 Corsica nostra |
| Libecciu corsu Perche perche Lamentu U sognu Circinellu In la bocca Manganellu E ruste so sempre accese So quelle di Circinellu Prete e patriottu guagnese Si lascio la so chjesola U sicalce cu u stensoriu Po parti dopu la chjama A battesi in Ponte-Novu Circinellu, Circinellu Oghje ti portu rispettu per esse mortu ribellu Ceppu in manu e croce in pettu Quandu passanu le muvre E chi lu cuccu c’incanta L’ombra di prete giustizia Esce di la terra santa L’accumpagna u Culombu Chi ci dà freddu a u spinu Simu tutti testimoni Di su tamantu destinu Casa anticu Casa antica di paese, a nostra epica ti pesa Quandu da lu to scalone ti parla un antru patrone Starei sempre listessa, s’è n’ùn vene qualchì stranu À fatti un antra bellezza cù la so mescula in manu L’anni sò annant’à a facciata, scritti di vechja calcina S’è a cignola hè affacata, ùn hè micca una ruvina Nant’à u tettu sculuritu, un fume di muchju seccu, Si ne và cum’è spavitu, ùn simu senza suffietu À cavallu à duie legne, u trepede s’anegrisce, Davant’à a fiara chì pienghje un ghjattallelu s’alisce Da la to stanza à a sulana, senti un rimore in cucina, In piazza hè ghjunta Fasgiana, c’hè qualchisia in cantina A pulizia di Pasqua, ùn ti lascia senza aiutu, E femine ne vanu à l’acqua è mettenu u chjassu a nudu Per u focu di Natale, ognunu face un rigalu, U riccu mette una ceppa è tù la to legna secca A quellu chì passa solu, stancu assai furesteru, Quand’è tu li faci mottu, li cacci cum’è un penseru Nunda ùn anderà di male, i ghjorni di tempurale, S’è annant’à u to purtellone metti un pane di Sant’Antone Casa antica di paese, oghje più bella che prima, Che tu appii forza di legge, per salvati la miò rima S’è tu cambii di padrone, guarda ch’ellu sia Corsu, Ch’ellu hè natu testimonu, dunque spostu à lu rimorsu U matrimoniu L’arrutinu Cu lu carettu carcu a mercanzia …andemu per le strade Runchendu trem’in due o ghjente care Cumpratemi qualcosa a la mio zia Teni’u stu carragu O staffile … Ti compra avendu roba Tissutu « a bon marché » Tastate sta vineta, la do pa fà piacè Que state he a bon pattu La simile non c’hè L’aghju pagata quattru e la vi l’agu a tre Ma nimu un vol’ cumprà Mi voli arruvina Cun la mio rundavo per li stradoni Mughju per li paesi a l’arrutinu Scontru lu barraqua belle a cuncinu Chi cum’e me n’un s’anu …cose Arrutu per campà Altre cose eiu ùn sò fà Arrutu arrutu arrutu Cultellaccia ha chi n’ha Arrutu arrutu arrutu Forvicelli a chjita Arrutu arrutu arrutu Ci vole arruta Arrutu arrutu arrutu Cun chi l’arrutarà Chi arruti cum’e me In Corsica ùn ci n’hè Cun la mio pace vo per li paesi Ma San’Antone ùn n’ha piu successu I zitellacci mi correnu appressu Nimu n’un mi da piu mezu .e spesa Dumandu a carità Altre cose ùn so fà Io pregu la Madonna Je vous salue Marie Si t’he una santa donna Ma datemi l’avi Una curteccia secca a possu ancu truvà Ma vinu senza paganimu un mi ne vol’dà Mistieru un’ha crepa Ci vole abbanduna … Lamentu di gallochju A canzona di u mio paese Cor di pantera Principià vogliu Di u m’amore la guerra Cun tantu orgogliu Mi t’ai lasciatu o cara Or di tuttu què mi spogliu Bench’ella mi sia amara Ùn mi pare d’esse degnu Mancu più di vive in terra. M’avie prumessu Di tè m’era ingagiatu Davant’à Diu Ghjuramentu prestatu Prufittatu ai di mene Quandu eru à lu suldatu M’avia fundatu un palazzu È l’aghju trovu spiantatu. Tuttu spiantatu È senza fundamenti L’altri attendenti S’eranu messi nentru Eiu ne girava à l’intornu Cun orgogliu è gran turmentu Sì stata cum’è Bazaine Quand’ellu ordì tradimentu. Cor di Pantera Tù ne serai in eternu Chì à lu mio core Ficcatu ci ai un pernu Eu sò cum’è li banditi Chì stanu fora l’inguernu, Sò cum’è li gran’suffrenti Chì vanu à brusgià à l’infernu. Quì chjodu u fogliu Cun tristezza infinita Tutta speranza In u mio core hè sparita Quella chì n’hè la cagione Di nunda sia esaudita Sianu lacrime è sangue U restu di la to vita. |