 Ella |
| ANNIVERSARIU DI MINETTA Per tutti l’anni chi sò scorsi Per le to gioie è le to pene, Per li fatti è li discorsi Per lu sangue di le to vene E per la to memoria cara Chi luce sempre in core à mè Vogliu gode ogni stonda permessa Vogliu godela per tè Per quelli chi à tè sò cari I to figlioli,la to ghjente Per lu to granu,i to filari Per lu core è per la mente E per la to memoria cara Chi luce sempre in core à mè Vogliu gode ogni stonda permessa Vogliu godela per tè Per li to ochji à la funtana U to amore immensità, A cara Santa nostra mamma Per l’oghje è per l’eternità. E per la to memoria cara Chi luce sempre in core à mè Vogliu gode ogni stonda permessa Vogliu godela per tè Tù sì la mio surella cara Quella ch’è nata à tempu à mè E’si di mè stessi luntana Seraghju sempre accantu à tè E per la to memoria cara Chi luce sempre in core à mè Vogliu gode ogni stonda permessa Vogliu godela per tè CI VOLE TANTU TEMPU Ci vole tantu tempu Per cresce l’alburoni Paralli dà u ventu Quand’ elli sò pulloni Annaqualli u presente Assuvacci l’avvene È mette in cunsumente Ciò chi fù ciò chi vene Ci vole anni è anni Per appacià la vita Nùn’ calculà lì danni Francacci d’ogni lita Sapè chi ogni stantu Aghjunghje a sò spiscina In lù fiume tamantu Chi corre a la turchina Ci vole tant’ amore Per pUrtà li zitelli Senz’ odiu nè timore A lindumani belli Assicurà li sò passi Senza nisun’ catena Quandu i nostri i passi Si perdenu in la rena Ci vole tant’ unione Per cullà è muraglie Scialbate a cumunione Di la cumuna casa Chi ci vole cusi pocu Per sciappà l’acquistatu È per piccià u focu Ind’ è u suminatu HÈ UN ISULA Hè ùn isula chi trema culà Dà u furore lucichente Di a sò ghjente stàtela sente Cùn gravità Hè un isula chi vole girà Dà l’amore splendulente Di a sò ghjente statela sente Dà ribà in là Hè un isula chi brusgia culà Ind’ è u dulore penitente Di a sò ghjente a tene a mente Un ti scurdà Hè un isula chi vole campà A u sole cù a sò ghjente Qual’hè cun sente ch’ellu, si pente Di stà vuluntà Hè un isula chi s’apre culà Cume un fiore novu framente Giovana ghjente di core ardente È di verità Hè un isula di ghjente culà Di cantatori è di musichenti Sò d’isse ghjente stàtela sente Dà ribà in là Hè un isula Hè nostra isula Hè a Corsica I MALANDRINI Perchè a vita hè dura È ch’ella calci mena Femmu finta d’avè Attundulita a schiena Mà sè bella sicura U ventu gira appena Currimu a u piacè Cum’ è corre a piena Noi simu I malandrini Ricchi di tempi arrubbati Purtemu Nantu a i spini I sacchi pieni di peccati Noi simu I fallatutti Emu tesori in ogni grotta Femmu a i Manghja prisutti U colpu di a mela cotta Perchè a vita ammura I castelli di rena Ci basta di sapè Lochi ch’ ella sumena Quandu bella sicura A luna luce appena A ci femmu valè Per buscacci a cena Noi simu I bambuscioni E nostre notte so falculelle Purtemu a I buttiglioni U stessu amore ch’ a è zitelle Noi simu I sbulandrati Vercapughjali mezu mazzeri Di paura D’ esse ligati Giremu spalla a i penseri Perchè a sorte scura Cùn noi hè poc’ amena Emu cura d’avè A panza sempre piena Quandu bella sicura S’affacc’ un sol’ appena Tandu femmu dà rè Ch’ un cunnosce catena. SÒ Sò Sò ùn arburu sò Stò longu a i stradò Induvè mai ci vò Induvè mai ci vò Dò Eiu l’arburu dò Frutti di è stagiò Fatti cùn tant’ amò Fatti cùn tant’ amò Sò u castagnu danciu Abbuchendu lù corsu In tempi troppu fieri Sò l’altu piobu slanciu Pitturendu lù celu In li nuli legeri Sò l’alivu pasquale Chi porghje una veta A la culomba bianca Sò u dolce reale Chi prupone l’arreta A la palomba stanca Sò Sò un arburu sò Sò di u ventu è canzò Arricate d’ altrò Arricate d’ altrò Dò Eiu l’arburu dò Frutti di è stagiò Fatti cùn tant’ amò Fatti cùn tant’ amò Sò l’arburu licore Chi dà rossi pendini SPARTEREMU L’adore di a notte chi colla dà u mare È l’amore di tè ch’inceppa a mo fiara È ragio d’esse toiu eppò libaru a tempu Tuili i detti dolci purtati dà u ventu I ritratti di vita chi un sò a palesu È stagione chi vanu è i fanali accesi U sole chi t’accende u visu di passione È u contrarilogiu d’una vechja canzona I ricordi luntane i l’estate pè e strette A scola paisana a neve pè i tetti È prime puesie i canti di l’estate È a Corsica altare ch’accende u mò fiatu L’amori d’una notte è girandulate Quelli chi pè u sempre in core sò stampati A porta di a casa l’abbracciu è u licenziu È i paesi vioti ch’aguanta u silenziu A notte sittimbrina a l’ochji di a santa A degna impruvisata u furcatu chi canta Un’ alba statinaghia chi dica l’accunsentu È’ssa putenza calma chi vene dà l’oriente. U CIUCCIU E U PALLÒ Ti darà l’orizonte U ventu cù u sole E piaghje è po i monti L’acceli in lu so volu Ti darà a billezza L’abbracciu è a spartera E tutte e ricchese Di l’antica manera Ti darà u batellu, u portu, u viaghju U ventu ind’è e vele, a casa, u pagliaghju Tutte e puesie di pueti verdi A porta aparta à tutti, paisani o frusteri Ti darà a passione è a simplicità E l’amore di l’altri per fatti viaghjà Ti darà a pudenza u garbu senza viziu E po u so pallò in segnu d’amitizia Ti darà u so fiatu l’immensu di u so core E tale una mamma a passione è l’amore Ti darà a so corsa à i chjassi di a storia E u pugnu pisatu in segnu di vittoria E infine l’eternu di una testa mora Stampata in focu d’oru annantu à u so core. LAMENTU DI U CASTAGNU Or chi l’averaghju fattu A lu corsu cusì ingratu Chi m’ha fattu la sintenza E à morte cundannatu Senza sente tistimoni Ne cunsulta lu giuratu M’ ha dichjaratu la guerra Cume à un veru malfattore ; M’ ha messu li sbiri apressu Chi m’attacanu terrore. O Corsu, rifletti un pocu, Versi me si senza core. Cume à un banditu da forca Tu m’ hai messu lu taglione ; Di tutta la me famiglia Voli tu la distruzzione. O Corsu, s’hella ti piace, Dammi una spiegazione, M’ hai chjappu a l’arma bianca, Tu per esse piu sicuru, Quandu impronti lu mio fiori, Quandu lu fruttu è sicuru. Un mi porti alcun rispettu, O Corsu, si cusi duru! Ne voli vede la fine, Tu un guardi la stagione Cull’ arme sempre in campagna, A mazzola e u sigone, Da la matina à la sera, Batti senza cumpassione. Subitu tagliatu à pezzi E per mettemi in pappina Chjami li to mulaterri Per cunducemi à l’usina; O Corsu, rifletti e pensa Chi faci la to ruina! A un suppliziu senza nome O Corsu, m’hai cundannatu : A passà sottu à le seghe E coce cume un dannatu; In botte chjirchjate in farru Sò subitu imprigiunatu. Un sentu in tutte le borghe Che tintenne e tintennoni, Bestemmie di mulateri, Lu fiscu di li sigoni, E di mule, carri e trenni N’ è pienu strade e stradoni. E’na guerra dichjarata, Un è mica guerra finta; Un si pensa ad altre cose, Un si pensa che à la tinta. La mio povera famiglia S’ella dura è prestu spinta. Un ti ne ricordi piu, Corsu di li tempi andati ? Di Sampieru e Sambucciu, Di tutti li to antenati, Quandu da tanti nemici Eranu sempre assaltati ? Qual’è chi li siccuría, Chi si dava tanta pena ? Qual’ è chi li mantenía Ben purtanti, à panza piena ? -Li mio frutti inzucarrati. O Corsu, rifletti appena ! Un ti ne ricordi più, Una sera, à lu fucone Tutta la to famigliola Cantava lu lazarone ; Eramu un vennari sera Di pane manc’un buccone. Qual’è chi ti succurrí, O Corsu, in quella sirata, Chi mittiste la paghjola E feste una pulindata ? E cusì passaste alegra U restu di la nuttata. Un annu nun ci fù granu E d’orzu manc’un granellu ; Fiore tandu un ne sbarcava, Trimavi da lu tardellu Chi ti dava Mamma Piera. E avale un sì più quellu ? Qual’è chi ti rilevò, O Corsu in quella stagione ? Chi t’empía di pisticcine Ogni sabatu in curbone ? Eppo’avale ti sì messu O Corsu, à fa lu briccone ! Guarda quante pimpasculate, Quanti colpi aghju paratu ! Da la fame quante volte, O Corsu, t’aghju salvatu! Ed avà da gran nemicu Versu me sí dichjaratu. Ti vindii li me frutti E’mpattavi li to affari ; Vistii li to figlioli, Rigulavi li scarpari ; Ingrassavi lu purcellu, Tutti l’anni avii danari. Cantava lu mulinaru Ch’avia pienu lu mulinu, U cavallu galuppava Sott’à lu so carruzzinu, Chi per tuttu lu mio fruttu Era, O Corsu,un gran festinu. Facii porte e purtelli, Sulai, casce e cascioni, Intempiavi la to casa Tu cu travi e cantilloni, Grazia, O Corsu, eppur la sai, A li mio gran figliuloni. Ancu sin’à la to cascia Quandu parti à l’altru mondu Ti furniscu, e sta sicuru, O Corsu, ch’io non cunfondu ; Bastardu di Sambucciu, Almenu rifletti à fondu ! Quandu la guerra è finita, Chi sarà di te, mischinu ? Zappa puru lu to fornu E chjodi lu to mulinu : Parterai per lu mondu, Errente senza un quatrinu. Ne farai lu tennifesta, E lustrarai le botte, Durmerai cume i cani Quandu vinerà la notte Perchè vindetta dumanda L’alberu di le ballotte. Sempre cu li stracci à collu Passerai piani e muntagne ; Camperai a erbiglie crude Racolte nu le campagne, Perchè vindetta dumanda L’alberu di le castagne. La to cumpagna di strada Sarà sempre Mamma Piera ; Per tuttu la truverai, Sempre ti sarà sincera ; Ti farà di la so scorta, Corsu, lu portabandera E famitu cume un braccu Criparai dentru à un fossu. Li padroni di l’usine Diceranu : »Tarra addossu, Chi lu nostr’affare è fattu. » Pensa bè, rifletti, o Corsu. Chi ti poi sempre rimette Di tutti l’errori e sbagli. Mandali à fà le sighere A sa mansa di canagli ; Cusi abanduneranu L’usine cu li travagli. E lu to caru Castagnu Risterà duv’ellu è natu, A lampatti lu so fruttu, Tantu dolce e inzuccaratu, E cusì sarai, o Corsu, Cume nanzu invidiatu. U RÈ ULYSSE A’ nant’ a lu mare d’ogliu Batte batte la remata Sò tant’ anni chì a mogliu A barcell’ hè infracicata U legnu ùn tene piune Cù a pece ch’ omu schiaffa Si vede passà u lume E pò l’acqua pè è sbaffe I marinari sò stanchi Ci anu dà lacà a pelle Arrembati a li sò panchi Anu vistu troppu stelle Per guidà lu sò viaghju A la più strema cunfine E pudè di « Vulteraghju » Mà nùn’ vedenu la fine In popp’ a lu bastimentu Ci hè u rè impeseritu Hà u sguardu basi spentu Di vede troppu ferite È hà l’arrechje dulente Piene di sale è di rena Di chi hà intesa punente U cantu di la sirena A donna stat’ in palazzu Averà sappiut’ aspettà U maritu resu pazzu dà li mondi a visticà Dà lè maghe accugliente Belle cum’ è chjar’ di luna Chi si danu a la celente Per ùn basgiu di furtuna Dà la regina zitella Chi u salvò nant’ a la rena Dà la timpesta ribella È u si vulia tene. U sole di l’alburighata Hà dà fà rossu lu mare Chi si danu a la celente Per ùn basgiu di furtuna Dà la regina zitella Chi u salvo nant’ a la rena Dà la timpesta ribella E u si vulia tene U sole di l’alburighata Hà dà fà rossu lu mare Chi si rode pianu pianu U batellu è chi pare U sangue di li cumpagni Colt’in piena giuventù Senza stridi é senza lagni E ch’un’ vulteranu più Serà megliu lu ritornu O pate l’etern’errenza Pe riscattà ogni ghjornu D’una cusi long’assenza UNA LETTERELLA Per ùn carru di stelle È ùn fiume di lume È per u celu sanu Chi vensi ùn sò cume Dà empieci lù core ti scrivu Una letterella firmata dà mè Cùme ùn’ acella Vola versu tè Per cio ch’ ùn aghju dettu E cio chi ùn si dice Quandu silenziu tesse Una stonda felice Una letterella firmata dà mè Cùme ùn’ acella Vola versu tè Per lè quattru stagioni E quella chi ti piace Per palisa l’amore E di chi’ ellu face Chè tù m’empii lù core Ti scrivu Una letterella firmata dà mè Cùme ùn’ acella Vola versu tè |