 25 anni cu i mei |
| Ci campanu i mei Andate marine Pè l’ochju hè cuccagna U sguardu avvicina A muntagna Di i mei Cità citadelle Torre sentinelle Paesi d’incantu Mezu à verde è biancu Ci campanu i mei Da i tempi di li tempi So scritti i so stanti Pè e ripe amurate In l’arte d’alzà case Ci campanu i mei Inseme d’oghje è d’eri Fattu ceppu ed eredi Senza aspettà trufei Ci campanu i mei Piaghje virdicante Golfi cun calanche Luce diamante A muntagna Di i mei Minacci u predaghju Ingordu mai saziu Ed eccu in lu cantu U neru è u biancu Ci campanu i mei Da i tempi di li tempi So scritti i so stanti Di spiritu pisatu Passu novu avviatu Ci campanu i mei Inseme d’oghje è d’eri Dumane ci hà da vene A rideci l’avvene Ci campanu i mei A dì ti Dopu avè giratu pè issu mondu E esse scalatu in centu lati Senza mai riposu nè rifiati Eo lu smaritu avà rispondu So ghjuntu à di ti I mo viaghji I mo verani Si tù L’anni so passati, tempu fila Da tanti stalvati è le stagioni Mi ne tornu oghje à i mo cantoni I mo ricordi so centu mila So ghjuntu à di ti I mo viaghji I mo verani A pediscalza Quand’ella s’avanza Lesta è sgualtra Ch’ella inizia un passu Pediscalza Si suspende Ogni suspiru U silenziu Natu in giru … tandu Quand’ella s’avanza Pediscalza E si scioglie e chjome È u mondu capalza Hè a passione Entrata in ballu Pè una festa Hè a catena Mandata in pezzi Hè a timpesta Và è vene è volta Girivolta U pannu legeru Si ne porta I suspiri Cù i cori In un mondu Di culori … tandu Quand’ella s’avanza Pediscalza E si scioglie e chjome È u mondu capalza Hè a passione Entrata in ballu Pè una festa Hè a catena Mandata in pezzi Hè a timpesta Pare eri A carta s’hè ingiallita Appinuccia stracciata Ma a fiura hè pulita U tempu l’hà salvata Seranu quarant’anni Un pare mancu vera Guarda i nostri panni Tandu chi moda era ? Pare eri… Una duie è po trè Sfilanu centu stonde Iè mi ricordu bè E nostre chjome bionde Inseme à batte lochi Sempre cusi vicina Era di mille fochi A nostra zitellina Pare eri Oghje chi bellu ghjornu Una manu ti piglia Vi simu tutti intornu S’ingranda a famiglia Da u so paradisu Quelli chi ùn so più qui Anch’elli in un surisu Vi dicenu di si A carta s’hè ingiallita Appinuccia stracciata Sicura chi a vita Cum’è noi hè cambiata Ma tutti latu à latu Era quessu u pattu Ma di mi stu ritrattu Sai quale l’hà fattu ? Pare eri. .. Sona Hè digià tardi L’ora avanza In caffè si canta E tù sola sola Si stata calata Ma prima di parte Piglia sta chitara Sona Sona Sona u to mondu Sona è canta U nostru ti vole Da fà lu girà più tondu Ti rivecu una sera Nantu à quella scena A to voce mora E tù sola sola A indulci l’amaru Di e diferenze Sona Sona Sona u to mondu Sona è canta U nostru ti vole Da fà lu girà più tondu Sunniata U mare vene Voltu San Pellegrinu A’sfrisgia rena Ci undulieghja Un chjarore argentinu Di luna piena Quattu in le fronde Mezu à canne è falasche Fium’Altu aspetta Un’ alitata Di muntese in le frasche Pè a so festa Pè a so festa L’aria falcona tira Da sopra à San Petrone A Castagniccia viva Ribomba di canzone Di lume riccamatu Risplende ogni paese U celu ci hà calatu Tutte e so stelle incese U mare vene Voltu San Pellegrinu A’sfrisgia rena Ci undulieghja Un chjarore argentinu Di luna piena Quattu in le fronde Mezu à canne è falasche Fium’Altu aspetta Un’ alitata Di muntese in le frasche Pè a so festa Pè a so festa Di fiume l’acque fonde Barcanu u striscione Si maritanu l’onde Di punta à San Petrone Di u mare Tirrenu Ne ride ogni cuntornu S’avviccina un batellu Chì si chjama « Ritornu » E’…Si pesa u ghjornu A voline più A chì li conta l’ore A chì li conta l’anni A chì li face mode A chì li taglia panni S d’oghje è d’avale E n’hanu a brama Di campà a vita Cum’ella i chjama A’voline più U portanu in pettu A’voline più L’amore è l’affettu Amore passione Fior di ghiuventù U portanu in pettu A’voline più Veneranu prestu Capatoghji è stanti U tempu di l’arte E’di fassi avanti Ad arrizzà mondu Più bellu chè eri Ci seranu elli Cù ingegnu è penseri A’voline più U portanu in pettu A’voline più L’amore è l’affettu Amore passione Fior di ghiuventù U portanu in pettu A’voline più Innamurichjate In principiu d’estate So a fa passa è veni Cun rise è scaccanate E’mi punti è mi teni U ballucciu a da apre Anu u batticore Prime stonde incantate Primi sguardi d’amore Primi sguardi d’amore Ella s’ha messu Camisgiulella Un fiore in pettu Una spusella Ellu sbilancia Tuttu cummossu Zenza caccia li l’ ochji d’a dossu E scappate a u mare Cu e notti stellate E pinucce d’amore Quandu compie l’estate Scrivi manda nutuzie Fatti vivu ogni tantu Tu un basgiu stampatu Nantu a un fugliucciu biancu Nantu a un fugliucciu biancu Ella s’ha messu Camisgiulella Un fiore in pettu Una spusella Ellu sbilancia Tuttu cummossu Zenza caccia li l’ ochji d’a dossu Quand’è tu balli Lascia da cantu amarore e tristezza Amarore e tristezza A vita he corta e u tempu un aspetta E’u tempu un aspetta Lascia da cantu amarore e tristezza Amarore e tristezza Veni a balla piglia gustu a a festa Piglia gustu a a festa Quand’ e tu balli pocu impreme l’eta Tuttu ognunu s’arrizza e si mette a balla Tuttu ognunu s’arrizza e si mette ‘a balla Quand’e tu balli pocu impreme l’eta Tuttu ognunu s’arrizza e si mette a balla Faci a strappa catene Metti focu in le vene A notte va spampillente di lumi Spampillente di lumi Batte a festa u piace corre a fiumi U piace corre a fiumi Ne trema l’aria e a terra dinu E’a terra dinu S’inFiara l’ora quand’e tu balli tu Quand’ e tu balli tu Dàmmi tu Torra nantu à un scogliu Ch’accarezza u mare Incesa di ciuttate di sole Quant’è tù ne sai Tù secreti d’amore Rise o puru lacrime amare Ci aghju intesu nasce una sera Un « chjama è rispondi » cusì Dammi tù tuttu ci chì mi manca Tuttu ciò chì ti manca u ti dò E’cusì ùn serà mai compia A canzona chì canta l’amore Tanti ci sò ghjunti à sunniacci un’ora A’facci cusì dolce guerra Tù a vechja torra ritta trà mare è terra Curi sempre à chì s’innamora Ci aghju intesu nasce una sera Un « Chjama è rispondi » cusì Dammi tù tuttu ci chì mi manca Tuttu ciò chì ti manca u ti dò E’cusì ùn serà mai compia A canzona chì canta l’amore Terra e onde A toia l’isula ti move Trà celu è mare in lu turchinu E vele gonfie di marinu Sempre in cerca di sponde nove Sogni di tuccà qualchi litu Duv’è lu si campa beati A’u sole scalzi è spugliati Si di l’isula paradisu A’mè mi tenenu i ghjorni Ognunu cù i so cuntrasti Ghjorni d’imbellite o di guasti Arripicatu à sti cuntorni Campu l’annegu d’issu mondu Arrizatu pè esse eternu E’sentu vene u mudernu In un fracassu d’empii fondu L’alba ci hà messu u s’anellu Accumbracciati in li so raggi O cusi calli i to basgi U mondu à vene quantu hè bellu Seranu avà e nostre stonde Fatte di sognu è di reale L’amore hà spartu è so ale Unite sô a terra è l’onde L’amore hà spartu è so ale E’a sperenza ci risponde Golu Monte Cintu mi da e friscura e purezza Falgu salti saltendu da teppa a cutalone So u fiume so Golu di fole e di passione Ma pocu a te ti preme o Senna a te fiumone Tra sciappali e strittoni sboccu in la scala santa Quassu l’altagna in volu quaio a pescia lesta Ci si colla in Niolu a prega o fa festa Ma pocu a te ti preme o Senna a mo gesta I mo ponti in un tempu Ponte Altu e Ponte Novu Purtavanu i passi di i mo figliuloni I toi ci so ghjunti cun fucili e cannoni Ma pocu a te ti preme so ne portu u dolu E meie e fiumare sbarsanu u so lagnu In una foce turchina mare mediterraniu Ci si pesa u sole cum’e au primu ghjornu Ma pocu a te ti preme o Senna u mo sonniu U mo sonniu di corre da Monte Cintu a mare Cantendu a canzone di chi m’ha fattu fiume S’ellu ci he un dumane di pace a meze scume Parla ne inseme o Senna parla ne fiume a fiume A Casinca Da sant’anghjuli in punta È da fium’altu à golu A casinca si sparghje In stese virduline U mare l’accarezza D’albighjate turchine Inghjelusitu u sole U ci sumena l’oru Da sant’anghjuli in punta È da fium’altu à golu Miralli i so paesi Sentinelle di sempre U sfidanu u tempu Da nantu à i pughjali Campanili cun chjese Case torre è casali A contanu a so stora L’amore di a so ghjente Miralli i so paesi Sentinelle di sempre Di a piaghja machjosa Si n’hanu fattu un ortu Una terra d’accolta Pè terra ferma è pieve À porte sbalancate A casinca riceve E offre à chi ci vene Amicizia è cunfortu Di a piaghja machjosa Si n’hanu fallu un ortu Da sant’anghjuli in punta È da fium’altu à golu. In Meditarraniu In mediterraniu quant’ ella era sola Strada un ne sapia che una Si cuntava sempre a listessa fola Era a pienghje sempre sfurtuna U s’avvene qui era cum’ e chjosu Avvene per ella un ci n’era Locu di silenziu locu di riposu Messa detta e fatta prighera E’ poi una mane addiu galera S’hè vulsuta arritta in stu mare Quantu l’hè custata a so discitera Lacrime di sangue è di sale Si di a so memoria alza le bandere Fida a a so storia passata A dice dinu in cio ch’ella crede Piu fraterna l’avvicinata In mediterraniu oghje un hè piu sola S’aprenu estrade piu belle Cresce a speranza d’una vita nova D’isule in cullana è surelle Quantu tempu passatu à vulè rifà mondu Quantu tempu passatu à circà la una via Di ghjorni spenserati ch’o ti rigaleria Ghjorni di vita quenta in lu nostru circondu Un la sapesti tandu ch’ella si tesse in dui A tela di l’amore a furtuna di casa Passata a timpesta si schjarisce a strada A feremu oramai inseme si tù voli Un Ti N’Anda Un ti n ‘andà ùn ti n ‘andà L’alba si pesa nova è ci chjama à campà Un ti n’andà ùn ti n’andà Chì u nostru l’amore Hà l’amore à inventà Inseme si tù voli i ghjorni d ‘incertezza S ‘ellu ciancia u core s ‘ella frighje a pena E diceremu pianu di voce ch ‘asserena E parulle chì sanu discità a carezza Inseme si tù voli cum ‘è la ti piacia Torna da seriu à risa intricceremu u ghjocu E’l’amore di tandu rinatu in lu so focu Ferà ride dinù a vita chì ridia Un ti n ‘andà ùn ti n ‘andà L’alba si pesa nova è ci chjama à campà Un ti n’andà ùn ti n’andà Chì u nostru l’amore Hà l’amore à inventà Chì u nostru l’amore Hà u mondu à rifà O Corsica La Mea A dicenu di te ch’e tu t’ai impignatu Piaghje marine e rive cu i piu belli accosti A dicenu di te chi da tantu e tu costi Un ti ne viderai arrizza ma piu capu A dicenu di te… Ma u meiu u crede He ch’e tu si ligata sempre a cappiu scurzosu Ch’e tu un ne truverai ne pace ne riposu Fin ch’elle un ti seranu dinu sciolte e trave O Corsica la mea ! A dicenu di te ch’e tu ti brusgi a laziu Fureste cun machjoni castagneti e pascure A dicenu di te chi to e to primure Di campa di manciate zenza fa nisgiun straziu A dicenu di te… Ma u meiu u crede He chi ha da luce torna u to nome stampatu A’ l’altu di u tempiu duv’e lu s’he cantatu A Corsica Regina di cusi grande fede O Corsica la mea ! O Cari Sopra à un fiumicellu d’acqua cantarina Una machja spampanava D’arbitri ê di lecce di vitalbe à trecce Cusi bella ch’incantava Ci hê corsu lu focu O cari Ci hê corsu lu focu O cari Ci venia à pasce capre cun vaccine Da capu d’annu à natale Sottu à una tanghiccia ci stava una griccia E’ ci durmia un cignale Ci hê corsu lu focu O cari Ci hê corsu lu focu O cari Pê una stradella si ghjunghjia lesti Un buschettu una casetta A’ u primu fretu ci affaccava Petru A’fà cantà a s’accetta Ci hê corsu lu focu O cari Ci hê corsu lu focu O cari A Casuccia Mi issa casuccia nantu à un scogliu Altri palazzi eiu nin vogliu Altre citedelle cun torre Pê aggruttà u nostru amore Pê aggruttà u nostru amore in stu mondu sempre in furore Altre cundanne eiu nun vogliu Chê di passà cun tê u sogliu D’issa casuccia nantu à un scogliu Tutti l’innamurati s’elli so innamurati Anu in l’ochji issa casa s’isuluccia fatata Tutti l’innamurati s’elli so innamurati Anu in l’ochji issa casa Da u purtellu sopra à l’ortu Si scopre a cità u portu U mare di stesa infinita A parte bona di a vita Si sunnieghja l’ore sane A’ u cantà di e funtane Ci si trova ancu l’erba à oliu Hà quattru fronde u trifogliu D’issa casuccia nantu à un scogliu Tutti l’innamurati s’elli so innamurati Anu in l’ochji issa casa s’isuluccia fatata Tutti l’innamurati s’elli so innamurati Anu in l’ochji issa casa U Chitaristu Avia una vechja chitara Chitara Sunava appena è si n’andava Andava Si n’andava à girà u mondu U chitaristu vagabondu Si n’andava à girà u mondu U mondu Quand’ellu ci era un viulinu Viulinu Dicia appena più vicinu Vicinu Per ch’ellu ne fermi un ricordu Pruvemu à metteci d’accordu Per ch’ellu ne fermi un ricordu D’accordu Di musiche nè di viaghji Un ci ne simu ancu sbramati Un ci ne simu ancu sbramati Sbramati Un ghjornu ùn hè più vultatu Vultatu Ma à noi tutti ci hà lasciatu Lasciatu A so musica è i so sogni Chì c’imbelliscemu i ghjorni A so musica è i so sogni I so sogni Di musiche nè di viaghji Un ci ne simu ancu sbramati Un ci ne simu ancu sbramati Sbramati U Mo Fior’ D’Alisu Quellu tempu à curatti quant’ellu hè statu pocu E notte cu i ghjorni un’alata A prima zitellina si n’hè digià andata A teni un’antra manu per strada A sera à l’attrachjata t’aspettu impaziente A sera trema sempre una mamma Un ti ne scurdà mai d’issa voce chi chjama Ancu s’è un’antra voce hè presente U mo fior’d’alisu U mo paradisu Di a machja folta U core si tù A mo sperenzona A parte più bona Di a mo canzona U canta si tù Avà chi si ingrandatu hè ora di sapella Duve u fiume piglia surgente Duv’ellu passa ponti acqui dolce o dulente Hè ora di pruvatti à la ghjente T’aghju amparatu un arte cerca à fanne bon’usu Ma s’è tu scegli un antru caminu Varghi cum’ella varghi ti seremu vicinu Qui l’usciu ùn ti serà mai chjosu U mo fior’d’alisu U mo paradisu Di a machja folta U core si tù A mo sperenzona A parte più bona Di a mo canzona U canta si tù U tempu s’hà frustatu tante scale mutali U fiume corre sempre à u mare Duve l’amore hà fattu u so nidu ci pare Di sente avviuccià voce care U mo fior’d’alisu U mo paradisu Di a machja folta U core si tù A mo sperenzona A parte più bona Di a mo canzona U canta si tù A L’Amore U soiu l’amore quant’he ch’ellu he natu U soiu l’amore quant’he mai invechjatu Si tennu caru u core ha vint’anni U tempu chi passa un ci n’ha fattu danni Femuci un valzu e tucchemu un bichjeru U soiu l’amore he stattu sinceru Femuci un valzu tra me a te Femuci un valzu e tucchemu un bichjeru U soiu l’amore he stattu sinceru Femuci un valzu tra me a te A l’amore U soiu l’amore fece casa e tettu Di pienti e di rise e di basgi a l’appietu Si tennu caru u core ha vint’anni U tempu chi passa un ci n’ha fattu danni Femuci un valzu e tucchemu un bichjeru U soiu l’amore he stattu sinceru Femuci un valzu tra me a te Femuci un valzu e tucchemu un bichjeru U soiu l’amore he stattu sinceru Femuci un valzu tra me a te A l’amore Duva parterai finita festa E’duve anderaghju piu eiu fa testa Ognunu una strada a toia a meia Ugnunu una strada ma prima sta sera Femuci un valzu e tucchemu un bichjeru U soiu l’amore he stattu sinceru Femuci un valzu tra me a te Femuci un valzu e tucchemu un bichjeru U soiu l’amore he stattu sinceru Femuci un valzu tra me a te A l’amore Tantu Manchi Tu sapesse tu quant’e tu manchi Tu sapesse u viotu a l’intornu Si partuta e da quellu ghjornu Ghjochi e rise ind’e no iso stanchi D’un pedetti piu vede he frastornu Da tantu manchi U scalone hè cusi inchjuculitu Zenza tè è zenza piu zitelli U scalone oghje mi pare un nidu Chi u s’anu lasciatu l’acelli Sente solu di mè i rimpianti Da tantu manchi Forse si duv’e tu si ingrandata Forse faci una vita beata Ghjorni nostri mi ne vene tanti Da tanti manchi Tu sapesse tu quant’è tu manchi Tu sapesse u viotu à l’intomu U vaghjime hè digià di ritomu Cu i so ventisgioli languenti Un ci si e m’attrista u ghjomu Da tantu manchi Forse si duv’e tu si ingrandata Forse faci una vita beata Ghjorni nostri mi ne vene tanti Da tanti manchi Forse si duv’e tu si ingrandata Forse faci una vita beata Ghjorni nostri eiu n’aspettu tanti Da tanti manchi So D’Inde Me Si so allevati pè i mo rughjoni So speranze scritte di i mo dumani A’ puntu so pronti à da primi frutti Ingurdizia di sempre i ti voli tutti Sti giuvanotti so d’inde me Ne voli dui ne voli tre Ne voli quant’e lu ci n’he Qualessi i patti ch ‘è n’emu cacciatu Duv’hè stata scritta chi di ü mo fiatu Ti n’affiaterie smisuratu orgogliu Arrichendu inghju1ia pientu è santauliu Sti giuvanotti so d’inde me Ne voli dui ne voli tre Ne voli quant’e lu ci n’he Si so allevati pè i mo rughjoni Aperta hè a strada ancu à viaghjoni Ma si di fà ceppu qui n’ anu a brama Ne rispondu eiu è facciu da mamma Sti giuvanotti so d’inde me Ne voli dui ne voli tre Ne voli quant’e lu ci n’he Di Stu Paese Di stu paese chi ne sera Di slu paese chi n’anu da fà Tirale puru conti à sunnià furtuna U sole à pè di bonche ci luce culor d’oru Da Ersa à Pertusatu hè listessu decoru Un festone di rena ricamatu d’azuru Di stu paese chi ne sera Di slu paese chi n’anu da fa Tirale puru conti è piazze so tribune Da e cime si sta cu l’arechja in canteghja Da ogni cipatella un ochju vi fideghja Da Ersa à Pertusatu a Corsica hè in sussuru Di stu paese chi ne sera Di slu paese chi n’anu da fa Tirale puru conti à prumette a luna Lascita naturale st’isula hè tocca a noi Quantu n’avete scudi qui n’averete annoi Vo pretendite a fiore è a fruttu maturu Di stu paese chi ne sera Di slu paese chi n’anu da fa Campa Campà di u tempu custente Campà ogni stonda nascente Campà di brama a u presente Cun tè campà eternamente Campà luntan’di l’indecisu Campà senza cherene avisu Campà di listessu surisu Cun tè campà u paradisu Campà datti a tennereza Campà d’infmita carezza Campà di l’amore chi un svezza Cun tè campà senza amarezza Campâ l’infernu è a prigione Campà a Più grande passione Campà u core à sulleone Cun tè campà for di ragione Cun tè di u tempu custente Cun tè ogni stonda nascente Cun tè di brama à u presente Cun tè campà eternamente |