 30 anni |
| Da eri a oghje, per dumane Ci era centu battaglioni, Per batte una milizia So ghjunti cù li cannoni, Trà armata è pulizza Di sottumette lu Corsu, Per elli era divizia Ghjunsenu li generali, Di l’armata ingannatore Per cummincià li carnaghji, Di lu populu maggiore La bandera insanguinnata, Oghje ùn li face onore S’arrizzebinu li Corsi, Per salvà lu patrimoniu È contr’à l’ingannatori, Si frustebbinu lu coghju Strada dritta è core in fronte, Per more sott’à un ponte Malgratu la resistenza, Chi fù longa è feroce Ci abbandunebbi la scenza, Per purtà la nostra croce Di lu populu di Cirnu, Si taci ancu la voce Poi ci fubbe l’esiliu, È lu macellu di guerra Tombebbinu babbi è figlii, Cundanebbinu la terra È di la testa di moru, Cummincebbi la traferia I’anima di a Nazione, Purtantu ùn era morta Si discito la passione, In Aleria una volta È sposa di la ragione, Hè in marchja la rivolta! ! Casacconi Vogliu cantà li mio lochi, È cuntà li so tesori Vogliu accende li mio fochi, Per sta pieve ch’aghju in core Casacconi hè lu so nome, Terra di tamant’amore Parleraghju di i Prunelli, Paese di a vindetta Hà vistu tanti macelli, Una guerra maladetta Duie famiglie stirpate, Causa d’una capretta Di la Penta è l’Acquatella, Sentu sempre lu dulore Hè quella d’una zitella, Chi hà persu lu s’amore Qui à Francesca Maria, L’anu crepatu lu core Di ferraghju trenta quattru, In l’Ortiporiu supranu Cum’è ottu hè quattru è quattru, A neve ci hà fattu dannu Ne sunnonu lu murtoriu, Pè e famiglie in affanu Sempre sposti à e sulane, Crucichja è Sant’ Andria Facenu sente e campane, Di a so chjesa vicina Chiper ogni paisanu, Ne serà sempre la guida È po si chjama Campile, Lu vechju capicantone È in ste case tranquille, Ribombavanu e canzone Quaodu chi lu sgio Gavini, Vincia qualch’elezzione Ci hè l’Olmu chi guarda in faccia, Traditu è po brusgiatu Da Genuva l’armataccia, È quellu ch’hà palisatu Ghjè da la so cara sposa Chi u so capu fù tagliatu Compieraghju pè u Monte, Paisucciu inalpellatu Chi alza sempre u fronte, Guardendu l’altru latu Fermerà sempre per mè, In u mio core paru… Vagabondu ln l’ alba matutine U pesu di a solitutine Ti lampa sempre in faccia L’addisperu chi t’ abbraccia I to occhji so sculuriti Da e disgrazie, e ferite D’una esistenza straziata D’una vita marturiata U to esse dislaziatu D’avè tantu straziatu Porta nant’à le so spalle Tante piaghe infernale U tempu sgrana e so ore Pisie è senza sapore Veculate da e stagione Chi correnu senza passione … Cun la to manu pisata Cerchi sempre un’occhjata Di fronte à l’indifferenza Chi bagna e nostre cuscenze Ma u curteu di a ghjente Face nice d’ ùn risente A miseria chi parti à collu Fasciata di i so panni di dolu A tombula di a vita Oghje hè tuccatu à tè Dumane qual’hè chi sà Quale la po piglià E sette nave Di nuvembre, lu vintisei, Cun seimilla guerrieri Partenu sette galere Di Spagna gloriose è fiere Da Barcellona sott’à e stelle U ventu ingunfiô e vele Cun canti è riturnelle Da strapassi le cannelle Per aiutà à Bonifaziu Doria ùn misuro u straziu Ùn li mancava u laziu Di fronte à tamanta disgrazia Lu tempu girô estrosu È si leva u marosu E un ne purto riposu Pè u figliolu è lu sposu È di e sette galere S’alzonu mille preghere Per scunghjrurà à sorte Chi li purtava a morte Tempu passatu à a Giraglia Diventô una vera battaglia ! Da lu celu a mitraglia 0 tamanta pagaglia ! A timpesta sciaffitava Cuntr’à i scogli inabissava Strappazzendu e sette nave Solu cinque funu salve Oghje ferma in memoria U ricordu di’ssa storia Pè amparà chi a gioia Ùn si misura à a voglia È chjama à chi vole sente Ch’ellu tenghi à mente Poi esse u più putente Ragione ùn vole sente … Memoria di maghju Era di Maghju lu ghjornu Induve ci nasce caspura Tante ghjente in stu decoru Cù una sola primura Facianu trimà a terra Senza teme alcun’paura Era gioia, era allegria Era stonda di spartera Per sustene à Bastia Ci era la Corsica entera Si sentianu l’evvive Ognunu à a so manera Ma ùn era nancu notte Ch’affaco lu tradimentu È si discito la sorte Furiosa cum’è lu ventu Si tacianu e rivolte In un soffiu di spaventu ln i bughjuli languenti Tutta la ghjente curria A chi circava parenti A chi era à l’agunia È crescianu li pienti In sta tamanta pazzia È po rivecu e fiure Di tremendi ghjucadori Aprendu le serrature A tanti sustenidori Donne, omi è zitelli In un grande corri corri È dipoi è oramai In a piaghja Furianinca In memoria di i guaii È per ùn scurdassi micca Diciottu nomi stampati In una bella petra arritta … Lingua liberta In lu mare quallà, Ci stà a Corsica Paradisu di benistà, Induve si po cantà, Induve si po parlà Una lingua chi face sunnià. Una lingua chi và, Una lingua chi sà Fassi sente quind’è quallà È finch’ella serà, A feremu viaghjà In lu mondu senza pientà. Hè un fiore chi s’apre, Nant, à tutte le lapre So parulle in quantità Di sturiett’è di fole, Hè d’inguernu hè di sole Hè liberu lu so andà Si sà a debulezza, È si sà cun certezza Ch’ella hè sempre da salvà lnteressu cumunu, Hè di tutt’è d’ognunu Demuli un novu campà. Ragione di luttà, È ragione di stà Cum’è un simbulu da francà Ancu quellu chi a sà, Mutu ùn si po stà Hè da sparte è da amparà. Da li tempi à andà, O Corsu ùn ti scurdà In paese o pur’in cità, Di falla ribumbà, È di falla schjattà Cum’è un frombu d’identità. RIPIGLIU Parlate avà, È fate parlà Fate la campà In bocca vostra A lingua libertà . Quantu so Quantu so ladr’è vulpacce À sfruttà lu mio paese Preghendu a santa pace Sott’u lenzolu francese È tutti sti dibbiatori Chi sterpanu u mio sperà Di lozzu anu l’odori Cum,è trecent’anni fà C’hè dinù i sapientoni Lesti è pronti à raspullà ln giru à li tavuloni Manghjanu quind’è quallà Accibati à suvvensione Dapoi quant’ùn si sà Anu anc,a pretensione D’imparacci à campà È po ci hè u traditore Sempre attu à imbruttà Schivosu è senz,onore Ellu si lascia cumprà Dicend’à chi vole sente So figliolu di’ssa terra Senza mai vulè cunsente Ch’ ellu Corsu eri era RIPIGLIU O ghjente pisem’a testa È alzemu la bandera Dumane feremu festa In tutt’a Corsica entera O ghjente pisem’a testa Femu front’à ssi furdani È nanz’à l’ora funesta Fora pristu o li cani ! UDA Joan zinen gau batez Joan zinen Iasterrez Amodioa zinez Herritarsunez betez. Aurten gure Uda lilia Goizik histua Ekainaren hogoitabatean Erori fruitua. Maddi era lu so nome È Uda lu so cugnome Uda vole di l’estate Quand’e pianure so affiurate È e rosule spannate Ma di ghjugnu ottanta sette So ghjunte e mille saette U primu ghjomu d’istatina Funesta fù la matina Oscura l’alba matutina In francia hè ghjornu di festa Ma quandu l’orcu s’intesta Di l’umanu ùn hà primura Uda era basca è pura È a so lotta era si cura … Ùn hè fatalità Anu tombu Uda Maddi era lu so nome È Uda lu so cugnome Ribelli Elli so cum’è li venti Falanu di l’alte cime Cumbattendu li turmenti Ind’è tutte le cunfine Portanu più d’un affollu À l’umanu addisperatu Degni figlioli di Golu Cert’a vita anu datu Ribelli Elli so cum’è lu granu Richezza d’una Nazione D’inguernu o di veranu Fiuriscenu e stagione Cumbattenti di a storia Salutemu a vostra fede Site fiare di mimoria Fiumoni di l’arcisete Ribelli Elli so omi sinceri In brama di libertà Fendu oghje cum’è eri Terricciu d’umanità Anu un populu à fiancu È s’è tutt’ ùn hè divizia U paisanu ùn hè stancu È aspetta la nutizia Ribelli Ghjuventù di stu paese L’ancata hè stata scura Ma quand’e vele so tese Limbuccatur’hè sicura Ghjuventù di stu paese Ùn ti scurdà di a to storia Chi quandu l’ale so tese L’alba si chjama vittoria Ribelli Spatriatu Maladettu ‘ssu ghjornu, Chi mi purto ruvina I mio sogni zitellini, Lampati in pulvina Pè i chjassi di l’esiliu, A l’ora matutina Rivecu i mio vechji, Arritti in curtile U mio babbu fieru, Incù lu so fucile È mamma chi pienghje, In mane un mandile U vostru visu o cari, Chi u tempu oscura Appacia li mio passi, Chi portanu a mandatura Per i chjassi luntani, Persi in’ssa bughjura Tengu sempre à mente, I muschi di l’albore U ghjoddu di’ssi prufumi, Ch’ abbaghjuleghjanu l’ore È chi strughjenu in bocca, Cum’un dolce sapore Mi mancanu’sse stonde, À curà e stagione U cantu di l’intronu, Quandu pichja u marrone È la vostra presenza, A sera à lu fucone Tantu mi scappa u pientu, È nasce u mio lamentu Di rispirà’ssa terra, Ne facciu ghjuramentu Nanzu ch’elli mi diinu, L ultimu sacràrnentu. Sognu Le mio muse so di cantu Li mio estri so in mossa In u locu tenutu tantu Trovu sempre la risposta A st’amore cusi tamantu Ch’éo ti portu o terra Corsa Cù le to muntagne altiere Li to ghjergali currenti E to serre sempre fiere Aperte à tutti li venti Qui si facenu e spere È si tacenu i spaventi Paesi inalpellati Ch’ ùn temenu più ruvina Parenu instanterati Da i seculi in pulvina Paisani arradicati Sin’à la strema cunfina Le to coste cusi belle Di culore inargentate Ci si lucenu e stelle Quand’ellu ghjunghje l’estate È di tant’affaccatelle Anu vistu le sbarcate Ti poi veste di biancu A a ghjunta di e nivaghje Tandu mai ùn mi stancu Di Le t’alpestre cuntrate È si pienta ogni vantu E lite so appaciate I’anni ùn ci ponu fà Si sempre maravigliosa Mi si pare di sunnià A una fata pumposa U furdanu d’ aldilà Manc’ellu ùn ci po qualcosa RIPlGLIU Un sognu di Libertà In fondu di e mio vene Oghje le vogliu stancià O Corsica le to pene È di tante crudeltà Strapperaghju le catene. Mora he la mio bandera S’è un ghjornu senti a storia D’una terra mai dumata Cù li so seculi di gloria È la so ghjente arradicata Di ch’è tù ai in le to vene Appena di’ssu paese È ch’è tù port’e so catene Li so dulori è le s’offese. S’è un ghjornu ai ventu Di bugie è d’inganni Chi fanu scappà lu pientu È oscurà li verani Dilli à’ssi sapientoni Chi a nostra santa cultura Hè di parechji rughjoni D’onore è di dirizzura Portali è falli vede Chi a bandera bianc’è nera L’avem’in core è ci dà fede Cum’un ragiu di priinavera Dilli chi la nostra storia Mai ùn si spinghjerà Chi lu ventu di a vittoria A spiriata purtetà Chi lu ventu di’a vittoria A ragione ci derà … RIPIGLIU Di chi’ssa bandera mora Finch’un bracciu s’alzerà Di pett’à la terr’entera Per sempre sventulerà Schjaffittend’a sfrancisata Ancu davant’un’armata. Vogliu Vogliu cantà Sulidarità è spartera È po mughjà Brama di libertà Vogliu purtà Aiutà aldilà di a mio terra A vogliu fa senza rifiatà … Vogliu sperà Un novu campà à sulia Serenità È fraternità Vogliu luttà Per pudè sterpà a rimigna Cun tè cumpà Cum’è trent’anni fà Eiu vogliu … |