente sempre ciò ch’è no simu Trà l’esse è u parè, ch’ellu ùn si scordi nimu Di l’eterna filetta chi ammanta li paesi Franchessi ellu e porte di u mare latinu U vantu misuratu spartu a u mondu sanu Alzemu à u più altu u geniu paisanu D’un populu maestru à scegliesi un destinu Gireranu oghje li venti In Cursichella terra divizia In Cursichella terra nuvale Gireranu oghje li venti In Cursichella terra divizia In Cursichella terra nuvale CI SI CORRE (P. Croce – F. Pesce) Ci si corre u celu À d’apre i purtelli È lu sole s’infrugna A ragi di zitelli Farfalle canterine Silenzii zuccherini È lu mele ci scola In le rise divine Ci si balla u ventu Ogni cosa s’ammenta Ci si basgia l’eternu S’ellu hè cortu u tempu È i visi di gioia Induv’ellu si gode Anu poca primura Impiastranu u sole Sò fureste è terranii I muschi di sti panni Chi asciuvanu di notte Un ci hè nunda di vanu È l’amore si face Cum’una guerr’è pace À l’intimu mumentu Duve u mondu tace È l’amore si face Cum’una guerr’è pace À l’intimu mumentu Duve u mondu tace KHAN (P. Croce – JM. Pesce) pulvericciu zerpitosu A lu pisà di lu ghjornu L’armamentu luminosu Lampa fiare à l’intornu I ciucci dormenu sempre L’omi vanu à lu meziornu Perchè lasciatti daretu U locu induve tù nascisti A iurta in lu desertu Ciò chi ti fece esiste L’ochji inde l’immensità U sognu in le cunquiste L’ochju allarga l’arizonti A sunnià mare è monti L’ochju allarga l’orizonti A sunnià mare è monti Chi fideghji à l’orizonte A muraglia chi si stende E torre eppò li monti Senza le porte pè spende A vita à pass’è veni È la cità chi s’accende Arrittu nant’à e staffe Cù la sciabbula in manu Sempre prontu à fà paffe Duie parte di l’umanu Dimmi induv’ellu ti porta U ventacciu chi ti schiaffa L’ochju allarga l’arizonti A sunnià mare è monti L’ochju allarga l’orizonti A sunnià mare è monti Lascia corre ogni vita Chi si sbucina u tempu E la to voce erghita Chi canta à contratempu Dalli un soffiu più lindu Fanne un versu currente L’ochju allarga l’arizonti A sunnià mare è monti L’ochju allarga l’orizonti A sunnià mare è monti L’ORMA (PF.Nasica) Era di rena bianca è di mare turchinu Di vita mai stanca è di sole divinu Di pulluzione franca era u so destinu A terra chi rinfranca un sonniu zitellinu E piaghje di furtuna vigneti è pasciali Ricche d’alburatura, d’orte è d’animali E fascie di virdura, mezani’è valli Paesi à cusgitura, per monti è pughjali Fureste maestose, sarre immaculate Surgente virtuose, d’acque sane cutrate E petre d’aria rose, da lu cotru sbaccate E stonde silenziose, spassighjate sebbiate CHI NE SERIA (F.Luciani – F.Pesce) Chi valenu e pratese I discorsi è e cundanne S’ell’ùn c’era per parlanne Militanti à bracce tese Quandu lu corsu si vende A rena d’isse marine S’elli ùn c’eranu per difende L’orlu di e nostre cunfine À levante è à punente Da Bonifaziu à Bastia Senza la so vulusia Oghje a ghjente Chi ne seria Chi ne seria di noi S’ellu ci era mane è sera Omi d’un’anima vera À battesi cum’eroi Quandu à peghju d’e rimigne Ghjunghje à incettà e piaghje S’elli ùn c’eranu à accinghje Cum’è baroni di l’aghje À levante è à punente Da Bonifaziu à Bastia Senza la so vulusia Oghje a ghjente Chi ne seria Ma chi seranu i sfochi Di li corsi chè no simu È chi serà di sti lochi Quand’ùn ci serà più nimu À levante è à punente Da Bonifaziu à Bastia Senza la so vulusia Oghje a ghjente Chi ne seremu GIORGIÒ (F.Poggi – F.Pesce) Eri l’amicu fidu, Cù l’estru paisanu Di surrisu sinceru Eri eternu veranu Chietu cum’è l’altagna In u so volu silenziu Campavi la to vita Tal’ultimu licenziu Si ramenta lu Niolu U to passu felice È quell’impaghjellate A l’ora di a Santa Oghje à son’di murtoriu U silenziu ci dice U viotu chi serà È tristezza chi canta Firmeranu di tè, Stalvatoghji saliti Tanti chjassi spartuti Ricordi culuriti È quelle briachine Sin’à mane à l’albore Eri di testa in core D’amicizia è d’amore Si ramenta lu Niolu U to passu felice È quell’impaghjellate A l’ora di a Santa Oghje à son’di murtoriu U silenziu ci dice U viotu chi serà È tristezza chi canta Per chi t’hà cunnisciutu In lu so core hè pernu Ch’è tù fussi partutu Oramai à l’eternu Avà ch’è tù si luce, Schjarisceci a strada E dacci à sparte sempre Rime vicinu à l’aghja SI MUVERÀ (P. Poggi – P. Poggi) Senteremu le voce stridà Senteremu lu ventu girà Un altru mondu chi si pare disegnà Forse tutti li suturni rè Pruveranu di fà lu valè Lu viziu bruttu di lu so santu pudè È puru, Si muverà Ind’una timpesta L’ira serà in ogni testa Ssu mondu scemu muverà A nostr’arma si chjama cuscenza A rivolta senza viulenza A ragiò hè una forza hè a nostra putenza È vulemu esse l’artigiani Di a rindetta di l’umani Sguassà le sfurtune è tutti l’affani E puru, Si muverà Ind’una timpesta L’ira serà in ogni testa Ssu mondu scemu muverà Ci vole à purtà ne le sperenze È ci vole à sparte le sferenze Pruva di fà smari tutte le diffidenze Ouandu u cantu, stridu diventerà Ch’a so forza, u ventu ci darà Nostra mossa pupulare ùn si pianterà È tandu Si muverà Ind’una timpesta L’ira serà in ogni testa Ssu mondu scemu muverà Si muverà Ind’una timpesta L’ira serà in ogni testa Ssu mondu scemu muverà L ‘ULTlME CUNFINE (E.Simoni – F. Pesce) Ghjente di qui è ghjente di quallà Tutti pezzucci di st’umanità Bramendu a pace è a dignità Armendu u bracciu di a libertà Ghjente di qui è ghjente di culà Populi sani si ponu pisà Tutti uniti è a la mossa Per dà inseme l’ultima scossa Oghje qui à l’ultime cunfine Oghje qui luttendu senza fine Oghje qui pè l’ultima passione Quella di a Corsica Nazione Scrivemu una pagina di storia Nè per l’onore nè per à gloria Scambiemu a sorte di u paese Scuzzulendu l’ordine francese Scambiemu a sorte di a nazione Cù a lotta di liberazione Amore vita è resistenza Un solu avvene : indipendenza Oghje qui à l’ultime cunfine Oghje qui luttendu senza fine Oghje qui pè l’ultima passione Quella di a Corsica Nazione Oghje qui à l’ultime cunfine Oghje qui luttendu senza fine Oghje qui pè l’ultima passione Quella di a Corsica Nazione SÓ Dl (L.Cosimi – JM. Pesce D’issu paese spupulatu Sin’à i chjassi sguassati D’issu pastore beatu A i paisaghji zuccati D’issa muntagna aduprata Per un mumentu scambiatu D’issa surgente addestrata A lu ricordu vultatu D’issu cantu arradicatu À li ma vechji andati D’issu fucile affiancatu È mai più inghjuliati È mai più inghjuliati D’issa terra acquistata Per un cantu bramatu È d’issa lingua impiegata Sin’à l’ultimu fiatu Sin’à l’ultimu fiatu D’issa lotta accippata À un scrittu scurdatu D’issa disfatta armighjata È d’un tamantu suldatu D’issu figliolu stradatu Da li so passi sebbiati D’issu viaghju fidatu È quelli cundannati D’issu cantu arradicatu À li ma vechji andati D’issu fucile affiancatu È mai più inghjuliati È mai più inghjuliati D’issa terra acquistata Per un cantu bramatu È d’issa lingua impiegata Sin’à l’ultimu fiatu Sin’à l’ultimu fiatu CAPRARA (A Salducci – JM. Pesce) Da l’altu celu muratincu Sin’à l’albore di Caprara L’eccu purtatu da Bivincu O quant’ellu ci n’ampara Ne vogliu fà un passu oghjincu À quella storia marinara Ci hè vulsultu pè ghjunghje à fine Acquistà l’arte è u maneghju Ammaestrà l’acque saline Angoscia è passione à buleghju Purtà a guerra à è cunfine È stradà nave in lu mareghju Purtà a guerra à è cunfine È stradà nave in lu mareghju Amore di a patria è virtù Bandera alta ancu di più Amore di a patria è virtù Bandera alta ancu di più Imbarcati in Macinaghju I Naziunali intisgiati Cannoni à bordu solu un paghju Mossi di Acchille Murati In quellu mese di ferraghju In l’isulottu sò sbarcati Una eppo l’altra e so torre È u cunventu è a cappella Anu affugatu u so splendore Ancu San Ghjorghju a ribella A morte addossu hà contu l’ore È persu la so citadella A morte addossu hà contu l’ore ‘ È persu la so citadella Amore di a patria è virtù Bandera alta ancu di più Amore di a patria è virtù Bandera alta ancu di più Più ghjè amara a scunfitta È più ghjè bella a vittoria A culuniale si stà zitta Luce s’hè spenta in casa soia Fù cusi Genuva cunvinta D’avè ne persu fiatu è gioia A viranata messa in ballu Prumette ore radulcite Qui sopr’à locu à feru caldu L’omu infascia e so ferite Culà punete rossu giallu L’eccu s’aspetta d’altre lite Culà punente rossu giallu L’eccu s’aspetta à d’altre lite Amore di a patria è virtù Bandera alta ancu di più Amore di a patria è virtù Bandera alta ancu di più Amore di a patria è virtù Bandera alta ancu di più Amore di a patria è virtù Bandera alta ancu di più QUANTE (H.Olmeta – P.Poggi) Quante speranze addunite Si sò affidate à tè Quante mosse addulurite E dinù quanti perchè Fallu cantà, è campà issu paese Ch’oghje bisognu ne hà Ditti ch’ell’ùn sà vane e to pratese Aiò datti forza avà Quanti solchi aghju tracciatu Per suminacci u t’avvene Quante vittorie aghju strappatu Per un dumane senza catene Fallu cantà, è campà issu paese Ch’oghje bisognu ne hà Ditti ch’ell’ùn sà vane e to pratese Aiò datti forza avà Quanti figlioli spatriati Per ste prigiò, in u frastornu Quanti pugni si sò alzati Bramendu l’ora di u ritornu Fallu cantà, è campà issu paese Ch’oghje bisognu ne hà Ditti ch’ell’ùn sà vane e to pratese Aiò datti forza avà Fallu cantà, è campà issu paese Ch’oghje bisognu ne hà Ditti ch’ell’ùn sà vane e to pratese Aiò datti forza avà A NOSTRA LINGUA (O. Ancey – O. Ancey) Rinascerà a lingua materna È da noi serà torna aggradita Risurgerà da a so notte eterna Cù u fiatu ritrovu di a vita Chjara cum’un alba muntagnola Sbuccerà in ogni corte di scola A nostra lingua A nostra lingua fiuriscerà in core à i pueti A mazzuli di rime è puesia Da palisà i sogni i più secreti Cù parolle intrecciate d’armunia Dolce cum’è u cantu di l’acelli Si senterà in bocca à i zitelli A nostra lingua A nostra lingua Ricuccherà per ogni muntagna A millaie di versi di paghjelle Di una fonte chi mai s’attagna E so parolle seranu candelle È fresca cum’è l’acqua di a surgente Si sparghjera inde a nostra mente A nostra lingua A nostra lingua Disciterà a cuscenza cumuna D’issa terra ch’ùn si vole more Ci francherà da ogni sfurtuna Serà a voce di u nostru core Da rinvivi ogni virtù sepolta Suminerà un ansciu di rivolta A nostra lingua A nostra lingua |
