 linea |
| Galerianu Di bughju, so ghjunti per assaltà li nostri lochi, I mori, guerrieri tumbendu è picciendu fochi, Fù dura a rivolta, i morti in quantità Hè sbarcat’u male da mare indà. Suminendu lu dolu, sciagura è pè ruvina, Paesi stirpati è ridutt’in pulvina, Mandati in galera è senza pietà Noi altri isulani senza cuntà. So galerianu, Un possu che bugà, So galerianu, Hè la me vita avà . Pane seccu è staffile so lu me quotidianu, E lu sole, è lu sale chi mi brusgianu sanu, Cù li me fratelli, è per lu me campà, Pregu lu celu, mà pocu c’hè da sperà. Lu core, in pettu si stringhje com’una tinaglia, Pensendu à la me patria, è à la me famiglia, Mà cantend’inseme cusi senza piantà, Si piglia forza è curaghju di bugà. So galerianu, Un possu chè bugà, So galerianu, Hè la me vita avà. I muschi d’una vita Li primi ghjorni ramentu Di dolci castagni lu muscu, Po chi l’aria settembrina Sentia a mela dulciaghja. Seguitanu i ghjorni laziosi Quand’i mintrasti preziosi, Si stancianu’nd’una vadina Anc’u murzu è l’erba marina. Ripigliu: ln qualchi scornu sicretu Allibrati in un tirettu, So piatti qui in lu core Tutt’i ghjorni di lu sapore. lmbalsamendu li lochi Cù l’astratelli è listinchi, So pini è ucalitti estrosi, Ghjinestri è murta primurosi. Sfilanu cusi li ghjorni So venti sopra li mulini Lasciend’una striscia muscosa Nant’à a natura timurosa. Isul’agrottu Hè un pizzucciu di terra Bagnatu di lumera, Luntanu da li turmenti, Sottu à la carezza di li venti. Hè un scornu di paradisu Da scopre à l’impruvisu, E Diu la fatta fiera Cù l’arte è la manera. Hè pace à mezu à la guerra, Un agrottu d’una vita di galera. Hè dulcezza sbunurata, Un cantu d’innamurata; Come buscà si un tisoru, È scopre un capilavoru. Beati à noi o umani, Di campà qui isulani ln lu so ciottu maternu, È stà ci qui per l’eternu. Hè pace à mezu à la guerra, Un agrottu d’una vita di galera. Dormi prestu U to sonniu hè farfalla ln ogni fiore voli pusà Svulattendu qui è quallà ‘Duve lu ventu ti purterà. U to sonniu hè dop’acella Chi cant’à la prima stella, Quandu notte s’avvicina lncurunendu ti regina Ripigliu: 0 caru meu, o zitellu Dormi prestu o figliolellu. U to sonniu hè surghjente Appena nata in la to mente, Chi dopu corre in vaglinelle ‘Duve saltanu e trughjelle. U to sonniu, hè una fola ‘Duve pianu lu tempu scola, E ti porta, comu appesu ‘Nant’un àlitu tuttu stesu. Ripigliu a u zitellu Vittoriu Anima vagabonda ln issi tempi, ùn si sà ‘Duve si trova a realità; À a fruntiera di u malpinsà A strada hè dura d’appinsà. Anima vagabonda, cansa ti una stonda, L’incertu ti circonda, ùn ti lascià burlà. Tù lu cecu di stu mondu E da qui è d’altr’onde lntravatu d’u to benistà Riflette à cio chi po custà. Anima vagabonda, cansa ti una stonda L’incertu ti circonda, ùn ti lascià burlà. E chjave di l’universu So in tè à contruversu, Navighendu in la to mente Scopri l’ascosu di la ghjente. Ancu à mezu à a suffrenza Ci si po nasce a sperenza, L’ombra di un sole ardente Disceta pur’u ghjacciente. à Petru-Pà Una storia Berculata da le fole lnacquata da lu sole Nata in tempi di petra D’una voce, una preghera Da i tempi i più landani Scalatti so nostr’anziani Cusi hè la me terra: Una storia, una bandera (bissu) lnvidiata com’una sposa Da Ponte Novu à Filitosa, Ghjunti so l’invasori l latri è l’ingannatori ; Pè parà à sta presenza Si stazzuno a resistenza. Cusi hè la me terra: Una storia, una bandera (bissu) Ore stentate, ore di lotte, E di ghjornu, è di notte, Cascati l’eroi curaghjosi, Cumbattenti gluriosi, Storia ci ferma per testimonia Cù ricordi chi tèssen’una leia. Cusi hè la me terra: Una storia, una bandera (bissu) à Eugeniu è Vittoriu Piove Piove anant’à lu me core U ventu si pesa cù furore U nostru amore hè natu Bellu è fieru à contra tempu Piove anant’à lu me core: Una mattina senza albore, U mondu sanu s’hè firmatu U dolce freddu m’ha pigliatu Ripigliu: Dolce stonde, stonde care Chi stu sonniu, bellu sonniu, Dolce stonde, stonde care In mè ha fattu alloghju. Piove anant’à lu me core Mà, à pena nasce lu fiore Chi campa più d’un annu Per noi canta lu veranu. Piove anant’à lu me core Veni cù me senza timore, Di u nostru passu anderemu A nosta storia scriveremu. Ripigliu: Dolce stonde, stonde care Chi stu sonniu, nostru sonniu, Dolce stonde, stonde care, Di tè, n’aghju bisognu. à Ghjuvan-Battista In fiera Avà mà chi possu fà, Mi ne vocu in fiera per cumprà Una chitarra per sunà, Un pocu di vinu per cantà, Mi ne vocu in fiera à campà mi ‘ià. Avà, mà chi possu fà, Mi ne vocu in fiera per cumprà Prisuttu è casgiu da manghjà, Farina castagnina di qualità, Mi ne vocu in fiera à campà mi ‘ià. Avà, mà chi possu fà, Mi ne vocu in fiera per scuntrà Pastori è paisani da salutà, Una zitella da marità, Mi ne vocu in fiera à campà mi ‘ià. Sulidarita Si sà ch’hè dura è longa a strada L’avvene sempre face paura, Sperendu solu, pocu ci porta E senza timore nasce una spera Porghji la manu, dà mi la forza E lampemu una chjama à a sulidarità. Perchè periculosu hè lu viaghju E pare crudu lu silenziu ln sta canzone aghju curaghju A ghjunghje più forte ne seraghju Porghji la manu, dà mi la forza E lampemu una chjama à a sulidarità. O comu si schjarisce la strada Quandu sola una voce parla, Quand’ ùn si teme ne pur l’avvene, ln d’ogni ochju un lume s’accende. Porghji la manu, dà mi la forza E lampemu una chjama à a sulidarità. Si sà ch’hè dura è longa a strada L’avvene sempre face paura, Sperendu solu, pocu ci porta E senza timore nasce una spera Porghji la manu, dà mi la forza E lampemu una chjama à a sulidarità. Bandera nera Tutt’in giru à a nostra sfera Sventuleghja una bandera, Di neru si veste fiera Campendu sopra a miseria, Di a mane à a sera Annienta ogni preghera. Una bandera nera. Ambiziunendu a nostra terra Sventuleghja sempre più nera, Operendu à a so manera Un ni cunnosce a fruntiera Cùn ella pocu si spera, Tantu corre à a spiccera. Una bandera nera. Comu un mulinu à balchera Mulinendu a terra intera Porti lu nome Mammapiera, O puru ti chjami guerra, Fede in Diu si perdera Sè d’ognunu ùn si dà da fà. Una bandera nera. Di mi Di mi perchè u nostru mare hè cusi grande ? Ascolta, figliola, u mare hè cusi fattu perchè no’pudessimu navigà. Di mi perchè ci so tante pegurelle ? Ascolta, figliola, ci sè cusi tant’animali perchè nostri pastori pudessinu campà. Di mi perchè a nostra terra brusgia ? Ascolta, figliola, c’hè cusi cativa ghjente ch’ùn pensanu ch’à strughje li nostri lochi. Di mi perchè più nimu ùn parla Corsu ? Ascolta, figliola, parla mi cusi è canta mi dinù è a nostra lingua campera. Spaisa Fratellu, hè un invitu à spaisà , Viaghju, sin’à l’orlu di u pinsà, Riturnella chi si piglia i quattru venti Chi ti facce girà tanti mari è monti. Fratellu, à lu to core appicca, Una stella, di quella a più beata, Lascia ti berculà da un batellu sonniu; Da noi purtati, capitani di stu tempu. Fratellu, hè un invitu à u longu andà, Ritornu, pocu ci n’hè vole à cuntà, Chi ti trasporta luntanu, luntanu cullà ; ‘Duve tutt’ognunu hè liberu di campà. A colpa O Bà, o Bà Sradicatu culà lnd’una stanza cutrata Per trent’anni, o Bà; Trent’anni hè lu prezzu, lu prezzu à pagà, Mà chi colpa hè la mea, o Bà. O Bà, o Bà Quantu pesanu l’ore, E pienghje lu me core ln pettu à lu spicca Ogni ghjornu hè crudele, è duru lu me campà, Mà chi colpa hè la mea, o Bà. O Bà, o Bà U curaghju mi manca Oghje so cusl stanca, Un possu fà chè sperà, A to pena hè la mea, so cundannata, o Bà Mà chi colpa hè la mea, o Bà. O Bà, o Bà Oghje sè tù sapessi Di tè, quantu so fiera D’esse la to figliola, Quantu caru ti tengu, ancu Diu a sà Mà chi colpa hè la mea, o bà, Forze d’esse to figliola, a m’hanu fattu pagà, Mà chi colpa hè la mea, oghje nimu a sà. A tardizione A mezu mare è machjoni Alivi, castagni, alburoni, Ci ghjocanu li venti scherzosi. Si portan’ una terra imbrunita Pigliendu un soffiu di vita, Fà nasce li to figlioli curaghjosi. Terra è populu in unione Comu a dice a tradizione. Memoria di cuscenza umana, Ricordi d’una mossa strana, Hè richezza d’un cullettivu bramosu. Terra è populu in unione Comu a dice a tradizione. U passu di Natale Fù di dicembre una sera Si spinghjia una spera, Un chjaruscur’ infinitu Senza rimori t’hà scunfittu. Cantellu di u riacquistu Eri tù, da lu principiu, E si pisav’un’armata Omi di mente liberata. Ripigliu: Si hè compia l’alegria, Un c’hè più nimu nant’à via, Mondu va à l’addisperu Hè smaritu u compagneru. Volta à to scola a ghjuventù E cresce sonniu di virtù, Seguitendu lu to passu Seguitendu lu to chjassu. lntilatu in la memoria Populu chi canta la storia, D’un volu, hè persa l’andatura E si lamenta a cultura. Ripigliu Mà sempre voga per l’onda ‘To canzona vagabonda, Purtend’ altu lu missaghju Per fà cùn tè lu viaghju. Fù di dicembre una sera Si spinghjia una spera, Un chjaruscur’ infinitu Senza rimori t’hà scunfittu. Ripigliu à Natale Luciani |