 E nove |
| Un tin’andà Quantu tempu passatu à vulè rifà mondu Quantu tempu passatu à circà la una via Di ghjorni spenserati ch’o ti rigaleria Ghjorni di vita quenta in lu nostru circondu Un la sapesti tandu ch’ella si tesse in dui A tela di l’amore a furtuna di casa Passata a timpesta si schjarisce a strada A feremu oramai inseme si tù voli Un ti n ‘andà ùn ti n ‘andà L’alba si pesa nova è ci chjama à campà Un ti n’andà ùn ti n’andà Chì u nostru l’amore Hà l’amore à inventà Inseme si tù voli i ghjorni d ‘incertezza S ‘ellu ciancia u core s ‘ella frighje a pena E diceremu pianu di voce ch ‘asserena E parulle chì sanu discità a carezza Inseme si tù voli cum ‘è la ti piacia Torna da seriu à risa intricceremu u ghjocu E’l’amore di tandu rinatu in lu so focu Ferà ride dinù a vita chì ridia Un ti n ‘andà ùn ti n ‘andà L’alba si pesa nova è ci chjama à campà Un ti n’andà ùn ti n’andà Chì u nostru l’amore Hà l’amore à inventà Chì u nostru l’amore Hà u mondu à rifà GOLU Monte Cintu mi da e friscura e purezza Falgu salti saltendu da teppa a cutalone So u fiume so Golu di fole e di passione Ma pocu a te ti preme o Senna a te fiumone Tra sciappali e strittoni sboccu in la scala santa Quassu l’altagna in volu quaio a pescia lesta Ci si colla in Niolu a prega o fa festa Ma pocu a te ti preme o Senna a mo gesta I mo ponti in un tempu Ponte Altu e Ponte Novu Purtavanu i passi di i mo figliuloni I toi ci so ghjunti cun fucili e cannoni Ma pocu a te ti preme so ne portu u dolu E meie e fiumare sbarsanu u so lagnu In una foce turchina mare mediterraniu Ci si pesa u sole cum’e au primu ghjornu Ma pocu a te ti preme o Senna u mo sonniu U mo sonniu di corre da Monte Cintu a mare Cantendu a canzone di chi m’ha fattu fiume S’ellu ci he un dumane di pace a meze scume Parla ne inseme o Senna parla ne fiume a fiume QUAND’E TU BALLI Lascia da cantu amarore e tristezza Amarore e tristezza A vita he corta e u tempu un aspetta E’u tempu un aspetta Lascia da cantu amarore e tristezza Amarore e tristezza Veni a balla piglia gustu a a festa Piglia gustu a a festa Quand’ e tu balli pocu impreme l’eta Tuttu ognunu s’arrizza e si mette a balla Tuttu ognunu s’arrizza e si mette ‘a balla Quand’e tu balli pocu impreme l’eta Tuttu ognunu s’arrizza e si mette a balla Faci a strappa catene Metti focu in le vene A notte va spampillente di lumi Spampillente di lumi Batte a festa u piace corre a fiumi U piace corre a fiumi Ne trema l’aria e a terra dinu E’a terra dinu S’inFiara l’ora quand’e tu balli tu Quand’ e tu balli tu CI SI TU Ch’ e no ci trovimu soli Ci si tu ci si tu Chi ci annanni e ci cunsoli Ci si tu ci si tu Ancu tutta una nuttata Cu a voce inzuccarata E’e to mani di fata Ci si tu o ma Venghinu venti o friture Ci si tu ci si tu Malanni angosce o peure Ci si tu ci si tu Sempre cu u tremu a dossu Lesta a porghjeci succorsu Pe fa smari ogni morsu Ci si tu o ma Stella un avemu che una E’si tu e si tu Un ha prezzu sta furtuna E’si tu e si tu Celu foscu o celu chjaru Quella ch’o tenimu caru Un ha indocu u so paru E’ si tu o ma Sta canzona ch’o cantemu He per te he per te Cun affettu a ti demu He per te he per te Pe u to be i to asgi Scoppa in mazzuli di raggi E’di centumila basgi He per te o ma IN MEDITERRANIU In mediterraniu quant’ ella era sola Strada un ne sapia che una Si cuntava sempre a listessa fola Era a pienghje sempre sfurtuna U s’avvene qui era cum’ e chjosu Avvene per ella un ci n’era Locu di silenziu locu di riposu Messa detta e fatta prighera E’ poi una mane addiu galera S’hè vulsuta arritta in stu mare Quantu l’hè custata a so discitera Lacrime di sangue è di sale Si di a so memoria alza le bandere Fida a a so storia passata A dice dinu in cio ch’ella crede Piu fraterna l’avvicinata In mediterraniu oghje un hè piu sola S’aprenu estrade piu belle Cresce a speranza d’una vita nova D’isule in cullana è surelle INNAMURICHJATE In principiu d’estate So a fa passa è veni Cun rise è scaccanate E’mi punti è mi teni U ballucciu a da apre Anu u batticore Prime stonde incantate Primi sguardi d’amore Primi sguardi d’amore Ella s’ha messu Camisgiulella Un fiore in pettu Una spusella Ellu sbilancia Tuttu cummossu Zenza caccia li l’ ochji d’a dossu E scappate a u mare Cu e notti stellate E pinucce d’amore Quandu compie l’estate Scrivi manda nutuzie Fatti vivu ogni tantu Tu un basgiu stampatu Nantu a un fugliucciu biancu Nantu a un fugliucciu biancu Ella s’ha messu Camisgiulella Un fiore in pettu Una spusella Ellu sbilancia Tuttu cummossu Zenza caccia li l’ ochji d’a dossu E nove Turchinu u to mare u to celu turchinu Prufondi i to golfi stacciata a to rena Un si ne pesa sole ch ‘o ùn senti o cantilena Chì di l’isule arcane furtunate è luntane Sì tù a più vicinu Turchinu u to mare u to celu turchinu Bella sì bella sì ùn hè quessu ùn misteru Ma à noi quandu ci chjami da fà ci move in cantu Ci tremi core in pettu chì daretu à u vantu O corsica ogni volta cova qualchi rivolta E’ci cresce penseru Bella sì bella sì ùn hè quessu un misteru Di to populu nunda o sinnò malastima Li correnu e nove cum ‘è tante cundanne Maculatu d ‘inchjostru spessu spostu à e sanne Un serà degnu ellu ch’è di campà ribellu O di fà cala è ghjimba Di to populu nunda o sinnò malastima Or venenu albighjate nantu à e to ferite A pace à i to maghji da tuttu pattighjatu Tù sie issu paese ch ‘è n ’emu sunniatu Apertu à l ‘altre sponde attente à chì risponde Zenza circà ti lite Or venenu albighjate nantu à e to ferite SETTEMBRE Settembre chjode e porte di l’estate U sole pocu a pocu intepidisce In celu qualchi nulu face strisce U ventulellu annunzia rinfriscate Si sente pochi canti è soni fora Partuti so l’amichi cu i parenti Si contanu a chjosi ochji i statinanti I zitelli dinu di punta a a scola I vechjarelli in fila spinu a u muru Si piglianu u colore di l’appossu Ramintendusi pianu o tempu scorsu A giuventu passata in gran sussuru Settembre si ne va giovani fieri Voi altri l’oru vivu di u vaghiime E’ u focu casanu di ste cime A fuga chi cacciava i penseri Settembre si ne va duve campate Vo sapessete quantu vi speremu Diteci si stu sonniu hè cusi scemu Di vede torna pieni lochi è case EMU BISOGNU DI TE Lingua in punta di a lingua Quandu dici e quandu un dici Lingua di i tempi infidi Lingua di i tempi amichi Lingua di tantu rigiru Pe campa u mondu vivu Per esse e per esse be Emu bisognu di te Emu bisognu di te Pe un esse for di ghjocu Emu bisognu di te Pe un perde filu indocu Pe tene incesu u focu Di l’amore di stu locu Per esse e per esse be Emu bisognu di te Emu bisognu di te Quand’e no simu luntanu Emu bisognu di te Quant’ e di strette di manu Pe piglia ci ne un veranu Di ricordu paisanu Per esse e per esse be Emu bisognu di te Emu bisognu di te Cum’e di pane e cumpane Emu bisognu di te Cum’e d’acqua e funtane Cum’e di sole a mane Cum’e l’oghje d’un dumane Per esse e per esse be Emu bisognu di te Emu bisognu di te Quandu he tempu di prutesta Emu bisognu di te Pe sta ritti in la timpesta Pe di e pe tene testa Pe u dolu e pe a festa Per esse e per esse be Emu bisognu di te Emu bisognu di te Pe ave postu in stu mondu Emu bisognu di te Quantu u viaghju he longu Emu bisognu di te Per esse in lu vugatondu Per esse e per esse be Emu bisognu di te PARULLE PARLATE Parulle incantate di a zitellina Quant’e vo tricate a di a matina Voi cusi calle di latte a e labbre Parulle incantate parlate parlate Parulle di fuga di i primi amori Quant’ e vo tricate a batte in li cori Voi cusi calle di focu a e labbre Parulle di fuga parlate parlate Parulle assinnate di pesu e primura Quant’ e vo tricate a piglia versura Voi ch’ un vulete piu strade sviate Parulle assinate parlate parlate Parulle di vita d’amore e di pace Di mondu piu bellu cum’ellu si face S’e vo site vive da che vi piattate Tenite parulla parlate parlate MI NE SO SCURDATU U to rispiru vivu vivu Imbuleghju a u mo rispiru Di quellu amore appassiunatu Mi ne so scurdatu U ventu scemu in li to capelli I to ochji castagnini piu belli Ti guardava smaravigliatu Mi ne so scurdatu Tu chi un ci si elu ch’ aspettu Ai cambiatu casa cun lettu Quale sera issu furtunatu Mi ne so scurdatu Tu pronta a mille cunfessioni Eiu centu scuse e pardoni Piu scrittu ne teleffunatu Mi ne so scurdatu Mi ne so scurdatu Quant’ era innamuratu E’innamurata tu Mi ne so scurdatu Mi ne so scurdatu Ma forse ti n’arricordi tu Campa Campà di u tempu custente Campà ogni stonda nascente Campà di brama a u presente Cun tè campà eternamente Campà luntan’di l’indecisu Campà senza cherene avisu Campà di listessu surisu Cun tè campà u paradisu Campà datti a tennereza Campà d’infmita carezza Campà di l’amore chi un svezza Cun tè campà senza amarezza Campâ l’infernu è a prigione Campà a Più grande passione Campà u core à sulleone Cun tè campà for di ragione Cun tè di u tempu custente Cun tè ogni stonda nascente Cun tè di brama à u presente Cun tè campà eternamente |