 Oghji in scena |
| L’ARBURUCHJU Aviamu piantatu un arburuchju Faci ghjà più di trenta anni avà I prima tempa, hà straziatu un pucuchju Po s’hè ripresu è pudutu campà In l’annati currindu l’arburuchju Cresciva, è si pudia rimarcà Issa tarra facia prò, à u so suchju A so billezza era à mintuvà Ungni annu, l’arburonu hà datu frutta À a ceca ùn si facia chè strappà A so sumenti ùn pudia essa chè muta Ch’ungnunu, u si volsi appruprià Cussì ch’in piena forza, l’arburuchju Chì era duvintatu una fiertà Cascò malatu à perdani u suchju I so branchi sò ghjunti à cascà Un ghjornu a timpesta fù più bruta Chì l’arburi pungnendu di luttà Si resi è po a so vita fù sdrutta Ma lasciò naciola pà radicà Hè natu, curciu è solu, un arburuchju Mezu à muchja è tanca mali ni stà Pò metta qualchì annu à dà ci fruttu Ma ci vularà prestu di nittà Pò metta qualchì annu à dàci fruttu Po incù misura, sparta è suminà. Notti è ghjornu Quandi a u segnu d’alba Spunta u sguardu llu soli E chi a notti calda tali un anima sola Si chjina in u serenu Di u ghjornu chi fiurisci U fiatu di a me pena Tandu ni rinvivisci E tantu notti e ghjornu Pà i tarri spariti Ti circu da l’intornu A i monda infiniti Ti circu in u rispiru Di un cantu chi da voci In u ventu chi ghjira Chi salta ungni foci Ti circu in u rispiru Di u silenziu cutratu E ancu in u suspiru Di a passioni sfiatata Cridendu chi una stella Purtessi u to ritrattu Chi u ricordu succella Ma va troppu a l’appiattu S’eu fussi a furori Di a tarra chi trema Ti daristi a splindori Sina i cunfini stremi Mi daristi u serenu Di a paci ch’un cheri A pacienza chi teni Chi ricusa addisperu Ritrovu in ungni cosa Chi a natura sumina U to visu chi sposa A vita chi camina Un acquata ha fiuritu I vaddi di un disertu Cussi aghju capitu Cio chi tu m’ha uffertu Se u segnu di l’alba U sguardu di u soli U fiori di a vitalba E l’anima chi bola U casamentu In un casamentu abandunatu Un omu vulia fassi alloghjiu Incù a so famidda s’era stallatu Fora di a cità nantu a u poghju Mancu vulia fa palazzu Ancu di menu una cità Un n’avia micca idei pazzi Ma solu campa dignità Iddu cridia in lla ghjustzia A mimoria l’umanità A u veru sensu llu ghjudiziu Quiddu chi nimu po cumprà. Avia intesu parla di drittu Di ghjustu e di fraternità Ma issi belli paroli ditti Tregani nanzi di sbuccià Fora di leggi fù dicchjaratu Un n’avia solda pà pagà Cussi u tintu si n’he andatu U capu bassu senza luttà Qualcosa brusgia in u me cori Dapoi ssu ghjornu un po andà Sarà po essa u disonori D’un pude solu che cantà. Muralità infantimata A u derisoriu a u soldu va Un t’imbutrà di ssu beatu Un altru cantu devi intunà. E dopu i mesa passati U casamentu fù spiantatu A piazza a u pruvitu fù data Ma pocu ghjenti si so svighjati. E tu chi a risu tali un latru Di i frastorna lli sfurtunati Tu chi sta zittu tali un quattru Sappia chi i guai so impustati Quandi u puteri he maldiatu A so ghjustizia duventa urgogliu A vita di lli disgraziati Vali menu che un portafogliu. A me patria A mè patria sì chjama libertà Libertà, sempre, sempre sì chjamerà A mè patria sì chjama libertà Libertà, libertà. V’aghju scurpatu un ghjornu incù pena Figlioli di’ss’umanità In u vostru vighu c’era cateni Di miseria è di povertà Vile inghjustizia ch’ai vita serena Mi sò intesu spavintà Ma a cuscenza pà sciula a catena Pratendi’ssa verità. A mè patria sì chjama libertà Libertà, sempre, sempre sì chjamerà A mè patria sì chjama libertà Libertà, libertà. Ghjenti di cori spersi in questu mondu Virtu è di predicà Si in certi lochi l’indicenza abonda Di i putenzi ne a vulintà È incù’ssa fede sarà sempre incesu U drittu in’ss’umanità Mai più un populu sarà appesu Chjamendu’ssa verità. Ricordu O ghjuventù passata, Zitella luntana Per sempri di mè. O passioni vultata, Amori o dannu Dumani par mè. Dimmi induve sì Chì possu fà quì Senza tè. Dimmi induve sì Sò solu cusì Senza tè. O soli d’arimani Acellu chì canta, L’amori di l’avveni. O piovi di a mani, È pienta tamanti Tristezza chì veni. Dimmi induve sì Chì possu fà quì Senza tè. Dimmi induve sì Sò solu cusì Senza tè. Eu so Ti stimu Una casa Una casa piena è candiddighja u tempu ingurdu chì sà c’un ghjornu o l’altru un ghjornu latru a ghjenti si purtarà Una casa chì s’arrampichighja à tempi c’ùn poni dà cù mischinezza è strapazzi di ritorni è d’andà Senti u lagnu chì và Semu qui, no stemu qui…… In a casa vechja u ritrattu, qual’hè chì l’hà da spiccà ? Hè compru u locu Hè cursu u focu A tarra strazia à firmà Una casa pienghji a so famidda A sterpa ùn ci pò più stà Ci hè ghjuntu u soldu famitu di soli è di benistà Senti u moghju chì và Pà una strada nova Pà una strada nova a mezu a i cantona I tanca e i lamaghji Pà una strada nova giusta e sincera Rinvivisciara dumani Pà una strada nova chi dumani sara Pà i nosci fiddoli Pà una strada nova duva ungnunu sara Fiddoli di a corsica Sintiti a me prighera, o giusta a me dumanda o a me pinsata Di veda a noscia tarra, essa sempri in paci, di scopra l’ortu fiuritu Da i lindumani chjari, duva solu l’idea sara, di smiza u pani Micca di tichjassi, ma piuttostu di sparta Comu pude pinsà, suttu a u celi nivulosu, si schjarisciara l’avvena Comu pude nigà, chi ssa ghjenti d’altro, un n’imparani manca’u corsu Venini pà campa qui, pa u soli e a u mari, he vincia qualchi solda, Di a noscia cultura, iddi un ‘hani a goda Ma oghji tutti insembu, pudariamu scambià cu forza e travaddu. L’idea chi a noscia tarra un siga morta e chi nunda pudaria crescia D’arristà di pinsà e imparà i ziteddi ancu a i maiori, I valori e a lingua, cussi pudaremu creda ! Partenzi Viaghjadori sogu statu Quand’idda po ci vulia Diradicassi è po parta Era quissa a sola via È di porta in orizonti È di sulca in mucaturi Aghju custruitu mondi Sogu fattu à migraturi Partenzi è mondi Partenzi è stondi I me loca più luntani Ùn sò persi in verità Aghju frustu tanti i panni Par dà fiatu à u me vultà Viaghjadori di mimoria Chì u tempu inghjuvanisci Ungni lascita hè storia Ungni fattu mi parturisci È à passa di scunfini Aghju resu vera a cima È à passa di distina Oghji campu da vicinu. Di ghjuventu Batti timpesta, è semu quì L’ora ci affunda, omi cusì Ditti d’onori è di curaghju Trema un paesu, allisingatu Tanti macedda, è spadduzzeri L’orgogliu appesu, à d’altri sonnia Omi di quì, morti in altrò U sangu stringhjarà dinò ? Duva sarà Issu tempu accesu di ghjuventù Ùn curri più U soli in braccia, è semu quì U cori in stracci, omi cusì Fatti suspetti, da boci in dà Soffri un paesu, a scatinà Tanti silenzia, missi à palesu Bucchi liati, una miseria Quale hè issu drittu di mal’ pinseri Cusì infuriatu à cundannà ? Duva sarà Issu tempu accesu di ghjuventù Di ghjuventù A sirena L’aria in muntagna abbracci un fiori U celi d’ispagna brusgia d’amori U mari canta he di parolla Pa una santa badda a llu soli Annantu a rena curri un violu Tu passi e veni so solu Tu passi e veni e piu, un ti possu tuca Ma in i me veni, come un suffiu ti ni sta In u me vardatu campi serena Semu liati senza catena Una sirena soli d’amori Fiori di rena badda incu l’ori Sta in i me veni scalda u me cori Canta serena pa i me furori Una sirena fatta d’amori Amori di vita soli di cori A ungni situ a postu un fiori A l’infinitu, si ricuti, ancu pa mora Quandi a to sciuma he in furia para Vigu una piuma, supra un altari Mari amicu dalli cuncertu Mai casticu, lli fussi uffertu A luna piena, pari sunia Carezza a rena,e in mari va Sognu feritu, fiuritu da u piu chjiaru amori Senza ave bitu, u dulci di u so licori Sognu scutitu, chi ciotta in cori Chi ha prefiritu canta fervori Quandi a vita ci scurdara Da l’alba antica rinasciara Cantu di gloria chi fara dino sunia Da un altra stodia una rumanza sbucciara Sara d’amori, cun po niga Sara d’amori chi cantara Una sirena sta in i me veni Canta serena pa i me furori. I cumbattanti d’onori Quantu casi bioti ind’è vò paisani Ch’aveti par dota u vosciu cori umanu Pò quantu ziteddi l’ochji carchi à paura Stridan’in faccia à quiddi chì mai n’ani primura Vò pà tutti ziteddi frusti da u dulori Campeti sottu à i steddi è senza più timori Quandu spunta l’alba cumbattiti cun ardori L’impegni di tutti ‘ssi signori Frà mezu à l’ingannu eu salutu u vosciu onori Chì annega u vintu traditori O quantu turturi quantu disparizioni Ma casca a paura quandu nasci raghjoni Si sparghji ugni ghjornu un cantu di virdura Fiurisci è à l’intornu faci vita sicura Sè tu generazioni nata à mezu à u tarrrori Porti la to passioni, pà l’altri u dulori Quandu spunta l’alba cumbattiti cun ardori L’impegni di tutti ‘ssi signori Frà mezu à l’ingannu eu salutu u vosciu onori Chì annega u vintu traditori Un pare Una brama chì sà è chì parti è chì và chì canta è sona un avvena à truvà Una spera chì luci d’umanità in l’ochji d’altrui è l’altru ghjudicà Una mossa tutta in sonnia un sonniu chì movi al di là di l’affannu Una mossa un bisognu è chì pò arricà Un parè chì ci pò fà viaghjà à i cimi di l’essa è pò dà si al di là Un parè si pò ancu accittà ma micca à i patti di l’indignità Una brama di dà ma chì pò scumudà l’idei fatti è trafatti d’età Una stampa di tempu fala à machjà u più beddu scrittu chì porta à spannà Una mossa tutti insembi l’insembi chì pò palisà quiddu ingannu Una mossa chì premi è chì pò arricà Un parè chì ci pò fà viaghjà à i cimi di l’essa è pò dà si al di là Un parè si pò ancu accittà ma micca à i patti di l’indignità A grana A grana di u tempu viaghja incù u ventu E cusi pà andà a l’alba di u tempu Si ne và a campa a l’alba di u tempu Ascolta ziteddu di a vadella Un vali a pena di susciulà A vita di puglia ci voli a lasciala Pà andà puri à quiddu valdu A grana di u tempu viaghja incù u ventu E cusì pà andà a l’alba di u tempu Si ne và à campà a l’alba di u tempu In u valdu canta la campagnola A u spirionu di a to vita Una bianca culumbula bia una goccia E pò fala pà una sposta A grana di u tempu viaghja incù u ventu E cusì pà andà a l’alba di u tempu Si ne và a campà a l’alba di u tempu Canzona chì trinna lu me cori E chì sumidda à una storia Voci chì parti à zappudà Eppò sumina a grana d’amori A grana di u tempu viaghja incù u ventu E cusì pà andà a l’alba di u tempu Si ne và a campa a l’alba di u tempu Dio vi salvi Regina Dio vi salvi, Regina E Madre universale, Per cui favor si sale Al paradiso. Voi siete gioia è riso Di tutti i sconsolati Di tutti i tribolati Unica speme. A voi sospira è geme Il nostro afflito core, In un mar di dolore E d’amarezza. Maria, mar di dolcezza, I vostri occhi pietosi, Materni ed amorosi A noi volgete. Noi miseri accogliete Nel vostro santo velo, Il vostro figlio in celo A noi mostrate. Gradite ed ascoltate, O Vergine Maria Dolce, clemente è pia, Gli affeti nostri. Voi, dai nemici nostri, A noi date vittoria, E poi l’eterna gloria In paradiso. |