 30 anni |
| UCHJATTA » : L’Alta strada (J.P. Polettj / J.P. Poletti) A Rivolta (J.P.Poletti / J.P.Poletti) U culombu (P.Rocca / J.Teck). AMICU CI SI TU (J.Fusina / J.P.Poletti) Amicu, ci sì tù chì ci porghj i la manu Quandi u ventu gira ind’u celu isulanu Quandi u sensu spira ind’u cerbellu umanu Amicu,ci sì tù Amicu, ci sì tù chì ci porti penseru Quandi u morsu stringhje di ferru furesteru Quandi l’ochju dinnera da lu vechju addisperu Amicu,ci sì tù Amicu, ci sì tù chì copri lu dulore Quandi a brusta ghjala u focu di l’amore Quandu a fede cala in core traditore Amicu,ci sì tù Amicu, ci sì tù chì ci apri le porte Quandi l’idea move nant’à le strade torte Quand’ellu sbuccia un fiore cum’è sognu di morte Amicu,ci sì tù Amicu, ci sì tù chì ci dai sperenza Quandi a vita cagna ci tomba fratellenza Quandi a terra cara si sfuma in la partenza Amicu,ci sì tù Amicu, ci sì tù chì ghjetti lu mandile Quandi u tempu vene d’ùn esse più ghjentile Quand’elle vene l’ora d’ùn esse più civile Amicu, ci sì tù Amicu, ci sì tù SINTINEDDI (F.Lanfranchi / N.Luciani) Tali un ochju lampatu à u mare latinu O una mani porsa à l’imperi à liventi Un sognu maladettu d’eternu scarpiddinu O una chjama antica chi più nimu n’ùn senti Tali i voci chi funu da culandi à l’ora E li visi di petra chi dissinu di no Quidda sumiglia strana chi ùu si volsi mora E l’idea chi tandu tuttu qui principio Tali a mani chi vensi in tempu d’ancu à fà E vi feci d’altura cù quiddu arti supranu Un era ancu lu mondu é n’erati digià Guardiani impitrati di u ricordu umanu Tali l’abbracciu primu chi u silenziu vi deti E li sapienzi arcani cù li so canti immersi Di cio chi ùn hè storia tiniti li sicreti Tali una citatella chi a mimoria persi IN MEMORIA (F.Raffali / N.Luciani) Per un populu vivu Chì un vole esse domu Per un zitellu chì dumane Serà omu Per quellu chì d’amore Vole pude campà Per quellu chì in prigiò Ùn ci hà nunda à chì fà Per stu pezzu di terra Chì deve firmà nostru Per stu cellu turchinu È stu mare d’inchjostru Per una casa vechja Chì ùn vole sprufundà Per una strada nova À meza oscurità Ùn aspetta dumane O fratè, ùn aspetta Quale ella sia a manera di lotta Dumane Per l’omu affunatu O schiavu di un patrone È chì deve piegassi À ciò ch’ellu l’impone Per quellu chì dumane L’impiegu perderà Per una donna Chì si vole liberà Per tutti quelli chì Un ghjornu sò cascati À un campu d’onore Feriti marturiati Luttendu per a patria Vulendula salvà Per a nostra memoria Chì ci aiuta à sperà Ùn aspetta dumane O fratè, ùn aspetta Quale ella sia a manera di lotta Dumane BANDERA (A.Salducci / M.Cacciaguerra) Vogliu a sonu di ghitarra davvi novembre D’un qualcosa chi ci piglia e ci cumove Ancu a piumba di sole o a timpesta U so nome sera sempre messu in testa Ghje un nome chi ci porta Inseme a foriporta Una fede chi sustene U passatu e l’avvene Ghje issu nome chi cumanda Chi cunsiglia chi trasonda Ha un galbu di signora Pannu biancu testa mora Se vo circate a sape u perche cume Cio chi corre in le so vene cum’e un fiume Cosa he chi cernigliuleghja ogni core Perche si campa per ella e po si more Ghje un pugnu chi s’inzerga Un amore chi s’allarga Una pace chi camina Diu vi salvi regina Si ella un teme a nimu Ghje a prova che no simu Che no simu a so para Negra e bianca a bandera Bandera, bandera, bandera, bandera PANICA NERA (C.Mac Daniel) CUNTRASTU (N.Luciani / N.Luciani) Conta mi dinô A storia di ‘antenati Di li tempi andati Di li detti è di li fatti Conta mi dino Cio chi hè a vera ricchezza Chi ci ferma â fà Di a tuntia permessa Vogilu dà Tuttu lu mio sapê Ch’ellu si sparghji Lindu versu tè A lu ventu A lu ventu chi Corre Vogliu di Tuttu lu mio sapè Ch’eIIu sguilli A u fundame di tè À lu fiume A lu fiume chi bolle Vogliu dà Tuttu ciô ch’aghju in mè Da luntanu s’avvicina Un altru sapè D’una andatura vicina A u nostru gude Chi ci pugni in baldenza Sentimu piacé Chi si dice Indipendenza Chi ci teni bé Chi ci porta Chi ci porta à vulé si lu ventu e si l’acqua dino Si memoria d’issa terra per noi Purta in te un avvene sfarente SI lu ventu é si l’acqua dinô Richezza d’imagina é po Tuntia chi scambiula a ghjente Libari d’esse noi CAVALLU (X.Luciani / C.Mac Daniel) Onfànella di stu mare T’ hanu chjamatu Cavàllu E strade di lu moi mondu Ti terrenu da cunfina Si à l’orlu di l’infernu O principessa turchina N’ant’ a lu to mare malatu Oghje u ventu hà cantatu Onfànella di stu mare T’ hanu chjamatu Cavàllu Banditu st’incettadore Chi scurticheghja u to visu Scalatu da mare in là In cerca d’un paradisu Ma sulchighjatà hè la to rena Onfànella di stu mare T’ hanu chjamatu Cavàllu Maladi vogliu à lu strettu U marosulu isulanu Chi sbatticciulava tantu E s’ammansa pianu pianu Chi ùn bastanu é to ghjasteme Per parà cio chi omu teme Onfànella di stu mare T’ hanu chjamatu Cavàllu L’onde ingorde di u terraniu Ponu anigà e to brame Qui firmera una voce A palisa e cundanne Nant’ a lu to mare malatu Oghje u tonu hà cantatu U VERSU NATURALE (M.Cacciaguerra / M.Cacciaguerra) Ê ùn ti ferma chè… A te Corsu canaglia Per quale l’usi antichi Un vulteranu piû É ùn ti fermera Mezu à mare è muntagna Ché l’amaru ricordu DI a to giuventù. <Ricantu) Dumane senterai Un trattu di verita S’ellu u canta omu u versu naturale Prestu rinascera Senza nisun’ spavechju Di quotta credettà Chi ti feghja lnd’u spechju I valori di vita. ùn ti ferma chê Operaiu isulanu Natu ln li to solchi D’amore è di virtu Senza mai sete Nè menu u riagliu Di le to mani fruste È lu to sangue dinù. (Ricantu,) È ùn ti ferma ché O Corsu imbasgialitu Di fatti è detti in vanu Per sempre é mai più Da quelli ch’un ne anu L’onore imbrustulitu É l’ochji rossi in fronte (Ricantu> Dumane senterai Un trattu di verita S’ellu hè naturale U versu rinascera Senza nisun’spavechju Di quella credeltà Chi ti feghja in lu spechju I valori di vita. GHJENTA D’IRLANDA (J.C.Papi / J.C.Papi) U mio cure ligeru s’hè lasciatu imbarca A mio cuscenza d’eri, chê vulsutu à sguassa Chi per issi lochi fieri di festa è di lutta Dicenu chi lamore un si pô cumprà Miheig laharigheid graha acanatlom In l’occhji di sta ghjente è in lu so campa C’aghju vistu una vera sulidaritâ Quella chi Si sminteca in a manu chi da Ch’hè fatta per amore è un si po cumpra Miheig laharigheid graha acanatlom Sé tu voli Cantà, se tu voli sunà Lascia i to penseri è u to strazià Pesa u tô bicchjeru ê pô veni â balla Sta gioa qui fratellu ùn si pô cumpra Miheig laharigheid graha acanatlom A so miseria, a so casa Elli so pronti â sparte, a dà E cù Stu pocu ê tanta grazia Ti poi mette â sunnia Quandi un sole sinceru torna si pisera Chi in ventu crudeli un vulera stanciâ Rifletta à l‘armunia d’un populu chi va Pensa a st’amore veru ch’un si po cumpra Miheig laharigheid graha acanatlom PAGHJELLA (Trad / G.E.Langiani) Sò le muntagne d’Orezza Chì m’anu resu felice U cantu di lu culombu Cun quellu di a pernice Chì ci teniamu caru Tuttu lu mondu la dice. SCULTISCIA (Trad.) TI VURRIA DI (J.C.Papi / M.Cacciaguerra) TI vurria di fratellu terraniu Ti vurria di chI eo sô orfaniu D’un idea santa d’un lume supranu Chi schjariva l’ore in primu veranu. Ti vogliu cuntà un locu più bellu Un spechju arrimbatu un core zitellu Chi l’omu incabbiatu metisse à brama Per stancia a so sete di fraternità E ti vogliu di chi u mio core pienghje Un zitellu cunta una liberta Chi solu l’amore pudera fà spenghje Issu focu sanguinosu ln la so pietà Ti vurria di issa petra fatata Chjara cum’e l’acque dI lu sunnià Chi ribomba in core ad ogni cantata Cum’è una parulla ragiu d’unità Eo vurria scrlve issi passi cun tè Nantu â un’aria nova di leera impastata Cambiendu isse brame di pocu valè In farfalle d’oru ad ogni abbrucata poi infine ditti chi u mio core spera In un’aiba chjara in a liberta Micca ln quelle nera chI rima cun guerra Ma in issa stelle rara dette umanità RINVIVI (F.Lanfranchi / N.Luciani) Quandu n’avemu ad avà Spirenzi à corpu in sù E sonnii â strascinà Chi ni firmarâ più Di ‘idea la noscia ? Erami pronti à viaghjà Più chê sicuri di Cunnoscia a virita Ùn ci n’era altra a di Par a tarra a noscia Era tempu a creda È vuliami veda Raghjoni è ghjustizia triunfà Faciami svintulà Tanti banderi chi Pariani invintâ Un tempiu à custudi Par a lingua a noscia Vuliami pona qui Tanti umani virtù È imparà cio chi Nun si sapia più Di la storia la noscia Era nova la via Eppur’ si cridia Ch’ûn era cusi longa la strada à fà… Quali farâ svintulà Tanti banderi chi Vuliani invintà Un tempiu a custudi Par a lingua la noscia ? Quali vurra pona qui Tanti umani virtu rinuvà ciô chI Oghji nus si sà più Di l‘idea la noscia ? Sarà nova la via Ma quali s’impignaria In una strada cusi longa â fà ? Tuttu ormai qui Hè da rlnuvà A storia cusi Ùn devi firmà Semu d’issa lingua sbandita Ch’ un voli più stà zitta ChI ci voli parlà Semu d’issa tarra culpita Chi ci dà suchju è vIta Chi ci Faci campà Semu issa storia pruibita Ch’in li libri ùn hé scritta Chi si voli cuntâ Semu d’iss’idea tradita L’avemu rinvivita A vulemu purtâ Semu a lingua sbandita Sernu a tarra culpita Semu a storia rinova l‘idea ritrova. I GHJUVANNALI (F.Lanfranchi / N.Luciani) U silenziu si hê spartu, chi ùn funi attarzati Né l’ossa né u sangu. Ùn cunnobbini qui Pietà nè cumpassioni, i Cristiani mandati A tumbà i cristiani: ci voulia à puli Issa tarra d’arasia, di felu e di vilenu, Acciaccà si li tutti, maiori e criatura Sola u Criatori cù lu so Santu Sennu Sciddarà-tra i morti-quiddi chi funi puri DIES IRAE DIES ILLA SOLVET SAECLUM IN FAVILLA DIES IRAE DIES ILLA SOLVET SAECLUM IN FAVILLA Ùn volsimi accittà di Rome e duttrina. Cussi la noscia fedi duvinto suffrimentu! Si ni morsi issa luci, ditta San’Ghjuvannina Dopu l‘ultimu abbracciu di u Cunsulamentu! DIES IRAE DIES ILLA SOLVET SAECLUM IN FAVILLA Santa fù la Cruciata ! lnghjustu lu turmentu! Solu par Cristu in cruci fù più cruda a sintenza! Ci fu datu prighendu !. L‘ultimu Sacramentu di lu focu è lu farru Dulenti pinteza! DIES IRAE DIES ILLA SOLVET SAECLUM IN FAVILLA Po’di li Ghjuvanneli e stirpa, a sumenti Prestu fù missa in fossa…È issi castichi grevi Pesani in a mimoria, è ghjacini in a menti Da ch’idda campi in paci, di Carbini a pievi ! BALLU DI A SARRA (Earl Scuggs) CANTU A PABLO NERUDA (Aragon / J.Ferra / adattazioni F.Lanfranchi) Vi voddu cuntâ a fola Di quiddu chi si n’andô È da l’andi a parolla Di l’aceddi Si purtô Era viddutu lu celi Ùn si sapia parchi A l’affacca di li stelli Muria lu ghjornu qui. Comu creda, comu creda Comu creda o spirà? Neruda fà ci la veda A luci lla libartà Cù a musica ribedda L‘omi sô pari dinô L’inghjustizia hè malacedda Da Parigi a Santiago Sarà unica la voci Cantu fraternu par di Dura he la prighjô, feroci, In Francia o à u Chili” Comu creda, comu creda Comu creda o spirà? Neruda fà ci la veda A luci lla libartà Sô i to furesti vechji vechji quant’e libarta É li strazii chi tu spechji Sô spiranzi à assuva Quali se, lu me paesu o a cunquistà À l’appiattu o à palesu A to storia si farâ Comu creda, comu creda Comu creda o spirà? Neruda fà ci la veda A luci lla libartà T’assumiddi smo à mai  lu to paesu ma I tradimenti è li guai Ti volini fa chità. Neruda, sé di a tarra di u celi dinô È a to rivolta spara Trà no’ tutti par di: innô! Comu creda, comu creda Comu creda o spirà? Neruda fà ci la veda A luci lla libartà LETTRA D’ARGENTINA (F.Lanfranchi / N.Luciani) I loca di quì Sò fatti à lu to parè Vularia chì Tuttu firmessi par mè Ma u tempu si sbucina In’ssa terra d’Argentina Quale à pò sapè Chi hè la mio vita avà Qualcosa di tè Chi fermà in li ghjorni à fà Chì lu me passu strascina In’ssa terra d’argentina Com’è l’armunia strana Chì risona tantu è più Com’è a terra luntana Di a nostra giuventù Com’è quidda casa vechja È lu paesi culà Com’è tanti fole à vechja Chì tu sapii cuntà À chì po ghjuvà Di ramentassi dinò È chì firmara di li ricordi chì sò Chjusi in l’ora citadina Di sta terra d’Argentina Tuttu ciò chì fù Ùn mi ne possu scurdà Ma dimmila tù Chì ferma in li ghjorni à fà Chì lu me passu strascina In’ssa terra d’Argentina Com’è a piazza tamanta Duve andavamu à ghjucà Com’è ‘ssa risa chì ùn pianta In fondu à mè di chjamà Com’è li passi sicuri Chì tu purtavi quassu Com’è li chjassi primuri Di la noscia giuventù È tù… LOUNES MATOUB (F.Lanfranchi / N.Luciani) Eiu socu lu pocu e micca Di spatrunate diffarenza U senza voci chi rumbicca Quiddu ch’in la so lingua pensa. A me lingua di quandu mai Di senza nomu senza locu Conta l’ori com’è Il guai E me speri d’Ira-Focu Eiu so, eiu so Lu pocu e mica Un crudu silenziu ci teni L’inghjusta bucia calcica Ma la me musica litica Ed eccu aparti li me veni U silenziu più chè li muri Eccu la qui, la sorti lnghjusta ! Ma la me musica hé la brusta: Ormai lu me sangu curri ! Cresci immensa la vuciarata Di u senza tarra ne nomu Chi sà lu parchi e lu comu D’una dignità ricusata Cresci immensa la Chjama-Focu In sta lingua di quandu mai Di u senze dritti nè locu Chûn vol’più cuntâ li so guai! Era eiu lu « parchi micca » Rinatu in la me diffarenze Oghji, a me morti v’inzirica A me lingua si faci immensa L’ARMATA DI L’OMBRA (N.Luciani / N.Luciani) Tutti ribelli Tutti fratelli Fine chì lotta serà U sangue Corsu Per lu rinforzu Sempre rinascerà A la riscossa Tutti à la mossa Un ghjornu sbuccerà L’indipendenza Nostra sperenza U Fronte vincerà Corsi sinceri Di cori è fieri Bramendu à libertà A francisata Tropp’hè durata U piombu salterà A la riscossa Tutti à la mossa Un ghjornu sbuccerà L’indipendenza Nostra sperenza U Fronte vincerà I traditori I spluttatori Anu da spufundà Bandera Corsa Alzat’in forza Pront’hè à sventulà A la riscossa Tutti à la mossa Un ghjornu sbuccerà L’indipendenza Nostra sperenza U Fronte vincerà Populu vivu Scegli u destinu Di a to libertà Fà chì l’avvene Strapp’e catene Chì volenu tumbà A la riscossa Tutti à la mossa Un ghjornu sbuccerà L’indipendenza Nostra sperenza U Fronte vincerà A la riscossa Tutti à la mossa Un ghjornu sbuccerà L’indipendenza Nostra sperenza Populu vincerà SINFUNIA NUSTRALE (J.C.Papi / Brian Warlfield) Ti vogliu accumpagnà nant’u chjassu di e fole È di lu nostru sunnià di a nostr’identità Ti vogliu fà sapè i nostri li sicreti È lu nostru lu piacè di sparteli cun tè È ritruvà cusì in issi visi culpiti Ciò chì feci sbuccià quì u granu da fiurì Annacquà lu per fà rinvitulisce l’anima Ch’addombra u to campà è a to verità Issi castagneti abbandunati è isse muntagne arruvinate Isse case à l’ochjiserrati è isse donne ammantate Issi fiori chì si sò piattati, l’ochji arritrosi di e fate È issi mazzeri sminticati in isse petre chjinate Simu sempre in viaghju sottu à listessu maghju Nant’un batellu scemu ver’ di l’orisonte stremu È simu sempre uniti da curà i feriti Ver’ di li nostri sogni sopr’à li scherzi è li vergogni. Vogliu scopre cun tè ciò chì hè statu nascostu I valori è lu sapè u prezzu di l’avè È po’ fà ti scuntrà isse ghjente di magia Chì ti facenu sperà in un mondu à rinuvà Issu voceru chì fù ridottu à lu silenziu E bellezze è le virtù ciò chè tù ùn sai più Issu cantu spartarà l’umanu di dumane Chì cunnosce u parlà di radiche è cambià Isse voce chì funu incabbiate, e morre è po’ l’impaghjellate Issi chjerchji è sciupetti imburrati, issi ghjochi passiunati I nostri vechji imprigiunati chì c’incantavanu e serate In isse casette illuminate da fucone è cantate Simu sempre in viaghju sottu à listessu maghju Nant’un battellu scemu ver’ di l’orisonte stremu È simu sempre uniti da curà i feriti Ver’ di lu nostru avvene incù issa sperenza chì ci tene |