 A ochji aperti |
| Di biancu è di neru Era vestutu di biancu è neru U spiritu di la mio lingua Cù li so scharzi è le so manere U sensu stessu di tutt’una vita E po so ghjunti i trè culori Pè fammi scopre lu mondu vastu Anime di pocu valore Hanu guastatu lu mio parlatu Era vestutu di biancu è neru L’omu chi ci hà fattu cantà E amparatu l’amore veru Ch’una canzona po inculcà E pà sà ghjunti l’altri culori Chi u tornacontu hà sculuritu Pè facci scopre di u soldu l’amore E una musica chi ùn hà piu diritti Era vestuta di biancu è neru L’accolta dolce è sincera Fatta a la ghjente di a terra intera Pè sparte c’era sempre manera E po so ghjunti i brutti culori Dà l’egoismu maculati so Puver’à noi è puver’à voi Eu à ssu mondu li dicu: inno Era vestutu d’un lume ardente Di vuluntà cusi pudente Dà esse fieru di lu mio campà E in avvene! vogliu sperà! Se vendi la terra Se vendi la terra vendi lu to fiume A l’orlu di u mare la pesca chi nuta La neve à l’elpale chi pare un lume A natura sana chè tù voli fà muta Se vendi la terra vendi lu to fiume Se vendi la terra vendi la cultura A qualchi banditu à lu riccu stranieru Li versi tarcani d’una lingua chi dura A storia chi prova per un omu più fieru Se vendi la terra vendi la cultura Se vendi la terra vendi lu to figliolu Lu oo Passu chietu nant’à le custere Lu solcu d’aratu lu tribbiu in Niolu Scurdera la filetta è tutte e cugliere Se vendi la terra vendi lu to figliolu Se vendi la terra vendi lu to animu Quellu di ssu populu è lu so spaziu Elettu paghera per lu so spasimu Tù chi di vanità mai ne fussi saziu Se vendi la terra vendi lu to animu E duie lotte Simu li venti furiosi Simu le stonde preziose Di a rivolta à mille fochi Di a nazione à mille ghjochi Stintu ribelu è amurosu Avita in core è un core in oru A nimu ùn vulemu fà paura Di a terra ùn avemu a primura Di ss’idea chi si move Nè feremu le so prove Nè Predimu u nostru sensu Nè feremu un frombu immensu Femu attu femu unione Demu à l’altri una lezzione Pè campà in sucietà Pè schjari adduniè per dà Resistenza viulente A cuscenza hè più pudente Troppu smarisce a cultura Cù lu pensà serà più sicura Chi d’avè l’ochji calati Nant’i fatti di l’anni passati Seremu senza cundizione Schjavi di a mundialisazione Ùn hè debule nostra fede Un so stanche e nostre idee Un si crea cùn parolle Creera l’omu chi vole L’alba di lu novu andà Sin’à l’orizonte è aldilà Custrui dumane a suciètà Per schjari adduni è per dà Nimu ùn ci ferà pieghà Tuttu ci ferà campà Adduniti pè cantà Novu mondu novu andà Nova petra à arricà Solu un passu à frnacà S’ellu c’era un signore Sentu da qui, Calde preghere di l’Oriente E pare chi, In celu nimu ùn li sente Fede d’amore, Fede dulore Vecu quallà, Fiurisce a tomba d’un credente E in l’al di là, Tutte e lumere si so spente Eterna notte, eterna morte Vicinu à mè A l’ombra di falze sperenze Si crede rè, Quellu ch’insegna le credenze E chi perdona, ogni personna Puru ancu qui, So morti d’amore divinu E pensu chi, Di u celu ùn trovanu u caminu Eccu a vita, si n’hè finita A ogni preghera, Risponde un silenziu chjesale Quellu chi spera, Un ghjornu d’esse immurtale Dolu ferà, di u so campà Mà s’ellu c’era un signore, un diu Pè di quantu hè vanu lu sacrifiziu Chi u paradisu serà pè li vivi Cio chi hè a terra pè li smariti Ti vuleria Ti vuleria scrive qualchi versi d’amore Di rime impinnate per caccià lu dulore Di le parolle chjare à lu mele savore Di fior’di vaghjime à lu primu albore Ti vuleria appiccà un ghjuvellu di risu A lu to collu vindemia ch’abbaglia lu to visu D’un areghju tremende fà ch’eu mi pisu Cume lu baschicciu si colla in paradisu Ti vuleria accende lu to sensu artistu E specià l’alma di lu mio versu tristu D’una sgarba d’un schizzu ch’ùn averai vistu Cavatu di ssu pesu cume chjodi à lu Cristu Ti vuleria fulminà d’a mo soma d’errente Di ssa surghjente secca duve si carca l’amante Quandu sfrolla in civa una stella cadente Mi devu d’un amore à lu mo core ardente L’idea Cume so li venti furibondi Ch’attraghjenu l’omu chi s’affonde Rissorghje una idea in pulvina Nata di ruvina Un idea semplice ma forte Dirittu pè le culture ch’ùn so morte A campa di sè stessu Fora di l’eccessu Quella di mille cori vole accoglie Le nostre è li sfarenti in azzione Chi fa gonfie I’ accolta chi ci teme L’idea di Nazione Cume hè lu fior nascondu Chi s’apre ad ogni fior’di lu mondu E spargnje le so savore dà per tuttu U travagliu ferà fruttu Ma quale chi purtera la nostra fede A tutti quelli chi ùn ponu vede Cù lu rispettu Di l’omu schiettu E senza chè l’omu a face scura E senza lu putere ch’a vole dura A feremu cresce in l’unione L ‘idea di nazione Un hè scelta l’amore Stranu sacrifiziu di ritene un amore In lu chjusellu strettu di e pensate secrete Pè ùn offende ssa natura ch’omu crede Nùn pudè incaricà a so parte creatore Perchè li sentimenti serianu ligati A un idea chi ferma è ch’ùn vole firmà Pattu di rasgione trà una nova sucietà E preghjudizi in li principi arridicati Pensanu dinù à una certa fantesia Ch’un spiritu malatu si puderia offre Tamante riflessione pè un vulè scopre Un omu cume omu senza alcuna maladia Quandu l’unu hè fieru d’amà la so cumpagna L’altru hè vergugnosu ghjustu d’esse inamuratu Ne pienghje d’esse natu accuppiatu à un peccatu Solu quellu d’amà l’unu rispettendu a cumpagna A l’ora di l’intulerenza passione ùn sterà In lu chjusellu strettu di e pensate secrete E puru s’ellu c’hè fattu ch’omu ùn crede Ad amà ùn omu, omu fermera Ella balla C’hè un cozzu di paglia Sottu à le rame d’un palmu Chi balla cum’una fiamma In la rena gialla Quallà in la savanna C’hè a milizzia chi l’abbada Ella canta è abbalata La so nanna La terra hè spugliata Da lu guvernu la canaglia Pè u trafficu di l’arme Pè a battaglia Ma ella la farfalla Chi vola à mezu à e balle In l’ochji di a marmaglia Mette a brama Sciaccamana pè Cacciafame La so manu chi s’imballa Ella balla sottu à a mitraglia Ella balla l’africana Palazzu Un focu in lu mio pettu Divasta l’ore tocche da lu to risu A curonna d’ oru è cio ch’eo mettu A lu to visu O sè tù sapessi le stonde passate Tocca à tocca Tutte le gioie furibonde A la to bocca Un ventu in la puppa Soffia in le mio vele d’una mossa S’empie lu pulmone è tuttu s’intuppa In una scossa O sè tù sapessi cio ch’ellu tene Un core di vetru I pezzi in le fulene D’un celu tetru Un sole in le mio vene Ramenta le passione d’una alma scema Una rabbia d’amà sà ciq ch’hà dà vene E cio chi ferma O sè tu sapessi tutti li culori Di li mio fantasmi Per schjarisce di furore Un chilo di miasmi In fondu à lu mio core aghju fattu un palazzu Cu le ruvine d’una vita chè nunda sguassa Ti vogliu fà una piazza sè tù ùn metti lu tazzu In le battaglie di una vita chè troppu passa A cazzarula Bastiaccia In un carughju persu di lu vechju Bastia Chè un busgiu sguizzu duve più nimu fà via Mà quand’ella canta la bella la Lucia C’hè tutta a cumpagnia Baschicciu è piduchjosi accorenu prestu Sgio lu merre è ancu lu prete ùn so in restu Mà c’hè un paradoxu ùn vi contu folla Ghjè una cazzarola 0 zitelli li so petti parenu botte di vinu Lu so culu finu hè pintu da manu divinu Avà so perchè quandu passa l’Abbrivu Un c’hè mai nimu Se l’ultimu mondu hè fattu da l’ultimu Cristu Ch’ellu ùn si scordi di dacci a bella Lucia Osinno amicu serai bellu tristu Mà ch’ella muta sia Tantu chè diu ferà anutumia Ci saranu li sordi per star academia E per sente à Lucia Santa Maria A voi chi cuniscite A storia ch’hanu cuntatu Un state pusati qui Pensendu in lu passatu U ricordu ùn basterà Ne lu cantu di verità Li pienti ùn basteranu Guardemu la realità Po esse ch’un dumane 0 ch’un ghjornu venerà A storia ch’hanu cuntatu Di nunda rinascerà Stemu attenti à l’urna A l’omu chi vole sempre L’empie di pesta bruna Femuci casu in mentre Avemu la pella dura E la forza per luttà A vemu la voglia pura Per chè mai si vulterà Adduniti o fratelli Più nimu ci vincerà S’elli ci volenu schjavi Mai ùn la puderanu fà Sparteremu la terra E nostru serà lu mare A ghjustizia serà per tutti E tutti per a libertà Luttemu per cio ch’avemu U dirittu d’ugualità Luttemu per cio chè semu E chè nimu ci piglierà |