 Eternisula |
| Stonde Eccumi qui davant’u mare nisun’parola a e mio labbre U tempu arremba le so stonde Nantu una storia di ssu mondu Sole, tarra, acqua è lume L’universu mi circonda Da tante anime prufonde A e mente vagabonde E po li mio lochi sunniati A lu sole di a vita Chi so diventati avali Duv’hè a tarra preferita? O ma chi ventu stranu si statu? Un torna mai piu per le mio sponde! Eccu mi qui cu i mio suspiri E u ricordu chi un vole more U celu accende i so culori Pare brusgia la so memoria Ma cusi longhe so l’ore E à l’intornu hè rimore Di tante vile visione Di quelli sculpidi perchè? Cu l’acqua di lagrim’amare m’anu spentu u lume di a speranza Era un tempu chi sunniava A ogni meziornu assuliatu O ma chi ventu stranu si statu Un canta mai piu le mio sponde E un volta mai piu pè isse sponde Mai piu pe isse sponde Dumanda A Dumani Di issi paesi accesi So buciard’i silenzii Senti quand’iddu pesa U mughju difarenza Ne sarani omi fieri O di poca cunscenza Sarà strada davèru O chi devi piantà Quali sà?… Di issi petri lampati So briachi li gesti Pà un sognu di tarra Un nomu chi a vesti D’un accunsentu novu E d’un’altra spartera Senti quant’iddu movi Issu palmu di pianeta Senti là… Ma chi forza l’arresta A cridenza sciolta di l’omu Una lotta un’idea una vodda? Quandu chi tarra hè sangu Ch’u so mari salisci Quandu chi celi hè Diu Ch’un mondu rivarisci Quandu chi omu cheri U so drittu Di issi muri suprani Si so stanchi li petri Un ghjornu falarani Pulvariccia è pinseri Ma chi sarà l’avvena Di issi loca ritorovi Vultarani la paci O a crepa di l’omi Quale sà?… Di issi voci mandati So spiranzi li canti Dopu à tanti disfatti Senti issu pocu è tantu Issa dumand’à dumani Sarà pà fà u meddu U peghju pà l’umanu Dimmi là?… Ma chi forza l’arresta A cridenza sciolta di l’omu Una lotta un’idea una vodda? Quandu chi tarra hè sangu Ch’u so mari salisci Quandu chi celi hè Diu Ch’un mondu rivarisci Quandu chi omu cheri U so drittu Nant’a Isse Corde Nant’e to corde si sgracinanu stonde Cum’è tempu di qualchi persu paradisu Ti sonanu e disgrazie quasi cun’un surrisu Da tè s’inventa torna un’altra Andalusia O ghitarra chi sumeni u focu latinu Stracci flamenco capelli bruni è labbre sangue Chi n’ai sempre in core una chjama chi langue Dui tocchi du manu ti facenu un destinu Senti l’archetu, a so passata calma a so passata scema Senti chi l’accumpagnanu centu voci irlendesi Pupulane palese o clandestine, a to musica trema Un’amore di terra sogna u paese unitu Viulinu teni tisori di notte calde Ale d’acelli immense cum’è cuncerti azzuri O fochi annidati di viaghji zigani Chi a musica hè strada in e notti piu scure Tu caramusa una memoria à l’armu M’arricordu u pichju guerrieru d’un tamburru Sinfunie tremende chi lampanu i muri Adduniscenu populi à l’ingrandanu l’anima Senti a cetra sottu a manu corsa, a so canzona vechja Parla di legnu danciu è di musica offerta Hè cum’è un pientu chjaru in core di a chjesa Un’anima vultata da l’esilii è l’offese Nant’e to corde si sumenanu stonde Chi mancu u solcu di vita si n’invene Paghjella fosca di issa lingua d’un avvene Tu chi di lu me pettu veni, Canta! O voce… Duelle Ou la corde à mon arc ou celle pour me pendre Qui es-tu dis le moi Celle qui se refuse Celle ou tout est à vendre De tes cimes a tes voix? Veux-tu rendre les armes Ou rendre coup pour coup Te rendre à l’evidence De cette vie qui passe Et remplace partout Sa valeur par l’abscence? Ripiddu Laisse-moi te dire Que tu es notre amour Que tu es notre drame Ile posée sur l’eau Comme un supplément d’âme. La chance de t’aimer Le malheur de te perdre Qu’est-ce qui fais dis-le moi Qu’on s’attache à te lier De cent sortes de chaines Comme on s’attache à toi? Et s’il faut faire la part Du vrai et du mensonge Qui la fera pour toi Si ton présent nous porte Tes hiers il m’importe Qu’on ne les oublie pas Ripiddu Entre l’aube et l’abîme Faut-il que tu hésites Faudra-t-il que tu doutes De ce nous déchiré Par tous les quoi qu’on fasse… Ou les quoi qu’il en coûte! Es-tu l’arbre qui cherche Entoi et soleil la force de grandir Es-tu l’arbre qui penche Son corps après la flamme Dans l’espoir de mourir ? ripiddu Ou l’armure qui m’enserre Ou l’amour qui me sert à te dire Dis-le moi, ou se cachent tes ailes Toi mon ile duelle Mon écho dans la voix … Eternisula A isse loche chi si suminerà Un’addisperu un’altra scelta Reghja bianca ti vecu muntagnà Sott’à lu sole o la saetta In un sognu ti tengu Isula tesa cum’è spera Attesa di la me bandera Scatenerà lu ventu Lu ventu! L’acqua venerà Granerà la terra Chi riscalderà L’ora cum’è cerra U to celu l’aghju vistu amparà Tanti suspiri è tanti acelli Quandu mai u tempu ti mucherà Chi la to forza si ribelli! In issu sognu ti tengu isula tesa cum’è spera Attesa di la me bandera Supraneghji lu tempu Lu tempu!! Tango Ti Tengu Chi voce hè, quella chi mi rammenta Un ballu scuru, abbraciatu da noi, Chi dice a la mo mente A pelle chi mi tocca U sguardu chi m’infrebba, U tango chi mi tene… Hè musica l’amore Hèpassu neru, chi ci leia a la sera Un’ochjata di stelle, a l’ombra di Gardel… Hè qualchi strina, a u sognu secretu Di u sintim’eternu in a stonda sincera. Chi tempu era, quellu chi tenia, In la mo strinta, a to prigione cara E cum’hè chi di colpu, u silenziu mi dole A to presenza tolta quandu tuttu ti vole… Hè musica l’amore, Hè passu fieru, chi ci leia a la notte Un’ochjata chi volta a lu to visu persu Hè qualchi giru, di issu ballu svanitu, Cum’un sintimu èternu In a stonda culpita… Quand’era noi dui Dimmi la propriu tu U mo core si stanca D’un ricordu ch’un hè piu Cala lu ghjornu Hè l’attrachju di l’ora, L’organettu sumena, a so voce chi mena, In giru è tornu, so partuti li passi E n’i bracci di l’altri Issu tango chi và!!! Quella Meia Verita Ti vogliu dichjarà Un’idea di vita Un orizont’in pettu Cum’un’alba famita Di sulie è d’acquata E d’arba carizzata Un’alba chi sarà A meia verità, a meia verità N’aghju girandulatu Terre fatte à pinseri N’aghju coltu è amatu Tempu corsu o strangeru Ma di locu fidatu Unu mi face fiatu Chi era è po sarà A meia verità, a meia verità Soffiu di ventu Natu à punente E sta la à sente A stella chi sarà Quella meia verità A meia verità Cum’un passu à l’amore Un abriu à li sensi Quandu u sguardu chi core Ti face l’ochji immensi Un’idea stracquata di filetta Scurdata A l’ombra d’a mo mente Di quale verità, a meia verità Straziu di ventu Natu à punente E stà la à sente A stella chi sarà Quella meia verità A meia verità… Terra è Ventu Temp’à i grechi purtendu l’alivi E i brami trosci di i so batteddi Nant’a issa tarra chi ferma meia I nosci ci erani Temp’à i guerri scalaticci Focu d’altru chi vene e piccia Temp’à spateri è ghjastimati Ci erani quiddi quinci nati E d’iddi po chi canteraghju Pastori quanti è marinari Suldati in circa di furtuna N’u pozzu piscador’di luna Di tutti i mammi i nosci erani Di legnu è ramu da quand’era Architetti di machji E scrittori di voci N’ani livatu armati E po muri à lu soli Temp’à issa vita dura Ch’è pensu di cunnoscia Cunniscendu issa storia scurticata A noscia A rumdu d’i so passi Sem’attippati qui A issu temu d’avali Micca solu d’i scossi Dati da mar’in là Da quiddi cuntinenti E cusi po sarà Chi pà issi tari i venti Solu sani passà Senza firmà ci nienti E nant’à li me loca Di strana puisia Di suvari di chjosi Di stantari à di stanti Ci so i nosci sempri Temp’à issa vita franta Qualissa sia a scossa E qualissa li venti… U Vaghjimu Di Missiavu Hè tempu di vaghjimu Di vaghjimu o missia L’arburi si so fatti d’oru U paesu si stà A fiancu à l’aria cheta Sarà tempu o missià Chi toma li parlessi Di u to ricurdà Ci hè fumu sopr’à i tetti Linzoli à i balcona E u soli à l’abbracciu Di l’orta è cataretti L’istati mancu mortu Pidda sempri li stretti A passughji pinsoni Ripiddu Ci so l’ombri di nanzi E l’omi d’oghji ghjorni Eru di issi zideddi Ch’avali si so omi Eri di iss’omi Chi oghji si so ombri Quali a saparà Piu càmè o missià? Tu à mezu à sti loca Quiddi di zitiddina La to voci cuddata Appressu à la to rima La to faccia pruvata D’ogni brama di vita L’ombra d’a to scarpata Nant’à issa tarra scritta Ci so nomi sulcati Tutti d’omi cascati Ma u celi m’affascia Se tu vicinu à tanti In la bughjura anta Ogni lumu si straccia Un passu di mimoria Hosanna In Excelsis Pà issi cori chi sunniavanu Di pace è sponde calme Cù le so speranze appese A isse tozze assuliate, Pà issi venti chi scatinavanu E mente di l’umani Di lé so idee armate Par un’antru lindumani Senti cum’eo pregu, cum’eo pregu. Hosanna, in excelsis Oghje un’anima hà u fretu Vedi un’anima hà u fretu Pà isse vite accugliate A e porte di u supranu E lè so quattru staghjoni Di ricordi a e nostre labbre Pà e stonde di a storia Chi scrivianu isse mane E tanti suspiri offerti A lu sognu chi s’alluntana Vedi ind’ù ni so li nostri tempi, Duri so li nostri tempi Hosanna, in excelsis In unitate Spiritus sanctis Senti cum’eo pregu Cum’eo pregu… Una Stella Per Fronte Sarà natu lu sole In manu à lu to paese E da tè si vulia pisà Nantu una terra ritrova Ernesto Che Guevara Da quand’hè Ch’ellu ci luce u to nome Chi conta Cum’una stella per fronte E Cuba diventa per tè Una notte prufonda è ribella Sarà stata la to vita Per un sognu di quelli immensi Sarà statu u to destinu Ancu piu chi cio chè tu pensi L’ora chi t’hà purtatu Hè diventata storia U to visu un ritrattu Cum’è u sguardu d’un’altra Memoria Cu a to stella per fronte… Toma es sol’un corazon Tenlo en tu mano Y quando llega el dia Abre tu mano, para que El sol, lo calliente |