![]() Amparate mi à cantà |
Una sera in paese E porte sò aperte È ci hè a ghjente fora Si sente cantichjà Hè cusì dolce l’ora U sole hè per ciuttà Ma ùn hè ancu l’ora Una tintenna sona À mezu à u luntanu È i foi in muntagna Anu u sonnu pianu Di chì ùn teme dumane Quandu i ghjorni vanu Avà sona a meza In cim’à u campanile A sera di l’estate Mi pare veranile Cum’hè bella a stonda D’una pace gentile È s’accoglienu tutti U vechju è a zitella À chì conta à chì ride Eppo a prima stella Affacca pianu pianu È luce à ‘ssa più bella Si sente a presenza A gioia trattenuta Di chì misse e sime À ´sse casette chjuche Ma cù cori tamanti Di tant’amore empiuti È u tempu hè appesu Chì ùn esiste più Cum’un fiatu di ventu Un suspiru dinù O l’alitu leggeru Di l’anima quassù Amparate mi à cantà Dì vi stu pocu Chì face l’assai À voce rivolta Dì vi ciò ch’ognunu Pensa pianu Dì la cun voi Ciò ch’intreccia u noi Cun rima o zenza rima Dì vi oghje eri è dumane Amparate mi à cantà S’ella c’entre ùn fughje mai Di a mente una canzona Vogliu anch’eu suminà Amparate mi à cantà Dì vi l’amore U primu è po quellu Chì salla è face batte Dui cori in accordu U primu stridu Nant’à u senu Di una mamma Chì hà fattu nasce vita Dì vi ste lingue Ch’innalzanu populi È ste culombe chì stendenu voli Dì vi chì l’usi facenu lege È po… Dì vi a mo pena S’aghju fattu qualchì pena S’o era la voce S’o era un battellu chi mi ne vulia anda A’ sulcà i mari tanti u mondu ne hà Francà strittoni è canali Spechjammi a sole è fanali E’ andà navigà zenza mai rifiatà S’o era un acellu chi mi ne vulia vudà A’ frisgià i celi tanti u mondu ne hà Gira e sette chjapelle Carizzà d’ale e stelle E’ vulà stantara zenza mai rifiatà S’o era a voce chi vulia ribumba In ogni pese è pè tutte e cità Fa sapè ancu a u ventu Ch’ellu hè finitu u pientu E’ cantà libertà zenza mai rifiatà S’o era a voce À dì ti Dopu avè giratu pè issu mondu E esse scalatu in centu lati Senza mai riposu nè rifiati Eo lu smaritu avà rispondu So ghjuntu à di ti I mo viaghji I mo verani Si tù L’anni so passati, tempu fila Da tanti stalvati è le stagioni Mi ne tornu oghje à i mo cantoni I mo ricordi so centu mila So ghjuntu à di ti I mo viaghji I mo verani Sta torna à pena N’avia torna tantu a ditti U tempu he statu troppu pocu Ci simu guasi stati zitti E’digia si ne va lu ghjornu Vurria ave un’antra stonda Tu mi parlesse di te Duve ne piglia u to core? Vurria ave un’antra stonda E’ditti che tu si per me Ricordu chi un si vole more Sta torna a pena Sta torna a pena N’avia torna tantu a ditti L’aghju aspettatu issu ritornu Ci simu guasi stati zitti E’digia si ne va lu ghjornu Si n’he finita a nostra storia Cum’ella finisce a notte Zenza dumandacci perche Ma eiu di a mo memoria Un possu chjodene e porte Calati qui vicinu a me Sta torna a pena Sta torna a pena Ancu tù Qui hè muru francatu purtone sbalancatu Qui hè fruntiera aperta Corre corre l’idea chi pè pianetta Terra Hè tempu di spulera Ogni spica mundata u to dumane sia Di libertà sudata libertà duiemila Duiemila rispiru di mondu in giuventu in giuventu si vivu ancu tu Da levante à punente à chi a vole sente Si rinnova ogni via Zenza piu nostalgia di u tempu passatu Di sonniu trasandatu Ogni spica mundata u to dumane sia Di libertà sudata libertà duiemila Duiemila rispiru di mondu in giuventu in giuventu si vivu ancu tu Da cismonte à pumonte ancu tu fatti sente Ribombi a to chjama Dilla quantu si in brama d’un trascinà piu trave D’inventà e to strade Ogni spica mundata u to dumane sia Di libertà sudata libertà duiemila Duiemila rispiru di mondu in giuventu in giuventu si vivu ancu tu Innamurichjate In principiu d’estate So a fa passa è veni Cun rise è scaccanate E’mi punti è mi teni U ballucciu a da apre Anu u batticore Prime stonde incantate Primi sguardi d’amore Primi sguardi d’amore Ella s’ha messu Camisgiulella Un fiore in pettu Una spusella Ellu sbilancia Tuttu cummossu Zenza caccia li l’ ochji d’a dossu E scappate a u mare Cu e notti stellate E pinucce d’amore Quandu compie l’estate Scrivi manda nutuzie Fatti vivu ogni tantu Tu un basgiu stampatu Nantu a un fugliucciu biancu Nantu a un fugliucciu biancu Ella s’ha messu Camisgiulella Un fiore in pettu Una spusella Ellu sbilancia Tuttu cummossu Zenza caccia li l’ ochji d’a dossu Tempu Sentu sempre a pelle di e to mani Ch’elli passinu puru i verani E po l’ore E po l’ore E po l ‘ore, si ponu more l’ore Basta ch’o chjodi l’ochji appena A sentu è cala a mo pena Hè luntanu, hè luntanu Issu tempu iè a so hè vera Hè luntanu, hè luntanu Ma t’aghju accantu ancu sta sera Sentu sempre u caldu di i to basgi Chi m’hà datu è mi dà tanti curagi Ogni ghjornu Ogni ghjornu Ogni ghjornu, chi passa ogni ghjornu Basta ch’o chjodi l’ochji appena U sentu è cala a mo pena Hè luntanu, hè luntanu Issu tempu iè a sà hè vera Hè luntanu, hè luntanu Ma t’aghju accantu ancu sta sera Sò d’indè mè Si so allevati pè i mo rughjoni So speranze scritte di i mo dumani A’ puntu so pronti à da primi frutti Ingurdizia di sempre i ti voli tutti Sti giuvanotti so d’inde me Ne voli dui ne voli tre Ne voli quant’e lu ci n’he Qualessi i patti ch ‘è n’emu cacciatu Duv’hè stata scritta chi di ü mo fiatu Ti n’affiaterie smisuratu orgogliu Arrichendu inghjulia pientu è santauliu Sti giuvanotti so d’inde me Ne voli dui ne voli tre Ne voli quant’e lu ci n’he Si so allevati pè i mo rughjoni Aperta hè a strada ancu à viaghjoni Ma si di fà ceppu qui n’ anu a brama Ne rispondu eiu è facciu da mamma Sti giuvanotti so d’inde me Ne voli dui ne voli tre Ne voli quant’e lu ci n’he Di quì Appena più di sole in le nostre e case Falatu da u celu è cum’è rigalatu Dopu à tanti penseri E à l’angosce d’eri Crede torna à e fate inseme cù i mei Di qui, di qui, Simu di qui Appena più d’amore in li nostri i cori Prufumatu di gioia un surrisu di toiu Natu nantu e to labbre Cum’è flore chi s’apre Cum’è l’ore cantate inseme cù i mei Di qui, di qui, Simu di qui Golu Monte Cintu mi da e friscura e purezza Falgu salti saltendu da teppa a cutalone So u fiume so Golu di fole e di passione Ma pocu a te ti preme o Senna a te fiumone Tra sciappali e strittoni sboccu in la scala santa Quassu l’altagna in volu quaio a pescia lesta Ci si colla in Niolu a prega o fa festa Ma pocu a te ti preme o Senna a mo gesta I mo ponti in un tempu Ponte Altu e Ponte Novu Purtavanu i passi di i mo figliuloni I toi ci so ghjunti cun fucili e cannoni Ma pocu a te ti preme so ne portu u dolu E meie e fiumare sbarsanu u so lagnu In una foce turchina mare mediterraniu Ci si pesa u sole cum’e au primu ghjornu Ma pocu a te ti preme o Senna u mo sonniu U mo sonniu di corre da Monte Cintu a mare Cantendu a canzone di chi m’ha fattu fiume S’ellu ci he un dumane di pace a meze scume Parla ne inseme o Senna parla ne fiume a fiume Si parte Si parte quand’è lu si po Si dice inno si dice aio So ghjucate tutte e carte Un ci vale piu nisun arte Si dice inno inno è po Postu chi un ghjornu ci vole à parte Si parte quand’è lu si po Si campa cum’è lu si po Un s’hè inno padroni in altro A cità ingorda vi s’accampa Vi lascia frantu à ogni franta Si dice inno inno è po Postu chi culandi si campa Si campa cum’è lu si po Si volta quant’è lu si po A’ capu in su à capu in ghjo A’ vita persa 0 frusta 0 colta Cum’è a i tempi d’una volta Si dice inno inno è po Postu chi s’hè fidi è si volta Si volta quant’è lu si po Si cheta quant’è lu si po Si dice inno si dice aio Ma quandu ogni speranza hè tolta Si pesa un ventu di rivolta Si mughja inno inno è po Postu ch ‘ellu soffia à a lolta Si lotta quant’è lu si po Si lotta quant’è lu si po Pè parte quand’è lu si volte Ùn dite nunda Forse era scritta Chi zenza circà si Un ghjornu à l’ispensata Si truverianu Unu à quill’altru vicinu Di sorte accupiata Forse era scritta Chi à u primu sguardu L’amore ci s’avia da calà Forse era scritta Qual’hè chi sà Un dite nunda Duv’elli vanu Hè un secretu chi i porta Un dite nunda Più d’un veranu Vene à pichjà ci A a so porta Forse era scritta chi mancu l’anellu Sallatu à e so dite O e prumesse è i patti E ghjuramenti fatti In le so vite Forse era scritta Chi nunda oramai più nunda I pudia parà Forse era scritta Qual’hè chi sà Un dite nunda Duv’elli vanu Hè un secretu chi i porta Un dite nunda Più d’un veranu Vene à pichjà ci A a so porta Dà mi tù Torra nantu à un scogliu Ch’accarezza u mare Incesa di ciuttate di sole Quant’è tù ne sai Tù secreti d’amore Rise o puru lacrime amare Ci aghju intesu nasce una sera Un « chjama è rispondi » cusì Ripigliu : Dammi tù tuttu ciò chì mi manca Tuttu ciò chì ti manca u ti dò È cusì ùn serà mai compia A canzona chì canta l’amore Tanti ci sò ghjunti à sunniacci un’ora À facci cusì dolce guerra Tù a vechja torra ritta trà mare è terra Curi sempre à chì s’innamora Ci aghju intesu nasce una sera Un « Chjama è rispondi » cusì A casuccia Mi issa casuccia nantu à un scogliu Altri palazzi eiu nin vogliu Altre citedelle cun torre Pê aggruttà u nostru amore Pê aggruttà u nostru amore in stu mondu sempre in furore Altre cundanne eiu nun vogliu Chê di passà cun tê u sogliu D’issa casuccia nantu à un scogliu Tutti l’innamurati s’elli so innamurati Anu in l’ochji issa casa s’isuluccia fatata Tutti l’innamurati s’elli so innamurati Anu in l’ochji issa casa Da u purtellu sopra à l’ortu Si scopre a cità u portu U mare di stesa infinita A parte bona di a vita Si sunnieghja l’ore sane A’ u cantà di e funtane Ci si trova ancu l’erba à oliu Hà quattru fronde u trifogliu D’issa casuccia nantu à un scogliu Tutti l’innamurati s’elli so innamurati Anu in l’ochji issa casa s’isuluccia fatata Tutti l’innamurati s’elli so innamurati Anu in l’ochji issa casa A mo prumessa Di te un ne sapia nunda Nunda ne nome ne casata Ne locu duv’e t’ere nata Da un salutu à un à dumane L’amore piglia strade arcane Quant’ e tu si stata aspettata Un ghjornu soga u sole s’apre Eranu in focu e to labbre Un basgiu m’hà zingatu miccia Da tandu poca a primura Varghi a caternu ogni misura L’amore face à piccia piccia U mo penseru d’am ore veru Quellu chi sfida ogni raggio A mo prumessa a mo scumessa A chjave di a mo prigio Vicinu à te u tempu he mattu Un ne so piu tempu ne ora Ne menu strada di dimora Cun te si parte in Caravelle A’scopre mondi à tuccà stelle Sin’à chi a notte un si sfiora Vicinu à te a passeria A vita e piu so a pudia S’e lu si po more d’amore More cun te pe una stonda Po turnà à vita gioconda A’sente batte u to core U mo penseru d’am ore veru Quellu chi sfida ogni raggio A mo prumessa a mo scumessa A chjave di a mo prigio Ci campanu i mei Andate marine Per l’ochju hè cuccagna U sguardu avvicina A muntagna Di i mei. Cità citadelle Torre sentinelle Paesi d’incantu Mezu à verde è biancu Ci campanu i mei Da i tempi di i tempi Sò scritti i so stanti Pè e ripe amurate In l’arte d’alzà case Ci campanu i mei Inseme d’oghje è d’eri Fattu ceppu ed eredi Senza aspettà trufei Ci campanu i mei Piaghje verdicante Golfi cun calanche Luce diamante A muntagna Di i mei Minacci u predaghju Ingordu mai saziu Ed eccu in lu cantu U neru è u biancu. Ci campanu i mei Da i tempi di i tempi Sò scritti i so stanti Di spiritu pisatu Passu novu avviatu Ci campanu i mei Inseme d’oghje è d’eri Dumane ci hà da vene À rideci l’avvene Ci campanu i mei À voline più A chì li conta l’ore A chì li conta l’anni A chì li face mode A chì li taglia panni So d’oghje è d’avale E n’hanu a brama Di campà a vita Cum’ella i chjama A’voline più U portanu in pettu A’voline più L’amore è l’affettu Amore passione Fior di ghiuventù U portanu in pettu A’voline più Veneranu prestu Capatoghji è stanti U tempu di l’arte E’di fassi avanti Ad arrizzà mondu Più bellu chè eri Ci seranu elli Cù ingegnu è penseri A’voline più U portanu in pettu A’voline più L’amore è l’affettu Amore passione Fior di ghiuventù U portanu in pettu A’voline più À l’umanu O corsica la mea A dicenu di te ch’e tu t’ai impignatu Piaghje marine e rive cu i piu belli accosti A dicenu di te chi da tantu e tu costi Un ti ne viderai arrizza ma piu capu A dicenu di te… Ma u meiu u crede He ch’e tu si ligata sempre a cappiu scurzosu Ch’e tu un ne truverai ne pace ne riposu Fin ch’elle un ti seranu dinu sciolte e trave 0 Corsica la mea ! A dicenu di te ch’e tu ti brusgi a laziu Fureste cun machjoni castagneti e pascure A dicenu di te chi to e to primure Di campa di manciate zenza fa nisgiun straziu A dicenu di te… Ma u meiu u crede He chi ha da luce torna u to nome stampatu A’ l’altu di u tempiu duv’e lu s’he cantatu A Corsica Regina di cusi grande fede 0 Corsica la mea ! U sunadore Eiu so quellu sunadore Chi andava pè e piazza a sunà Cacciava a piconga è a ghJenta Chi mi stava à sente Mettia a cantà U nostru sunadore Cum’ellu sà sunà U nostru sunadore Cum’ellu sà sunà So rotti archettu cun viulunu Da tantu ch’aghju avutu à sunà Ma in stacca un aghju mancu un cinquinu Sangue lu musinu Un sentu piu cantà U nostru sunadore Cum’ellu sà sunà U nostru sunadore Cum’ellu sà sunà Cumpratemi un strumentu framente Pur di quelli chi usanu avà Ch’o cacci a picogna è a ghjente Chi mi stà à sente Si metti à cantà U nostru sunadore Cum’eUu sà sunà U nostru sunadore Cum’ellu sà sunà Quand’è tù balli Lascia da cantu amarore e tristezza Amarore e tristezza A vita he corta e u tempu un aspetta E’u tempu un aspetta Lascia da cantu amarore e tristezza Amarore e tristezza Veni a balla piglia gustu a a festa Piglia gustu a a festa Quand’ e tu balli pocu impreme l’eta Tuttu ognunu s’arrizza e si mette a balla Tuttu ognunu s’arrizza e si mette ‘a balla Quand’e tu balli pocu impreme l’eta Tuttu ognunu s’arrizza e si mette a balla Faci a strappa catene Metti focu in le vene A notte va spampillente di lumi Spampillente di lumi Batte a festa u piace corre a fiumi U piace corre a fiumi Ne trema l’aria e a terra dinu E’a terra dinu S’inFiara l’ora quand’e tu balli tu Quand’ e tu balli tu Una cria di più Fior’d’alisu Quellu tempu à curatti quant’ellu hè statu pocu E notte cu i ghjorni un’alata A prima zitellina si n’hè digià andata A teni un’antra manu per strada A sera à l’attrachjata t’aspettu impaziente A sera trema sempre una mamma Un ti ne scurdà mai d’issa voce chi chjama Ancu s’è un’antra voce hè presente U mo fior’d’alisu U mo paradisu Di a machja folta U core si tù A mo sperenzona A parte più bona Di a mo canzona U canta si tù Avà chi si ingrandatu hè ora di sapella Duve u fiume piglia surgente Duv’ellu passa ponti acqui dolce o dulente Hè ora di pruvatti à la ghjente T’aghju amparatu un arte cerca à fanne bon’usu Ma s’è tu scegli un antru caminu Varghi cum’ella varghi ti seremu vicinu Qui l’usciu ùn ti serà mai chjosu U mo fior’d’alisu U mo paradisu Di a machja folta U core si tù A mo sperenzona A parte più bona Di a mo canzona U canta si tù U tempu s’hà frustatu tante scale mutali U fiume corre sempre à u mare Duve l’amore hà fattu u so nidu ci pare Di sente avviuccià voce care U mo fior’d’alisu U mo paradisu Di a machja folta U core si tù A mo sperenzona A parte più bona Di a mo canzona U canta si tù |