 Canti di a terra e di l’omi |
| A CANZONA DI U PIANU ( Parolle è Musica di Ghjuvanpaulu Poletti ) Marcandria è Petrusimone Andavanu inseme in lu pianu Caminendu strappavanu fiori È fiscavanu pianu pianu Marcandria è Petrusimone Andavanu inseme in lu pianu. In lu pianu ci sò tanti acelli È cantanu ancu le funtane Nant’à u pratu pascenu l’agnelli Portanu tintenne è campane In lu pianu ci sò tanti acelli È cantanu ancu le funtane. U falcu cerca in la furesta A culomba piatta in le fronde L’acqua di la surgente si spiccia Di lu fiume cerca le sponde U falcu cerca in la furesta A culomba piatta in le fronde. A ghjumenta galoppa galoppa Scurtata da tanti cavalli Senza sproni cun la chjoma sciolta Vanu in liberta per li valli A ghjumenta galoppa galoppa Scurtata da tanti cavalli. U sole s’hè spentu in lu celu È s’affacca la prima stella Pianu pianu si more le ghjornu Mamma rientra la tinella U sole s’hè spentu in lu celu È s’affacca la prima stella. CANZONA PER STELLA ( Parolle è Musica di ghjuvanpaulu Poletti ) Hè spuntatu u primu fiore Vicinu à lu pasturellu Cusì cantava l’acellu In lu chjosu di l’amore Vicinu à lu pasturellu Hè spuntatu u primu fiore. In lu chjossu di l’amore Si hè calata una stella Cù a musica più bella U ventulellu chì corre Si hè calata una stella In lu chjossu di l’amore. U ventulellu chì corre Ùn pianta mai una stonda È face pienghje le fronde In un amaru dulore Ùn pianta mai una stonda U ventulellu chì corre. A MERULA ( Tradiziunale ) Mi vurrìa manghjà(ne) I pedi di ssa mèrula A mérula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) E ghjambe di ssa mèrula Ghjamba à ghjà Pede à pè Unghja à ù A mèrula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) E cosce di ssa mèrula Coscia à cò Ghjamba à ghjà Pede à pè Unghja à ù A mèrula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) U corpu di ssa mèrula Corpu à cò Coscia à cò Ghjamba à ghjà Pede à pè Unghja à ù A mèrula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) U pettu di ssa mèrula Pettu à pè Corpu à cò Coscia à cò Ghjamba à ghjà Pede à pè Unghja à ù A mèrula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) U collu di ssa mèrula Collu à cò Pettu à pè Corpu à cò Coscia à cò Ghjamba à ghjà Pede à pè Unghja à ù A mèrula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) U capu di ssa mèrula Capu à cà Collu à cò Pettu à pè Corpu à cò Coscia à cò Ghjamba à ghjà Pede à pè Unghja à ù A mèrula chjurlughjù A pizzighizetta A codirussetta A cinciminetta Lu chjurlughjù Mi vurrìa manghjà(ne) U piccu di ssa mèrula Piccu à pì Capu à cà Collu à cò Pettu à pè Corpu à cò Coscia à cò Ghjamba à ghjà Pede à pè Unghja à ù A mèrula chjurluchjù A pizzighizetta A codirussetta A cinciminetta Lu chjurlughjù. A LA FIERA DI SAN FRANCE ( Tradiziunale ) À la Fiera di San Francè M’aghju cumpratu una sumera, Ih ! anh ! una sumera ! Veni cun mè, veni cun mè, À la Fiera di San Francè, Veni cun mè, veni cun mè, À la Fiera di San Francè. À la fiera di San Francè M’aghju cumpratu un viulinu Zi zon ! un viulinu ! Ih ! anh ! una sumera ! Veni cun mè, veni cun mè, À la Fiera di San Francè, Veni cun mè, veni cun mè, À la Fiera di San Francè. À la Fiera di San Francè M’aghju cumpratu una pistola Pin ! pan ! una pistola ! Zi zon ! un viulinu ! Ih ! anh ! una sumera ! Veni cun mè, veni cun mè, À la Fiera di San Francè, Veni cun mè, veni cun mè, À la Fiera di San Francè. À la Fiera di San Francè M’aghju cumpratu una mulaccia, Prr ! prr ! una mulaccia ! Pin ! pan ! una pistola ! Zi zon ! un viulinu ! Ih ! anh ! una sumera ! BRUSCU ( Parolle è musica di Marcu Casanova ) Bruscu l’avia chjamatu Un cane turcatu è neru Per la caccia rinnumatu Cunnisciutu in lu terzeru Causa di la so morte Perch’ellu era troppu fieru. Fieru era cum’è un lione È nun avia paura Davanti à un battaglione Li si mettia in pettura Soca si cridia forte Ancu più chè la natura. Una mane di bon’ora Partimu à fà la battuta Chì ghjurnata di malora Ch’ella ùn fussi mai venuta Ch’ellu avia da more Bruscu Quale l’averia creduta. Un cignale pocu ombrosu Stava nentr’à un sepalaghju Bruscu troppu curagiosu Ùn lu muvia à l’abbaghju Si face entre per cacciallu Ma surtì cun pocu laziu. Un solu colpu di sanna Li tagliò lu core nettu S’ell’era stata la fiama D’un cultellu o d’un stilettu Per favurisce la morte Ùn facia più bell’effettu. La morte di u mio cane Ùn mi piace manc’appena Ma la vogliu suppurtane Bench’ella mi facia pena Chì saria stata peghju Per quella di Filumena. Avà seranu cuntenti Per la macchje li cignali Ùn temenu li so denti Nè mancu li mansellari Ùn li dava basgii dolci Chì ghjeranu morsi amari. Le levre di lu Canale Si ne ponu stà tranquille Bruscu ùn li face più male Finite sò le so sguille S’elle sanu ch’ellu hè mortu Seranu cuntente anch’elle. O Bruscu riposa in pace Ch’avà t’aghju vindicatu Quessa in Corsica si face Per un amicu fidatu Quellu chì hà tombu à tè Di piombu l’aghju stinzatu. I MULATTERI D’ULMETU ( Parolle di petru paulu Peretti/Musica Tradiziunale ) Si senti chjuccà la frusta È batta li sunaglieri Rientrinu da furesta Muli rossi bianchi è neri Sò Sicondi è Ghjuvanbattista D’Ulmetu li mulatteri. La prima fala Falchetta Soca la mula di guida Appressu veni Culombu Siguitatu da Pulina, Rusetta, Corsa cun Bimba, È pò Zeffiru incù Ninna. Falchetta si poni in piazza Tempu arrivata in furesta Insumata à l’istanti Èppo ripidda la testa, Aspittendu li cumpagni Sì qualchid’unu s’arresta. Insummati ch’eddi sò tutti Ricumencianu à chjuccani E’ cusì una par una Sà ciò chì l’aresta à fani Chì sott’à duie ore di soma In marina hà da falani. È li bravi mulatteri Ni ripartinu à l’affretta Sena mancu troppu tempu D’accenda la sigaretta Parchì ci hè lu scarrichinu In marina chì l’aspetta. Ma sempri strada facendu Si sentinu li canzoni Cunfusi par quiddi boschi Cù tintenne è tintinnoni È l’ochja sempri à li sacchi Ch’eddu ùn si perdi carbonu. Ghjuvanbattista per istrada Surveglia sempri li muli Sè li so somi sò pari S’eddi sò strinti li funi Sicondi da lu so cantu Ni faci anch’eddu altru è tantu. Passaremu per Maratu È la bocca di Cilaccia Ma rientrendu in Ulmetu Emu da fistà l’arrivata Muli quantu è mulatteri L’emu troppu disbitata. Ùn si parla più di ghjorni Sò cinque mesi ad avali Ma prestu sè Diu voli Si spera di terminani È lu ricordu di tutti Sempri si cunsirverani. À vedaci o cari amichi Cantanu li mulatteri Chì malgratu la fatica Partimu mal vulintieri Parchì seti brava ghjenti Corsi fidi è po sinceri. L’ALTA STRADA ( Parolle è Musica di ghjuvanpaulu Poletti ) La mio culomba messaghjera Chì parte per longu viaghju Traversa la Corsica intera Cù lu zitellu è lu capraghju. Salutami l’Omu di Cagna È l’Ospedale cun Bavella Di lu Cuscionu la muntagna Incù l’Alcudina per stella. Stende lu volu maestosu Calà u to sguardu in pianu d’Ese Ci sò li Pozzi è lu Renosu Ti faranu cullane appese. Franca l’Oriente è Monte d’Oru Da Manganellu à la Maniccia Cù li lavi di lu Ritondu Guardà lu Cardu è Lattiniccia. Acqua Ciarnente è Camputile Da Ninu à Verghju per la furesta Hè bella la neve d’aprile Quandu u sole si mette in festa. O Paglia Orba luminosa Regina bianca incurunata Damicella cusì pumposa Di lu Cintu s’hè innamurata. Cantanu inseme cun amore Cù l’altre cime di lu circondu U silenziu fattu rimore Per la bellezza di lu mio mondu. LAMENTU DI U DOTTORE BATTESTI ( Tradiziunale ) Quellu ch’hè nant’à sta tola Stamane hè lu sgiò Battesti, Ci ne nascerà mai più In Orezza, omi di questi L’arapisti o porca bara Chì pensasti è chì facesti ? Resta scurunatu Orezza Cù la pieve d’Alisgiani Ne sentenu gran’dulore Tavagna cù Muriani Rustinu cù Vallerustie Lu nobile Ampugnani. Di Santa Lucia Tiberi Cù li Zerbi di Sermanu Di Tralonca i Gabrielli Cù li Natali di Lanu Di Suveria li Cervoni Pianghjeranu da luntanu. Vi salutu o sgiò Duttore Signor ghjudice di pace Ind’è l’unu è l’altru gradu Erate moltu capace Ma la scellerata morte Nun guarda ciò ch’ella face. Penna calamaru è canta Furmà ne vogliu una storia Ancu i seculi futuri L’abbianu sempre in memoria Chì nacque in casa Battesti Un omu di tanta gloria. PAGHJELLA ( Tradiziunale ) Dumane mi ne muntagnu Faciu un felice viaghju. È mi lasciu la mia amica In piazza à lu Cateraghju. M’hà prumessu di cullane Versu lu vinti di maghju. PISCIA ( Tradiziunale ) Sunatu hè lu primu toccu Lu terzu cù lu secondu Ma nun lu ci vecu Lu me frisgiatu culombu Forse si sarà ascosu Sott’à le fronde di l’olmu. Quale si pruminarà In piazza à la nostra ghjesgia Cù la so canna à la manu È la so sigara accesa Chì la soia la trinnata In paese era difesa. A dumenica da mane À u son di a campanella Falanu le giuvanotte Sottu la sacra cappella Ma ùn la ci vecu in locu O la mio talla nuvella. O Piscà lu nostr’amore Oghje s’hè firmatu in piantu Dicenu ch’o ùn pienga piune Aghju lu me core frantu D’avemmine da scurdà D’unu ch’o l’amava tantu |