 Resistenza |
| A VITA A MORTE Quand’un populu strazia Sende pisà la croce Stu populu in disgrazia Un trova più la so voce Volenu spenghje a razza Ci volenu mandà via Ci tocc’à mett’a curazza Per sorte di l’agunia A vita a morte Scegli la to sorte Campà Francese O more Corsu… I nostri partigiani Pronti per sessanta nove Puru o senza furdani Ci apreranu e strade nove Svegliatevi l’antenati Per difende un’antra lotta Per i nostri inghjuliati Femu nasce una rivolta. A vita a morte Scegli la to sorte Campà Francese O more Corsu… Quand’un populu marchja Cerca la s’identità Vulpone nè curnachja Un lu ponu parà Aiò Populu Corsu Un ti fà più scarpighjià In sia più cumossu A to scelta hè libertà. A vita a morte Scegli la to sorte Campà Francese O more Corsu… EGOAK Egoak ebaki banizkio Neurea izango zen Egoak ebaki banizkio Neurea izango zen Etzue aide egingo Bainan horre1a Ez zen gehiago Txoria izango Bainan horrela Ez zen gehiago Txoria izango Eta ni txoria nuen maite Eta ni eta ni txoria nuen maite « i muracci di a mio stanza Hanu smaritu e un sol’ardente m’acceca Ancu ciu oghje possu vulà E seguita st’acellu maestosu U ventu di l’alte cime entre in lu mio pettu E mi porta luntanu… Luntanu E stu ventu ghjè… A liberta ». FESTA Una sera sera di festa Tra canti è puesia Emu scrittu à la lesta Sta canzona d’allegria E ziu Diunisu Spessu dicia Quandu si canta Ci hè l’allegria. C’era pane casgiu è prisuttu Nant’à lu tavulinu E pò c’era sopr’à tuttu Trè botte piene di vinu E ziu Diunisu Spessu dicia Quandu ci hè vinu Un ci hè sicchia. I zitelli è le zitelle Facian’u quadrigliu Più luntanu e cialamelle Aspettavan’u ripigliu E ziu Diunisu Spessu dicia lnd’è stu cumbugliu Ci hè l’armunia. Una botte duie è trè Celidonia basgia Diunisu Caru vinu ti femu Rè Di l’amore è di lu viziu E ziu Diunisu Spessu ci dice Duve non ci hè viziu Non ci hè piacè Paghjella Emu sperà in l’avvene Chì a fede ci sustene E cantemu e paghjelle A strappacci e cannelle. Ghjè sintimu puru Corsu E stu cantu l’emu addossu. RESISTENZA Face più di quarant’anni Chè tu porti negri panni Strascinend’u to dulore Chì ti svegli’à tutte 1’ore U to maritu hè cascatu Bon figliolu bon suldatu Per ‘ssa Francia assassina Chì sumena cbè ruvina. Resistenza di pett’à l’oppressore Resistenza per’a vita per l’onore. Ora tocc’à me a sai Di cunnosce mille guai E in pettu porto dolu Di più d’un bon figliolu Ma u fiume di a rivolta Cresce è mi porta Cun fede patriotta Sin’à l’ultima lotta. Resistenza di pett’à l’oppressore Resistenza per’a vita per l’onore. Fratell’ incarcerati Da noi alluntanati Ma più d’un bracciu fieru Svizzerà lu strangeru Ghjuventù sparghji l’ale Di a lotta Naziunale Ricusa tuttu u male Di Francia culuniale. Resistenza di pett’à l’oppressore Resistenza per’a vita per l’onore. Lingu’assuffucata E cultura spugliata Paesi spupulati Paisan’affannati Eccu lu veranu Ch’elli oghji ci danu Demuci a manu Suminem’u nostru granu. Resistenza di pett’à l’oppressore Resistenza per’a vita per l’onore. Resistenza di pett’à l’oppressore Resistenza per u Fronte per l’onore. TERRA CORSA In lu giardinu di a mio vita I solchi so suminati Di cursezz’à l’infinita Di ricord’à l’antenati Terra Mea la to storia Hè fatta spessu di gloria. La mio mente vagabonda In cintu piglia partenza E sculisce nant’ à l’onda D’un fiume di resistenza Terra Mea sò guerrieru Di lu to populo fieru. Di li to lochi di valore Certi ne volenu fà Fra lu focu è l’oppressore Diserti di puvertà Terra Mea Terra Corsa A to sorte femu nostra. Terra Mea Terra nostra Seremu sempr’à la mossa ! AMICU PASTORE A l’orlu di a notte pagna Ti movi per ‘ssa muntagna Ogni mane ogni stagione Sì cumpagnu di lu machjone ‘Namuratu di a so ricchezza Campendu fieru è cù purezza. U ventulellu matutinu T’accompagna vers’e cime E l’acelli in lu chjassu Ricunnoscen’u to passu Fenduti per qualchì stonde Li so più belli chjam’è risponde. Quand’u sole di lu so lume Accarezza tutt’u fiume U prufume d’ogni fiore Trà li monti corre corre E t’impone a verità Un’hà prezzu a LIBERTA… E t’impone a verità Un’hà prezzu a LIBERTA. EROI DI L’ETERNU Oghje tù ti ne vai A l’ultimu riposu Ghjè l’esempiu chè tù ci dai Fratellu generosu Purtatu da li toi Sin’à l’altu pratu Palatini è Eroi Caminanu à u to latu Ma la to risa canta E schiatta cum’un fiore Chì u dulore pianti E sbucci l’amore Chì u furore pianti E sbucci l’ amore. Da lu to ochju turchinu Hè natu un fiume d’amore Chì corre à lu mulinu E macina u dulore In bocca ai u surisu Di l’omu senza rimigna Incantatu hè lu visu Di quellu chì t’avvicina Ma la to risa canta E schiatta cum’un fiore Chì u dulore pianti E sbucci l’amore Chì u furore pianti E sbucci l’ amore. E to parolle linde A veghja à lu fucone L’assenze so ferite To cercu amicone Emu spartutu a pane Periculi è onore O BATTI cun tè dumane Fratellu vogliu corre. Ma la to risa canta E schiatta cum’un fiore Chì u dulore pianti E sbucci l’amore Chì u furore pianti E sbucci l’ amore. Quì si pensa assai Svegliu a lutte l’ore Ghjunt’hè tempo di guai E di sgarbe a lu core Da la corte a la cellula U spiritu in rivolta A mente cum’un’acella Versu tè si ne volta. Ma la to risa canta E schiatta cum’un fiore Chì u dulore pianti E sbucci l’amore Chì u furore pianti E sbucci l’ amore. OMU CANTA Quand’u ferru si face pisante Chì l’oppressione mena Quandu curaggiu vole fughje L’ incarceratu canta E u so cant’hè di sole. Per un grombulu di ghjustizia Per un palmu di libertà Per un soffiu di dignità Ascolta st’omu cantà Chì lu so cant’hè di sole. Duve l’omu si stà mutu Duve lu temp’hè fughjitu Duve a luce hà paura L’ incarceratu canta E u so cant’hè di ventu. Per un grombulu di ghjustizia Per un palmu di libertà Per un soffiu di dignità Ascolta st’omu cantà Chì lu so cant’hè di ventu Per un populu inghjuliatu Per a PATRIA nigata Per l’avvene chì si face L’ incarceratu canta E u so cant’hè di lotta. Per un grombulu di ghjustizia Per un palmu di libertà Per un soffiu di dignità Ascolta st’omu cantà Chì lu so cant’hè di lotta. Ascolt’ ascolta zitellu U ventu di a rivolta U cantu di a cuncolta Sbucciat’in la stagione Di a CORSICA NAZIONE. Per un grombulu di ghjustizia Per un palmu di libertà Per un soffiu di dignità Ascolta st’ omu canta Per un grombulu di ghjustizia Per un palmu di libertà Per un soffiu di dignità Ascolta st’ omu canta E stu cantu fallu toiu. PER A LIBERTÀ Tù chì sì stat’un ghjornu inghjuliatu Per difend’a to lihertà Nun pensà più ch’ai straziatu I to penseri lascia un pocu stà Nun ti lagnà più nant’u to passatu Ti sì battutu per pudè megliu stà E pens’appena ch’indè cluestu mondu Ci sò chì morenu per a libertà Veni cù mè porghji la manu Em’a cantà em’a cantà Perch’elle compiinu In lu mondu sanu L’offese à la libertà. Ascolt’un pocu tù caru fratellu lu certi lochi luntanu culà Ci sò di l’omi si so mess’arritti Ma l’hanu chjosi per l’eternità Senza pudè difend’e so idee L’anu tumbati senza pietà Eranu tant’omi fieri E so morti per a lihertà. Veni cù mè porghji la manu Em’a cantà em’a cantà Perch’elle compiinu In lu mondu sanu L’offese à la libertà. E ghjè per quessa chì ti dicu Un piantà mai di luttà Canteremu per i nostri fratelli Scunsulati per sempre culà Ch’e nostre voce saltin’e fruntiere Chì manc’un piombu le possi parà Per falle sente scalend’in lu celu Ci vole à luttà ci vole à luttà. Veni cù mè porghji la manu Em’a cantà em’a cantà Perch’elle compiinu In lu mondu sanu L’offese à la libertà. |