 Di Filetta è d’amore |
| A mo terra Vogliu sente Infiarà si l’onda Lascià l’ombra mea à sulana Matrà mi a vita à liquore Sgranà di l’amore ogni stonda… Ne vogliu accinghje l’universu Cunfonde mi in lu so battima Cuntrastà ù l’acella amica In l’alitu di u mo versu… A l’ecu di a Tramuntana Stà la moi terra batticore Cinna a canzona landana Pè l’aghje azzure di e cime… Pè l’aghje azzure di e cime Sparghjje cun tè a bionde spiga E fà tundulià le rime E fà tundulià le rime. Senti a Filetta Sposa lu stu silenziu Scialba issi muri vioti à fiure isulane Imbotra ti di celi è d’onde è di fureste Chì u ventu pettina Di muschi machjaghjoli À u spuntà di l’albe Quand’ellu si sbucina u tempu Una stagione Di muschi machjaghjoli À u spuntà di l’albe Quand’ella si cincina a folla A to canzona È senti a filetta… Dì mi un pezzu di stonda Quandi a notte desta U ventu à tiru d’ale Fà batte un tempurale in li moi sensi accesi È nasce mille fole in volu versu tè Inventa mi un ricordu Tessi lu sinu à noi Cum’è un granellu coltu à l’oru di a luna Inventa mi un ricordu Tessi lu sinu à noi Cum’è un granellu coltu À l’ora di u sole È senti a filetta… Muntagna U murmuru biondu Di lume chì fragna U mughju prufondu Di a notte pagna Vocu in la muntagna Voce in lu circondu Pastore cuccagna Eiu li risponde Li risponde l’agna Vocu in la muntagna Da sopra à Ritondu Ci spunta l’altagna In un ballu tondu U ventu si lagna Vocu in la muntagna Pozzu senza fondu A mente ci bagna L’anima ci affondu Vocu in la muntagna Sò li viaghji Sò li viaghji mei , sò centu in le to vene È mi frisgia un suspiru, u ventu d’oramai À e sarre di lume, muscu di la to pelle Da quindi à u fiatu, u ventu , a carezza Sò li viaghji… Ammaestra mi l’ore stracquate pè u sognu Batti mi in grembiu un celu è dì mi u silenziu Di a vita u trenu fila à cecubughjone Pè a via ferrata ferita d’amarezza Sò li viaghji… Di frebba è di dulore issu ghjornu mi cunsoli Scrittu è da la to manu u fogliu culuritu Incensu in lu mo core, un mare tennerezza È basgianu l’albori l’attrechjate surelle Sò li viaghji… D’isula nata Ella d’isula nata À la prima matina In pettu à la turchina A voce si hè spannata À la prima matina Solu l’anima amata A voce si hè spannata In memoria latina Solu l’anima amata È lu tempu in pulvina À la prima matina Solu l’anima amata A voce si hè spannata In memoria latina Solu l’anima amata È lu tempu in pulvina In memoria latina Ella d’isula nata. U mo sognu isulanu U mo sognu isulanu hè di memoria sciolta À l’arice di l’esse vanu silenzii arcani A ferita prufonda in a parolla tolta Ciò chì a manu conta è facenu le mani Hè solu un filu appesu à i canti landani Una stonda preziosa à l’ispensata colta Issa machja à fior di pelle ritornu à li verani U mo sognu isulanu hè di memoria sciolta A vascella si hè persa è navica rivolta À u marosu mattu è i mari furdani Verde spechju turchinu chì voca è girivolta À l’arice di l’esse vanu silenzii arcani L’amore si cunfonde in i penseri umani Sbunurata laziosa in a filetta folta I suspiri briachi di tanti lindumani A ferita prufonda in a parolla tolta Destinu spalluzzatu è ghjunta senza accolta Mandile sventulatu di l’addii dardani Issu libru ch’è no aprimu à a pagina volta Ciò chì a manu conta è facenu le mani Canzona zitellina da i solchi suprani Voce linda di lume ardente chì scunvolta È porta i so nomi à l’abissi luntani Cù lu to Requiem o mà issu lagnu volta. U ventu sà À tempu u ventu s’hà righjaratu e sarre In l’azurru scialbatu impinellatu à celi Una luna hè sbucciata tonda chì pare un sole Strascinendu si da i silenzii bambace i nuli E creste frastagliate l’alliscia u mo sguardu Sò li verdi aliveti rossi più ch’è vaghjimi È tonanu l’inguerni d’anime scunsulate Ariulendu in a pace da sopra à a natura Falcu di lu mio core chì m’insegna è mi cura. Quandu volti Mira veranu spampaneghja Sottu à i celi matuttini ! Senti sbuccià e so canzone In la notte chì spasseghja ! È u to marosulu in core Cù lu to stranu rutulime A sponda chì vene à sfiurà Quella fola chì ùn vole more Intricciati sò li camini Voltanu tutti à l’agnone È a to machja ti trascini Da u passu in lu petrichime Quandu volti da mare in là E viole seranu prime… Alcore Mi porta è sbacca l’aria azurra Hè l’alilongu arcanghjulatu In l’alba stà longu tiratu Mi gira in tondu à la primura In paradisu un viaghjone Sopra à l’acque di fiuminale Linde chì correnu à l’agnone Mi morgu è mi movenu l’ale In mè si stende a volta scura In l’acqua d’un pozzu turbatu U tempu di l’eri affundatu In terra sò lu volu umbratu Alitu rossu in la bughjura In paradisu un viaghjone Sopra à l’acque di fiuminale Linde chì correnu à l’agnone Mi morgu è mi movenu l’ale Spechju di luna Spechju chjaru di luna Per l’amanti allucinu Oru in la notte bruna Barcella di furtuna Per sognu zitellinu Spechju chjaru di luna… E to stelle una à una Sumeni in lu guaglinu Oru in la notte bruna Riflessu di laguna U filu è lu caminu Specghju chjaru di luna Oru in la notte bruna. Lagramante Sò lagramante quante Anime di a nebbia Chì lagnanu lamenti À l’ambarscia di u mondu Spechju di a cunfina È raglia di a storia Cù e so sperenze frante Senti d’oghje u lagnu ? Sò l’agr’amante Di a notte pellegrina Stracquate in la memoria Punente furibondu D’idea senza dettu Sò lagramante Sò lagr’amante. Inchjostru Inchjostru Sangue nostru Sognu viaghju o segnu Goccia à goccia piuvana Acqua per la moi terra Moru frombu di mare Sale u vechju rimbeccu Mughja l’anticu mostru Cù la primiera notte In chjostru Avvene chì ùn vi pare Più vi risona l’ecu Di u silenziu à a sarra A sperenza ci và L’inchjostru ci si sparghje In chjostru |