 Trà talle è radiconi |
| ANNIVERSARIU DI MINETTA Per tutti l’anni chì sò scorsi Per le to gioie è le to pene, Per li fatti è li discorsi Per lu sangue di le to vene. È … per la to memoria cara Chì luce sempre in core à mè Vogliu gode ogni stonda permessa Vogliu godela per tè. Per quelli chì à tè sò cari I to figlioli ,la to ghjente Per lu to granu ,i to filari Per lu core è per la mente. Per li to ochji à la funtana U to amore immensità, A cara santa nostra mamma Per l’oghje è per l’eternità. Tù sì la mio surella cara Quella ch’hè nata à tempu à mè È sì di mè stessi luntana Seraghju sempre accantu à tè. INNÒ Mi piace u to sensu arditu Quand’è tù scopri l’infinitu Mi piace la to gran primura Di la storia for di misura In li rughjoni d’amore Ti sentu pienghje o arrabbià Mai piantendu di sperà Quand’è tù dici Innò. Mi piacenu le to manere D’arradicacci in le to terre Mi piacenu le filastrocche Ch’è tù metti in le nostre bocche Di li to canti tamanti Ùn puderaghju sbriacà Sì schjavitù è libertà Quand’è tù dici Innò. Innò chì a to lingua ùn hè morta Innò chì u to locu ùn hè chjucu Innò l’avvene ùn hè mischinu Innò chì a to via ùn hè stretta. Sappie chì i lochi, l’avvene L’allarga a mente a vuluntà A to storia s’allongherà S’ella ribomba a lingua nostra. U VERANU DI L’OMU O fiore muntagnolu Sbucciatu trà i razzi Sottu à l’ultima neve Dentella di muntagna Fughjendu la nebbia Perde i pezzi di nuli Chì u melu ricoglie Per veste si di biancu. È l’omu guarda È l’omu sunnieghja Dopu tantu travagliu Dopu tamantu inguernu À quandu lu veranu … di l’omu. O fiore muntagnolu Sbucciatu in capu mille Balsamu per ferite Anellu à ogni dite Tù teni in ogni pettu U core à calore Prumesse oramai Di la fin’ di li guai. EO CI AGHJU IN CORE Eo ci aghju in core Tù a voli sapè Eo ci aghju in core Què è què. Micca una pena amara Micca centu oimè Ci aghju incesu una fiara Cum’è tè Micca una malacella Nè un sturzacaprè Ci aghju una rundinella Cum’è tè. Micca una civetta Chì face u coccodè Ma una zitelletta Cum’è tè Micca una giuella Avvezza à u bel’gudè Piuttostu una ribella Cum’è tè. Micca una citatina Ch’ùn cunnosce a filè Ma una pratellina Cum’è tè Micca una capivana Sempre in trenta trè Ma una figliola sana Cum’è tè. Mancu vogliu la luna Mancu vogliu le stè Tantu ùn ci n’hè mancu una Cum’è tè Eo ci aghju in core Tù a voli sapè Ci hè venutu un amore Cum’è tè. FEMENIA CAMPERÀ Hè natu in carrughju Issu cantu chì dice Dice : « camperà Un’ intrapresa sana è felice Fior di lu nostru sviluppà ». L’hà spartu lu ventu È tutta la ghjente Dice : « camperà » Da l’impiegatu à lu studiente Tutti sò pronti à intunà. L’affissu à lu moru Chì appronta à dumane Dice : « camperà » Quandu seranu in pasta le mani Longa hè la via di l’ancu da fà. L’industrializazione hè la sola Di u nostru avvene a vera suluzione. ELVIRA Quantu sò,quantu sò Quelli chì tenenu cara à Elvira ! Quantu sò,quantu sò Quelli à chì Elvira disse innò ! O Elvira dammi un basgiu, Zim zim bum bum , la là lerula Elvira ! Elvira dammi un basgiu , Nimu ùn ci viderà ! Ti lu derò di notte Zim zim bum bum , la là lerula Elvira ! Ti lu derò di notte , Nimu ùn ci viderà ! Ci viderà la luna Zim zim bum bum , la là lerula Elvira ! Ci viderà la luna , Ma ùn paliserà ! O Elvira dalli un basgiu Zim zim bum bum , la là lerula Elvira ! Elvira dalli un basgiu , Nimu ùn vi viderà ! VI RIGALERAGHJU Vi rigaleraghju O carò per campà , A neve è lu sole È farfalle à chjappà. U più dolce mele Di l’ape à suchjà , Case paisane è Lochi da ghjucà. Vi rigaleraghju O carò per campà , E bande tamante In li prati à curà . E più belle sponde Di la vita à barcà , Basgi nant’à l’ochji Per l’addurmintà. Vi rigaleraghju O carò per campà , Granella d’amore Ch’hè pronta à suminà , Un solcu d’avvene Di lotta à assuà , A voglia maggiore Di l’umanità. TÙ CHÌ CAMPI Tù chì campi incù un nodu in gola Chì ti stringhje è chì t’affoga Chì t’impidisce di parlà Tù chì campi è ch’ùn poi campà. Pesale alte isse mani Inghjuliate da l’affanni Incù le ghjalle è scorciture Pesale, pesale pure. Battiti in omu fieru Fà valè la to virtù U to passu sempre sinceru À la punta ci sì tù. Ferai la to nazione Senza statue nè prigioni U to paese in libertà U to fiatu si spannerà. Fà schjattà le to surgente Ch’elle annacquinu isse terre Le terre di lu presente Tù chì campi è ch’ùn poi campà. Chì le rise di i zitelli Faccinu sbuccià le granelle Granelle per l’umanità Tù chì campi è ch’ùn poi campà. MARIA ANTÒ Chì culu ch’ella hà Maria Antò Coppiu di patecche appese L’ochju merlinu l’hà in bisbò Sì lu so O è lu me I Vulianu fà cunversaziò I imbiglierebbenu vita è bullò. À FIOR’ D’ONDA Simu à fior’d’onda eo è lu pinu, ci spechjemu in l’onda eo è lu pinu. Simu à fior’d’onda eo, u pinu è lu gattu ci spechjemu in l’onda eo, u pinu è lu gattu. Simu à fior’d’onda eo, u pinu, u gattu è lu sole ci spechjemu in l’onda eo, u pinu, u gattu è lu sole. U primu hè u gattu à smarì di l’onda Dopu ci sò eo à smarì di l’onda Poi tocca à lu pinu à smarì di l’onda Poi smarisce l’acqua, u sole si ferma Ma venerà l’ora chì si n’anderà. Simu à fior di l’onda Eo, u pinu, u gattu, u sole è a vita U pinu si stende, eo cantichjeghju U gattu s’alliscia, u sole s’arrizza È campendu simu Eo, u pinu, u gattu, u sole è … a vita. CANTU PER NELSON MANDELA À la fin di la so terra L’Africa ci hà una piaca Di vergogna Sottu à la somma U mondu neru si ne stà Davanti à l’ochji sburlati Di i zitelli sò i macelli Venenu à testimognà Per Nelson Mandelà. Nant’à e labbre d’ogni ghjornu Chì basgia ogni cunfina Nasce un cantu D’acciaru è di mele Per quellu chì ùn sapia più A dulcezza di a vita Dopu à tamanta ferita Cantu per la libertà Di Nelson Mandelà. |