 Donna dea |
| Fata d’amore Quandu miru li Sanguinari U sole tramonta, a muntagna hè bella Quandu miru li Sanguinari, Eiu sonniu à tè, à tè sunnierô … Si per mè cum’è l’alturaghja Cuperta di neve, cù un biancu velu Si per mè cum’è l’alturaghja, Eiu sonniu à tè, à tè, sunnierô … Si per mè la donna ideale Quella chi ognunu un ghjornu aspetta Si per mè, la donna ideale Eiu sonniu à tè, à tè sunnierô … Vogliu campà à cantu à tè Pè tutta una vita fatta d’amore Vogliu campà à cantu à tè, Eiu pensu à tè, à tè penserô … Vogliu dorme vicinu à tè, Quandu chi Falcina taglierà la fune Vogliu dorme vicinu à tè E à fiancu à tè, mi addunirô … Sô trè castelli Era un castellu appesu à lu tracone A rente à l’elpa curava à Liamone O Cinarchesi, curona di u rughjone I Corsi d’oghje pigliate à testitnone Ma l’acqua corre è canta lu tracone …. Sô trè castelli tutti à tamba di sole Cù fiumi è venti, anu armatu e so fole C’era un castellu ascosu in le grutelle I pinzi in tondu eranu sintinelle Signore Leca, ispartate e zitelle I Corsi d’oghje sô tante cialamelle U ventu spazza è sona in le grutelle C’era un castellu nant’à un mare di pini Cù centu archere è mille fantaccini O Vicerè, appruntate i mastini I Corsi d’oghje, semu bracchi o murini A spera d’oru accarezza li pini Mariola di a Rocca In li monti di la Rocca Culà nentru à u castellu U sole ùn si cala mai Pè issi omi tanti severi Per avè à quindeci anni, Sott’à l’ochji di u stranieru Purtatu l’acqua à la bocca Mariola hè trà ste petre Per sempre stu maladettu a si tene prigiunera Di sti lochi smimurati Mariola chi hè fatta schiava Un ghjornu chjama un acellu Per mandà lu à lu paese Dicerai, o bellu acellu Ch’ùn ne possu più di vive Frà tanti mori guerrieri L’anima ùn hà più dirittu … Per sempre stu maladettu a si tene prigiunera E precu lu me signore Di fà mi un bellu rigalu Dà mi l’ochji di st’acellu Per pudè vede a mo casa In lu paese d’Ulmetu, Un acellu volta è gira E sopr’à a listessa casa Cerca di fà si capisce I so ochji ùn sô più chjuchi Ma turchini è lacrimosi … Per sempre stu maladettu a si tene prigiunera Pensate sempre à Mariola Chi more nentru à ste petre Eiu li mandu quessu Fiore di lu mondu lu più bellu … Bandera mora Era un paisolu vestutu di dolu Toccu da u desertu, à gueru à campà Chi vulia vince a sorte chi stringhje A morte chi vola, a vole scaccià Per campà beatu cun fede è cun fiatu, Pensendu à u travagliu in cumunità Fighjendu l’avvenne, strappà e catene Cù in core un destinu ad ammaestrà … Era una bandera arritta è fiera Chi purtava a spera di a libertà Tutti adduniti, mai più banditi, Circhendu la via di a fraternità Era una nazione, fatta di passione Ch’ùn vulia more senza rinegà La lingua la soia, la terra la soia, Duve so l’antichi per l’eternità Era un generale, riccu d’ideale Chi vulia dà li a so identità Storia calpighjata, storia marturiata, Un ghjornu, hà da vene a serenità So omi di storia, so carchi di gloria So elli l’eroi chi ci vole à ricurdà Paoli l’altieru, Sambucucciu è Sampieru D’elli ne so fieru, è vogliu pensà Chi corsu steraghju finch’e camperaghju Cun fede è orgogliu è la dignità … Ghjochi Baddaremu a guerra in corti di a scola Suldati d’una stonda cù li scusali scuri … E lu prufumu longu di sta risa chi svola Sarà d’inchjostru amaru è di … cunfittura A spissu l’istatina, infiara l’aria bienna Da schjarisce in li visi, i nosci ochja ingriddati E tutti li sicreti spartuti dopu cena Ghjunti à li to labbra, so basgi impivarati Middi lumi d’arghjentu, di ramu è di mari In li vapori strani di la me zitiddina Un firmaia più nimu, era notti mi pari E puri la to voci era cussi vicina … E po veni lu tempu, più nudu è più sicretu Paru à li to ochji d’isuli ch’ùn so mei Chi ciambotta li sensa è lu cori più chetu Brusgendu par istrada u vanu di l’idei Mimoria vagabonda, immensa è fantina Inventa lindumani à senta lu so fiatu Ch’ormai i to ricorda ùn so chè pulvarina U focu ‘lli so ghjorna m’hà dighjà cunsumatu … Middi rimori dati com’è tanti pricheri E li sapori vani di cio chi ùn fù fattu Firmaiani li toi à di ch’è tù nun c’eri E tutti sti piaceri ch’eiu ùn t’aghju cuntatu Middi rimi circati par di à tremavoci Ch’eiu ti tinia caru ma l’anni si so persi Ti sianu cuncessi sta tarra è una croci E com’è tistamentu un pocu ci sti versi… Candida mamma Veni qui, o bà è posa una cria Parla mi di mamma, sparita tempi fà, Vecu in li to ochji morta l’alegria Ma lu nostru amore in core fermerà Parla mi di la so chjoma castagnina Li so ochji turchini, culor’di mare in là Conta mi la so bellezza vint’annina Dulcezza di core, nata per porghje è dà O mà, candidu fiore, O mà, duve si, o mà … Quale hè chi annannava e notte d’inguernu Cambiendu li turmenti in dolce campà Quandu mughjava a foce in paese à caternu Ella in casa nostra, sapia tuttu appacià Da ch’o mi ricordu di lu so dolce visu Inquatratu in salottu, sopr’à lu soffà Paria un anghjulellu calatu in paradisu Per sparghje amore è gioia à vuluntà Ormai riposi per quelle alte cunfine Mezu à tanti fiori, prufumi à vuluntà, Induve cantanu l’acelli in le verde chjarine Induve correnu li fiumi di l’eternità. San Petrone Cintu da lu castagnetu Da A Croce à A Salicetu Testimoniu è sentinella Cura tutta a Cursichella Ellu hà vissutu la storia Di la Corsica memoria Da Alandu la rivolta A Casabianca a cuncolta Da la Giraglia à Niolu Scopre ogni paisolu Si spasseghja in le campagne Franca tutte le muntagne Si cansa à le funtanelle Cunnosce tutte le stradelle E di li fiumi le sponde Di la furesta le fronde Ma stà à sente u lamentu Trascinatu da lu ventu Di li castagni nustrali Chi assaltanu i pettali E si sente à l’attrachjata Ind’è a machja intricciata U chjuchjulime di l’acelli E li fischi di li merli Da quassù vicinu à le stelle Addurmenta le caselle Di i mignulelli paesi Di la Castagnicci… appesi Imbarruffate Si ne era scurdata di l’ora, Anghjulina chjachjarava S’inzergava cù la nora, u rustitu si brusgiava A vechja è la figliastra s’imbarruffanu à tutt’ora Una cosa piglia l’altra è ne ghjunghjenu à bullore Anghjulina, a vechjetta, dumandava à Maria Compra mi una bissicletta per andà sinà Bastia … Aghju bisognu di panni per spassighjà in piazzetta A mo robba hà sett’anni, si ne ride Luisetta Cù le anche à cavichjolu, e spechjette à nant’à u nasu, Ti n’anderai à paghjolu è nimu ci ferà casu Ne si piena di malizia, voli ch’e stessi in cucina Eiu serva, eiu Maria, à curà ancu a cinina … Cù la vostra bissicletta, fate u giru di lu mondu, Pruvate cù Lisabetta, andate à lu prufondu Ne si corcia è faci a siesta, ti ne stai allungata Canti sempre è faci festa à lu bughju in sirinata A to lingua hè arruttata cum’è a falce di Pittistu Ne si sempre arrabbiata, a ti taglierà lu Cristu … Tù nun sai fà la minestra, ancu menu coce un ovu, Ne si sempre à la finestra à curà puttachju novu Maria andava in giardinu, micca per piantà pumate Ma fà coce lu so spinu, tutta la santa ghjurnata Ch’ellu sia imbrustulitu, cum’è mele à lu fornu, Ne serà cusi finitu, ùn ci serà più ritornu … Paye efye to treno Svise t’asteri tou voria Stin aniforia K’ena potami fotino Kilai ston ourano Kimounte akoma ta pedia Mesa stin rodia Ke m’ena thakry fotino Ta matia tous filo… Pai efiye to treno, efiyes k’esi Stalaymatia chrisi, stalaymatia chrisi Pai hathikes to treno, hathikes k’esi Se yalano nisi, se yalano nisi… Pires ap to kalokeri Stor mikro sou cheri To lambero t’asteri Ke piyes s’ali yi M’onira ke yo piyeno Na se perimeno Nero stamatimeno Se throseri piyi… Si ne nè andatu u trenu E stelle di u Settentrione Si ne so svanite à l’arrèmbu di a culletta U fiume chi spampilleghja Corre versu u celu… I zitelli dormenu Sott’à i milangrani E basgiu i so ochji Una lacrima lucida nant’à a maschietta … u trénu si ne hè andatu E tù dinu La mio scaglia d’oru U trenu hè smaritu E tu dinu Versu un isula celesta … Cù a to manuccia Ai pigliatu l’estate A luce di a stella Po si partuta versu d’altre cunfine lnd’un sognu T’aspetteraghju Stancendu l’acqua fresca Di u fiumicellu Si ne hè andatu u trenu E tù dinù La mlo scaglia d’oru … A Morra cantata Cinque la morra, nun fà dirulleru Ottu la morra, nun fà dirullà Sei la morra, o lallalleru Quattru la morra, o lallallà … Tutta murrina, murrina murri Sei murrina, murrina murrà Ci si falatu, lalleru lalleru Marca la fine, o lallallà … Sette la morra, nun fà dirulleru, Cinque cinquanta, o lallallà Larga la manu, o lallalleru Larga la manu, o lallallà Ci si falatu, lalleru lalleru T’aghju piscatu, lalleru lallà Avà quill’altru, o lallalleru Ci falerà, o lallallà … Avemu vintu, o lallalleru Avemu vintu, o lallallà O Catali, arricate lu vinu, O Catali, lu feremu falà … Malacella Malacella, tù chi canti, d’istatina à lu cilenti Ti mireti pochi vanti, pà li to virsetti quenti Ch’insitinisci la carri, da fà sbuttà li turmenti… Ci ai intilatu lu cori, ci ai ficcatu un pernu Acillaccia maladetta, scatulita da l’infernu, Quandi tù ti sfochi tù, caschemu in lu to guvernu … Acella di Satanassu, t’aghju intesu troppu sere, Cù lu fraiu di lu fiume è l’ughjuli di e mazzere Di tante case in paese, ai spentu le lumere … Ghjastimà vogliu per sempre, La sterpa di e malacelle Ci ai fattu tante pene è tante case urfanelle N’anu toltu ancu li sensi à le più belle zitelle … Svita da le nostre loche, ch’ellu campi lu rughjone Ch’elli compiinu in eternu, Malacella, e to canzone E forse ritruveremu quellu sindu è quella unione … O Missè O Missè, le vostre mani Dillicate cum’è seta Parianu fatte à posta Per tuccà ne la pianeta O Missè, le vostre mani Dolce è bianche cum’è ale Parianu fatte à posta Per stringhje ne lu missale O Missè, le vostre mani Eranu fili d’argentu Parianu fatte à posta Per pisà lu sacramentu O Missè, le vostre mani Mi parianu tesori Parianu fatte à posta Per tene u calice d’oru O Missè, le vostre mani Eranu cum’è un surrisu Parianu fatte à posta Per tuccà lu Paradisu O Missè, le vostre mani … Eranu mani di … santu Frosti Corri corri scurriata, ch’alliscicheghja a pianura Quandu ogni falciata hè di segnu è di fattura Sona sona a franchera, sfulfariccia in viaghju Pastore in muntagnera, timpani è ciucciabbaghju, Lampa lampa u chjuvale, à l’ora di l’annacquere Quandu in ogni vicale, à u pustime li rinchere Corri corri … sona sona … lampa lampa …! Crocca crocca a ghjallina strifina u chjucu è lu maglione Frumiteghja ogni fera chi a iss’ore di caldione Chi a sciappittana si sente da luntanu In tempu di castagnera è sempre a spurtellu in manu Sguilla sguilla la candella longu a ogni filu Sottu à la piuvicinella versu l’acellu chi hè persu Crocca crocca… frumiteghja … sguilla sguilla… Pichja pichja la pidata di u scarpu stacchittatu Nant’à la neve cutrata sottà lu celu stellatu Corna corna la vittura di u fattore aspittata Rumichendu la primura di la missiva sperata Senti senti cio chi n’hè, quandu lu vechju si tace Cio chi in lu so sguardu hè, cio chi la so mane face Pichja pichja…Corna corna…Senti senti… Chjama chjama u vuciume di quellu amore svanitu Hè tamantu dulciume in lu presente feritu Gira gira lu rilogiu, acu chi di più si sente Firmatu sotu in alloghju, spichjarunendu la mente Senti senti i scaccanumi di a felice niscentria Ch’elli s’accendenu i lumi per l’avvene è la so via Chjama chjama… gira gira … Senti senti … Senti senti … Senti senti… Vennere Di tè vogliu furzà Le più secrete porte Entre per discità le più arcane forze Dà mi la manu Per li to verdi chjassi Cun furia è cun fracassi Per dissità mi à la to fonte E annigà mi in li to alpali fondi Per li to spinzi tondi Sazii d’amore è di piacè … Di tè vogliu francà le più folte guagline E crosciu, attippà li to monti è marine Dà mi la manu Per la to selva oscura In brama di primura Per gode l’ingannu piacè Dà mi la manu Scatena li furori muscanti à l’albori Dissazià mi infin’di tê .. Di tè, vogliu discioglie l’ardente capillera E tanti lacci fà per dumà la mio fera Dà mi la manu Per lu foscu rinale. di Vennere u pughjale, Frantu ê colmu di piacé Dà mi la manu Dopu sti dolci affanni Dà mi li to vint’anni E belle stonde inseme à tè. |