 Cantu chi só |
| Paghjella A paghjella hè u cantu fundiu, u primu cantu, l’origine di u nostru mondu. Un cantu di vita chì ritratta una stonda di sta terra. Un cantu à trè voce duv’ella si cerca sempre l’armunia pè ghjunghje à fà qualcosa inseme. Stu versu ci porta in viaghju in Fiumorbu in cima di u «Calancone». A ghjesa negra U focu corre spessu e nostre machje strughjendusi tuttu. Spessu passendu libereghja i resti di un mondu sparitu. Paesi abandunati, aghje, ghjese. Omu si rende tandu contu di u pesu di a storia. Trà u seculu di lege di dogana (1818-1912) è e dui guerre mundiale chì anu arruvinatu a Corsica, ùn firmava più cà l’esiliu à i Corsi cum’è scelta di vita. In sti lochi tralasciati, omu pò risente certe volte prisenze strane d’un tempu andatu… Sanctus di Felicetu Sanctus, Sanctus, Sanctus Dóminus Deus Sábaoth. Pleni sunt caeli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. Lamentu di Ghjesù O tù chì dormi In sta petra sculpita D’avè suffertu Da colpi è ferite Dopu d’atroci martiri Persu ai ancu la vita, Oghje riposi tranquillu A to suffrenza hè finita. Ma eo sò Ind’una fiamma ardente, Brusgiu è mughju Tuttu ognunu mi sente, Sò i lamenti di i cumpagni È d’una mamma li pienti Chjamu ancu à Diu supremu Ci ritorni stu nucente. È fù per quella Cun spiritu feroce Da tanti colpi È viulenza atroce Chjodi à li mani è li pedi, Quessi t’anu messu in croce, O Diu da tante suffrenze Fà ch’eo senti a to voce. Oghje per sempre Tutta questa hè finita, Avà sì mortu Hè persa a partita, Oramai in Ghjerusaleme A ghjente hè sparnuccita Vergogna ùn ci ne manca, Morte sò a fede è a vita. Dio vi salvi Regina Dio vi salvi Regina E Madre universale, Per cui favor si sale Al paradiso. Per cui favor si sale Al paradiso. Voi siete gioia e risa Di tutti i sconsolati, Di tutti i tribolati Unica speme. Di tutti i tribolati Unica speme. Voi dai nemici nostri, À noi date vittoria È poi l’eterna gloria In paradisu. È poi l’eterna gloria In paradisu. sigaru pippa è Scuttiscia di Batticoni Cantemu Una ghitara è un quaternu Ciò chì ti ferma pè eternu Una ghitara ch’ùn si tace È daretu u to mondu ghjace Solu u cantu s’hè firmatu A ricurdà ch’è tù sì statu Corre un soffiu è ritrovu U mo paese novu E s’affacca à l’ispensata A vita mai campata Pè ciò ch’è no simu è seremu Cantemu Nè scola nè Statu Ponu salvà ciò ch’hè andatu Ùn dumanda u pecuraghju Rimpattu à u so predaghju Ti ferma pè sola via Trè voce è un’armunia Di stu cumunu distruttu Ùn ci anu presu tuttu Schjarisce appena a bughjura A to voce sicura Pè ciò ch’è no simu è seremu I to usi annigati è persi S’azzinghinu à sti versi Pè lasciatti o ghjuventù Un ritrattu di ciò chì fù Vangellu di a cursità È dumane chì sà ? Stu zitellu spuntellatu Trovi lu suminatu Ste manse sradicate Torninu rinceppate Pè ciò ch’è simu è seremu Cantemu Un’ombra L’erba s’hè impitrata è luce cum’è e stelle È u son’ di u silenziu empie l’aria pagna Solu una ghitara dolce cum’è mele Trascina una voce ch’in cantu si lagna S’affaccanu i ricordi di l’anima u rimbeccu Tutte ste rise andate stu surisu sguassatu Eppo ste mani tese ch’ùn emu micca strintu Iss’umanità preziosa ch’un ghjornu emu scurdatu In la notte muta si stende un’ombra in te Pesa pesa l’anima quandu a notte s’affacca Cù u dubbitu angusciosu di l’alba nancu rinata Fermerà a luna à ditti s’ella sà S’ellu ci hè un pardonu dopu à lu cunfissà U mo eroe Tù Ch’in tempu di spalluzera Ùn ai seguitu e sirene Ch’ai tenutu spera In u dettu senz ‘avvene È fù di li to loghi l’ultima ghjuventù U mo eroe sì tù Tù Ch’ùn l’ai mai criduta Quella vuciaccia indegna Di virtù travistuta Chì dicia inferma A to terra u to parlà Ricusendu a schjavitù U mo eroe sì tù Tù Chì l’ai tramandata Senza sente i ridoni Di i Corsi acculturati Pinsendu timidoni Chì ogni umanità Pò tene u capu insù U mo eroe sì tù Tù chì senza fà rimore Ai purtatu un zitellu A tene incù amore Un chjassu o un casellu Un logu pè tesoru E pè sola virtù U mo eroe sì tù Tù Ch’ùn serai mai elettu Ch’ùn ai chersu gloria Casali frisgi in pettu O nome inde a storia Ma chì ai suminatu A vera cursitù U mo eroe sì tù U pastore di Felicetu Da i tempi landani è forse ancu di più San Parteu è Monte Patru u curranu dà quassù Postu in lu s’alivetu veghja fieru Felicetu Cun u so lume arancinu tintu à culor’divinu Sott’à u sguardu maternu di e so fidate muntagne Viaghjavanu i pastori da i Morri à e Murnaghje Da Monte Grossu à u mare n’avianu fattu un reame E tintenne pecurine n’azzecavanu e vaghjine Po sò scurite l’ore e tintenne ammutulite Lachendu i monti orfani e bande sò sparite Ghjuventù batte a cità capibassa pè campà E a piaghja s’hè vinduta di cimentu s’hè vistuta Ma oghje Felicetu ne hà ritrovu u so stintu Chì un giovannu pastore i lochi hà rivintu Prestu u son’ di e tintenne curreranu le so pene È ritruverà u versu di ciò chì paria persu O Petru Niculaiu amicu pecuraghju U to celu balaninu ride di u so cininu Fieru hè di lu to chjassu felice di u to passu A noi tutti face onore a to vita di pastore. Little big horn Una manu unta m’aliscia lu visu Arrotu un cultellu d’un gestu precisu Trè strisce rosse è tonanu i tamburi I fucili sò carchi i visi stanu scuri Face cinquant’anni ch’è no i vidimu passà E so caravane in li nostri campà Tombanu i bizonti pè piacè di tumbà Centu, mille è più nunda ùn li po parà Ste bestie pilose cappiate in la natura Ùn anu rispettu pè nisuna criatura Ùn sò ch’è petre gialle ch’accecanu a so mente Pè què tumberianu l’amicu o l’innucente Ma e culline negre ùn seranu francate Da l’anim’antiche tenute è sacrate Un passu di più è schjoppi la timpesta E chjome di i bianchi è metteremu in cesta À u spuntà di l’alba un sguardu versu e stese I so panni turchini circondanu u paese Aiò ghjente ch’hè ora scatinemu sta rabbia Mustremu chì l’acellu ùn si more ind’a cabbia Emu pichjatu forte a terra hè sanguina Si sò accumpulati in cima di a cullina In giru à u capibiondu, l’ultima resistenza A nostra carga murtale li sconcia ogni sperenza U sole si chjina nant’e culline negre Di rossu è turchinu sò tinte e nostre terre Rientrimu in paese à festighjà a vittoria Trè righe di più nant’un libru di storia Sapimu chì u fiume ùn si pò più parà Ma sta sera sò elli stesi à l’abbughjà In giru à e fiamme altiere a ghjente s’hè accolta E cantanu i mei à voce rivolta. |