 A l’encre rouge |
| Amareni A mezu à tutti li fiori d’amore Quand’elli s’aprenu fattu l’albore Era quellu annaquatu d’un licore Mandatumi una mane per favore Mi fece sbuccià in capu e centu vite È dede un altru sensu à le mio lite Fù per mè cum’è un anellu à le dite È lu balsamu di e mio ferite, E mio ferite, E mio ferite. Ma quant’elli ci portanu du guai, U sintimu prumessu è l’oramai, È cum’ella hè greve la veritai Ne la sapie ne forse la sai, U sente ancu oghje u to calore in pettu, Quellu chi s’hè fermatu à core obbiettu Quellu chi ti tuglia ogni difettu È ch’un capia chè l’amore schiettu, L’amore schiettu, L’amore schiettu. Serà stata scritta in qualchi locu Ch ‘un ghjornu piantereste lu to ghjocu Ch’ellu si spinghjerebbe lu to focu Fennerebbe una storia è cusi pocu, Ma d’altri cum’è mè ti diceranu Quant’ellu scalla u sole luntanu Quant’ellu pienghje u ventu veranu È face trimulà u core umanu, U core umanu, U core umanu. Cantà Cantà, Pè cio che n’avemu à dicci Pè u sole chi lucerà dumane Pè u silenziu di e petre Pè a memoria Pè a rivolta È a voce chi chjama È la notte d’amore È cio ch’ùn more mai È cio chè tù mi dai. Cantà Pè cio chè n’avemu à sparte Pè u callu di a sperenza Pè a gioia in li to ochji Pè a carezza a zitellina, A festa chè no feremu È u sognu chi un more mai U sognu che tu mi dai È a sperenza chi ùn more mai a sperenza chè tù mi dai. Oghje Sta sera È dumane dinù, Cantà. U ponte biancu Nantu à lu ponte biancu c’imbella à la matina Un agnellucciu stancu, di corre la cullina È lu puntucciu sà Ch’ellu vene à circà Una ora à sunnià, Una ora à sunnià. Nantu à lu ponte rossu fisca à la prima sera, Un vechju pettirossu, per una capinera È lu puntucciu sà Ch’ellu vene à circà Una ora à sunnià, Una ora à sunnià. Nantu à lu ponte argentu, à la notte stellata, A volpe di u cunventu, si face una affaccata È lu puntucciu sà Ch’ella vene à circà Una ora à sunnià, Una ora à sunnià. Nantu à lu ponte d’oro, strappata la funetta, Un sumerellu moru, ci ronca una strufetta, È lu puntucciu sà Ch’ellu vene à circà Una ora à sunnià, Una ora à sunnià. Sta sera veni Sta sera veni Veni cum’ellu nasce un fiore Quand’ellu brusgia u crepacore A vita persa Ancu tù veni Pè cio chi ti stringhje la gola Quand’una Mamma more sola Iè viderai Allora veni Veni à ingrandà la casa piena Di cio chi ti corre le vene Un trica piu Ancu tu veni Demmuci a manu Hè ora sta sera Fiurimu lu mondu Eo è tù. Sta sera veni, Cum’è una candella d’amore Quand’ella t’anneca lu core A l’oramai Ancu tu veni Pè quellu chi hà lu tremu addossu È chi ti chjama à lu succorsu Iè viderai Allora veni U freddu pichja à tante porte E quelle case si so viote Un tricà più Ancu tù veni Demmuci a manu Hè ora sta sera Fiurimu lu mondu Eo è tù. Dimmi U ventu d’inguernu Chi pichja a le porte Qualcosa chi pienghje Qualcosa a lu core Si sente u cantu Di a vita chi dorme E tu Ch’eo cercu a u filu D’un sonniu chi passa E tu D’un vechju secretu Chi mai si squassu Induve si Dimmi lu viaghju A strada fiurita Induve tu vai tu U vechju rillogiu Si ghjoca di l’ore Un battellu chjama In fondu a lu portu Qualcosa chi geme A u celu mortu E tu S’e lu ti ne parla U ventu d’inguernu E tu Fa chi lu mio cantu Un si ne voli indernu Induve si Dimmi lu viaghju A strada fiurita Induve tu vai tu U pastore di ghisoni Per rompe a santa pace Di a notte di Natale, Dicembre avia sceltu À prima ora vesperale Di fà move à l’ispensata Un funestu timpurale. Fraiu di tanu è timpesta Ne sufria la cuntrata Nu la piana à Cumineddu Da la neve accampata C’ era una banda di capre A la morte cundannata A spicciera u pastore Corse ver di l’alta serra Da le borghe risunava U rughju di a fiumara Quandu chjama lu destinu Ùn c’hè forza chi u para. U duvere per la manu U s’hà presu, l’hà purtatu Fin’à la so bandarella, Mezu à ella hè cascatu Prima di francà la verga A u puntu slgnalatu. U pastore si murria À l’eternu si n’andava A banda di e so capre In chjerchju lu ricaldava Nu la notte negra è bianca A parca s’incaminava Mezu à le so caprarelle Si n ‘hè mortu un gran pastore S’hè spentu quandu nascia U Bambinu redentore Ci aghju vistu cum’un cennu D’una manu superiore. Kirie Kyrie eleison kyrie Kyrie eleison Kyrie eleison Kyrie eleison christe Christe eleison Christe eleison Christe eleison kyrie Kyrie eleison Kyrie eleison Dumane Dumane s’anu da innamurà I fiumi di a felicità E l’onda ne maritera Tantu lu veranu ne sà Pe u libecciu di I’amore Chi s’imbriaca à lu to core In la prumessa resuscita A u più caru di a vita Pè a funtana generosa È tante mane valurose In lu lume di u to visu Pè I’alba chjara d’un surisu Dumane s’anu da innamurà I fiumi di a felicità E l’onda ne maritera Tantu lu veranu ne sà Pè u curaggiu di a memoria Nantu à u filu di a storia Pè u cantu è l’armunia Quand’ella vole a puesia Pè tante pagine di sole A u più veru di e fole, Pè u to sognu più prufondu E l’allegria di u mondu Dumane s’anu da innamurà I fiumi di a felicità E l’onda ne maritera Tantu lu veranu ne sà |