 Credo |
| ATTILA Da sbarracà i palazzi E da spenticà l’imperi Venutu da i to stazzi Cù i to cavalli fieri Attila si scalatu Cù u ferr’ è cù u focu Vecu e greghje infuriate Ad apparinà u locu Tù qualcosa ci lascati Di u to sangue in bullore Per chi nim’ùn accatasti E nùn cresca u valore Per chi nim’ùn accatasti E nùn cresca u valore Senza sapè chì dumane Sì pesa un antru ghjornu Duve nùn si sà chì pane A da coce ind’è u fornu Duve nùn si sà chì pane A da coce ind’è u fornu A chì si crede putente In la so pace rumana Di cultura preputente Veste robb’ è ghjente sana Si scorda di a lezzione Chì a brusta ùn bast’à copre Per amattà u tizzone Quandu ci hè la ghjente fore Un cunnoscu e to stonde Ma sentu la zampittata Chì fece trimà u mondu Nant’a so volta impetrata Chì fece trimà u mondu Nant’a so volta impetrata E chì ficcò a peura Attempu la meraviglia Per la tamanta figura Di un populu in ira. Per la tamanta figura Di un populu in ira. L’ANNUNZIETTA Un so riccu ma ùn ci male Aghju ciò chi mi vole Casgiu carne oliu è sale La vi dicu è un contu fole Pane d’orzu è di grannone In veru micca in canzone La mio casa hè picculetta Fatta à u usu paisonu Ci hè una cucina una stanzetta Duve cum’un capitanu Ci dormu nant’un lettinu Di crespu senza cuscinu La mio stenza hè ben’ guarnita D’ogetti d’ogni valore Una zucca d’acquavita Ch’eo carezzu à tutte l’ore U baschicciu d’un muschettu Poi Tumasgiu stt’à u lettu A finestra unica è sola Senza vetri hè sempre stata Cum’ùn soffru mai di gola Eiu la tengu spalancata Ch’entre l’aria fresca è sana Quandu tira a tramuntana Ma d’ogetti ùn sò spruvistu Tutt’hè tenut’à nivellu Ci hè una paghjola è un filtru Poi un spetu è un macinellu Una pignetta in terra fina Una fattoghja è una casgina Ma si sà ch’ind’è stu mondu Un ci hè ch’angoscia è malavoglia Cun ciò ch’è pussedu è facciu Un possu truvà una moglia Per fattu male furtuna Donna un n’hè trovu manc’una. L’ABISSU Ci n’hè tanti chì preganu Eppo in lu silenziu chì soffrenu Ghjimbatti annant’à u sperà Soli incù le so voce schiette Spazzendu l’ombra di e notte Ci n’hè tanti chì oddianu Per vindicà le so offese Sbagliendusi di cantu Chjosi cum’è a morte E a vita mischina Ci n’hè tanti chì fughjenu U capu di paura gonfiu Disertu è spalancatu A tutte l’angunie Abbughjatu di sè Ci n’hè tanti chì correnu Di certezze infangati U core abbuginatu Memoria spinta Ochji calati Ci n’hè tanti chì cantanu Ogni ferita sposta A li nostri orizonti scemi Quandu di troppu inganni U corpu di stringhje Ci n’hè tanti chì morenu E tante bugie tonde A e labbre imbuffate Di quell’omu inchjostru Chì di miseria campa Ci n’hè tanti chì vocanu Da u male à u bè Nu e rete petrificate Di l’immurtale tempu Di l’immurtale tempu. SPERA Spera in la matina ch’accarezza Quandi l’ore beate à noi sò affiancate Accumbraccià la vita cum’è un amicu caru Eppo spazzà quelli memoria ùn anu Sperà in quella voce chì ti dice di marchjà Per isse stradacce scure chì si stendenu quallà U ghjornu imbalsamatu ellu ùn ti sbaglierà Chì ùn face nice è dice a verità Sperà quandi l’amore ùn hè più ch’è sangue A mente brusgiata ghjè colma di fanga Di tuttu issu scumbugliu a vita sbuccerà E lu ricordu luminosu ci purterà Sperà in ogni locu d’issu paese eternu Si piserà lu sole per l’omi di curaghju E la notte mai più spazzerà l’amore Di tutti li nostri oramai in pace Sperà u core apertu à u dulore Lu to fieru surisu cum’è sola cunfina Eppo fin’à l’ultimu soffiu sperà In tè chì ùn possu più chjama Sperà quandi l’amore ùn hè più ch’è sangue A mente brusgiata ghjè colma di fanga Di tuttu issu scumbugliu a vita sbuccerà E lu ricordu luminosu ci purterà BANDERA Sunneghju arrittu di capu ind’è stelle Incù le bracce sparte brame è l’ochji à l’orizonte Li paesi landani à le terre ribelle Mi sò palazzi d’oru è di mele ogni fonte Ci vec’una lumera ch’accende à lu me core I chjassi ch’oramai anderan’à l’amore L’amore di ognunu per quantu ch’omu vole Abbraccià li spazii è sparte lu so dulore L’azuru frisgiuleghja è lu vent’hè legeru Ch’hà ripost’in rigalu di bazz’una candella U sol’abbagliuleghja à l’altu di u celu Da struge lu penseru di ogni citadella U sognu di li mei lu mi portu in pettu Ci vec’una bandiera da tante man’alzate E tandu eo cantu in segnu di rispettu Per ogni passu fattu nant’à la longa strada Chì ogn’omu chì canta hè un omu chì sridda E la so voc’immensa s’accoglie à la fiumara Di la grand’armunia è di la voce unita Chì ribomba in celu u ricuccu di a terra A strad’ ùn hè finita è lu sognu ùn hè mortu D’intign’e nostre brame ind’è l’universale Serà nostru lu mare è di tutti lu portu Duve nascemu digià e spere di dumane E simu nati tutti pè dì è pè cantà Chì sunniem’arritti di capu ind’è e stelle I pedi nant’u scogliu di chì seguiterà I pedi nant’u scogliu di chì seguiterà Nant’a terra di Corsica U CIUCCIU E U PALLO Ti darà l’orizonte U ventu cù u sole E piaghje è po i monti L’acceli in lu so volu Ti darà a billezza L’abbracciu è a spartera E tutte e ricchese Di l’antica manera Ti darà u batellu, u portu, u viaghju U ventu ind’è e vele, a casa, u pagliaghju Tutte e puesie di pueti verdi A porta aparta à tutti, paisani o frusteri Ti darà a passione è a simplicità E l’amore di l’altri per fatti viaghjà Ti darà a pudenza u garbu senza viziu E po u so pallò in segnu d’amitizia Ti darà u so fiatu l’immensu di u so core E tale una mamma a passione è l’amore Ti darà a so corsa à i chjassi di a storia E u pugnu pisatu in segnu di vittoria E infine l’eternu di una testa mora Stampata in focu d’oru annantu à u so core. LETTER’A TITTINA O quantu ti ci hè vulsutu Quantu di mè ne fusti sazia Per annunciammi la nova Ch’era cascatu in disgrazia Cundannatu senz’appellu Un spera ricorsu in grazia Dopu stu longu silenziu A qualcosa m’aspettava Tu fussi malata in lettu Quasi ch’hè ùn ne dubitava Ma cosa ne sentu oghje Mancu in burla ci pensava L’aghju ricevuta eri La carta da lu fattore Cù la quale tu mi dai Licenziu di lu t’amore Socca cunsultatu ùn ai Lu fondu di lu to core Ere tu la mio Tittina L’ogettu d’ogni penseru Di ghjornu ser’ è matina Ma nùn pò cambià misteriu E tu infame ti ghjucasti D’un core cusì sinceru Quand’eu cunnobi à tè Festi festa è allegria Eramu indu a stagione Duve l’arranciu fiuria Quella d’esse cusì ingrata Versu mè ùn la credia I to parenti di Caccia Quandu ch’eu ti curtighjava Eranu tutti à la machja Dicenu chì degnu ùn era D’avè donna di a to razza E tu sempre mi dicie « Curraghju ùn teme male Sicura hè la mio parolla Viderei quant’ella vale » Oghje lu cunnoscu à fondu Lu so valore reale A rivedeci o Tittina Dopu fine à u mio sunettu Tante salute in paese A tutti senza rigrettu Indirizzu ùn ti ne mandu Chì riposta ùn aspettu. L’ATTRACHJATA A la calata di u sole S’inturchinesce lu monte Eiu posu sott’a pampana L’ochji chjosi una cria Quante stagioni sò passate Sopr’a a zitellina E l’odore di a terra croscia da tandu mi Seguita Di Santa Maria e rinfriscate Aspettava un tempurale Tamanta fritulosa paura A l’agrottu di a cucina Quandu scuppiavanu infiarate L’ultime accendite E l’odore di a terra croscia da tandu mi Seguita A sei ore l’acqua in un sussurime Disceta la moi memoria Chì luntana di mè curria Eppo l’atrachjata m’abbraccia Pè stancià ogni sete Incù u silenziu d’eternità E l’odore di a terra croscia da tandu mi Seguita Nu l’aria colma di friscura Cum’è circhendu l’ore persz M’arrembu à e muraglie calde L’ortu di sulia in silenziu si lagna Aspettendu a divina guazza Chì pienghjendu bagnerà E l’odore di a terra croscia da tandu mi Seguita Avà l’orizonte s’abbughja Cum’è u spechju di a fata Sbaliendu a nostra vita E incù l’acque chjare Campa l’etern fiume Chì un ghjornu trinca Quandu nu a terra croscia Una si chjina. L’AMBATA Noi figlioli di u mare A le cunfine turchine Di stu tempu senza fine E po la voce è lu cantu Chì si sveglia culà Chì si sveglia culà Ci era l’ambata ch’annannava A terra brusgiata è calda A di le nostre abbracciade Un ferma più ch’è la puvina In lu silenziu più supranu In lu silenziu più supranu Duve si sò persi li passi Ch’è noi feciamu à cor’offertu Per le strade di le cuccagne Di stu paese chì tantu trema Sottu à lu chjoccu di lu tempu Ci ghjoca sempre la mio mente Nantu à tutti sti loghi cari Chì cum’è l’ore si ne morenu E manda via lu battellu Di una storia l’orfanellu Di una storia l’orfanellu U ventu chjaru di e marine Azzizza u focu è l’amore S’alluntana lu nostru mondu Campa in mè la to sperenza E facciu mei li to guai E facciu mei li to guai Duve si sò persi li passi Ch’è noi feciamu à cor’offertu Per le strade di le cuccagne Di stu paese chì tantu trema Sottu à lu chjoccu di lu tempu Duve si sò persi li passi Ch’è noi feciamu à cor’offertu Per le strade di le cuccagne Di stu paese chì tantu trema Sottu à lu chjoccu di lu tempu MARE NEGRU Di punta à la Turchia Mare negru mare negru Di punta à la Turchia Mare negra si ne stà. Sò e trenta galere Vele da mare indà A cuscenze guerriere A l’orizonte quallà. Cerca soffiu grecale Mare negru mare negru Di notte u to fanale Per pudè navigà. Versu mare Terraniu Mare negru mare negru Travalcheghji l’orfagnu Mare di Marmarà. BRAMA I so capelli di ventu Lucenu più ch’è lu sole In lu mio paese notte In lu mio lettu di fole Lu mio pratu inveranitu Da li so ochji fiuritu Lu mio pratu inveranitu Da li so ochji fiuritu Ella hè di luce dolce Curbe fatte pè carezze Quandu songu à le so forme musica di tennerezza Sentu chi l’aria ne trema La min pella torna scema Sentu chi l’aria ne trema La min pella torna scema La vogliu veste di basgi Più caldi ch’ogni calore Dendu u fucu di u mio corpu Cum’è un dolce liquore Da lene in le nostre strinte D’ogni brama lu savore Da lene in le nostre strinte D’ogni brama lu savore E candelle chì sò falate Da lu celu di veranu Longa quant’è lu mi’amore Li ne vogliu fa cullana Da nùn pudè cunta l’ore Da nùn pudè cunta i anni Da nùn pudè cunta l’ore Da nùn pudè cunta i anni Ma s’è u tempu cambia verso A la forca di li venti In lu mio paese notte Lu mio lett’a core spentu Sterà cum’e una lumera Lu so sguardu d’accunsentu. Sterà cum’e una lumera Lu so sguardu d’accunsentu. |