 E stonde di l’anni |
| Canzona vagabonda Una fata peregrina s’hè calata in lu mio core Ella guida la mio strada con furtuna è cun amore Corre corre all’infinita u ventu di la mio vita Corre corre all’infinita u ventu di la mio vita Cum’è pane d’ogni ghjornu aghju una sporta di stelle Per a luna è per u sole scrivu le mio riturnelle Corre corre all’infinita u ventu di la mio vita Corre corre all’infinita u ventu di la mio vita Quandu d’inguernu la neve mi trova per iss’alte cime Cercu sempre qualch’agrottu per finisce le mio rime Corre corre all’infinita u ventu di la mio vita Corre corre all’infinita u ventu di la mio vita Cum’è sposa aghju una musa, cum’è lettu aghju la terra E le mio sole cunfine sò la muntagna e la serra Canta canta all’infinita u ventu di la mio vita Corre corre all’infinita u ventu di la mio vita Un filu di melodia Quandi a galoppu saratu U cavallu di a to vita Di caldu e di fredu mugatu Corre in la cità impazzita T’aiuta a ripiglià fiatu Quella musica svanita Un filu di mdodia Chi vene a rinfrisca l’anni Una stonda di magia Per guari li to malanni Quandu torna a zitellina A pigliatti per la manu Nantu a un onda chiara è fina Per andà in tempu luntanu Quandu s’arremba lu male A l’alba di e to passione Quandi un lettu d’ospidale Ti coglie per u stradone S’accende cume un fanale A memoria testimone Un filu di melodia Chi vene a rinfriscà l’anni Un ansciu di nustalgià Eccu li I to quindeci anni Quandu torna a zitellina A pigliatti per la manu Nantu a un onda chiara e fina Pe andà in tempu luntanu Quandi un lumesi more A l’angoscia di i to ghjorni Ti vene un batticore Si spenghjenu li to forni Hè tandu chi sopra l’ore Cantanu qualchi frastorni Un filu di melodia C’hi vene a rinfrisca l’anni Un mazzulu d’armunia Per cancellà tant’inganni Quandu torna a zitellina A pigliatti per la manu Nantu a un onda chiara e fina Per anda in tempu luntanu U tango di rosetta O cumpà ti n’arricordi quelli balli Da u circondu ghjunghjianu centu cavalli Intesu u primu sunettu di cumparsita U paese intieru cambiava di vita Tuttu u mondu s’accupiava in quattru salti Vultulavanu i capelli è li tacchi alti E Rosetta si facia un tango C’un monsieur comme il faut Era l’ora di cacciassi ogni vergogna Mezu à i vapori di l’acqua di cologna A vinaccia s’intrecciava à le zampate I bicchjeri s’infilavanu è le cascate L’orgoliu ùn n’era più chè ghjelusia Quandi l’una vidia l’altra in cumpagnia E Rosetta si facia un tango C’un monsieur comme il faut Era u tempu di u sintimu u più stranu Quandu in l’ombra ci pigliavamu la manu Era mele quellu son’ di viulinu I zitelli ci scherzavanu avvicinu Ghjacumina cannuchjalava e so figliole Cun quelli occhji chì parianu pistole E Rosetta si facia un tango C’un monsieur comme il faut Oghje sò smariti balli è urganetti Un n’hè più tempu di festa è di sunetti Di u seculu mutanu e fantesie I giovani, ùn ballanu più chè pazzie Un si vede più capelli ne tacchi alti Sò scappati li nostri usi in quattru salti E spaisata Rosetta in un tango, C’un monsieur comme il faut U divurziatu Venuta hè l’ora di a porta chjosa Di l’angoscia mia finita C’hè qualchi lacrima furiosa Chi à la notte si marita È una sperenza ghjelosa Chi stringhe una ombra smarita. Riturnellu È ti voltanu e stonde Di u cumunu chi s »hè scioltu Da core dolce à core crudu Da u lettu nidu à u lettu nudu lnduve si cunsuma una vita. Da core pienu à core mortu Da u lettu casa à u lettu viotu Induve si cunsuma una vita. È d »esse solu u spavecchju Pianu s’intreccia à e to pene Trascini davanti à u specchju A to carne senza vene Chi a paura d’esse già vecchju Di tantu in tantu ti vene. Di u ghjornu u più fatale Stai aspettendu u dispacciu Per ghjunghje in tribunale A pruvà l »ultimu abbracciu Chi di disfatta finale Ti sarà un antru lacciu. Sottu a lu ponte Sottu à lu ponte ci luce la luna E stelle in celu ùn ne manca mancu una Dormi, In li castagni si lagna lu ventu U nostru focu sarà prestu spentu Dormi. In una casa ma quale sarà Batti lu stacciu è si sente cantà Dormi, U ghjattu maiò s’alliscia lu mustacciu Cala la notte si cheta lu stacciu Dormi. Sò tanti mesi chè no simu sole A guerra hà pigliatu i babbi à e figliole Dormi, Mi sente lu core è ùn ne possu più Lascia pienghje à mè sta sera ma tù Dormi. Un passu verdi u celu À tè sò l’ochji di l’alba è la prima riturnella Chì t’accende core in pettu nantu à a strada la più bella Quandu s’atteppa lu passu trà ghjinèparu è murzella À tè sò li verdi chjassi, l’onde chjare di e puzzine In gioia sò ghjàllicu è bassu, e taccule canterine Chì vanu à cercà l’eternu sin’a le bianche cunfine Quì si riposa lu ghjornu à l’ombra di qualchi fiore A piverella è mintrastu hà furatu tant’odore Per andà à truvà la notte è dumandalli l’amore Quì sò li venti scherzosi chì pettinanu le cime Di nebbia arriciulita ind’un stranu fischjulime Quandi a furesta si veste per e stonde di vaghjime Avà sò le neve ardente, a to richezza infinita Falata da l’alte sponde cume fata insunnulita À quale tù dai l’anellu per imbellisce la to vita Perche cantu Pé li ghjorni di maghju Arrembatti á u celu E la to notte scema Di liberta fiurita Pé u pane á tavula Duve luce un candelu Chi tradisce lu silenziu Di a ghjenti addunita Di a ghjenti addunita Cantu Pé u figliu eternu Chi un soffiu riterne Nantu e napre veghje Dopu á lu paternostru Pé e petre di u solcu Chi ingonfianu le vele Quandi u soli di troppu A u sudori inghjostru A u sudori inghjostru Cantu Pé e stonde á a scola Quandi a mente corre Pé e perle confine Di a prima carezza Pé i ghjochi á piazza Un ballo pé amore E la strana striura Di a prima tristezza Di a prima tristezza Cantu Pé l’errante chi vene A beia á a to funtana Pé u suldatu persu Tombu á la so spada Pé u cantu di e cime nantu a la tramuntana pé a culomba viva chi t’insegna la strada chi t’insegna la strada Cantu L’affissu Guarda fratellu A vigna luminosa Trisineghja di vita A l’orizonte acesu Cume un solcu d’argentu Chi una manu marita A un’viaghju apesu A un’viaghju apesu. Cusi bella terra duve dumane (eo) mi ne vo. Cusi bella terra Duve dumane (eo) mi ne vo. Guarda fratellu D’un paisanu mutu S’arrichisce u suore Di e cugliere cumune S’infrebba l’operaiu Per un cantu amore Da rompe centu fune Da rompe centu fune. Cusi bella terra Duve dumane (eo) mi ne vo. Guarda fratellu Nant’à un’erba fiurita S’accampa u to destinu Per fighjà l’eternu E m’incanta di gioia Un sguardu zitellinu Postu nant’a un’quaternu Postu nant’a un’quaternu. Cusi bella terra Duve dumane (eo) mi ne vo. Guarda fratellu A l’alba di a to notte E teneru l’affisu Che t’un peccia u muru Scrittu à l’inchjostru rossu A strughje quell’affissu D’un tempu tropu duru D’un tempu tropu duru. Cusi bella terra Duve dumane (eo) mi ne vo. A tanaglia Vedi, Ci so li ghjorni Scritti à u focu Di a pena Chi sumena In ogni locu Di vita I so forni. A fronda scema infredulita In core di decembre hè cascata Cume una lumera malata Da la santa fiara tradita A cunosci tù a miseria ? A crepa tempu lu dulore Cume una strega di rapina Corre u mio sognu in ruina E s’intana in lu mio core A cunosci tù a miseria ? ln u paese marturiatu Carchi d ‘angoscia. agghjumellati Ci correnu tanti sullati Di l’universu disgraziatu A cunoscu eo a miseria. Di tè È mi ferma di tè, un surrisu secretu Chì cerca in lu mio pettu, l’ardente zitellina. È mi ferma di tè, a chjoma luminosa Di una stella ascosa, cascata in la matina. È chì vene à l’incontru di a mio vita. È mi ferma di tè, cume un ricordu santu Chì cerca lu so cantu, in la tomba smaritu. È mi ferma di tè, u ventu chì s’intesta À spuglià la furesta, à l’auturnu finitu. È chì vene à l’incontru di a mio vita. È mi ferma di tè, u fiume maestosu Chì fala furiosu, à l’assaltu di e piane. È mi ferma di tè, quella dolce carezza Chì scacciava a tristezza, di ogni lindumane. È chì vene à l’incontru di a mio vita. È mi ferma di tè, quella làcrima amara Di una zitella cara, chì cerca un destinu. È mi ferma di tè, quella ferita vechja Chì ogni tantu si spechja, nantu à lu mio caminu. È chì vene à ripiglià la mio vita. Cantu per un omu liberu A l’ultime biade C’hè passata un’ombra Chi cercava à tè Nantu a e rosse strade A lume d’oriente Ci pienghje la ghjente Sarà mortu un rè ? In le case spente C’hè passata un’ombra Chi cercava à tè Nantu à un muru ardente S’hè persa una fola Nimu ùn si cunsola Sarà mortu un rè ? In borgu luntanu C’hè passata un’ombra Chi cercava à tè lnd’un tempiu stranu Una l uce trema Ci strida una scema Sarà mortu un rè ? A l’orlu d’un fiume C’hè passata un’ombra Chi cercava à tè Nantu à e bianche sciume Ci corre un battellu ln cerca d’anellu Sarà mortu un rè ? Eo ùn so che di tè Omu liberu Eo, un so che di tè Da u ghjornu di a ferita Fin à la notte infinita Seguitava l’ombra chi cercava à tè Seguitava l’ombra chi cerca va à tè. Amandulu fiuritu Amandula fiuritu Inzicculatu à cotru Si sbucciatu di un colpu In la notte Cum’è una fucilata Surghjente saltarina Cristallu di fiscola Si zirlata di un colpu in la notte Cum’è una fucilata Arietta veraninca Fola da anime sole Si picciata di un colpu in la notte Cum’è una fucilata Amore zitellescu Fattu à coppiu è nescu Amandulu spugliatu Arietta secca cum’è una ficilata Scala d’inganni dolci Spezzati in mille sensi Amarezza d’un colpu in una notte Cum’è una scaccanata Cuscenze intustate Fede à vede tissute Cù e mani di l’anni U tempu hè biancu è neru Hè bella a notte Cum’è a sfiuricciata di l’esse A canzona di u viaghju Ti portu per la manu in lu mio mondu Quellu di la bianca alta muntagna Da l’Alcudina fiera à lu Ritondu Induve ci stà lu falcu cù l’altagna. Ti portu à sente cantà la furesta Imbalsamata è pura quand’hè l’ora Quandu l’acellu à u nidu salta in festa È chì lu mio muvrone s’innamora. Ùn ai mai vistu in locu iste zitelle Chì vanu à l’attrachjata à la funtana Tenendu forte in capu le tinelle È chì sona la sera à la campana. Ti portu à sente batte la rustaghja Chì canta in ogni chjassu à lu veranu Ti portu à vede luce u tribbiu in l’aghja Chì chjama ogni famiglia à piglià granu. Ti portu à vede l’omu in la campagna Chì pone la so piola in ogni locu Mentre la neve copre la muntagna È chì in ogni casale canta u focu. Mi piace à sente cantà ista canzona Chì parla di a rivolta di l’umanu È canta cusì forte chì risona Disceta la speranza in la mio manu. Ditti lu ghiornu Ditti lu ghjornu Quellu di l’occhji assuliati E di u core prufumatu nantu a l’erba croscia Ditti lu ghjornu Quellu di a vazza lucente E di u trifogliu calatu nantu a le stonde d’aprile Ditti lu ghjornu Quellu di a vigna nova E di l’arbitru serenu nantu a u chjassu di l’anni Ditti lu ghjornu Quellu di a brisa calma E di u grillu vagabondu nantu a i basgi d’istatina Ditti lu ghjornu Quellu di u fenu teneru E di a zitella surridente nantu a l’onde maliziose Ditti lu ghjornu Quellu di u focu accesu E di un cantu àbbandunatu… Nantu a i capelli di a notte |