 Passi di vita |
| U lamentu di Fiaschetta Prima di più ch’avà omi è Anmali eranu avvizzati à Campichjà inseme. hè sta Rilazionè chi hè messa in Ballu qui cù una cagna. Chjudite mi issi purtelli E ferrachjoni à e porte Solu volu ghjestimà E malati a so morte Lasciate mi puru pienghje Oghje a mio pena hè forte. Quand’elle seranu triste E caccie senza Fiaschetta Ch’ella si murissi ella Nimu l’averia detta Quella gattiva pustema Ch’ella sia maladetta. Mi fermerà sempre in mente Quellu ghjornu di li santi Babbu tiro à lu cignale Chi ti curriva davanti Fù la to ultima corsa Dopu avvene mossu tanti. Quassù vicinu à Diana In paese di lu Tribbiolu Avà riposi per sempre E eo portu lu dolu Di ma mio cuchja più cara Ricchezza d’un machjaghjolu. E nascite Un sintimu stranu mà Attempau sebbiatu si face nascitoghju S’è oghje fieru aghju scrittu stu cantu Eo l’aghju scrittu carucci per voi Per tanta gioia d’avevvi à cantu Tuttu l’amore chi ci date à noi Si tù mascucciu venutu lu primu Quandu curria à caccia quassù Cusi affanate ùn vedite à nimu Chi lu mio core ùn ne pudia più Dopu pigliatu in furia a vittura Eo so corsu prestu versu tè Di a stanchezza ùn avia primura Perchè sta mane era natu lu mio rè Tu reginella si nata di veranu Messe d’aprile hè tempu di lu fiore Ma cum’è quellu racoltu in lu pianu Si fresche è puru è si lu nostru amore Li to ochji colmi di tante dulcezze Caruccia sai scimiscenu à tutti Quandu scuprimu tamante bellezze Ci danu a brama cum’è dolci frutti Oghje currite in le strette suprane Simu felice sapete lu perchè In sti surrisi in sti sguardi in ste grane Ognunu spera sumiglia di sé Culomba Sempre quassu pè issa punta Cavalchendu à culomba, Quandu l’alba chjara spunta Eo mi fermu una stonda Per scopre à moriani L’Orezza è l’Alisgiani. In stu fieru di paradisu Di scogliu è di verdura Instu mondu indecisu Chi ci hà dattu a natura Vecu in fondu di vurgata A nostra piaghja malata. Qualà à punta Trè Pieve Duve ci tene un lucale Duve ci tene a neva Passatu u tempurale Face cresce e surghjente Chi ci cotranu i denti Ci hè ancu Monte Castellu Incù la so pretenzione Face scarze u so fratellu U scogliu di Felicione A rasa bella pilata Da tante ch’ella hè brusgiata. L’avete induvinata Cù a Punta di l’Olmelli Dopu a sta longa cullata So stanchi ancu l’acelli Mà chi currà a muntagna Induve ci vole l’altagna. O la mio muntagna cara Si pienna di puesia A to aria pura è chjara Guarisce ogni maladia Si bella cume e stelle Chi campi vicinu à elle. Tù si Tu si, Cum’una terra di qui Cum’un silenziu a di Cum’una forza di impidita Prontu à dà di a so vita. Tu si, cume i loghi di qui Chi fannu maghjà è di Nant’à a più alta stella A terra corsa hè bella. Tu si, cume una voce di qui Chi canta sempre per di Chi nostra storia cumuna Camper a l’antiluna. Tu si, u ventu di qui Chi soffia sempre per di Da Kalistè à l’infernu Libertà in sempiternu. Tu si, cum’una storia di qui Chi si scuzzula per di Arritti o isulani Ci vole à pisa è mani. Mare d’argentu Mare d’argentu, veni à ballà cù lu ventu. E porta cullà e centu cime di lu vaghjime. Mare d’argentu, trà e to sciume cume lu pientu. Sbocca lu fiume falla furiosu è di viziosu. Mare d’argentu, l’ai capita, ch’ogni mumentu Di la to vita sbuccia à l’albore, è cresce l’amore. Mare d’argentu, sta riturnella, ùn hè lamentu, Mancu paghjella, solu una prova di vita nova. Paghjella Quandu m’arrizzu a mane E ch’eo ne vegu lu sole. Ch’ell’hè nant’à a muntagna Quella di lu San Petrone. Mà c’hè tamanta distenza C’ùn si po mancu discore. Brunetta Brunetta datti curagiu Chi da qui s’apre lu cantu Li scherzi chi tù m’ai fattu Per tè li vogliu da cantu Ma sinceru cum’è mè ne Un ne truverai un antru. N’aghju un chjodu in lu mio core Di marvellu ribattutu Signore datemi forza Madonna datemi aiutu Per penghje è per suspirà ne Per mè n’hè tempu perdutu. Lu nostru amore Quantu pocu n’h’è duratu Hè cumminciatu d’aprile Di maghju hè terminatu Hà fattu cum’hè a scopa Hà fiuritu è ùn hè granatu. Chi tù n’andave à e legne Era più d’una simana Oghje cù lu mio permessu N’ai empiutu una tramezana Un ti vogliu più accumpagnane Mancu andendu à la funtana. Turneremu à ripigliane Brunetta u nostru amore N’ùn ci vole medicina Nè visite di u duttore Abbasta ch’è tù m’accordi Un cantu in lu to core. O ma parlami corsu Aio o mà parlami corsu A ti dumandu pè piace Sai ch’ellu mi ghjerba troppu E bramu d’amparallu da tè Un vogliu esse un saccu viotu Mà quellu pienu di sapè. Aio mà parlami corsu Un’hè che da tè ch’o l’aspettu Un mi tene altru discorsu Pè dispiaciami u t’affettu Aio veni à u mio succorsu Un sghisgia micca lu suggettu. Parlami a lingua materna Ghunta da l’alta antichita E per ch’ella dimori eterna Aio parlami corsu o mà Què a ti dumandu pè strenna Cumè unica eredita. Falla cresce a mio cultura Da umana vogliu avanza Alluntanami a vughjura Di a ghorente oscurita Imparami a lingua pura Ch’o a possi transmette o mà. Isula umana O corsica l’ai capita Un c’hè ch’una sola uscita Per alzatti sempre di più Fà piazza à é to ghjunventù E inzufulata di virtu Riturnella O Kalistè pumposa è bella U sguardu di l’umanu Chi l’avvene t’hà prumessu Idèé larghe è pugna forte Impieghjeranu ci per dumane A un onestu stenta pane Per vive in e cunfine nostre E tradizioni paisani Riturnella Un bellu paviglione azuru Sventuleghja in stu celu puru E e so nomerose stelle So e proprie caliginelle Preludiu d’un grende futuru Annunzziu d’alba ghjuste è belle Riturnella Auropa potente è fiera Apacifica messagera Tù a nostra nazione nova D’accolta da di ne a prova Fendu nantu à a to bandiera Una piazza à a testa mora Revoluzione Anu scrittu una storia Di sangue è di rimorsi Pienghjimu a memoria Nant’à a petra di li morti Un annu da sguassà Sette centu sessanta nove Un pesu à lampà Per i ghjorni di piove Riturnella Revoluzione A chjama di e nostre prigione Revoluzione Per un pugnu di liberazione Era una nazione Prima di sta via A fà l’instituzione Di a democrazia U populu unitu Cantava l’allegria Avà chi hè feritu Prega sempre Maria Riturnella Curagiu chi un ghjornu Seremu una nazione Per què alzemu pugnu Di a liberazione Arritti ghjuvannotti Ghjustu per una volta Arritti ghjuvannotti Per l’ultima rivolta Riturnella Viaghja luntana Canta supranu Chi porghje una manu Versi puetichi Di rime magiche Idillia di focu Chi empie stu locu Di l’armunia Senza calbia di via Riturnella Viaghja, viaghja E viaghja luntanu U cantu, stu cantu Di pulifunia Armunia divine Di u mio paese E viaghja luntanu Forza giganta Chi sente è chi canta Mille voce putenti Mandati pè i venti Innu a l’amore Chi piglia lu core E po arreste l’ore Quandu cantu l’onore Riturnella Cantu supranu Chi porghje una manu Quand’ella ti chjappa Ti senti umanu |