 Vaghjime |
| ADDURMENTATI PER STANCIATI LU TO PIENTU IN STA NOTTE DI TONU E VENTU TI VOGLIU CUNTA FIGLIOLA DI UN URFANELLA QUISSA FOLA CHI DA TUTTI FU TRALASCIATA IN SENU UNA FURESTA FATATA ADDURMENTATI, ADDURMENTATI … UNA MUVRELLA LI DESSI PETTU DI A SO LANA NI FECE LETTU FU UN PASTURELLU A VIGHJALA E A CHJAMALA FIURELLA CHI DI L’AFFANI DI U SO CORI NE SAPIA GUAI E CULORI ADDURMENTATI, ADDURMENTATI … FU LA LUNA CU E STELLE A FA CAREZZE DI MELE U SGIO SOLE LI FECE ABITU D’ORU E DI LUME CUSGITU AD’ ANNANNALA FU LU MARE CU TUTTE SO ONDE PARE ADDURMENTATI, ADDURMENTATI … DI STA ZITELLA CUSI PURA DONNA NATURA PIGLIO CURA ED’ IN TERRA A PIU PRUFONDU UN SI NE TROVA IN STU MONDU CHI LU TO SOGNU IN UN FIORE SI SVANISCA, E SBUCCIA AMORE ADDURMENTATI, ADDURMENTATI … FANALE NANT’UNA SERA INFREDDULITA SI CALAVA LU GHJORNU TROSCIU, SOPRA U MAROSU HE NATA UNA FUMACCIA CHI ,SPARGHJIA LU SO VELU. SPARGULIATI TRA I SO VAPORI, L’OMI ,NANTU A E DEBULE BARCELE BRAMENDU A I VENTI TRADITORI, U MENU SOFFIU PER IMBUFFA E VELE . FANALE,SCHJARISCI I NOSTRI PASSI, INSEGNACCI TU ,I VERI CHJASSI . IMPAGNATI TUTTI A CIRCA VIA, PERSI A MEZU A A BUGHJURA ; SEMPRE PIU IN LA S’AVANZAVA, MA INCU A FIANCU, TAMANTA PAURA. E QUANDU, CONTRA TUTTA ATTESA UN RAGHJU STRAPPO U NIGRONE, PER MUSTRA DI UNA MANU TESA, A L’OMI CHJUCUTI ,SO OSTINAZIONE. HE CUSI L’OMU ,QUE SI SA DA FASSI SPESSU ABBAGLIULA, TOCCA ELLU A PENSA : VIAGHJA UN SI PO SENZA SBAGLIASSI. OMU CAMPA, RIDE E CANTA ; DI A TO STRADA UN PERDE FILU, CHI SERPENTOSA HE A VITA SENZA RICUMENDASSI A LU CELU FIORE FIORE A MEZU A I DONNI, A U VERANU DI TO BELL’ANNI ; TALE UNA ROSULA TU, TI ERI SPANNATA. CUSI, LUNTANU DA LI VENTI, A L’AGROTTU DI L’INVERNI, A TO DOLCE VOCE EIU SENTIU CHI MI SCALDAVA PIANU, PIANU. UNA MANE DI CUMUNIONE M’INCRESCIA A VEDE U SOLE, MALE, FORSE TI AGHJU FATTU MA, LA VITA TU M’HAI DATTU. HAI BERCULATU LI ME GHJORNI DI TANTU AMORE SINCERI, E ACCUMPAGNATU LI ME PASSI QUELLI LI PRIMATICCI. QUISSU PUEMA, U TI RIGALU O MA, FIORE DI I ME GHJORNI, VURRIA CHI’SSI POCHI VERSI RICHJAMESSINU A TO MEMORIA MAISTRALE DA NIVULI NATU, TI SE STRAQUATU ; DA POI L’ALTU NORDU, SE DI FREDDU INGORDU. DOPU DAI VOCE DA PIANI A FOCE ; SPAZZENDU PAESI, DA LU COTRU STESI. TINTA ALBURATURA, TREMENDU DI PAURA ; SOTTU A LU TO FIATU SPULIATA S’HE TRUVATA. E SI A SORTE FACE, CHI UN FOCU NASCE ; IN QUALCHI BUFFULERA, DI DOLU HE A SUMINERA. MA, SE FERMI SECRETU, TU, VENTU INSURRETU VENI E POI SMARISCI, E IN ALTRO SCULISCI… Mammapiera Tinnarezza di casa Par mai ùn ni patiani È i maestri di scola Eddi ùn ni cunnisciani Di ghjornu è di notti Surrisi ùn ni faciani Erani i ziteddi Di tutti i suffrimenti Pagati pocu è micca Sgubbavani in silenziu Fastediu passaghjeru Di i nostri cuscenzi A so vita i maiò L’aviani calcicata Fendu ni schiavi manzi Era vituparata Zitiddina fughjita À l’alba marturiata È noi ùn li vidimi Da l’africa à i merichi Granitula suffrenti Porghja una manaredda Da chera una limosina Da stantà si un pezzu Ognighjornu ind’à noi Affacca a mammapiera Lacaremi strappà Di i levi a catena È vedi a miseria Accasa si in paesi ? Ad ora è a contr’ora Ci tocca à ramintà Chì l’unicu valori Chì cunveni à parà Hè quiddu di l’umanu Hè a so dignità PAESE U ME PAESE,QUANDU L’INVERNU HÈ DI STAGIONE TANDU LA NEVE LU VESTE DI BIANCU PILONE TUTTE E VECHJE CASE, DA LU VENTU ALLISCIATE TI CUNTERANU FOLE, SE TÙ LI STAI À SENTE. TANTI RICORDI S’AVVIANU IN LA MEMORIA: A RICHEZZA DI L’ORTU, CASTAGNERA CENTUNARIA NUCCIOLI FRUNDUTTI, U MACHJONE GENEROSU A PIAZZA À A FUNTANA, U SO CAMPANILE INFUSU. VOGLIU FÀ CUNOSCE I CULORI DI UN PAESE CHÌ ÙN VOLE MORI LU VOGLIU CANTÀ DI CORI PER CH’ELLU CAMPI MORI. È POI LA NOSTRA GHJENTE COMU LU ZIU ANTONE SEMPRE PRONT’À CANTÀ NANT’UN’ARIA FALCONE È DI TANTI FATTI NUSTRALI : SÒ L’ANZIANI À RITRACCIATI QUELLI LI PIÙ STRANI. U ME PAESE, QUANDU CARU TI TENGU À MEZU À TUTTI, SAPIA QUANTU EIU TI PREGU SOTTU À LU SERENU DI LI CELI À VENE CHÀ TÙ CAMPI PIÙ CHÀ MAI FIOR’D’AVVENE. PER TÈ ERAMU A QUALCHI PASSI DI LU 99 : A A VEGHJA DI NATALE DUVE PACE SI SPERA PER TUTT’OGNUNU A U LONGU DI’SSA DOLCE SERA QUANDU A SORTE MALADETTA, A SORTE NERA HA RAPITU UN FIGLIOLU A LA SO TERRA, TUCHENDU UNA FAMIGLIA SANA A LU CORE; SCIUTTENDU BABBU, MADRE, FRATELLI, DONNA IN LU DULORE… HE PER TE;O AMICU CARU CHE NO CANTEMU. SI SENTE CULA I LAGNI DI TANTI DI TO OPERE : URFANELE E MANDULINE, CHITARRE, CETERE… FRUTTI DI TANTU TRAVAGLIU FATTU CUN ARDORE. QUANDU TRA LE TO MANI, NASCIA A VITA DOPU ORE E ORE E CUSI, CH’ELLA FUSS’IN AMICIZIA, O IN A TO ARTE, SCHJETTU E SEMPLICE, SEMPRE PRONTU A SPARTE. HE PER TE, O FRATELLU CARU CHE NO CANTEMU. ERAMU A A VEGHJA DI NATALE QUANDU HAI CAMBIATU MONDU MA DI TA, CI FERMA LU RICORDU PIU PRISENTE, PIU TONDU, ED’AVA CULA INSU NANTU’SSE PIANURE SUPRANE A SO CHI UN MANCARE DA FA STRUMENTI STRANI PER ACCUMPAGNA U CANTU SERENU DI L’ANGHJULI. SENTU INTRUNA I SO VOCI DA QUI A L’ALTI CELI… HE PER TE ,CARU PATRICU CHE NO CANTEMU. Solu Solu in a to prighjone T’hanu strintu le catene Tale una bestia feroce Volenu fà tace… la to voce… Solu in a to prighjone Avemu intesu e to pene In una ferita addulurata Versu à noi, tandu… s’hè pisata… Fratellu, ùn sè più solu Semu tanti darettu à tè Arritti, tutti sotta stessa bandera Stampata di… testa mora… Solu in a to prighjone Tù chì scrivi l’avvene D’un populu marturiatu Ma ch’ùn s’hè mai… inchinatu… Solu per to luntananza Sole vale a to fierezza Mughjendu a to differenza In ogni core nasce… la sperenza… Fratellu, ùn sè più solu Semu tanti darettu à tè Arritti, tutti sotta stessa bandera Stampata di… testa mora… Testa mora Fratellu, ùn sè più solu Semu tanti darettu à tè Arritti, tutti sotta stessa bandera Stampata di… li ber tà STORIA CORSA PRUIBITA A TE CHI SCRIVI A GLORIA D’UNA FRANCISATA ARRABIATA CHI A TO PIUMA SIA SICURA SENZA AVE NISUNA PAURA DI STUZZICA A MEMORIA DI A NOSTRA VECHJA STORIA : STORIA CORSA PRUIBITA. DUI GUERRI MUNDIALI MORTI FERITI E CUNDANNATI VIAGHJI E VITA CULUNIALI VALISGIA BIOTA SI NI VANI A PUVERTA PAISANA ORAMAI SCURDATA: PA I PINSIONI E I GALONI. IN’SSI CARRUGHJI STRETTI CANTANI L’ULTIMI UFFIZI DI L’ULTIMA RESISTENZA PRIMI SEGNI DI SPICCENZA TRA PAISANI E SPATRIATTI L’USI E I STINTI SO SCAMBIATI, PA A SUCIETA TRADIZIUNALI. DOPU L’ANNATA SESSANTA A FUNA ERA STRAPATA A RAZZA PRUGRAMATA PA ESSA SMINTICATA A LINGUA SVANNISCIA A TRADIZIONI SI PIRDIA D’UNA MANERA IMBASTARDITA. TRA MUDERNISIMU MISCHINU E CAPITALISIMU VICINU CUNSUMAZIONI FATALI SCIPPA L’UNIONI SUCIALI VECHJU POPULU DI CIRNU ORAMAI S’HE CUNVINTU TRA DI NOI SIA L’UNIONI CHI TRA DI NOI SIA L’UNIONI TERZINU DI CURSICHELLA QUANDU LI TO MONTI IMPITRATI SI SCIOGLIENU IN UN MARE TURCHINU HÈ PER UN ABBRACCIU PASSIUNATU. À MEZU À L’IMMENSITÀ BEATA QUANDU TI LODE LU MONDU SANU SÈ TÙ SUPRANA DI U MEDITERRANIU. O CURSICHELLA, CHÈ LU TO SPIRITU RIBOMBI DA L’ALTARE DI I ME SOGNI ALDILA DI U TEMPU È I SO CUNFINI. U SCURTATOGHJU A TE PENSI CHI PUESIA MOSSU DI UN’ARIA MARINA LASCIATI PURTA DI A MAGIA DI LA ME MUSA PELEGRINA E SO ALE SO DI BIANCA NEVE FRESCA COMU L’ACQUA SOTTU VALLE A FRISGIA PAISAGHJI DI PIEVE PER INFATTA UN LOCU IDEALE PER CHE TU CAMPI SPINSERATAMENTE U NOSTRU SCURTATOGHJU POI PIGLIA E DI SICURA SCIOLTA SARA LA TO MENTE A ME POCHE COSE MI PONU CUNSULA : A CUMPAGNIA DI L’AMICU PASTORE, UNA BALLATA, LA RISA DI LA ZITELLA, PIGLIASSI TEMPU SENZA CORRE ; UN CERCU NISCIUNA PRETENZIONE, SOLU SMINTICA UN CREPACORE, CANTENDU CU SEMPLICE EMUZIONE, STONDE CUNFESSATI SENZA TIMORE. VAGHJIME VI VULEMU RITRATTA IN POCHE RIME U RINOVU DOPU ESTATINA, CHI FALA DI E CIME IN QUALCHI VERSI E VOCE ANONIME IN QUALCHI VERSI SI VOLE SPRIME : ECCULU QUI SPUNTA VAGHJIME ECCULU QUI SPUNTA VAGHJIME A NATURA CAMBIA CULORI DI MANERA SUBLIME E SURGHJENTE CORRENU CORRENU IN U BULLICHIME DA PIANI A PASCULI ALTISSIME INDUVE SO E MUVRE E PRIME : CANTANU U TO NOME CARU VAGHJIME CANTANU U TO NOME CARU VAGHJIME CUSI CANTA UN POPULU, DA POI ORE LEGHJITIME FATTU A STORIA, CULTURA E LINGUA CARISSIME VOLE PARLA CU VOCE UNANIME SPERENZA E LIBERTA SANTISSIME : CANTANU CU TE CARU VAGHJIME CANTANU CU TE CARU VAGHJIME… CARU VAGHJIME. Voce d’oghje è di dumane Ti ribombanu in capu Ste voce spechju d’un passatu Ch’hanu scrittu a memoria Fatta di sangue inchjostru Sò figlioli di sta lingua U so culori : una terra Chì cantanu a so cultura Per fà nasce a so ora Oghje cantanu un ideale Per salvà lu dumane Volenu spuntà oghje Per campà lu dumane In stu mondu ùn bastanu Una fede schjetta, un core sanu Ma, hè chjamendu à l’unità Chì si pò tene l’identità Cresce l’alburu d’avvene Inacquatu d’anima corsa Ogni radica semu noi Ogni ramu sareti voi |