 Isula |
| Isula idea Isula idea di la mio alba Rosula altea è la vitalba Fiore chì sbuccia è chì ci chjama Fiore chì s’apre è dà la brama Isula Isula radica di a mio vita Rispiru d’una acqua salita Basgiu lampatu da i zitelli Basgiu cascatu da i battelli Isula Isula idea di u viaghju Di l’odissea ch’eo feraghju Mandile spartu di li mio sogni Mandile crosciu ùn ti vergogni Isula Isula celu tintu di sole Ancu quandi un nulu dole Chì a frasca s’alza è ci balla Cum’è un penseru di farfalla Isula Isula idea di li mio strazii A voglia mea, mai ch’è tù sazii Ochju abbagliulatu da u sole Ochju calatu di ogni amore Isula Isula fata è mai morta Cuscogliula chì u ventu porta À u locu ascosu di u core Duve u ricordu ùn pò mai more Isula CANTU Per sti cimoni spartiventi A ù cantu eo t’invitu Da fà ribumbà mari è mondi E l’orizonti à l’infinitu. Chì sò canti di u cumunu In l’aghjasole di u ritrovu E canti vechji di rivolta A u fà di u ghjornu novu. A nome di speranze nostre cantu U tempu vivu di e mosse cantu, cantu. Cantu per l’eterne ferite Silenzii amari è mughjipienti E per esilii è per battelli E per sti maricuntinenti. Cantu si ! Cantu in la to voce L’idea ch’ùn si vole more Quand’ella vene svegliamondu A u chjoccu di u mio core. A nome di speranze nostre cantu U tempu vivu di e mosse cantu, cantu. Cantu d’avvene incaminatu E cantu scemu di l’amore Fiorpuesia innamuratu In bocca à l’eternu pastore. Attu à fratellu luntanu E cutate à l’inghjustizia Paròlle sfocu per viaghju E versi fiumi d’amicizia. A nome di speranze nostre cantu U tempu vivu di e mosse cantu. U tempu vivu di e mosse cantu. U LAMENTU DI PETRUCCIU Ch’ell’ùn fussi mai spuntatu L’albore issa matina A nutizia chì hà purtatu O la mio trista ruina U mio figliolu anu tombu À Petrucciu u mio culombu. U mio Petrucciu era un fiore Prufumatu di bellezza Giuvanottu di valore Senza alcuna gattivezza U so core era un mulinu D’amore per u vicinu. Quant’hè crudu lu dulore Chì m’affanna è mi stringhje lu core Quant’hè dura la mio sorte A mio pena hè troppu forte Brutta sterpa maladetta Diu ferà a to vindetta. Brutta sterpa maladetta Diu ferà a to vindetta. INNU Hè lampàtu quellu voceru Di tondu à li me sensi Mi cusgite le primure Mi mucidisce la mente Mi lighjite libri arcani Chì ciambottanu lamenti Ch’ellu pianti quellu voceru. Hè lampàtu lu caracolu Di tondu à lu me capu E mi ne fate lu chjerchju Cùn tantu sangue landanu Duve li spavechji vechji Vanu à ciambuttà l’umanu A l’eternu Ch’ellu pianti lu caracolu. Hè lampàta a granitula Di tondu à la me storia M’ete toltu lu locu Di li me sogrimemoria Vanu vani cunfratelli Chì ciambottanu misteri A l’infernu Fateli piantà issi mughji Fateli sguassà issi chjerchji. Hè tramuntata l’angoscia Accampata di timori In a pianura di e brame Si incamina un chjarore E’pè l’alba cusi linda U mio crede s’innamora Indirizzate issu lume Ch’ellu corghi à la madre. U CIGNALE Da la punta à la Giraglia fin’à capu Pirtusatu Ci si nè trova piu d’unu cacciadore rinumatu Ma lu cignale maestru so eo chì l’aghju tumbatu. Fù lu trent’unu di dicembre a stagione venia à fine Nè pigliedimu la strada à le stelle matutine U fiore di l’omi valenti è di le bestie mastine. I trè ghjacari chjamati Orbu, Culombu è Pichjone Sgualtri quant’è la saetta feroci più chè leoni Mi sbucconu arruvimendu da l’impostu à lu Stagnone. L’animale era feroce è di gran’musculatura Ma nùn c’hè statu scrittore per nutallu in scrittura E nùn c’hè statu pittore per ritrattalu in pittura. D’un solu colpu tiratu à lu saltu l’aghju tombu E si vide piove focu ancù fulmini di piombu Per tutti quelli cuntorni inturnati dà lu ribombu. Ci volse una settimana intera per fà la spartizione Chì c’era centu paesi di sette è ottu cantoni E ognunu pratendia à la massima purzione. E tuttu lu mondu sanu China, Francia è l’Ingliterra Bianchi, neri è frisgiulati chi cunnoscenu a so cera Dice chì animale di quessi ùn ci n’hè nantu à sta terra I PAISOLI D »OREZZA Tu chi da lu to castellu Vedi orizonti luntani Aprendu lu to purtellu Scobri Orezza e Ampugnani E casi di u Surbellu L’hai a purtata di mani Se tu guerdi a manu manca Vedi Croce d’Ampugniani Ce Casalta e Casabianca U Silvarecciu a cantu a Pianu In cima di l’altra Branca Olmi,Scata e San Damianu Suppranici u cantone U luntanu e u viccinu De Piedicroce a Stazzone Brusticu e Piedipartinu Casa in fondu di Cherchetu Pied’Orezza e Carpinetu Di punta,a tiru d’acellu Ben esposttu,in pienu sole Granghjola e u so castellu Ce Monaccia e Piazzole Valle,Rapaghju e Parata So piatti inde a so burgata Bellu nidu di virdura Paisoli furtunati Ce silenziu e aria pura L’usi so pocu cambiati Si vive in a natura cume i nostri antenati Ti pregu curagiu e forza Per mentene sta surghjente Quella di l’Anima Corsa Cusi prufondu e putente Ch’ella u’n cedi a nisu’n scossa Sempre fiera e sempre ardente. PAISAGHJI Mi frisgianu a memoria Issi capelli riccamati Ochji calisgine è storia Pè isse strade è lochi amati. Sopr’à l’acqua d’istatina A to faccia di nunziata Collu d’acula marina Cù la pelle basirgata. Labre d’uva malvasia Cum’è duie ale accuppiate Fronte spechju è puesia Di settembre vi n’andate. Chjar di luna nustalgia Cù li pianti di la fata Bocca toia via via Lingua è parulla fidata. E bracce chjama luntana Spinu d’alba è di serenu Dinochje di la sulana Pochju chetu è tempu pienu. Cù la so sete liata E to mani à lu scupertu Focu è fola sunniata Di e to ghjambe à libru apertu. U to corpu muscatellu Pianu pianu rispiratu Nant’à l’onde lu batellu Di u ricordu prufumatu. Un billicu nidicale Sessu ventu inzuccheratu In pettu nidu è piuvale Un cor d’acellu sfiatatu. CAVALLU Onfànella di stu mare T’ hanu chjamatu Cavàllu E strade di lu moi mondu Ti terrenu da cunfina Si à l’orlu di l’infernu O principessa turchina N’ant’ a lu to mare malatu Oghje u ventu hà cantatu Onfànella di stu mare T’ hanu chjamatu Cavàllu Banditu st’incettadore Chi scurticheghja u to visu Scalatu da mare in là In cerca d’un paradisu Ma sulchighjatà hè la to rena Onfànella di stu mare T’ hanu chjamatu Cavàllu Maladi vogliu à lu strettu U marosulu isulanu Chi sbatticciulava tantu E s’ammansa pianu pianu Chi ùn bastanu é to ghjasteme Per parà cio chi omu teme Onfànella di stu mare T’ hanu chjamatu Cavàllu L’onde ingorde di u terraniu Ponu anigà e to brame Qui firmera una voce A palisa e cundanne Nant’ a lu to mare malatu Oghje u tonu hà cantatu |