 A principiu |
| Guarisce Sguassu e to ferite Cù un guantu di seta Sguassu e nostre lite Di tonu è di saetta Contu i to rispiri Cù un rillogiu di piombu Contu i suveniri Chì ùn trovanu ribombu Eo t’aghju da guarisce Cù e mo mani lisce È ti purteraghju Sanu è arrittu ind’è tè Ma chì suffierà u ventu Cuntrariu à i to ansci ? Sbatte e tendine È chjose e finestre Indiferenti U core rottu è e mani frustate U corpu biotu è i panni spezzati E spighe goffe chì ùn mutanu granu I falchi ti piglieranu Indiferenti à ogni dramu vanu L’acelli fiscanu pianu A vista di a nuttata È a terra scaffittata À chì ghjova à chì ghjuverà ? S’ella hè guasta a storia, s’ella hè guerra a gloria Ma chì vale ma chì valerà ? À chì ghjova, A chì ghjuverà ? A carne rotta è e mani ligate L’intornu biotu è i panni appezzati A sbacca soffia è muta l’umanu Elli ti piglieranu Indiferenti à ogni dramu vanu L’omi a si infilzanu pianu À ochju è à vista nata A realità sfacciata Sò a forza sò l’immurtale M’abbasta a to storia S’ella guerra a gloria Ma basta a to storia S’ella hè vera a gloria Sò diventatu Sò diventatu u mo suminatu Ciò ch’o mi sò tenutu è ciò ch’o mi sò lasciatu Sò diventatu puru ma ciò ch’aghju schisatu. Sò diventatu ciò ch’o temia Mi ritrovu solu cun tuttu ciò ch’ùn avia Cun tuttu ciò ch’ùn vulia Sò diventatu u scempiu di l’anni ciò ch’elli sfacenu i danni Ciò ch’elli sdicenu i panni, ciò ch’elli stancanu l’affanni Sò diventatu u mo fabricatu Ciò ch’o mi sò vendutu è ciò ch’o mi sò cumpratu Sò diventatu muru ma ciò ch’aghju sciappatu Sò diventatu u mo perdonu di tutti i mo passati Di tutti i ricordi persi di quelli sfurmati O da Santi o da Demonii U t’inventerai u to solu basgiu Solu pè riprincipià ; Sole per induvinà Sò di ventu è sò di sale, S’o diventu irreale, Sò di ventu irreale Di punta à l’abbissu Donne di sole solu di lume site È centu fole à e labbre fiurite Lebbii i passi chì di fiamma muvite Ghjocu di chjome à cunsumà e vite Fate morgane è petre calamite Donne di luna mele di luce tonda Campu di stelle, eternu di a stonda Cantate voi l’abbissi à a sponda L’arreghju felice chè vo furate à l’ombra Chì furlana à a furdana mannelli per a tomba Da francà u sfracellu Di l’ultimu vascellu Fate ci un segnu Date ci un sognu Di piacè pienu Di pace colmu Eppo rebbia d’amore A corsa di l’ore Donne di l’onda di l’acque chete o sciolte Mosse ritonde in l’ande dritte o torte Memorie fonde di spere date è tolte Rii giocondi fiumare à le volte Tempere pregne è sumente sepolte Donne di petra di punta à la pazzia Torre arritte annantu à a batticcia Ultimu agrottu, chjostru è abbazia Di petta à l’oddiu chì oramai si piglia I tempi novi d’amore in caristia Schjarì u to chjassu Schjarì u to chjassu Senza tracciatti caminu Svannì locu Cum’è scuma in un ochjata U sole hà brusgiatu parulle È una lenza di vita nurmale Avvelenati da e fatighe d’eri Omi è omoni Donne è dunnoni Zitelli è zitelloni Vechji è vechjaconi Si sveglianu Fiacchi digià ch’elli sò d’oghje E cugnole ùn sò fole Ùn sò fole e cugnole. Ancu Sfarente Ne suminate resistenze Quantu ch’è albe à e sperenze Sò di listessi annacquà Quale chì ti innalza o corsu ? Quale chì ti tene u morsu ? E nostre case incastellate Cum’è rifugi di spartere Ancu richjose e nostre labbre Ci ne hè sempre parulle fiere Quand’ellu ci vole à salutà Un mondu scemu à bracanà I nostri populi à sbirbà Un lindumane ancu sfarente È un caminu à sculinà Di ghjelsuminu è d’alimee Sò imbalsamate e to idee I to verani à festighjà Quale hè chì ti para o corsa ? À quale a to manu è porsa ? À un avvene imprimuratu Di a nostra pace à intempià U nostru abbracciu innamuratu Quand’ellu ci vole à viaghjà Da l’esse à u diventà Felici Suspesi A mio grande pazzia A mio unica è sola Uva malvasia Visu chì cunsola Da e to alte fonte Aghju betu l’amore Ma l’acqua da li monti À u mare cambia culore Pè una notte sola Una volta fola sola Una sola volta à mè Pè u to adore solu U to ardore stolu sole Un albore solu à mè Felici suspesi, felici suspesi. U Tornaviaghju Ind’è e stonde chì tuttu pianta Nascenu i ghjorni di dumane Nè mondi nè menu silenzii U tornaviaghju Si ne hè inchietatu è ghjunghje quì Incù a luce di u to corpu Campanu ghjorni à le to mani Nè lochi nè secreti strani U tornaviaghju Si ne hè stunatu è ghjunghje quì A filicaghja chì nunda piatta Calma l’abbracci di l’umani Nè canti nè viulinate U tornaviaghju À ascultatu pè ghjunghje quì In una sponda chì tuttu inventa Fiurisce u ghjocu di i to basgii Nè carche nè menu spugliate U tornaviaghju À visticatu pè ghjunghje quì Dumane sulcheremu novu U mondu amore infinitu Sò fole pè quellu ch’ùn prova U tornaviaghju Si ne hè vultatu à ghjunghje quì Dumane sulcheremu torna U mondu amore infinitu Sò lascite à quellu ch’ùn trova U tornaviaghju Si ne hè vultatu à ghjunghje quì Paghjella Ùn ci ai chè duii ghjorni È dumane ti ne vai Avanti di sulcà l’onde Veni è toccami una manu È s’ella ùn ti face pena Ancu un basgiu pianu pianu A To Cullana À zirli d’oru è di ricami Mi chjama u mare à annacquammi Sò centumila e induvinelle Sò centumila i balsami À scoppi acri è dolci rami Mi chjama u mare à annacquammi Sò centumila e piattatelle Sò centumila i fresterami À l’aldilà sò ale di quì chì ci anu da purtà À gode lochi è appaspalli Mi chjama u mare à imbarcammi Sò centumila e luminelle Sò centumila i fanali À vede à tè è a scrinatti Mi chjama u mare à annigammi Sò centumila e nannarelle Sò centumila i baratti À l’aldilà sò ale di quì chì ci anu da purtà À chjama amara u mare chjama A chjave hè in mare per pigliammi Sò poche strinte e cannelle È sola in pettu a to cullana À esse casa è fatti ghjanna Mi chjama u mare à intempiammi Sò tutte sciolte e funicelle GHJè sola in pettu a to cullana À l’aldilà sò ale di quì chì ci anu da purtà Stranieru Da L’Internu À principiu… Bisognu ùn ci era di fà tanta sbacca Di ceppu, di lingua, era viota brisacca À principiu… Nimu ùn si stava chjosi ingabiati Subitu cappiati l’acelli intrappulati À principiu… Ùn si circava solu à vende è à cumprà, A robba vinuta, tutt’era da fà la girà À principiu… Nimu ùn viaghjava à ciarbellu imprestu Ùn ci n’era danari in Banca Impresti À principiu… Ùn sò s’è n’eramu malaviati o sebiati A colpa vole culpisce, omu ùn hè cusì smizati À principiu… Listesse maschere, listessu curteghju À quandu megliu à quandu peghju À principiu… Ùn eramu partuti da annigacci Tanti chjassi da megliu ritruvacci À principiu… Nimu timia, cumu avarà da finisce ? Un fiatu, Unu, natu à l’Acqua di e spiscie Da u principiu, Tutti pari, trà paradisu è infernu, Tutti simu, stranieri da l’internu. |