 Per tè |
| SOGNU (Ghjerardu Papi) Sta notte aghju suniatu, ch’aghju scontru una fata. Una stella in la bughjura, un tizzone in la frescura. Sognu era,…sogna un so… Spetinava li so capelli, Lu mio gestu he trimulosu, Bagna una conca d’oru , lu so visu luminosu. Sognu era,…sogna un so… Le so labbre inzuccherate, U muscu di la so pelle, In l’occhji una lumeruccia M’imbriaganu e cervelle. Sognu era,…sogna un so… Mi so svegliatu a l’albore Crosciu labbiu di sudore, Tese le fune di l’amore, Era strintu lu moi core. Sognu un era , Sogn’a so. Sognu un era , Sogn’a so. AIO CH’E FESTA (Ghjerardu papi) Aio ch’e festa andemu a canta, Tutta la notte impaghjella. Ziu michele mettera’ improvisa, Curagiu a chi li rispondera. Tu chi soni di viulinu, Di ghitara e di mandulina, Affacati oghje t’invitu, A fa festa in compagnia. U focu sera incesu, Per sempre in l’usu corsu, Intorna di lu fucone, Tutti inseme incu babbone. Aspetentu le fasgiole, Babbu contera le so fole, Cun amore e puesie, Chi da per ellu facia. SANTA BIRGIDDA (P.Andria Fluixa) Tra la muntagna e lu mare ci porti la to croce, La bravona e la so piaghja da caldane la so foce. Cume babbu hai a sant’appianu e lu scartu di san ghjuvanu. Per cura a monte cristu, gira spinu a pancheraccia, A l’omi di cateraghju, stendi manu sina pianiccia Ch’un ti vole mette male cu alistru e lu so fanale Tochisinca t’anu fatta, per prega fui construita. U nome ch’oghje tu porti he quellu di santa birgida Diu faccia che tu sia per me cui sempre presente. Ti la dicu franca e chjara ch’eo perdu puru la mente, Per te lampu le mio rime a le piu luntane cime, a le piu luntane cime. U NOVU CAMPA (Ghjerardu Papi) Senti ‘ssa voce chi ti chjama E chi apre la stada di la nostra umanita. Alora veni e po ti portera quassu in l’altu pratu di lu novu campa. Natu si in palestina, Terra d’oriente, Ricca storicamente, Ma oghje un ‘he piu solu che ruina. Si sullatu di la notte, Sceltu hai la to sorte, A passiona he la piu forte, Ma in lu paese bascu pesa la morte. Si di un populu fieru, Diffende la to nazione, Toia he la raggione, Ma lu desertu he filiu di la guerra. SOLU (Ghjerardu Papi) Solu per esse , solu per campa ,cantu. Vogliu canta per esse l’occhji di l’omu cegu, Vogliu canta per esse la voce ch’un si po sente. Solu per esse ,solu per campa ,mughju. Vogliu mughja per fa tace l’indifferanza, Vogliu mughja per sgorga tutta l’amarezza. Solu per esse ,solu per campa ,luttu Vogliu lutta per esse contru la fame nera, Vogliu lutta per l’omi sottumessi a l’opressori. Vogliu canta per esse l’occhji di l’omu cegu, La voce ch’un si po sente canta per sempre. Vogliu lutta per compia tutte l’inghjustizie, Tutti l’opressori, lutta lutta di core. Solu per esse ,solu per campa ,straziu Vogliu strazia per fa nasce lu granu, Vogliu strazia per ch’ell’un sbucci lu male. Solu per esse ,solu per campa pregu Vogliu prega per compia tutte l’inghjustizie, Vogliu prega per un mondu di fratellanza. Paghjella di Linguizzetta (Ghjerardu Papi) Confinendu la Castagniccia Lu Verde e lu so cantone In pede a lu Sant’appianu Supraneghji a Bravone Paesolu di muntagna Linguizzetta e lu to nome A LA TOIA (Ghj.Vacca-Ghj.Papi) Avemu fattu cuniscenza, una sera in padulella Serata di fratellenza, l’armunia d’una paghjella, Tantu, incu l’amicizia e natu Cantu-inda intonendu a riturnella… A la toia a la mea intornu a l’aperitivu A la toia a la mea amicizia salut’e viziu Ci servite per piace, e dite quant’ellu mi face, Lascia corre he la mea, dopu lamperai la toia, A toia a mea in canzone dopu quella di u patrone. Tuttu he sujetu a macagna, he chi ci sentimu ben Aspetendu e falze stecche, per pudeci scacanna So rise sceme e di core, ma rancore un ci ne da. Finitu he l’aperitivu, e cumencia a sturciula, Un buccone he da cusentu, calatevi cui a manghja Fritelle di casgiu frescu cu prisutu e baccala. A la toia a la mea intornu a l’aperitivu A la toia a la mea amicizia salut’e viziu A la toia a la mea finitu he l’aperitivu A la toia a la mea attachemu u digestivu SCONTRU (Ghjerardu Papi) Un ghjornu aghju scuntratu,un omu addisperatu e l’aghju dumandatu, » chi so tutti sti lagni. Un pienghje piu fratellu lu sole he cusi bellu A natura he fiurita e ci chjama la vita ». « Sapia chi la vita, per me ghje finita. Gioe e sperenze perse, amore diffese. Di campa cusi ormai so cundanatu, O vergine maria perche m’hai abandunnatu ». « Ascolta la mio preghera, un c’he nanta sta terra Ne omu malorosu, ne avvene affanosu. Un ghjornu venera, l’acellu di a salvezza E tandu si portera, tutta la to tristezza ». « Lu mio caru zitellu, lu to acellu biancu Di vene versu me, oghje ne sera stancu. Sapia chi la vita, per me ghje finita, Gioe e sperenze perse, amore diffese. Di campa cusi, ormai so cundanatu, O vergine maria perche m’hai abandunnatu. So banditu d’onore, aghju chjapp’u macchione, So banditu d’amore, nimu un mi ci chiappera. PER TE (Ghjerardu Papi) In l’alba chiara d’una matina, aghju cumpostu una canzona per te una canzona per te. Ti aprera una stadella fata di stelle, Una stradella per te Una stradella per te. Ti purtera in lu mio mondu fatu di gioa, E d’amore per te e d’amore per te. Camineremu a copiu inseme, vogliu passa La mio vit’a fiancu a te la mio vit’a fiancu a te. E canteremu quella canzona, ch’aghju cumpostu Una matina per te una matina per te. Quella canzona, Una canzona per te una canzona per te A CHJAMA (Ghjerardu Papi) A nostra macchia era bella, e nascianu le piante. Ma una manu criminale, ci’a lampatu un fulminante. Cuand’ellu move lu ventu ne piglia forza la fiara, Tantu nasce lu spaventu che piu focu un si para. Chjamemu a la riscossa tutta la ghjente stessa, La nostra terra corsa un’a bisognu di quessa. Aghju vistu un paesanu chi pienghjia la so casa, perche lu focu soprumanu stughje tuttu ind’ellu passa. Aghju vistu lu pastore chi chjamava li s’agnelli, La so banda si ne more e ruinatu lu pecurellu. Aghju vistu una mamma chi cercava lu so figliolu, Inde la furesta spugliata pes’un odore di dolu. Aghju intesu u sgio curatu chi pregava lu signore, Ma lu paese cundanatu di l’infernu a lu culore. La cuntrata e mascherosa un si sente che lu pientu Di li zitelli e d’una sposa e brusgiatu lu casamente. VOGLIU (Ghjerardu Papi) Vogliu per ‘ssi paesi muntagnoli, Rifa apre tutte le nostre scole. A nostra muntagna si lagna. A corsica’e malada… Vogliu’nd’a nostra macchia spinghje lu focu, Ritrova cum ‘ind’i tempi lu nostru locu. La nostra macchia’e brusgiata. A corsica’e malada… Alzemu lu capu o cors’i mio fratelli. Oghje piu che mai ci chjama la cursichella. Vogliu ‘nd’a nostra piaghja a la sulana, Ritrova a piantaziona isulana. A nostra piaghja e mal’andata. A corsica’e malada… Vogliu di pasquale paoli canta la gloria, Empar’a nostri figlioli a nostra storia. A nostra cultura si ne va. A corsica’e malada… Vogliu in lingua corsa esse la voce, Di un populu chi da tant’ani port’a so croce. U populu corsu campera. Ma a corsic’e malada… Vogliu di a li nostri eletti vecchji e novelli, A nostra terracorsa e un ghjuvellu. Se vo’un piantate a pulitichella, Seremu tutti ribelli. Alzemu lu capu o cors’i mio fratelli, Oghje piu che mai seremu tutti ribelli. Andemu e luttemu inseme fratelli, E forza a sbucheremu, a nostra cursichella. PONTE-NOVU (Ghjerardu Papi) In la borga u sole si pesa E dinpinghje nant’i quadretti di e via-cruci, L’albore in sta matina di un altr-offesa. …Ognunu a so verita… In sta borga a morte ghje passata. U ghjornu s’e pisatu nant’a terra strazziata, E verita so a palesu, un populu e cascadu. …A mente s’arricurdera… Cui circavanu un lindumane Che lu fiume di golu si vole purta. Testa mora in lu core, bracciu armatu e occhju fermu Per diffende a liberta. Oghje cui golu pienghje rossu. S’ottu di maghju in ponte novu so morti li so figlioli. A natura silenziosa di rispetu induloritu. …Oghje golu pienghje rossu. Gira u mondu lu sole si ciotta. A notte s’accompagna di un sognu di spera. A ghjuventu purtera a fiara di la vita. …l’omi facenu la storia… |