 Da i to sogni |
| Da i to sogni à i mei Hè un fiore chi ci hè natu U lasceremu ingrandà Sin’à i culori cari Di a so più belle età Hè un arburu chi sbuccia Lascemu lu spampanà Sin’à ch’ellu porti frutta Sin’à lu so maturà Da i to sogni à i mei, hè un sole chi va Tra i toi è i mei, u feremu pisà Hè un acellu chi vola U lasceremu vulà Sin’à u celu turchinu D’un paese da sperà Hè u veranu chi vene Lascemu lu avvicinà Cù le so tempere belle E a vita à rinnuvà Hè una voce chi canta Cù Quill’altre à ricuccà E po trè si so liate Da l’armunia à truvà Hè una luce chi splende Lascemu la splendurà Da Ii so monti è le piaghje Sopr’à un mare è libertà Musica A musica hè in noi tutti Hè un arburu à mille frutti Hè di spartera è di passione Di pace è di revoluzione A musica hè sempre à fiancu Hè d’albe è di notte in biancu Hè un chjassu à spessu incertu Un viaghju à core apertu Mi dai quantu ti DO Da FA MI diventà RE È SOL’accantu à tè Un omu liberu so ! A musica hè una furtuna Trà l’alme intreccia a so funa Si po veste di malincunia D’amore schiettu è d’allegria A musica hè universale Una richezza immateriale Po esse antica o muderna in u tempu fermerà eterna … Scrittori A notte sorge per sfiurà o to scrillura È à lucendiluna cù l’estru vagabondu A to piuma lesta custruisce un mondu ln l’andatu paisanu di a vechja cultura Sempre porti a to petra à l’edifiziu Sintinella fiera d’esse di issu paese U versu indomitu eppo e mani tese Conti una storia spruvista d’artifiziu Pueta di dumane, d’oghje è di prima Ti vogliu ringrazià è di ti la mio stima Inalzà ogni mente versu l’alta cima Chi porti u to core in punta di rima Ricusi ogni gabbia di legge inghjusta Sempre arrittu è prontu à difende L’anima altiera chi mai ùn s’arrende Manteni accesa a più nobile brusta Umile, presente di pettu à u timore Lasciendu a to mente corre à briglia sciolta Scrivi a lettera d’oru, a pace è a rivolla È per l’eternità a to rima mai ùn more L’isule surelle À l’ascosu di u mare, si scopre una citadella lnturniata da le torre, quelle mute sintinelle Cume eterne vardiane, sempre arritte è ribelle Radica di la mio vita, la mio cara Cursichella U to sguardu tuccherà, una stanlara arcana Capraia ella si chjama, testimonia marturiata D’ogni feroce battaglia, di a so storia calpighjata Ma s’inalza alta è fiera. cun un visu di guerriera Ne so le quattru surelle, arradicate à lu mare So meravigliose gemme. cum’è elle ùn ci hè la para Traierà l’isula d’Elba. d’un prufume dilicatu Purtatu da quella ambata, una carezza innuchjata Mi fendu innamurà, di a to belezza incantata Si la richezza sicreta, un accintu infantimatu Si pittura à l’orizonte. quellu scogliu sbandunatu Sta furtezza sminicata, chi strapiomba la marina Sta muntagna luminosa, splendurente da regina Monte Cristu hè lu so nome. un locu santu è sacratu Ne so le quattru surelle, arradicate à lu mare So meravigliose gemme, cum’è elle ùn ci hè la para Ne so le quattru isulelle. quattru eterne sintinelle Meravigliose arcipelle. di u mare e figliulelle Minuritaria Ederki trufatzen zarete gure aberastasunaz Beldur baitzarete desberdina denaz Herri bat ukatzen duzue, ta itotzen kemena Ez baituzue ikusten haren edertasuna Serrate ogni porta à la nostra spannata È nulla ùn v’importa s’ellu vene da l’altri lncù u tonu spertu site frà i più sgualtri Pè ghjudicà l’incertu d’une schietta parlata Ma ferma sempre in l’aria Una voce per fà capi Chi a lingua chi campa qui Di l’altre hè sulidaria È benchè minuritaria Mai ùn puderà spari ! Ader makur zaharkituak, errotik bote eta hautsi Hazia eta fruitua, denak lehertu eta suntsi Deus ez da gelditu behar lehenago zenetik Hemen ezpaita besterik indar legea baizik Ùn vulete più sente a minima parolla Di e favelle spente in core di e regione Cù l’animu spietatu stirpate u paragone Solu u vostru parlatu hè degnu d’une scola Generazione So d’una generazione Chi dà retta à u vanu Ricusendu l’usu anzianu È tutte e so tradizione So d’una generazione Chjusa in u virtuale Ch’ùn sà più quant’ella vale A spartera è l’unione Ma ùn vogliu esse cusi Ùn hè per mè issu mondu qui Aghju altru à fà è altru à di È un stintu da custudi So d’una generazione Da u parè sottumessa Scurdendu d’esse sè stessa Di pettu à u paragone So d’una generazione Accecata da a gloria Chi tralascia a memoria È a storia d’una nazione Generazione Di tradizione Generazione Pronta à l’unione Generazione Nova nazione Versu novu Cantemu lu versu novu, cantemu lu benestà Cù l’amore di travaglià ritrovu Cantemu un verde veranu. un avvene à suminà Chi dumane leverà u granu No chi stu locu ùn hè chjucu Chi ghjè quellu di u core Hè u locu di l’amore – tenutu No chi sta vita ùn hè stretta S’ella hè quelle pellegrina A strada di a matina – diletta No chi stu tempu ùn hè scarsu S’ellu hè quellu di l’accordu Cù lu so vechju ricordu – spapersu No chi l’avvene ùn hè cottu Un’alba nova si pesa ln tutti ci surteremu – da u ciottu No chi sta lingua ùn hè persa Chi s’ella ne fù sbandita Avà dicerà la vita – diversa No chi st’isula ùn hè morta Compiu u tempu di notte ceca Beatu quellu ch’arreca – è porta Fighjola À terra ùn hà spèrenza Sola ùn si po difende ln faccia à l’ignurenza Di l’omu chi vole vende Smintichendu a filetta Per empie la so bunetta U rispettu ùn esiste Per u solcu di l’antichi A scimizia di l’acquisti Hà sfattu i so vistichi Sfraiendu senza primura I muri di a cultura Ma fighjola u to locu Fighjola ogni circondu Da a cima à u fondu Si ne more pocu à pocu Chi n’hè ghjunta à l’abbrocu A richezza di issu mondu Hè svanitu l’ideale Di u valore passatu Chi u stintu attuale À morte hà cundannatu Un populu chi fù rittu Ma ch’avà si ne stà zittu Hè sradicata a virtù ln u pettu di l’avvene È di tuttu cio chi fù Ùn fermarà ch’è fulena Spazzata senza rimorsu Attempu à l’esse corsu A fiancu à tè À fiancu à tè ogni ghjornu Hè un sonniu rinvivitu Andata senza ritornu Versu l’amore infinitu À fiancu à tè tuttu splende Chi u to visu rischjara È d’un uchjata accende A me più intima fiara À fiancu à tè, à fiancu à tè … À fiancu à tè l’armunia A campu à vita persa Cum’è un raghju d’allegria Chi u mio esse attraversa À fiancu à tè l’avvene Hà un gustu d’eternità .. Chi pè quessa è mille à vene A mio vita cun tè serà. Presente Ai tante brame in core, à fà cresce Avvinte da u timore, d’ùn riesce Ai tante secrete sfide, da vince Un mondu chi ti surride è à a gioia scunvince Ùn attempà e spere chi teni in mente Fà ribumbà a to vuluntà ardente Pè fà carnpà ogni sonniu à u presente Ai una richezza in tè, seppelita Pè supranà ogni frezza, di a vita Ai una fede in e vene, ch’ùn pianta Agguanta u to avvene. d’una forza tamanta Ai da sempre in e mane E chjave di u to destinu Per inventà un dumane Senza teme u camminu … Camperà Ci avete insegnatu l’arte È a fede d’intraprende Una passione da sparte Cù a forza ch’ùn s’arrende U rispettu di l’impegni È u valore d’esse degni Ci avete senza paura Francatu da tante strage È porsu for’ di misura A richezza di a pace Quessa fiara da mantene Pè custruisce l’avvene D’ogni mossa smisurata L’estru emu à tramandà Cusi a vostra operata Cù u stintu di tempi fà Camperà Ci avete datu u sensu Di marchjà à capu altu Eppo u curaghju smensu D’ùn teme nisun’assaltu A certezza di un chjassu Chi si traccia passu à passu Ci avete per dumane Lasciatu un patrimoniu Alzatu da le vostre mane Da francacci da u bisognu Cù a vaglia è l’umiltà Cum’è puntelli da ùn scurdà Pace Mi designate in dernu Quandu morgu in a folla Piatta in a prumessa frolla Di un dumane fraternu Mi cantate à strappavoce Da sfugà doli è ferite Mischjata à tante Iite Chi vi mettenu in croce Ùn aghju nisunu culore È più pocu religione Campu solu à cundizione Di un cumunu amore Quandu più ùn si discorre Ma s’intrattene l’unione Mi bramate à palesu Per un mondu più felice Pruclamata fendu nice Chi u male s’hè arresu Mi pregate per dumane Cum’è un’ultima sperenza Mugata da l’ignurenza Di e pazzie umane … |