 Arapà |
| Arapà Quantu u to nomu po ci pari stranu A di lu nasci u misteriu Di li to peda suminati à granu Sè natu tù battisteriu D’un cippu ghjuntu da Surbuddà Fusti strad’è violi Fusti locu da agruttà U cippu di li Culioli Quantu u to nomu ci apri lu spaziu Da fà ti bella fiura À rombu di tantu suffirenz’è straziu Da pudè metta in cultura U to corpu di petr’è di legnu Di tiria è di zumbroni Lavurà ti fu un ver’impegnu D’inguernu è di sulioni Arapà si sbucina u tempu Sò scappati i to banderoni A to biada s’hè persa in u ventu Sparguddati li to baroni Arapà Oghji u to nomu dà à sunnià S’infiara ment’è ciarbeddu Da li pianuri di u Nevadà A l’Altiplano ribeddu Cavalchemu in u Montanà Cù i guerrieri sceienni ln u disertu d’Atacamà A mirà i stelli sulenni Muntagna sacra tù devi firmà Prutetta du li frastorna Di Santa Ghjulia marturiata in da Cun tutti li so cuntorna lnghjuliati da a vanità Da l’orgogliu è l’imperu Di u soldu fattu puvartà Pà u to populu intieru Arapà si sbucina u tempu E rividimu li to sulcina A to biada a ci porta lu ventu Mossa da un’arietta divina Arapà Pienghji Russia À vo l’eroi fiddoli di Russia I partigiani d’un sognu ribeddu Cor’è alma di a ghjenti minuta Eti cuntatu lu farr’è lu fieru È sà orfagni l’armuti tamanti Di li populi lu vosciu imperu E piinghjarani surghjenti è fiumoni Cità di cotru i cori altieri O boci schietti d’una spera dancia Di quidd’ideali cretu universali Vo chi seti di a mamma russia U latt’è u sangu di u so senu O boci schietti d’unu spera dancia Eti datu à u mondu a rocca è lu filu D’una rivoltu fatta rivuluzioni Pà i nazioni nigati è culpiti È pienghji Russia i cori spariti È piinghjimu cun Russia u cori graditu Edimondu Si sà chetti li fiumi appaciati li venti U celi è li so lumi ani lampatu pienti U mar’è li so sciumi strintu ani li currenti Vaglia Orba è Cintu ani fattu rimpettu Unori à lu to stint’è immensu rispettu Ch’in Niolu ai vintu stu carattaru schiettu A Corsica intiera ti voli rendu unori Si senti oghji fiera t’accumpagna di cori Par iss’ultimu fruntiera indu ti ricevi a storia Di u Castellà a chjama à Aleria luminosa Fusti tù u porta brama di a ghjuventù furiosu A to fedi, a to alma a to tribuna fucosa Ùn fusti puri u mudellu aduratu da tutti Certi volti u to celu rindia certi muti Parii tandu agnellu di fronti à tanti lupi Ma mezu à sti cundanni mezu à tanti castichi Suminasti li grani senzu addivà l’urtichi E ti francasti l’anni da savviu com’è l’antichi Cintu da l’affizzioni quant’è un Prisidenti Sutt’à li muraddoni di Lozzi ricunniscenti Ti porta a to nazioni cù li so caldi pienti È firmarà di tè sta brama di ghjustizia U to sguardu falchettu sta risa è sta malizia U to verbiu dilettu è la to amicizia Edimoniu un tempu, Edimondu par sempri Una vita Musicali S’hè spintu u celi S’hè spintu u celi sera di festa S’hè spintu u celi sta sera o bà S’hè spartu u feli è la gran Bestia Hà fattu pranzu d’umanità Mi brusgia l’aria in a cannedda Mi brusgia l’aria sta sera o bà Ghje pensu à issa tint’urfanedda À a nucenza chi pienghji culà Stringhji mi forti com’è prima Stringhji mi forti sta sera o bà Par tanti morti chi possu sprima ? Chi possu di ? Chi possu fà ? S’hè spintu u celi sera di festa S’hè spintu u celi sta sera o bà S’hè spartu u feli è la gran Bestia Hà fattu pranzu d’umanità Requiem Aeternam Religere À l’iniziu fù parolla da vesta lu celi tamantu À dà fiat’è cussî tantu Fù cuntornu d’una fola chi leii vivi è morti Insembu Spiicà mondu è ciò ch’impremi À mani ghjunti à mani in cori À fronti basgendu la tarra Cred’in Diu in mille maneri Quant’umanu n’hà culori È lu versu ni fù cunsigliu È li libra ni funi legi Un ci emu trovu u ricunsigliu Ma la scusa à ugni guerra À l’iniziu fu bisognu par dà sensu par spirà È d’eternità lu sognu Fù chi celi abbia nomu fù chi creda abbia custumu Fù chi morti abbia lumu Ma certi mani da pricà funi lesti à minà A purtà piombu è miseria Da impona a so manera Chè no li caccimu ugni invighja À li nosci dii suprani Da veda solu a sumidda Quandu credini l’umani Quandu credini l’umani Credi l’umanu in un mondu da rifà Credi l’umanu à la paci da purtà Creda pà l’umanità Cagna U to pianu di petri intricciati à lu celi Com’è à lu primu ghjornu scrivi i nosci cunfini Da pudè misurà trà luna, sol’è stelli A calenda suprana ch’ùn pò cunnoscia fini l’anziani ci sò ghjunti disgraziati è famiti Pastori d’una volta guasgi ghjà urfaneddi D’un mondu chi sapia agruttà i so viti Da chi c’era u rispettu, di u sacratu a fedi Cagna cuccagna di li staghjoni andati Cagna strigata A to sarra pumposa hè lu gran santuariu Di quiddi chi viaghjani in u fumaccionu ln cor di labbirintu iddi sò lu bestiariu Chi tenini i vardati è l’alma di u rughjonu Quici lu cacciadori ampara u filu anticu Chi u leia à la sterpa di li sò antinati È quinci lu pastori muntanighja amicu Da mischià tarr’è celi cù li so animali Cagna cuccagna di li staghjoni andati Cagna strigata I to vardiani sò di razza palatina Giganti addurmintati à lu sguardu altieru Ghjattivulpi curatu d’a stedda matutina L’altagna maistosa, a mupa è u lanceru Ùn intrarani qui ghjenti di li frastorna Bandi di surpatori da ingannà l’altari Chi centu li ghjustimi piuvaran’à l’intorna Da impidi l’inghjulia di fà li so affari Cagna cuccagna di li staghjoni andati Cagna strigata Cagna cuccagna sarra li sonnii alti Cagna biata À pena Cortu ghjentil’omu di furtuna Suffiu di rivuluzioni Forsu nat’à contra lunu ln l’inticciu di i nazioni Marinaru scioddi funu Fusti garbu fusti azzioni U viaghju par cumpagnu Dasti forza à a puisia Tù Maltesu guasgi orfagnu Frateddu di l’arasia Di l’lrlandu u Sinn Fein Di Venezia l’alchimia Cortumaltè di li mani Senza segnu di furtuna Cortumaltè di li vani Amori persi à la luna Tù viaghju i à flor’di i sogna Cù l’eroi vispirali Tù viaghji à flor’di i sogna Trà li morgani infirnali Quandi lu to negru sguardu Scupri lu strada cilesta A to navi ghjattupardu Missi capu in a timpesta Pà scuntrà guasgi à l’azardu A magia a più funesta. Ciambutattu par issu mondu À i cunfini urientali Circasti u pesciu tondu ln l’azuru fatt’à scali È l’oru di lu circondu Di li porti in i spundali Cortumaltè di li mani Senza segnu di furtuna Cortumaltè di li vani Amori persi à la luna Tù viaghju i à flor’di i sogna Cù l’eroi vispirali Tù viaghji à flor’di i sogna Trà li morgani infirnali Ghjentil’omu di scunghjura Di Cirnu ùn cunobbi l’asgiu Mancu in tempu di sciagura À i porti di San Biasgiu E i Steddi à notti scura Ùn avvioni lu to ghjasgiu U to distinu strigatu Geniu di litaraturu In u misteriu sigatu Posi a to bella fiura U to battell’arinatu Lu to sognu inghjermatura Cortumaltè di li mani Senza segnu di furtuna Cortumaltè di li vani Amori persi à la luna Tù viaghju i à flor’di i sogna Cù l’eroi vispirali Tù viaghji à flor’di i sogna Trà li morgani infirnali Oghji un sguardu affittuosu Nant’à i storii scunfiniti Mi faci vultà à I’oziu Sti paghjini inghjaddiciti Di u to Essa misteriosu ln issi tempa sculuriti À cavadd’à li monti Una corda chi sfrisgia Quiddu manicu siccu d’a me ghitarra Ghje socu à cantu à tè Sent’in bucco l’acetu d’un urganettu cordu Dui parolli ghje socu à cantu à tè Sta notti ùn voli chittà Sta notti viaghju Sta notti ùn voli chittà viaghju à cavadd’à li monti Ed hè lu to surrisu Chi mi riveni in cori tali un stilettu ghje socu à cantu à tè A petra lu to sguardu rasoghju arrutatu Mi rodi l’alma ghje socu à cantu à tè Sta notti ùn voli chittà Sta notti viaghju Sta notti ùn voli chittà viaghju à cavadd’à li monti Ùn mi pari a squadru ùn mi pari a mupa Cannedd’asciuta ghje socu ù cantu ù tè Viaghju qui sta notti da subr’à l’universa E in cim’à l’onda ghje socu à cuntu à tè Sta notti ùn voli chittà Sta notti viaghju Sta notti ùn voli chittà viaghju à cavadd’à li monti U Castagnetu Spazzat’aviam’i piazzetti Eram’in tempu di sulioni lncalfatti i nosci baretti Eramu tanti zitiddoni A lascià chjos’è uretti Par fà di i Corsi li battaglioni Ci vulia à tumbà à Vudelmu È Vindicà à Nabuliò Aiò Corsi a ci la femu Hè un affari di staghjoni Sti parolli oghji a sapemu Sò maladetti e sò lizzio È sta guerra un attu scemu Maceddi è danni for’di raghjò Par mè era a prima volta Avia da veda lu mari Ch’ùn avia da fà a racolta Cù li me fratiddon i cari Tandu ùn cridia à l’accolta Avian’à pienghja li calamari Curci à no è à chi m’ascolta Chi l’emu tasti bedd’amari Nant’à stu battellu d’acciaghju Tutti fieri è sguard’arditi Tazzu quant’e in u ghjaddinaghju Risi pieni è paroll’uniti Eramu forza è curaghju Eramu cori è front’arritti Mi mancaia lu castagnetu Li me chjass’è li me sarrendi ghje mi vidia da fuddetu Vultà mi in issi loca trimendi Mi tinia da sicretu U fiori di lu me amori ardenti Nanzi di senta u focu strettu Di li bombi dati da pruvendi Pà i Santi ricivia Un pacchettu di castagni À l’agrottu eu li spartia Cù li me cumpugni cari Cù lu fritu accunsintia È piantaian’i nosci lagni Tant’amichi sò cascati Un pugnu di castagni in bunetta Da li mini funi sbrumati Sangu lampatu à l’affretta Li so frutti sparguddati Suminati com’è muneta Da li ziteddi assuvati A muntagna apprizziò l’ufferta Sà passati li staghjoni A natura he rinvivita Di li castagni li puddoni T’ani la so vitta fiurita Di tramuli di zitiddoni Cascat’à fiori di a vita ln ugni cascia di issi castagnoni Ci pienghji un’anima culpita L’acqua li sogna Prim’u scontru fù di lumu Tù stesa tralucenti lnnurata à undulumu À sulia splindurenti Era dulci à pett’à st’onda À pett’à st’onda A calmana fatta stonda Fatta stonda Ùn era tand’agalabatu Par veda ti prufonda Ti mirai accibatu E ghjirai a Tribizonda Solu un sciacquittu discretu Propiu discretu Ebbi à menti par sicretu Par sicretu E po t’aghju vistu curra ghjuvanetta spinsirata Com’è nata da l’arsura Cù issa chjoma smisurata Ma suvità ti ùn pudia Un pudia Fata fatta di magia Di magia Trà sti cotuli tund’è lisci Ruzaii à strappa coddu Eu zoppu in i sculisci Un ci ghjunsi à fù l’approdu O Dea l’incanti alti l’incanti alti Quantu prov’è quantu falti Quantu falti E po vinsi lu mumentu Era in tempu d’umbralumu Tù sirena à fior’ di stentu Dilinasti stu prufumu Fù unguentu u più finu U più frnu Balsaniu d’oliu divinu D’oliu divinu A fighjulà ti in ochja Fù quant’à fissà lu spechju Di l’inguantu à scurnochja Stralunatu di spavechju T’amparai tipidogna Tipidogna O la me acqua li sogna Acqua li sogna Nuvembri di l’oru A mamma li venta hà scavalcatu i so fiddoli L’aria hè più cheta è si pò senta ancu cantà Nuvembri di l’oru stringhji li cari C’inguttuppemu ma u soli hè alt’avà Dormi Com’è suspesi da li spiri pesa stoli Dui o trè casci circan’à amparà à bulà Ancu u castagnu porghji i so frondi Com’è tant’ochja sguarda lampati in da Dormi U melu danciu hà inciratu i so russori È l’arbitronu hà miss’i so baca à ludà U Diu scioltu in i so splindori U melangranu sparghji i sa graneddi in da Dormi ghjà la furesta si cunsuma di culori S’aprronta u scambiu è ugni fata tessi in là Nuvembri di l’oru hè mutacori Ti stringhju in senu ma u soli cal’avà Dormi Calenduledda insegna l’ara d’abbrucori 1 luminedda prestu dani u so parlà Nuvembri di l’oru hè filacori O tarra mea quant’è tù se bell’avà Dormi |