 Ci sera sempre un cantu |
| Ti vecu o la mio bandera Ti vecu o la mio bandera ln lu fiore chi si spanna ln ogni stantara à u sole ln ogni chjoccu di campana Si per mè I’ altu fanale A mio strada , a mio funtana O la mio bandera Ti vecu o la mio bandera ln ogni fiume chi corre ln lu s’abbracciu à lu mare ln a ghjanna di l’albore Si per mè a stella ardente Guida di u m’esse in bullore O la mio bandera Ti vecu o la mio bandera ln ogni monte sculpitu ln ogni larice, ogni leccia ln ogni castagnu feritu Si per mè a scorza ardita Di l’arburu sempre arrittu O la mio bandera Ti vecu o la mio bandera ln lu pientu di u celu ln la manu chi si porghje In la risa di u zitellu Si la mi’antica cullana A mio brama, u mio ghjuvellu O la mio bandera Ti vecu o la mio bandera ln ogni figliolu natu ln lu volu di l’altagna ln l’agnellucciu à u pratu Si per mè l’ultimu annellu U mio granu, lu mio fiatu O la mio bandera Ti vecu o la mio Bandera ln lu vechju campusantu ln u passu di a muvra ln a rima di u mio cantu Si per mè I’ eternu abbracciu A issa terra ch’ eo tengu tantu O la mio bandera, O la mio bandera. Svintuleghja a mio bandera D’Acqua, Focu, D’Aria è Terra Si surghjente, musa Altiera O la mio bandera O tarra isula matre O tarra isula matre, M’ arrembu à u to scogliu lnduv’e travu suchju È l’amore ch’e cogliu Hè mazzulu di speme, Di filetta è di muchju, Ch’e tengu forte in manu O tarra isula matre. E s’andessi luntanu O s’e vinissi à more, Partariamu inseme, Perchè ti portu in core. Vecu stantare arcane, Sicrete citadelle E torre inariulate, Eterne bardiane E mute sintinelle Di e stonde impastate E di guerre è di patti O tarra isula matre. O tarra isula matre, M’arrembu à la to storia, Da fà chi nimu smatti A fiaccula mimoria. O tarra isula matre, L’orizonte spalanchi, Quandu sfrisgendu l’onde, U primu ragiu vene À tuccà e to sponde È m’ arrembu à I’ avvene Chi nasce à i to fianchi O tarra isula matre. Digià I’ alba pettina U to celu chi s’apre, ln un nominepatre L’aria si culurisce … Ma prima di smarisce, Ti basgiarà e labre U mio sonniu in pulvina . E more l’omu Vogliu cantà a tristezza di le to stonde So di pernu I’ ore è di sangue li passi E more l’omu è ride l’assassinu Di stu populu infermu di pettu à la digrazia Vogliu cantà l’albe nere chi so le toie A to verità si scrive in la pistola E more l’omu è balla l’assassinu Annatu à la to salma è per la so vittoria Vogliu cantà l’isula turnata macellu Tante viulenze ti so tante catene E more I’ omu è canta I’ assassinu Di veste ti di dolu è nutrisce e to pene Vogliu canta ch’ogni voce porta sperenza A chi ferma mutu mantene altu lu muru E more l’anima di firmà di silenziu E s’impone superbiu u regnu lu più scuru Vogliu canta ch’ogni voce porta sperenza Pesa ti avà Pesa ti avà è feghja la a muntagna Da induva venenu u ventu, u sole è I’ acqua Tù chi cummandi u corsu di Iu fiume Tu chi sumeni u volu di a to alma Pesa ti avà è feghja le e to mani Per cresce inseme stringhji Ie so mani A ogni corsu è uniti in la brama Hè oghje chi devi sculpi dumane Caccia ti di quellu chi ti porta la miseria Inventa u to reame di ghjustizia è ugualità Soffia Iu da ventu u pernu di l’ingannu Bursgia li da focu è l’inghjulie è l’affannu Sia fatta la to vulintà qui in terra toia Mughja la a to forza è a to fede pè Iutta Soffia Iu da ventu u pernu di l’ingannu Bursgia Ii da focu è I’affannu Pesa ti avà feghja Iu t’avvene Per cresce inseme dà la to manu à tene Cusi uniti, à core unu andaremu Avà è fin’à l’ora di a nostra morte Amen Basta un suppulu d’amore Basta un suppulu d’ amore Per sminticà ogni pena Per pudè strughje a catena Chi mantene tintu u mondu Basta un suppulu d’amore Per basgià a Terra sana Per chi monte sia piana E chi scornu sia tondu Qual’hè ch’ùn cunnosceria Centu guai ch’ellu porta Qual’hè ch’ùn ci crederia A u pichju di u so core Basta un suppulu d’amore Per sapè vede u sole Frà dui ochji quasi chjosi Chi sanu a lingua a più bella Basta un suppulu d’amore Per pudè spichjassi in celu Per campà ind’un vascellu Senza timone nè vela Sia quellu chi si strazia senz’avè altra primura Sia natu da a Grazia Cum’ella nacque a natura Basta un suppulu d’amore Per sunnià un paradisu Fattu tuttu d’indecisu E di passione infiarata Basta un suppulu d’amore Per esse omu senza sorte Chi si sfida vita è morte Da a so pianeta amata Ghjè un mondu chi s’avvia sopr’à puntelli d’incertu Ghjè un mondu maraviglia Duv’ è tuttu pare uffertu L’aghjalesa Cum’è tanti baroni lnchjirchjendu lu granu U nostru versu campa Accintu di canzone Cum’è le spiche d’oru D’un estate luntanu Rivocanu ste voce A u ventu passione È ribomba l’Aghjalesa lncù l’amore cumpagnu Rima fatta granelle, A parolla s’hè stesa Tal’abbracciu mandatu da u Mariterraniu Tal’abbracciu mandatu da u Mariterraniu Nutrita di sudore Risponde a sacra terra A tante chjame vive Sulcate d’ amicizia Cun sulana in lu core E cù I’estru spartera A a biada di u mio cantu Danu basgiu divizia È ribomba l’Aghjalesa lncù l’amore cumpagnu Rima fatta granelle, A parolla s’hè stesa Tal’abbracciu mandatu da u Mariterraniu Tal’abbracciu mandatu da u Mariterraniu Cum’è l’ambata fresca Ch’alliscia I’aghja tonda S’intrufola una arietta ln l’abbracciu cumunu Di stu chjerchju di vita Nasce musa ghjuconda Pane di lu mio esse Sonniu di creà l’unu E ribomba l’Aghjalesa lncù l’amore cumpagnu Rima fatta granelle, A parolla s’hè stesa Tal’abbracciu mandatu da u Mariterraniu Tal’abbracciu mandatu da u Mariterraniu Trà la leccia è l’olmi Corre u fiurme tra la leccia è l’olmi E ti sentu spatanscià Cù l’angoscia o mari fughji, corri … Per la to vita salvà Cerchi aiutu, cerchi fiatu Cu li to panni stracciati E t’infatti lu suldatu Ma n’ùn ti vole aiutà Sola strazii in la furesta scura Per in paese vultà Ti ne fughji calma di paura Chjami << Aiutu per pietà! >> – << Per piacè o sgio suldatu Ci so banditi quassù ! >> L’ omu ride di u to straziu Vole la to ghjuventù Corre u sangue trà la leccia e I’ olmi Un surrisu si ne và Cusi crudeli suldati st’omi T’anu vulsutu furzà Si scappata trasfiatata Pè risparmià lu t’onore Ma s’hè intesa a fucilata Ci so tant’anni dighjà … E vicinu à u mare Vicinu à lu mare ci spunta un bastimentu Di petre mute, terra senza cunfine Cor’di smeralde intricciate à u ventu Scogliu d’argentu libru d’eternità U sole spessu li volse fà I’amore Cù maestria dumà issa brama ardente À li so pedi u Rè Puseidone Lampa ghjilosu un vechju sirinatu Sirinatu à Rinosu, Capicorsu è Bavella Cavallu, Bunifaziu, bocca à a Misicella Ci si more l’Oriente cù le so verità Venusia la Divina li purto benestà Tempi fà San’Martinu infiarava e mente Di tanti zitellucci bramosi di credenze Credenze scunsumate è à pocu à pocu spente Streghe è mazzeri muti, piatti in qualchi cuscenza È po ci fù lu dolu, lu sangue, le battaglie Rossi tanti pratali, Cirnu o chi malfurtuna I canti, e cuccagne funu fatte mitraglie Quale di questa ghjente roderà la so funa Aio bandere corse, lentate e vostre voce Siate a saetta, u frombu, le rivolte Si disceta un cantu ver di e nostre foce Beiemu licore di tutte e nostre accolte È vicinu à lu mare, spunterà la so gloria E petre purteranu tetti, gioia è cantelli Vultarè Cursichella, tempiu di a memoria Scogliu d’argentu libru d’eternità. Una manera d’esse un omu Ci ai insulcatu l’arte di sapè cantà A lingua di li nostri, i versi muntagnoli Ore eppo ore sane eri tù à imparà A noi ghjuvanotti di Corsica figlioli Una manera d’esse un omu Ci ai fattu riflette à u veru campà Da nutrisce cun tè d’issa terra le vene Ore eppo ore sane ci dedi à sunnià A noi ghjuvanotti cun fiatu pè l’avvene Una manera d’esse un omu Ci ai datu lu sensu di l’umilità Senza rigiri falsi di u parlà sinceru Ore eppo ore sane eri tù à imparà A noi ghjuvanotti incù passione è fieru Una manera d’esse un omu Ci ai indittatu un chjassu, quellu di milità Per u populu nostru è le nostre surghjente Ore eppo ore sane ci dedi à impastà A noi ghjuvanotti cun sincera sumente Una rnanera d’esse un omu Ci ai impostu l’assenza quellu ghjornu o Natà lasciendu le to chjave è una porta aperta A noi avà la scelta d’entre ci è suvità A strada ch’era a toia, è l’andatura offerta D’un a manera d’esse omi Manifestu Eiu ùn cantu per cantà Nè per mustrà bella voce Cantu parchi a ghitarra Hè piena à sensu è raghjone Hè fatta cun core di terra E cù l’ale di a culomba D’ acqua divina ribomba Da binadi glorie è pene Seguita qui lu mio cantu Nutritu da I’ omu urfagnu La ghitarra militante lncù l’odori di Terraniu Ùn hè d’i sgio sta ghitarra Nè cosa chi I’assumiglia U mio cantu hè una scala Chi à le stelle ci avvicina Chi u cantu piglia u so sensu Quand’ ellu batte in le vene Di chi murerà cantendu A Verità ch’ellu tene Un cercu li sciaccamani Nè la rinomina altiera Ma un cantu chi purtessi Fin’à u prufondu di a terra Qui induv’ogni cosa compie E induv’ogni cosa cumencia Cantu chi fù di curaghju Sempre serà una sumenta Ci sarà sempri un cantu U me paesi hè qui à l’attichju d’un scalu U mari longu canta in a marina spenta Chi mondu purtarani i matini di ventu Chi brama o chi turmentu U mari longu inticcia è pienghji una sirena S’azzinga u migranti à i sogni di rena ln cerca d’una sponda un focu senza guerra Pur’una lenza incerta o un anghju di terra ln un mondu c’ùn sà Trà moghi o falsi rè Trà l’essa o l’avè Ci sarà sempri un cantu Ci sarà sempri un cantu Da scioglia l’addisperu Un innu o un lamentu Da richjarà u ventu Da parà a miseria s’inalzanu i muri Miditarraniu hè sciancu è dici u frastornu Da l’altu di i me lochi sona l’ingratu cornu D’una paura torna Miditarraniu vechju da la to ribba in fondu Ci balla u migranti a goffa tribisonda Di tanti passi immersi à li guai annudati Chi u punenti ingordu piglia senz’avè datu ln l’isula c’ùn sà Trà marosu è marina Trà l’onda è a ruina Ci sarà sempri un cantu Ci sarà sempri un cantu Una via una spera Un innu o un lamentu Da richjarà u ventu O generale Chi alba fù chi alba era Una nazione o una guerra Chi fù stu maghju veranu neru A sanguiniccia sott’a bandera A mezu à lagni eppo sciagura Cusi so natu in terra sdrutta Da la putenza senza primura Privu di noi di u nostru fruttu O Generale O patria disfatta d’ùn avè A forza è l’arme di un indegnu vulè Cù Ponte Novu aghju vint’anni E u so frombu mi sarà O Generale avà Un dolu è un spirà Cù la cuscenza e lu tramannu Contr’à i sbiri è lu guvernu U vogliu palisà l’ingannu Chi misse u populu à caternu A verità a vogliu scrive Datemi capu O gran Pasquale Da fallu degnu è fallu vive Di tutti i corsi l’idéale O Generale O Patria rapita in lu vulè Dà forza à l’arme di lumi è di sapè Cù Ponte Novu aghjù vint’anni E u so cantu mi darà O Generale avà Un scopu è un campà Ne vogliu esse O Generale Di u putere la contraparte Di u rinnovu lu mutale Napuleone Bonaparte |