 |
Terra nova
Passageru sottu à e loghje
Citadella à mare apertu
In piazzetta, stacche viote
T’aghju trova, t’aghju scuperta
Terra nova, terra prumessa
Locu di e mio scumesse.
Tumasginu, Santa Croce
Risabetta, Anna Maria
E banchette, u ballò
T’aghju trova, t’aghju scuperta
Terra nova, terra prumessa
Oghje sperenza hè permessa.
Dà un basgiu à a Madonna
Per lampacci di a culonna
Scalzu, sole, a pelle mora
Aghju chjappu i to culori
Cità d’eri, cità d’oru
Ci si prega u Signore.
Terra nova, terra prumessa
Locu di e mio scumesse
Terra nova, terra prumessa
Oghje sperenza permessa
Lingua, natura è tradizione
Sò quellu natu quì
Pastore, viaghjadore
Sì quellu ghjuntu quì
Savori, multiculori
Simu fatti di fole
À chjappà sogni persi
Site fatti di sole
À girà l’universi.
Lingua, natura è tradizione
Sì quella nata quì
D’asfaltu è di filetta
Sì quella ghjunta quì
D’amore chì t’aspetta
Simu fatti di lotte
Da scrive tanti versi
Site fatti di notte
À girà l’universi
Lingua, natura è tradizione
Mosse
Venerà un batticore, a spiritualità
Venerà a tragettoria, alleluia
Aioccine à mette tuttu sottu sopra
Per un’ altra umanità.
L’odore di l’erba croscia dopu una bella acquata
E lenze ingiallite, a terra suminata
Muscu di caffè, una tavulinata
Di sè, di tè, di què, di tuttu m’innamoru.
Ombralume sò tracciati li cuntorni
Unu à unu allegnati sò li forni
Vinu è noce, allegria è cusì sia
Sottu voce omu s’ampara la via.
Un ghjornu aghju vistu un omu chì per istrada caminava
Si purtava tanti sacchi è solu solu caminava
Scusate, aghju dettu,
Amicu induve andate cusì d’un bon passu è bellu cum’è un rè
Vò à circà l’eternu, ora ne cunnoscu la via
È girendu, è girendu, è ci pensu, ci ripensu
È tandu capiscu l’omu chì senza scopu si n’andava
Versu un megliu campà è d’un passu sicuru. Liberu
U rimitu s’innamora da un ragiu di sole
È caminendu m’innamoru di tuttu.
Core timpesta
Dalla avà
Cosa aspetti per d’altri campà
Ùn ci hè ch’una verità
Quella di u tempu chì passa
Balla avà
À l’avvene un’infedeltà
Fà l’amore,sunnià
A toia la Babilonia
Core timpesta
Cavalieru in le grande tundrà
Notte di festa
E di perestroiccà
Ti basta à dumandà
Balla cun mè o cumpà
Ciocarlia, kalinka
Cusì dalla avà
Riturnelle è tralalà
Ti senti bè, fatti vivu
Girandulà po saltà
Aiò via trà li mari
Di gioia sulcà
Vai cum’ella ti và
Ti senti bè, l’alma viva
Samurai
O facchiru o gaucho d’Urugay
U to cumpagnu di guai
L’orizonte oramai
Bolerò per tè
Mi porti à l’estremità
In un’ odissea
Passione à l’eternità
Amata mea
Sì tù, fammi rispirà
In un’ orchidea
Un soffiu
In cime à l’immensità
À scopre l’intensità
Di un colisseu
A to preda à catturà
Sempre sò eu
Sì tù l’essenzialità
Un aliseu
A scossa
Chì sbatte lu mio core
Contru à i patroni di a terra
Stai ritta è teni forte
Contru à e mente strette è l’idee storte
Stai fiera di a to feminità
Sappia chì tutte e bellezze di u mondu
Sò in le to libertà
Costantinu
Costantinu, Costantinu
Sta camisgia à fior di linu
Di nuttata o di matina
A ti porti nant’à u spinu
À guardàti da vicinu
Constantinu, Constantinu
Hè negra a to camisgia à fior di linu.
Marioara, Marioara
Ia-o tale si mi-o spala
Cu sapun de tamaiora
S-o usci in san desara!
Si pentru atata lucru,
Marioara, Marioara
Nu ti-ar mai putrezi trupu’ !
Di quale hè Maria lu to core ?
Di quellu cun a mustaccia nera.
U più grande cacciadore,
M’hà pigliatu una sera
Ùn mi ne sò micca ammusciata
Costantine, Costantine
Ma in zerga perchè so ingabbiata.
Marie privighetoare,
Maria sì un rusignolu
Ce canti noaptea pe racoare?
Chì canta in la notte fresca
Osandite-ar si te-ar bate
Pernioara de-asta noapte
Capataiu’ de la spate
Marioara, Marioara
Si vorbele voastre toate
Quandu ti aspettu fora
Mariuccia, Mariuccia
Un cantu di primavera
A Zinzalesca
Una notte serena – zinga, zinga
Mi sveglia una sirena– zinga, zinga
Ùn si pò dorme in pace
Mignoculu crudele
Ma t’aghju da fà tace
Chì sò un grande ribellu.
Zinga a mio pella
Zinga a mio bella
Zinga ohimella
S’azzecca a zinzala.
Aspetta un po mal vistu– zinga, zinga
L’assaltu hè previstu– zinga, zinga
Nemicu maliziosu
Si piatta in u salottu
E d’eo accidiosu
Li mengu un bel cazzottu.
L’insettu tandu si ne scappò
Di l’omu ùn teme a ragiò
Di ratafia un carafò
In daretu à ellu si ne piattò
A pena di rispettu– zinga, zinga
Mignoculu infettu– zinga, zinga
D’un bellu colpu di bomba
L’aghju pestu a so tromba
E d’ellu cum’un ladrò
M’hà puntu ind’è l’Ò
Di pena sò cascatu
Tandu l’aghju inchjaccatu
Ed’era u mio culò
Gonfiu cum’è un limò
Muralità, quì dicu avà :
Ma pianta tù di stuzzicà.
S’è tù sì chjucu è arrabbiatu
Ùn circà di l’omu beatu.
A ronda di u pescadore
Guarda u mare cumu hè calmu
È lu pesciu si nasconde
Quandì a luna ci risplende
A barcella si cunfonde
È sta sera cun tè o bella
Luce in la notte serena
La più sacra di e stelle
Hè per tè o Maddalena
È tira via, tira avanti è dalli
Tira le insù, isse rete intrecciate
È tira via, tira avanti è dalli
Tira le di fila, trè ghjorni d’estate
Eppò
Quarant’anni digià
Aiò sì sempre quì
Un imperu à stantà
Senza mai capì
Senza mai fiatà
Alcun piacè in vista
Dennari in quantità
Ma tempu ùn si n’acquista
Eppò i sogni facenu u mondu
À l’ispensata una magia
Po fà di tè un giramondu
Eppò spenghje u celu, cappià i scurnaboi
Cavalcà un sumere senza nisun penseru
Eppò fanfarunà senza belle manere
À botte ind’è u fiume, bene sposti à lu sole.
Ottant’anni digià
Sta muntagna quassù
Ch’è tù voli attippà
Ùn ci anderai più
Tant’anni à bramà
A to vana cunquista
Dennari in quantità
Ma tempu ùn si n’acquista
È tù di quale mondu fai parte ?
Corre da l’alba à lu tramontu
Ùn hè cusì ch’eo sò sparte.
Eppò more di rise, cumprassi un cucudrillu
Ghjucà à zimbumbà a salvezza divina
Eppò beie si tuttu u caratellu di vinu
È mandà sulle forche a to malincunia
Eppò sciaccamanà, spulà i tavulini
Eppò ricumincià cum’è ultima prumessa
Ùn si pò laburà, suminà nè racoglie
S’omu ùn pò aspettà di fidighjà cascà e foglie.
Eppò eppò a gallina hà fattu l’ove
Eppò eppò ghjè cusì ch’ellu si move.
A ritocca
Capi biancu lu sartore
Arricama lu mantellu
Macchinetta è filu d’oru
Benvenuti in lu so attellu
Nant’à li vostri dulori
Pone a pezza lu sartore
A camisgia affestunata
Rituccata l’amarezza
Quandu l’anima si sfiata
Guarì cun dilicatezza
Ben dispostu incù ghjustezza
Pone u palmu lu sartore
Ornamenti è dentelle
Nant’à le stofe dannate
Vi ricoglie in lu so attellu
Omi è donne straziati
Acu è filu in e so dite
Vi ricosge le ferite