 E scegli u tu culore |
| Campagna Viva A campagna si svegliava Cun rimori e canzone Pianu pianu caminava Ascultendu lu machjone Ind’u silenziu campagnolu Sottu e valle suminate Ascultava un rusignolu Chi cantava e so scrufate A l’arice d’un guadellu Tuttu chjaru, longue e sponde Li rispondia lu merlu Chi ruspava sottu e fronde Ind’u foscu di la machja Chjuchjulavanu l’acelli lu stridu di la curnachja Facia sprinculà l’agnelli So falate e pecurelle Da quassu da la pascura Sunavanu e campanelle In la matinata azura Sott’un ponte chjachjarava l’acqua di un fumicellu Chjara chjara si n’andava A innacqua l’urticellu Tuttu hè calmu è la natura Vi porta salute e vita Si respira la virdura In questa machja fiurita Po un son’di cialembella Si hè alzatu in la furesta Maria la pasturella Accumpagnava la festa Riveneraghju U sole imbellisce le so muntagne U mare i scogli è le sponde E sentu sta voce tremenda è luntana Chi pichja è chi dopu ribomba Fiore culore di maghju Ventu chi vultala le fronde Soffiu chi chjama à l’avvene Lume di lu so campa U fiume corre per sti stragoni Lampendu a so voce brionu Fiumare in le cotule purtendu la piena Sfacellu macinendu a fulena Acque culore d’inguernu Saetta chi brusgia li monti Onde scatenate d’infernu Bughju chi rumena li fondi Ripigliu Eppo riveneraghju In stu paese di storia Quandu nasce la memoria Forza per la so ghjuventu Zitellu Quandu un zitellu pienghje Quallà sott’à qualchi celu Bramendu a pace S’assumiglia à tè Quandu un zitellu more In Africa in Palestina E gira u mondu L’omu pensu à sè ripigliu Prufondu cum’è u mare E llindu cum’è u fiume Zitellu si l’altare E mi porghji u lume Quandu un zitellu beie Mischiendu u so sudore A quell’acqua chjara Dolce cum’è tè Quande un zitellu sogna Cun l’ochji cusi turchini Un sguardu spapersu Cerca versu tè Quandu un zitellu pienghje Annaquendu a so terra Di lacrime puru Face cum’e tè L’altore A mezu a l’omi di sta terra Si scopre un acellu di grandura A nantu a nebbia chi copre E stelle d’un mondu chi s’apre Lacellu maestosu piglia lu so volu E colla quassu in le stelle Li so ochji miranu l’orizonte A nature schjarisce in lu monte Terra d’inghjustizie è di misteri Suminata d’un ventu di grani U celu s’apre a l’inguernu L’acellu ritruvera lu so nidu Lu ghjornu hè sicuru rivenerà In stu mondu induve dorme sta fata L’acellu ripiglierà la so altura Un volu signurile rinascerà Ripigliu Ma l’altore scopre li monti Di e so ale in gira lu mondu Di lu soffiu smarisce lu chjassu In l’eternu francherà lu passu Sangue Ai giratu lu mondu Circhendu un pezzu di terra Induva ti serai sentitu Liberu cum’è lu ventu Mai ai intesu’ssu cantu In la to mente in pientu Ti venia da luntanu Di la to ghjente chi ti chjama Ma ghje corsu stu sangue in le to vene Ma so’ssi lochi induve ci stanu li toi Ai fattu a scelta Di campa in’ssa sicietà In’ssu mondu di prufittu Techju di falsità Ma crescerà La nostra invia di vule canta Tra li monti di lu sunià E chi dumane ci purterà A la to lingua ch’ella un fussi mai pruibita E la to manera di pensà chi mai un scambierà Podarsi chi si puderà lampà A e forze di quallà Un missaghju di libertà E scrive pace in l’eternità A fede di vule fà Ch’un ghjornu Scambierà A manera nova di luttà Per lu nostru diventà I vecchji Simu vecchji simu soli Mez’a tant’a tanta ghjente Tenimu e nostre pene L’affettu un’è prisente Trascinemu i penseri Un vulemu cumpassione U duttore pass’anch’ellu Nasce a tribulazione ripigliu Ci n’andemu sempre soli Ci n’andemu per la manu Ci n’andemu tristamente U sguardu, persu luntanu Di a folla angusciata Un sentimu a chjamata Duve site, temp’andati Tempi scelti prelevati Ne simu à l’addisperu Ritratti di nustalgia Un’muvimu cumpassione E ne menu simpatia Ripigliu Simu vecchji, simu soli Di i nostri dilasciati E porte si stanu chjose Chjosi à i parintati Vecchji vittime di l’anni Un’vi cercanu succorsu l’anni ricchi, l’anni fieri Da quellu tempu hanu corsu ripigliu Avvene Sciappate Sta figliola chi omu a marturiatu A chi u core Si more Chi mancu a so famiglia E li so amici un’ponu fà Nunda per ella E ancu si a vita Li a datu, Un ghjornu l’amore Nunda li puderà, fà sorte Di u so core A so pena Ma ava ella chi a datu , a vita Tutt’a so pena, e lu so laziu di parte S’he firmatu in una mamma E avà solu avà A so vita Rinascerà Sin’a che u ghjornu U so Diu la chjamerà E chi li purterà A lumera di a so liberta Nasce Storia chi nasce in l’immensità Paese chi s’apre à la verità Sà ch’un ghjornu, rivulterà u so campà Di st’omu chi cerca a so libertà Canzone fatte di mille voce Paghjelle scritte da la to passione Rivecu la stella chi luce in lu mare Cum’e lu sole chi brusgia la to terra Ripigliu More, per una vita Ch’un vole cappià a so libertà More, per un’isula Chi dumane ci purterà lu so campà Ma si tu fretellu l’incarceratu Tu si luntanu di la to terra Séè tu ai a forza di li nostri antichi Ma per sempre luntanu da noi li toi U cechju portu pensa lu so passatu U mare sempre allonga la so storia O cara u nostru amore hè duratu E li carrughji ci anu à vede passà U to colore Tra affani è carezza E senza cuntintezza U to core viaghja Cum’e un tribbiu in l’aghja Eppuru s’è luntanu Spunta un bellu veranu Cogli quelle manelle Ti trema ancu a pelle Sott’un celu turchinu Ci corre lu marinu E porta pocu à pocu U muscu di u to locu Vicinu à l’alba chjara Incu lu mare s’infiara A scogli allisciati Battelli abbandunati Ma ancu s’è dumane Aspetti ore sane Ci nasce una timpesta A mezu à la to testa E senti u batticore Chi sone à tutte ore E so brame so sete Ti mancu ancu a fede Ripigliu E scegli u to culore Scimità o dulore Bianca è puru nera Quessa hè la to bandera So cascati Si chjode lu pugnu Di stu zitellu feritu Chi sente in lu so pettu Un pezzu di ferraglia Chi li brusgia lu core E stu dulore, serà forse la morte Fighjendu in lu celu Vede una striscia di sole Chi li scalla u core Cum’e lumi di paradisu E per ellu chi si spenghje Seranu sicuri, lumi di paradisu Mille bandere so cascate Mille bandere abbandunate Scurdate ind’una storia Perse in le vostre memorie So per i morti immurati So per quelli chi so cascati Ghjè per un maghju d’orrore Chi accumpagna u dulore Di l’omu nantu a so sedia Chi si pesa, chi ci crede,è chi spera In stu ghjornu di maghju A natura era dulore A palistra di ferraglia, hè cascata Nantu un populu ammansatu Culunisatu è marturiatu Ma ditemi induv’è site Simu tutti qui e circhemu à cappi A palle Rosse Eri l’isula ghjustizia In li seculi passati Ma so sbarcati di francia Ghjudicelli e magistrati Ch’elli vachinu à caternu Chi ci laganu in infernu Tandu ripongu la penna E tirgu à palle rosse O ma chi bellu prucessu Dopu u drama di Furiani Rispunsevule manc’unu Mez’à tutti issi furdani Ch’un capiscenu l’accuse Patarechje e mille scuse Tandu ripongu la penna E tirgu à palle rosse Diu vi salvi o corsi Di quell’orridu palazzu Chi cundanna le famiglie Chi fora facenu u tazzu Di l’impiegatu chi mena E sempre l’odiu sumena Tandu ripongu la penna E tirgu à palle rosse Qui un si cundanna micca Quelli di a prifettura Dateli puru e medaglie Chi stanu senza primura Scalanu pè prumuzioni O li purcacci manghjoni Tandu ripongu la penna E tirgu à palle rosse Cu i soldi e l’amicizia E a vuluntà statale Si và in culu à la ghjustizia Ci n’andemu à lu piu male A mamma face u so dolu E pienghje lu so figliolu Tandu ripongu la penna E tirgu à palle rosse Musica Cum’e una forza piu prufonda Traversa l’onda, musica Cum’è un penseru di vita, soffiu di realità Una vittoria di purezza di libertà Bella musica Cum’è un zitellu chi camina Cerchi una mamma, musica Mille culombe di pace, croscie di fraternità Senza cumunu di bellezza, di fedeltà Bella musica Cum’è una via senza lume Vedi una stella, musica Trà mare è monti a matina, corri sin’à l’annuttà Un paisanu chi t’insegna u benistà Bella musica Cum’è una fronda voli cresce Guardi u sole, musica A tempu toccu u veranu sempre friscura serà Cum’è un arrietta inzuccherata pè rifiatà Bella musica |